നാട്ടിക ഗ്രാമ പഞ്ചായത്തിലെ മത്സ്യ കർഷകർക്ക് മത്സ്യ കുഞ്ഞുങ്ങളെ വിതരണം ചെയ്യുന്നതിനുള്ള അപേക്ഷ സ്വീകരിച്ചു തുടങ്ങി. വെള്ള പേപ്പറിൽ തയ്യാറാക്കിയ അപേക്ഷ അപേക്ഷകന്റെ ആധാർ കാർഡ,് റേഷൻ കാർഡ്, നികുതി രസീത് എന്നിവയുടെ പകർപ്പുകൾ സഹിതം നാട്ടിക പഞ്ചായത്തിലോ വാർഡ് മെമ്പർമാർ മുഖേനയോ എത്തിക്കേണ്ടതാണ്. ജൂൺ 18 ാം തിയ്യതി വരെ അപേക്ഷ സ്വീകരിക്കും. അര സെന്റിന് മുകളിലുള്ള കുളങ്ങൾ ഉള്ളവർക്ക് അപേക്ഷിക്കാം.

കൈറ്റ് വിക്ടേഴ്‌സ് ചാനലിൽ പുതിയ സാങ്കേതിക സൗകര്യങ്ങൾ പ്രയോജനപ്പെടുത്തിക്കൊണ്ടുള്ള പ്രത്യേക ഓൺലൈൻ ക്ലാസുകൾ ആരംഭിച്ചു. സംപ്രേഷണം ചെയ്യുന്ന ക്ലാസുകൾ ജില്ലയിലെ ആദിവാസി ഊരുകൾ ഉൾപ്പെടെ അങ്കണവാടികൾ, കമ്മ്യൂണിറ്റി സെന്ററുകൾ എന്നിവിടങ്ങളിലായി മുഴുവൻ കുട്ടികൾക്കും കാണാൻ അവസരമൊരുക്കിയിരുന്നു. വിവിധ ക്ലാസുകൾക്ക് നേരത്തെ അറിയിച്ചിരുന്ന സമയക്രമത്തിൽ തന്നെയാണ് പുതിയ വിഷയങ്ങളുളള ക്ലാസുകൾ സംപ്രേഷണം ചെയ്തത്. ആദ്യ ക്ലാസുകൾക്ക് മികച്ച പ്രതികരണമാണ് കുട്ടികളിൽ നിന്നും രക്ഷിതാക്കളിൽ നിന്നും പൊതു സമൂഹത്തിൽ നിന്നും ലഭിച്ചത്.

ശ്വാസ തടസ്സത്തിന് ചികിത്സ തേടിയെത്തി ഗുരുവായൂർ ദേവസ്വം ആശുപത്രിയിൽ മരിച്ച വടക്കേക്കാട് സ്വദേശിനിക്ക് കോവിഡ് നെഗറ്റീവ്. വടക്കേകാട് കല്ലൂർ വട്ടംപാടം നാറാണത്ത് ജലാലുദ്ധീൻ ഭാര്യ ഖദീജയാണ് (53) മരിച്ചത്. ഇവരുടെ സ്രവം പരിശോധനയ്ക്ക് അയച്ചിരുന്നു. ഞായറാഴ്ച രാവിലെയാണ് ചികിത്സയ്ക്ക് ദേവസ്വം ആശുപത്രിയിൽ എത്തിയ ഇവർ മരണപ്പെട്ടത്. കണ്ടെയ്ൻമെന്റ് സോണിൽ നിന്നും എത്തിയ രോഗിയായതിനാൽ ഗുരുവായൂർ ദേവസ്വം ആശുപത്രി ഉടൻ അടച്ചുപൂട്ടുകയും ജീവനക്കാർ ക്വാറന്റൈനിൽ പ്രവേശിക്കുകയും ചെയ്തിരുന്നു. ഇന്നലെയാണ് (ജൂൺ 15) മരിച്ചയാൾക്ക് കോവിഡില്ലെന്ന് സ്ഥിരീകരിച്ച റിപ്പോർട്ട് വന്നത്.
 

കുട്ടികളിലെ ആത്മഹത്യാ പ്രവണത വർധിച്ചു വരുന്ന സാഹചര്യത്തിൽ അതിനെ പ്രതിരോധിക്കാൻ രാമവർമ്മ ജില്ല ആയുർവേദ ആശുപത്രിയിലെ മാനസികാരോഗ്യ വിഭാഗം ആയുർവേദ മെഡിക്കൽ അസോസിയേഷൻ ഓഫ് ഇന്ത്യയുടെ സഹകരണത്തിൽ നടപ്പിലാക്കുന്ന 'കളറാണ് ജീവിതം 'പദ്ധതിയുടെ ഉദ്ഘാടനം ജില്ലാ മെഡിക്കൽ ഓഫീസർ ഡോ സലജകുമാരി നിർവ്വഹിച്ചു. കോവിഡിന്റെ സാഹചര്യത്തിൽ കുട്ടികളിലെ മാനസിക സംഘർഷം കുറച്ച് ആത്മഹത്യാപ്രവണത തടയുന്നതിനുള്ള പ്രതിരോധ പരിപാടിയാണിത്. കുട്ടികൾക്കും രക്ഷിതാക്കൾക്കുമായി ഓൺലൈൻ ബോധവത്കരണ പരിപാടികൾ സംഘടിപ്പിക്കുകയാണ് പദ്ധതിയുടെ ലക്ഷ്യം.
 

നീറ്റ് പിജി 2020 രണ്ടാം കൗൺസിലിംഗ് അലോട്ട്‌മെന്റ് പ്രസിദ്ധീകരിച്ചു. അഡ്മിഷൻ നടപടികൾ ജൂൺ 16 മുതൽ 22 വരെ തൃശൂർ ഗവ. മെഡിക്കൽ കോളേജ് സ്‌പോർട്‌സ് കോംപ്ലക്‌സിൽ നടക്കും. വിശദവിവരങ്ങൾ കോളേജ് വെബ്‌സൈറ്റിൽ ലഭിക്കും. വിദ്യാർത്ഥികൾ നിർദ്ദേശാനുസൃതമായി പ്രവേശനത്തിന് റിപ്പോർട്ട് ചെയ്യണം. ഫോൺ: 0487 2200310, 2200318.

കോവിഡ് പ്രതിരോധ പ്രവർത്തനങ്ങളിലും ഓൺലൈൻ വിദ്യാഭ്യാസ രീതിയിലും പുറകോട്ടു പോകരുതെന്ന് തദ്ദേശസ്വയംഭരണ വകുപ്പ് മന്ത്രി എ സി മൊയ്തീൻ. കുന്നംകുളം നിയോജക മണ്ഡലത്തിൽ മന്ത്രിയുടെ അധ്യക്ഷതയിൽ നടത്തിയ കോവിഡ്, ഓൺലൈൻ വിദ്യാഭ്യാസ അവലോകന യോഗത്തിൽ സംസാരിക്കുകയായിരുന്നു അദ്ദേഹം.

•     ജില്ലയിൽ ഇന്ന് 13  പേർക്ക് കൂടി കോവിഡ് സ്ഥിരീകരിച്ചു. 

•    ജൂൺ 13 ന്  കുവൈറ്റ് കൊച്ചി വിമാനത്തിലെത്തിയ 23 വയസുള്ള തമിഴ്നാട് സ്വദേശി, ഖത്തർ  കൊച്ചി വിമാനത്തിലെത്തിയ 27  വയസുള്ള ചേന്ദമംഗലം സ്വദേശി, ജൂൺ 12 നു മുംബൈ കൊച്ചി വിമാനത്തിലെത്തിയ 26 വയസ്സുള്ള മഹാരാഷ്ട്ര സ്വദേശി, 25 വയസ്സുള്ള മഹാരാഷ്ട്ര സ്വദേശി, കൂടാതെ  31 വയസ്സുള്ള രാജസ്ഥാൻ സ്വദേശി. ഇദ്ദേഹം ഐ എൻ എച്ച് എസ് സഞ്ജീവനിയിലാണ് ചികിത്സയിലുള്ളത്. 

*73 പേർ രോഗമുക്തി നേടി; ചികിത്സയിലുള്ളത് 1348 പേർ
*മരണമടഞ്ഞ ഒരാൾക്ക് കോവിഡ് സ്ഥിരീകരിച്ചു