ബഹറിന്‍, റിയാദ്,  ദോഹ,  അബുദാബി, ദുബായ്, ഷാര്‍ജ,  കുവൈറ്റ്,  താജിക്കിസ്ഥാന്‍ എന്നിവിടങ്ങളില്‍ നിന്നും നെടുമ്പാശ്ശേരി,  കരിപ്പൂര്‍,  തിരുവനന്തപുരം അന്താരാഷ്ട്ര വിമാനത്താവളങ്ങളില്‍  ഇന്നലെ (ജൂണ്‍ 14) ജില്ലയിലെത്തിയത് 85 പാലക്കാട് സ്വദേശികള്‍.  ഇവരില്‍ 10 പേര്‍ ഇന്‍സ്റ്റിറ്റിയൂഷനല്‍ ക്വാറന്റൈനില്‍ പ്രവേശിച്ചു.  75 പേര്‍ വീടുകളില്‍ നിരീക്ഷണത്തിലാണ്.

അബുദാബിയില്‍ നിന്നും കൊച്ചി അന്താരാഷ്ട്ര വിമാനത്താവളത്തില്‍ എത്തിയ 17 പേരില്‍ 2 പേര്‍ ഇന്‍സ്റ്റിറ്റിയൂഷനല്‍  ക്വാറന്റൈനില്‍ പ്രവേശിച്ചു. 15 പേര്‍ വീടുകളില്‍ നിരീക്ഷണത്തിലാണ്.

ചിറ്റൂര്‍ നിയോജക മണ്ഡലത്തിലെ പ്രധാന സംസ്ഥാന പാതയായ എസ്.എച്ച് - 26 - നാട്ടുകല്‍-വേലന്താവളം റോഡ് ബിറ്റുമിന്‍ കാര്‍പ്പറ്റ് ഉപയോഗിച്ച് ഉപരിതലം പുതുക്കുന്ന പ്രവൃത്തി പൊതുമരാമത്ത് വകുപ്പ് മുന്നൂറ്റിഅമ്പത്തിഅഞ്ച് ലക്ഷം രൂപ ചിലവില്‍ പൂര്‍ത്തിയാക്കി. കഴിഞ്ഞ നാല് വര്‍ഷം കൊണ്ട് നാട്ടുകല്‍-തടുപ്പുണ്ണി റോഡ്, ചിറ്റൂര്‍-വണ്ണാമട റോഡ്, പാലക്കാട് - ചിറ്റൂര്‍ റോഡ്, നല്ലേപ്പിളളി - അഞ്ചാംമൈല്‍ റോഡ്, തത്തമംഗലം-ആറമ്പാടം - കരിപ്പാലി - പട്ടഞ്ചേരി റോഡ് എന്നീ പ്രധാനപ്പെട്ട ജില്ലാ റോഡുകളാണ് പൂര്‍ത്തീകരിച്ചത്.

കേരള മോട്ടോര്‍ തൊഴിലാളി ക്ഷേമനിധി ബോര്‍ഡില്‍ അംഗത്വമെടുത്ത തൊഴിലാളികള്‍ക്ക് പ്രഖ്യാപിച്ചിട്ടുളള കോവിഡ് - 19 ധനസഹായത്തിനുളള അപേക്ഷ ജൂണ്‍  30 വരെ സ്വീകരിക്കുമെന്ന് ജില്ലാ എക്‌സിക്യൂട്ടീവ് ഓഫീസര്‍ അറിയിച്ചു. കൂടാതെ പെന്‍ഷന്‍ ഉള്‍പ്പെടെ വിവിധ ആനുകൂല്യങ്ങള്‍ക്കായി അപേക്ഷിക്കുന്നതിനുളള സമയ പരിധി ലോക്ക്ഡൗണ്‍ കാലയളവില്‍ അവസാനിച്ചതിനാല്‍ അത്തരം ആനുകൂല്യങ്ങള്‍ക്ക് അപേക്ഷിക്കുന്നതിനുളള സമയപരിധി ലോക്ക്ഡൗണ്‍ അവസാനിക്കുന്നതു മുതല്‍ മൂന്ന് മാസത്തേക്ക് കൂടി നീട്ടിയിട്ടുളളതായും ജില്ലാ എക്‌സിക്യൂട്ടീവ് ഓഫീസര്‍ അറിയിച്ചു.  

പത്രപ്രവര്‍ത്തക/പ്രവര്‍ത്തകേതര പെന്‍ഷന്‍ അംശാദായം അടയ്ക്കുന്നവര്‍ തുക അടയ്ക്കുന്നതിനോടൊപ്പം സര്‍വ്വീസില്‍ തുടരുന്നതിന് തെളിവായി ജോലി ചെയ്യുന്ന സ്ഥാപനത്തിന്റെ പേരും ഔദ്യോഗിക മുദ്രയുളള എംപ്ലോയ്‌മെന്റ് സര്‍ട്ടിഫിക്കറ്റോ സ്ഥാപനത്തിന്റെ ഔദ്യോഗിക മുദ്രയുളള പേ-സ്ലിപ്പോ സമര്‍പ്പിക്കണമെന്ന് ജില്ലാ ഇന്‍ഫര്‍മേഷന്‍ ഓഫീസര്‍ അറിയിച്ചു.

 രണ്ടുപേർക്ക് സന്പർക്കം വഴിയാണ് രോഗം . മറ്റു മൂന്നുപേർ വിദേശത്തു നിന്നും വന്നതാണ്.

1&2 ഡൽഹിയിൽ നിന്നും30/5ന്  കൊച്ചിയിൽ എത്തി വീട്ടിൽ നിരീക്ഷണത്തിലായിരിക്കുകയും തുടർന്ന്  12/6ന് രോഗം സ്ഥിരീകരിക്കുകയും  ചെയ്ത കുട്ടിയുടെ മുത്തച്ഛനും മുത്തശിയും  ആയ  72വയസ്സും 66വയസ്സും ഉള്ളചമ്പക്കുളം സ്വദേശികളായ  ദമ്പതിമാർക്കാണ് സന്പർക്കം മൂലം രോഗം സ്ഥിരീകരിച്ചത്

3.ദുബായിൽ നിന്നും 28/5ന് കൊച്ചിയിൽ എത്തി തുടർന്ന് ആലപ്പുഴ ജില്ലയിലെ കോവിഡ് കെയർ സെന്ററിൽ നിരീക്ഷണത്തിൽ ആയിരുന്ന കരുവാറ്റ സ്വദേശിയായ യുവാവ് .

* ആദ്യ മാറ്റ് മന്ത്രി തോമസ് ഐസക് വിതരണം ചെയ്തു

ആലപ്പുഴ : കോവിഡിനെ പ്രതിരോധിക്കാന്‍ ആന്റി കോവിഡ് ഹെല്‍ത്ത് പ്ലസ് മാറ്റുകളുമായി സംസ്ഥാന കയര്‍ കോര്‍പ്പറേഷന്‍ ലിമിറ്റഡ്. 'ആന്റി കോവിഡ് ഹെല്‍ത്ത് പ്ലസ് മാറ്റ് ' എന്ന പേരില്‍ വിപണിയില്‍ എത്തുന്ന മാറ്റിന്റെ ആദ്യ വിതരണം ധനകാര്യ - കയര്‍ വകുപ്പ് മന്ത്രി ഡോ. ടി. എം. തോമസ് ഐസക് നിര്‍വഹിച്ചു. പരീക്ഷണ അടിസ്ഥാനത്തില്‍ ഇപ്പോള്‍ പുറത്തിറക്കിയിട്ടുള്ള മാറ്റ് ജൂലൈ മുതല്‍  പൊതുവിപണിയില്‍ ലഭ്യമാകും.