ജില്ലയില്‍ 10, +2  പഠനം പൂര്‍ത്തിയാക്കിയ  തൊഴില്‍രഹിതരായ  യുവതി യുവാക്കള്‍ക്ക്  കുടുംബശ്രീ ഡി.ഡി.യു.ജി.കെ.വൈ പദ്ധതിയുടെ മൊബിലൈസേഷന്‍  സംഘടിപ്പിച്ചു.  വാഴത്തോപ്പ് സെന്റ് ജോര്‍ജ്ജ് കത്തീഡ്രല്‍ പാരിഷ് ഹാളില്‍  നടന്ന പരിപാടി ഫാ. ഫ്രാന്‍സിസ് എടവക്കണ്‍ം  ഉദ്ഘാടനം ചെയ്തു.  അപ്പോളോ,  ഇസാഫ്, രാജഗിരി തുടങ്ങിയ  പദ്ധതി നിര്‍വ്വഹണ ഏജന്‍സികളില്‍ നിന്നുള്ള  പ്രതിനിധികള്‍ കോഴ്‌സുകളെകുറിച്ച് വിശദീകരിച്ചു. നാല്‍പ്പതോളം പേര്‍ പങ്കെടുത്ത പരിപാടിയില്‍   25 പേര്‍ക്ക് വിവിധ പരിശീലന സ്ഥാപനങ്ങളില്‍ അഡ്മിഷന്‍ ലഭിച്ചു.  

ജില്ലാ ചൈല്‍ഡ് പ്രൊട്ടക്ഷന്‍ യൂണിറ്റ് ശരണ്യബാല്യം പദ്ധതി ആരംഭിക്കുന്നതിന്റെ ഭാഗമായി 18 വകുപ്പുകളെ എകോപിപ്പിച്ച് ജില്ലാ ടാസ്‌ക് ഫോഴ്സ് രൂപികരിച്ച് പ്രവര്‍ത്തനങ്ങള്‍ ഏകോപിപ്പിച്ചുവരുന്നു. അതിനായി പോലീസ്, തൊഴില്‍ വകുപ്പുകളെ എകോപിച്ച് ജില്ലയിലെ വിവിധ മേഖലകളില്‍ റെസ്‌ക്യു ഡ്രൈവുകള്‍   നടത്തുന്നുണ്ട്. പദ്ധതിയുടെ ഭാഗമായി പൊതുജനങ്ങളില്‍ അവബോധം സൃഷ്ടിക്കാന്‍ തെരുവ് നാടകം സംഘടിപ്പിച്ചു.

ത്രിതല പഞ്ചായത്ത് തലത്തിലുള്ള ബാലസംരക്ഷണ സമിതികള്‍ ശാക്തീകരിക്കുവാന്‍ അഡീഷണല്‍ ഡിസ്ട്രിക്ട് മജിസ്ട്രേറ്റ് അനില്‍ ഉമ്മന്റെ അധ്യക്ഷതയില്‍ കളക്ട്രേറ്റില്‍ ചേര്‍ന്ന ജില്ലാ ചൈല്‍ഡ് പ്രൊട്ടക്ഷന്‍ സമിതി യോഗം തീരുമാനിച്ചു. ചൂഷണം ചെയ്യപ്പെടാന്‍ സാഹചര്യമുള്ള കുട്ടികളെ കണ്ടെത്തുന്നതിന് സമഗ്ര സര്‍വെ നടത്തുന്നതിനും യോഗത്തില്‍ തീരുമാനമായി. യോഗത്തില്‍ ബോധവത്കരണത്തിന്റെ സന്ദേശം പ്രചരിപ്പിക്കുന്നതിന്റെ ഭാഗമായി സന്ദേശ ബോര്‍ഡ് ചൈല്‍ഡ് വെല്‍ഫെയര്‍ കമ്മറ്റി ചെയര്‍മാന്‍ ഡോ.ജോസഫ് അഗസ്റ്റിന്‍ അഡീഷണല്‍ ഡിസ്ട്രിക്ട് മജിസ്ട്രേറ്റ് അനില്‍ ഉമ്മന് കൈമാറി. 

പത്തനംതിട്ട വനിതാ പ്രൊട്ടക്ഷന്‍ ഓഫീസിലേക്ക് കരാര്‍ അടിസ്ഥാനത്തില്‍ വാഹനം ലഭ്യമാക്കുന്നതിന് ടെന്‍ഡര്‍ നല്‍കാം. ടെന്‍ഡര്‍ സ്വീകരിക്കുന്ന അവസാന തീയതി ഈ മാസം 21. ഫോണ്‍: 8281999053.                   (പിഎന്‍പി 1374/19)

വനിതാ ശിശുവികസന വകുപ്പ്, ജില്ലാ ശിശുസംരക്ഷണ യൂണിറ്റിന്റെ ആഭിമുഖ്യത്തില്‍ ശരണബാല്യം പദ്ധതിയുടെ ഭാഗമായി ജൂണ്‍ 12ന് ബാലവേല വിരുദ്ധ ദിനാചരണം നടത്തി. ഇതോടനുബന്ധിച്ച് കോന്നി എന്‍എസ്എസ് കോളജ് സോഷ്യല്‍ വര്‍ക്ക് ഡിപ്പാര്‍ട്ട്‌മെന്റിന്റെ സഹകരണത്തോടെ കളക്ടറേറ്റ് കവാടം മുതല്‍ മുനിസിപ്പല്‍ ബസ് സ്റ്റാന്‍ഡ് വരെ കൂട്ടയോട്ടം സംഘടിപ്പിച്ചു. ചൈല്‍ഡ് വെല്‍ഫെയര്‍ കമ്മിറ്റി ചെയര്‍മാന്‍ അഡ്വ.റ്റി.സക്കീര്‍ ഹുസൈന്‍ ഫ്‌ളാഗ് ഓഫ് ചെയ്തു. 

പന്തളം രണ്ട് ശിശുവികസന പദ്ധതി ഓഫീസിന്റെ പരിധിയിലുള്ള കുളനട പഞ്ചായത്തിലെ അങ്കണവാടി ഹെല്‍പ്പര്‍മാരെ തെരഞ്ഞെടുക്കുന്നതിന് അപേക്ഷിച്ചവര്‍ക്കായി പന്തളം ബ്ലോക്ക് ഓഫീസ് കോംപൗണ്ടില്‍ പ്രവര്‍ത്തിക്കുന്ന ഐസിഡിഎസ് പ്രോജക്ട് ഓഫീസില്‍ 17ന് കൂടിക്കാഴ്ച നടക്കും. അപേക്ഷ സമര്‍പ്പിച്ചവര്‍ അസല്‍ സര്‍ട്ടിഫിക്കറ്റുകള്‍ സഹിതം ഹാജരാകണം. ഫോണ്‍: 04734 262620.          (പിഎന്‍പി 1371/19)