കൊറോണ വൈറസ് പ്രതിരോധ നടപടിയുടെ ഭമാഗമായി കോട്ടയം ജില്ലയില്‍നിന്ന് അയച്ച 16 സാമ്പിളുകളുടെ പരിശോധനാ ഫലം ഇന്നലെ(മാര്‍ച്ച് 14) ലഭിച്ചു. ഒരു സാമ്പിളിലും വൈറസ് ബാധ കണ്ടെത്തിയിട്ടില്ല.  

മെഡിക്കല്‍ കോളേജിലെ ഐസൊലേഷന്‍ വാര്‍ഡില്‍ കഴിഞ്ഞിരുന്ന തൊടുപുഴ സ്വദേശി ലിനോയെ പരിശോധനാ ഫലം നെഗറ്റീവാണെന്ന് കണ്ടെത്തിയതിനെത്തുടര്‍ന്ന് ഡിസ്ചാര്‍ജ്ജ് ചെയ്തു. നിരീക്ഷണത്തില്‍ കഴിഞ്ഞിരുന്നതിനാല്‍ പിതാവിന്‍റെ സംസ്കാരച്ചടങ്ങില്‍ പങ്കെടുക്കാന്‍ ഈ യുവാവിന് കഴിഞ്ഞിരുന്നില്ല. ലിനോ ഹോം ക്വാറന്‍റയിനില്‍ തുടരും. ഇന്നലെ എട്ട് സാമ്പിളുകള്‍കൂടി പരിശോധനയ്ക്ക് അയച്ചിട്ടുണ്ട്.

കൊറോണ വൈറസ് പ്രതിരോധ നടപടികളുടെ ഭാഗമായി കോട്ടയം ജില്ലയില്‍ വീടുകള്‍ തോറുമുള്ള ബോധവത്കരണം ഉള്‍പ്പെടെയുള്ള സമഗ്ര തീവ്രയജ്ഞം യുദ്ധകാലാടിസ്ഥാനത്തില്‍ നടപ്പാക്കും. 

 ജില്ലയുടെ ചുമതലയുള്ള മന്ത്രി പി. തിലോത്തമന്‍റെ അധ്യക്ഷതയില്‍ ചേര്‍ന്ന ജനപ്രതിനിധികളുടെയും ഉദ്യോഗസ്ഥരുടെയും യോഗമാണ് ഇതു സംബന്ധിച്ച് തീരുമാനമെടുത്തത്. വിദേശത്തുനിന്നെത്തുന്നവര്‍ കൃത്യമായി റിപ്പോര്‍ട്ട് ചെയ്യുന്നുണ്ടെന്നും ആരോഗ്യ വകുപ്പിന്‍റെ നിര്‍ദേശപ്രകാരം വീടുകളില്‍ കഴിയുന്നവര്‍ മറ്റുള്ളവരുമായി സമ്പര്‍ക്കം പുലര്‍ത്തുന്നില്ലെന്നും ഉറപ്പാക്കാന്‍ തദ്ദേശഭരണ സ്ഥാപനങ്ങളുടെ നേതൃത്വത്തില്‍ പ്രത്യേക സംവിധാനം ഏര്‍പ്പെടുത്തും.   

കോട്ടയം ജില്ലയില്‍ കൊറോണ വൈറസ് ബാധയുടേതെന്ന് സംശയിക്കാവുന്ന ലക്ഷണങ്ങളുമായി രണ്ടു പേരേക്കൂടി ആശുപത്രിയില്‍ പ്രവേശിപ്പിച്ചു.

ഉംറ കഴിഞ്ഞ് മടങ്ങിയെത്തിയ 70കാരനെയും  ദുബായില്‍നിന്നെത്തിയ ഇടുക്കി സ്വദേശിനിയായ യുവതിയെയുമാണ് കോട്ടയം മെഡിക്കല്‍ കോളേജ് ആശുപത്രിയിലെ ഐസൊലേഷന്‍ വിഭാഗത്തില്‍ പ്രവേശിപ്പിച്ചത്.

ഇവര്‍ ഉള്‍പ്പെടെ 11 പേരാണ് ആശുപത്രി നിരീക്ഷണത്തിലുള്ളത്. മെഡിക്കല്‍ കോളേജ് ആശുപത്രിയില്‍ 10 പേരും ജില്ലാ ആശുപത്രിയില്‍ ഒരാളുമാണുള്ളത്. പുതിയതായി ആര്‍ക്കും രോഗം സ്ഥിരീകരിച്ചിട്ടില്ല.

വീടുകളില്‍ 1051 പേര്‍

    ജില്ലാ ശുചിത്വമിഷന്‍ ഓഫീസിലേക്ക് യുപിഎസ് വാങ്ങി സ്ഥാപിച്ചു നല്‍കുന്നതിന് അംഗീകൃത സ്ഥാപനങ്ങളില്‍ നിന്ന് ദര്‍ഘാസ് ക്ഷണിച്ചു. മാര്‍ച്ച് 24 വൈകിട്ട് മൂന്നിനകം നല്‍കണം. ഫോണ്‍: 0481 2573606

    ജില്ലയില്‍ ഹയര്‍ സെക്കന്‍ഡറി വിദ്യാഭ്യാസ വകുപ്പില്‍ ലാബ് അസിസ്റ്റന്റ് തസ്തികയിലേക്ക്         (കാറ്റഗറി നമ്പര്‍ 419/17) നടത്തിയ പരീക്ഷയില്‍ ഉയര്‍ന്ന മാര്‍ക്ക് നേടിയ ഉദ്യോഗാര്‍ഥികളെ ഉള്‍പ്പെടുത്തിയുളള സാധ്യതാ പട്ടിക കേരള പബ്ലിക് സര്‍വ്വീസ് കമ്മീഷന്‍ പ്രസിദ്ധീകരിച്ചു. വിശദവിവരങ്ങള്‍  www.keralapsc.gov.in  എന്ന വെബ്‌സൈറ്റില്‍ ലഭിക്കും.

 കോവിഡ് 19 വൈറസ് നിയന്ത്രണത്തില്‍ ലോകത്തിനാകെ മാതൃകയാകുന്ന പ്രവര്‍ത്തനമാണ് ജില്ലാ ഭരണകൂടവും ആരോഗ്യപ്രവര്‍ത്തകരും നടത്തിവരുന്നതെന്നും തദ്ദേശ സ്ഥാപനങ്ങള്‍ വിദേശത്തുനിന്ന് ജില്ലയിലെത്തുന്ന ആളുകളുടെ നിരീക്ഷണ കാര്യത്തില്‍ ഗൗരവപൂര്‍ണമായ ജാഗ്രത പാലിക്കണമെന്നും ജനീഷ് കുമാര്‍ എം.എല്‍.എ പറഞ്ഞു. വീടുകളില്‍ നിരീക്ഷണത്തില്‍ കഴിയുന്നവര്‍ കൃത്യമായി അത് പാലിക്കുന്നുണ്ടെന്ന് ഉറപ്പുവരുത്തേണ്ടത് ജനപ്രതിനിധികളാണെന്നും എം.എല്‍.എ പറഞ്ഞു.

   പങ്കാളിത്ത പെന്‍ഷന്‍ പുന:പരിശോധന സമിതി മാര്‍ച്ച് 16 മുതല്‍ സര്‍ക്കാര്‍ ജീവനക്കാരുടെ     അംഗീകൃത  സര്‍വീസ് സംഘടനകളുമായി നടത്താന്‍ നിശ്ചയിച്ചിരുന്ന യോഗം മാറ്റിവച്ചു. കോവിഡ്  19ന്റെ പശ്ചാത്തലത്തിലാണ് നടപടി. പുതുക്കിയ തീയതി പിന്നീട്  അറിയിക്കും.

    സി-ഡിറ്റ് കവടിയാര്‍ കേന്ദ്രത്തില്‍ വിഷ്വല്‍ മീഡിയ കോഴ്‌സുകളില്‍ പ്രവേശനത്തിന് അപേക്ഷ ക്ഷണിച്ചു. ഡിപ്ലോമ കോഴ്‌സുകളായ ഡിജിറ്റല്‍ മീഡിയാ പ്രൊഡക്ഷന്‍ (യോഗ്യത പ്ലസ്ടു), വെബ് ഡിസൈന്‍ ആന്റ് ഡെവലപ്പ്‌മെന്റ് (പ്ലസ്ടു), സര്‍ട്ടിഫിക്കറ്റ് കോഴ്‌സുകളായ നോണ്‍ ലീനിയര്‍ എഡിറ്റിംഗ് (പ്ലസ്ടൂ), വീഡിയോഗ്രാഫി (പ്ലസ്ടു), ഡിജിറ്റല്‍ സ്റ്റില്‍ ഫോട്ടോഗ്രഫി (പ്ലസ്ടു), എന്നിവയിലാണ് പ്രവേശനം. മാര്‍ച്ച് 20നകം അപേക്ഷ നല്‍കണം.  ഫോണ്‍: 0471 2721917, 8547720167.

     കൊറോണ വ്യാപനം തടയുന്നതിന്റെ ഭാഗമായി മാര്‍ച്ച് 31 വരെ റേഷന്‍ കടകളില്‍ ഇ-പോസ് മെഷീനില്‍ വിരലടയാളം പതിപ്പിക്കുന്നത് ഒഴിവാക്കി. പകരം ഒറ്റത്തവണ പാസ് വേഡ് മുഖേനയാണ്  വിതരണം. റേഷന്‍ സാധനങ്ങള്‍ വാങ്ങാന്‍ പോകുമ്പോള്‍ റേഷന്‍ കാര്‍ഡുമായി ലിങ്ക് ചെയ്തിട്ടുള്ള മൊബൈല്‍ ഫോണ്‍ കൊണ്ട് പോകണം. ഒ.ടി.പി ഓപ്ഷന്‍ പരാജയപ്പെടുകയോ  മൊബൈല്‍ ഫോണ്‍ കൊണ്ടുപോകാന്‍ മറക്കുകയോ ആണെങ്കില്‍ പഴയ രീതിയിലായിരിക്കും വിതരണം. പോര്‍ട്ടബിലിറ്റി പ്രകാരമുള്ള റേഷന്‍ വിതരണവും ഇപ്രകാരമായിരിക്കും.

കോവിഡ് 19 പ്രതിരോധപ്രവര്‍ത്തനത്തില്‍ ജില്ലയില്‍ ജാഗ്രത തുടര്‍ന്നേ മതിയാകുവെന്ന് വീണാ ജോര്‍ജ് എംഎല്‍എ പറഞ്ഞു.  കൃത്യമായ ഇടപെടലുകളാണ് സര്‍ക്കാരിന്റെ ഭാഗത്തുനിന്നുണ്ടാകുന്നത്. ഇറ്റലിയില്‍ നിന്നെത്തിയ കുടുംബത്തേയും അവരുമായി ബന്ധപ്പെട്ടവരുടേയും റൂട്ട് മാപ്പാണ് നമ്മുടെ കൈവശമുള്ളത്. മറ്റു ജില്ലകളിലും കോവിഡ് 19 സ്ഥിരീകരിച്ച സാഹചര്യത്തില്‍ മറ്റു രാജ്യങ്ങളില്‍ നിന്നെത്തിയവരേയും പരിശോധിക്കേണ്ടതുണ്ട്. വിദേശ രാജ്യങ്ങളില്‍ നിന്ന് ഇന്ത്യയിലേക്കെത്തുന്നവര്‍ നിര്‍ബന്ധമായും ഐസലേഷന്  വിധേയരാവണം. താഴേതട്ടിലേക്ക് ആശാ പ്രവര്‍ത്തകര്‍ വഴി ബോധവത്കരണം നടത്തണം. ആറന്മുള മണ്ഡലത്തില്‍ പ്രൈവറ്റ് ബസുകള്‍ ഓടുന്നില്ല.