സംസ്ഥാനത്ത് കോവിഡ് 19 സ്ഥിരീകരിച്ച സാഹചര്യത്തില്‍ ജില്ലയിലെ കെ.എസ്.ആര്‍.ടി.സി ജീവനക്കാര്‍ക്കും ടാക്‌സി ഡ്രൈവര്‍മാര്‍ക്കുമായി ആരോഗ്യ വകുപ്പിന്റെ ആഭിമുഖ്യത്തില്‍ ബോധവത്കരണ ക്യാമ്പ് നടത്തി. ജില്ലയിലെ ടാക്‌സി ഡ്രൈവര്‍മാര്‍ വാഹനത്തില്‍ യാത്രക്കാരായെത്തുന്നവര്‍ എവിടെ നിന്നാണ് വരുന്നതെന്ന വിശദമായ വിവരശേഖരം നടത്തണമെന്നും ഈ വിവരത്തിന്റെ അടിസ്ഥാനത്തില്‍ വൈറസ് ബാധിത പ്രദേശങ്ങളില്‍ നിന്നാണ് സഞ്ചാരികള്‍ എത്തുന്നതെങ്കില്‍ വിവരം ഉടന്‍ തന്നെ ആരോഗ്യ വകുപ്പ് അധികൃതരെ അറിയിക്കണമെന്നും ജില്ലാ മെഡിക്കല്‍ ഓഫീസര്‍ (ആരോഗ്യം) അറിയിച്ചു.

*ഇവ നിര്‍ബന്ധമായും പാലിക്കുക*
 

കോവിഡ് 19 നെ  പ്രതിരോധിക്കുവാൻ 'ബ്രേക്ക് ദ ചെയിൻ' ക്യാമ്പയിൻ ഏറ്റെടുത്ത് പൊതുസമൂഹവും പോലീസും.  പോലീസ് സ്റ്റേഷനുകൾ, ജില്ലാ പി എസ് സി ഓഫീസ്, ബസ് സ്റ്റാന്റ്, പൊതു സ്ഥാപനങ്ങൾ, അതിർത്തി ചെക്ക് പോസ്റ്റുകൾ തുടങ്ങി എല്ലാ മേഖലകളിലും  ബ്രേക്ക് ദ ചെയിൻ' ക്യാമ്പയിന്റെ ഭാഗമായി കൈകഴുകുന്നതിനുള്ള സംവിധാനം ഏർപ്പെടുത്തി. കൊറോണ വൈറസ് വ്യാപനം തടയുന്നതിനുള്ള മികച്ച മാർഗ്ഗമായാണ് ഇടയ്ക്കിടെ കൈകൾ ശുചിയാക്കുന്നത് പ്രോത്സാഹിപ്പിക്കുന്നത്. അതു കൊണ്ടു തന്നെ പൊതുയിടങ്ങളിലും ഓഫീസുകളിലും കൈ കഴുകൽ ഒരു പ്രധാന പ്രക്രിയയായി മാറി കഴിഞ്ഞു.

സംസ്ഥാനത്ത് കോവിഡ് 19 സ്ഥിരീകരിച്ച സാഹചര്യത്തില്‍ വയോജനങ്ങളുടെ കാര്യത്തില്‍ കൂടുതല്‍ ശ്രദ്ധ നല്‍കണമെന്നും വയോജനങ്ങള്‍ക്കിടയിലും മറ്റു ഗുരുതര ആരോഗ്യ പ്രശ്‌നങ്ങളുള്ളവരിലും രോഗബാധ കൂടുതല്‍ മാരകമാകുന്ന സാഹചര്യത്തില്‍ ജാഗ്രത പുലര്‍ത്തണമെന്നും ജില്ലാ മെഡിക്കല്‍ ഓഫീസര്‍ (ആരോഗ്യം) അറിയിച്ചു.

തൊടുപുഴ താലൂക്ക് ഓഫീസില്‍ സൂക്ഷിച്ചുവരുന്ന 18 ഈട്ടിത്തടി കഷണങ്ങള്‍ മാര്‍ച്ച് 25 രാവിലെ 11ന് തൊടുപുഴ താലൂക്ക് ഓഫീസില്‍ പരസ്യമായി ലേലം ചെയ്ത് വില്‍ക്കും.
 

ഇടുക്കി ജില്ലയിലെ അടിമാലി, ദേവികുളം, മറയൂര്‍, വണ്ടിപ്പെരിയാര്‍, പീരുമേട്, ഉടുമ്പന്‍ചോല, കട്ടപ്പന, തങ്കമണി, തൊടുപുഴ, മൂലമറ്റം എന്നീ റേഞ്ചുകളിലെ 43 ഗ്രൂപ്പുകളില്‍പ്പെട്ട 237 കള്ളുഷാപ്പുകളുടെ ലേലം മാര്‍ച്ച് 23 രാവിലെ 10.30ന് കലക്ടറേറ്റ് കോണ്‍ഫറന്‍സ് ഹാളില്‍ നടത്തും. അന്നേ ദിവസം വില്‍പ്പനയില്‍ പോകാത്ത കള്ളുഷാപ്പുകള്‍ 24ന് വാര്‍ഷിക വാടക 50 ശതമാനം കുറച്ച് അതേ സ്ഥലത്ത് വില്‍പ്പന നടത്തും. കൂടുതല്‍ വിവരങ്ങള്‍ തൊടുപുഴ എക്‌സൈസ് ഡിവിഷന്‍ ഓഫീസില്‍ നിന്നും എല്ലാ എക്‌സൈസ് സര്‍ക്കിള്‍ ഓഫീസുകളില്‍ നിന്നും ലഭിക്കും.

ഇടുക്കി ജില്ലയില്‍ പോക്‌സോ നിയമത്തിന് കീഴില്‍ പൈനാവ്, കട്ടപ്പന പോക്‌സോ കോടതികളില്‍ സ്‌പെഷ്യല്‍ പ്രോസിക്യൂട്ടറുടെ  തസ്തികയിലേക്ക് 10 വര്‍ഷത്തില്‍ കുറയാത്ത പ്രവൃത്തി പരിചയമുള്ള അഭിഭാഷകരില്‍ നിന്നും അപേക്ഷ ക്ഷണിച്ചു. താല്‍പര്യമുള്ളവര്‍ ബയോഡേറ്റ, ജനനതീയതി കാണിക്കുന്ന ഏതെങ്കിലും രേഖ, എന്റോള്‍മെന്റ് സര്‍ട്ടിഫിക്കറ്റ് എന്നിവയുടെ സാക്ഷ്യപ്പെടുത്തിയ പകര്‍പ്പുകള്‍, പ്രവൃത്തി പരിചയ സര്‍ട്ടിഫിക്കറ്റ് എന്നിവ സഹിതമുള്ള അപേക്ഷ ബാര്‍ അസോസിയേഷന്‍ മുഖാന്തിരമോ നേരിട്ടോ മാര്‍ച്ച് 21 ന് മുമ്പ് ജില്ലാകലക്ടറുടെ കാര്യാലയത്തിലെ ഇ8 സെക്ഷനിലോ സമര്‍പ്പിക്കണം.

പാലക്കാട് ഗവ. മെഡിക്കല്‍ കോളേജ് മെന്‍സ്, വിമന്‍സ് ഹോസ്റ്റലുകളിലേക്ക് ഏകദേശം 500 കുട്ടികള്‍ക്ക് ഭക്ഷണ വിതരണം ചെയ്യുന്നതിന് അംഗീകാരമുളള കരാറുകാരില്‍ നിന്നും ക്വട്ടേഷന്‍ ക്ഷണിച്ചു. മെനു ലിസ്റ്റ്, ദര്‍ഘാസ് വ്യവസ്ഥകള്‍ എന്നിവ കോളേജ് ഓഫീസില്‍ നിന്നും പ്രവൃത്തി ദിവസങ്ങളില്‍ ലഭിക്കും. മാര്‍ച്ച് 25 ന് വൈകിട്ട് നാല് വരെ ക്വട്ടേഷനുകള്‍ സ്വീകരിക്കും. ഫോണ്‍ : 9446031336 (ഡയറക്ടര്‍), 0491-2974125 (പ്രിന്‍സിപ്പല്‍)