കോവിഡ് പ്രതിരോധത്തിന്‍റെ മൂന്നാം ഘട്ടത്തിലും കോട്ടയം ജില്ലാ ഭരണകൂടത്തിന്‍റെ പ്രവര്‍ത്തനങ്ങള്‍ക്ക് പിന്തുണയുമായി തദ്ദേശഭരണ സ്ഥാപനങ്ങള്‍ സജീവം.  വിദേശത്തുനിന്നും മറ്റു സംസ്ഥാനങ്ങളില്‍നിന്നും നാട്ടിലെത്തി ക്വാറന്‍റയിനില്‍ കഴിയുന്നവര്‍ക്ക്  ആവശ്യമായ സഹായം ലഭ്യമാക്കുകയും ക്വാറന്‍റയിന്‍ നിരീക്ഷണം ഊര്‍ജ്ജിതമായി നടപ്പാക്കുകയും ചെയ്യു ഗ്രാമപഞ്ചായത്തുകളും മുനിസിപ്പാലിറ്റികളും ബോധവത്കരണവും തുടര്‍ന്നുവരുന്നു. 

പള്ളിക്കത്തോട് സര്‍ക്കാര്‍ ഐ.ടി.ഐയില്‍ ഡിജിറ്റല്‍ ഫോട്ടോ ഗ്രാഫര്‍ ട്രേഡില്‍ പരിശീലന  ഉപകരണങ്ങളുടെ സംഭരണത്തിന് ടെന്‍ഡര്‍ ക്ഷണിച്ചു. ജൂണ്‍ 30ന് ഉച്ചകഴിഞ്ഞ് രണ്ടിനകം  നല്‍കണം. കൂടുതല്‍ വിവരങ്ങള്‍ക്ക് www.itipallickathode.kerala.gov.in  സന്ദര്‍ശിക്കുക ഫോണ്‍ : 0481 2551062, 9656610016

കോന്നി മണ്ഡലത്തിലെ ആറായിരത്തോളം കൈവശ കര്‍ഷകര്‍ക്ക് ഉടന്‍ പട്ടയം വിതരണം ചെയ്യുമെന്ന് കെ.യു.ജനീഷ് കുമാര്‍ എംഎല്‍എ അറിയിച്ചു. ജണ്ടയ്ക്ക് പുറത്ത് പട്ടയം നല്‍കുന്നതിനെ വനം വകുപ്പ് എതിര്‍ക്കാതിരുന്ന  സാഹചര്യത്തിലാണ് പുതിയ ഉത്തരവിലൂടെ പട്ടയം വിതരണം ചെയ്യുന്നതിന് സാഹചര്യമൊരുങ്ങിയത്. എംഎല്‍എ ആയ ശേഷം അഡ്വ. കെ യു ജനീഷ് കുമാര്‍ പട്ടയ നടപടികള്‍ വേഗത്തിലാക്കാന്‍ നിരന്തര ഇടപെടല്‍ നടത്തിയിരുന്നു. പുതിയ ഉത്തരവിന്റെ സാഹചര്യത്തില്‍ ജൂണ്‍ 19 ന് കളക്‌ട്രേറ്റില്‍ അടിയന്തിര യോഗം ചേരുമെന്ന് എംഎല്‍എ പറഞ്ഞു.

പത്തനംതിട്ട ജില്ലയില്‍ ഇന്ന് (17) ഒരാള്‍ക്ക് കോവിഡ്-19 സ്ഥിരീകരിച്ചു. ജൂണ്‍ 16ന് റഷ്യയില്‍ നിന്നും എത്തിയ പത്തനംതിട്ട ചിറ്റൂര്‍ സ്വദേശിയായ 21 വയസുകാരനാണ് രോഗം സ്ഥിരീകരിച്ചത്. ഇദ്ദേഹം എറണാകുളം ഗവണ്‍മെന്റ് മെഡിക്കല്‍ കോളജില്‍ പരിശോധനയ്ക്ക് വിധേയനാവുകയും രോഗബാധ സ്ഥിരീകരിച്ചതിനെത്തുടര്‍ന്ന് പത്തനംതിട്ടയില്‍ അഡ്മിറ്റ് ചെയ്യുകയും ചെയ്തു.

മല്ലപ്പള്ളി എക്സൈസ് സംഘം നടത്തിയ മിന്നല്‍ പരിശോധനയില്‍ കുന്നന്താനം വില്ലേജിലെ പുളിന്താനത്ത് ചാരായം വാറ്റി വീട്ടില്‍ സൂക്ഷിച്ചിരുന്ന വെള്ളംപൊയ്കയില്‍
ബാബുമോന്‍ എന്നു വിളിക്കുന്ന അജീഷ്മോനെതിരേ കേസെടുത്തു. രഹസ്യവിവരത്തിന്റെ അടിസ്ഥാനത്തില്‍ മല്ലപ്പള്ളി എക്സൈസ് സര്‍ക്കിള്‍ ഇന്‍സ്പെക്ടര്‍ വി.റോബര്‍ട്ടിന്റെ നേതൃത്വത്തില്‍ നടത്തിയ റെയ്ഡില്‍ ഒരു ലിറ്ററോളം ചാരായം നിര്‍മാണം നടന്നുവരുന്ന വീട്ടില്‍ നിന്നും കണ്ടെടുത്തു.

തിരുവനന്തപുരം, കൊച്ചി, കണ്ണൂര്‍, കരിപ്പൂര്‍ അന്താരാഷ്ട്ര വിമാനതാവളങ്ങളില്‍ ചൊവ്വാഴ്ച (ജൂണ്‍ 16) 11 വിമാനങ്ങളില്‍ പത്തനംതിട്ട ജില്ലക്കാരായ 115 പ്രവാസികള്‍കൂടി എത്തി. ഇവരില്‍ 17 പേരെ വിവിധ കോവിഡ് കെയര്‍ സെന്ററുകളിലും 98 പേരെ വീടുകളിലും നിരീക്ഷണത്തില്‍ പ്രവേശിപ്പിച്ചു.                              (പിഎന്‍പി 2624/20)

മുംബൈ- തിരുവനന്തപുരം, നിസാമുദ്ദീന്‍-തിരുവനന്തപുരം, നിസാമുദ്ദീന്‍- എറണാകുളം എന്നീ മൂന്ന് സ്പെഷല്‍ ട്രെയിനുകളിലായി ചൊവ്വാഴ്ച (ജൂണ്‍ 16) പത്തനംതിട്ട ജില്ലക്കാരായ 51 പേര്‍കൂടി എത്തി. ഇവരില്‍ നാലുപേരെ വിവിധ കോവിഡ് കെയര്‍ സെന്ററുകളിലും 47 പേരെ വീടുകളിലും നിരീക്ഷണത്തിലാക്കി.

                          (പിഎന്‍പി 2623/20)1

കോന്നി സിഎഫ്ആര്‍ഡിയിലേക്ക് സെക്യൂരിറ്റി സ്റ്റാഫ്, ക്ലീനിംഗ് സ്റ്റാഫ് എന്നിവരുടെ സേവനം ലഭ്യമാക്കുന്നതിന് ക്വട്ടേഷന്‍ ക്ഷണിച്ചു. ക്വട്ടേഷന്‍ 25ന് വൈകിട്ട് നാല് വരെ സ്വീകരിക്കും. ഫോണ്‍: 0468 2241144.                   (പിഎന്‍പി 2625/20)