മലപ്പുറം ഫയര്‍ ആന്‍ഡ് റെസ്‌ക്യൂ സ്റ്റേഷന്‍ ഫാമിലി ക്വാട്ടേഴ്‌സിന് സമീപമുള്ള പ്ലാവ്, വട്ട, മാവ് എന്നീ മരങ്ങള്‍ ജൂലൈ ഒന്നിന് രാവിലെ 11ന് സ്റ്റേഷന്‍ പരിസരത്ത് ലേലം ചെയ്യും.  ഫോണ്‍ 0483 2734788, 9497920216.

    മഞ്ചേരി ഗവ. മെഡിക്കല്‍ കോളേജില്‍ സീനിയര്‍ റിസേര്‍ച്ച് ഫെലൊ (യോഗ്യത എം.പി.എച്ച് ഡിഗ്രി), ജൂനിയര്‍ റിസേര്‍ച്ച് ഫെലൊ (എംപി.എച്ച് ഡിഗ്രി/എം.എസ്.സി കമ്മ്യൂണിറ്റി നഴ്‌സിങ് ഡിഗ്രി), പ്രൊജക്ട് ഫീല്‍ഡ് ഡാറ്റാ കലക്ഷന്‍ ടെക്‌നീഷ്യന്‍ (എം.എസ്.സി എന്‍ട്രോമോളജി /ബി.എസ്.സി സൂവോളജി/ബി.എസ്.സി നഴ്‌സിങ്) എന്നീ തസ്തികകളിലേക്ക് കരാറടിസ്ഥാനത്തില്‍ നിയമനം നടത്തുന്നു.  

    ഐ.എച്ച്.ആര്‍.ഡിയുടെ തിരൂര്‍, വളാഞ്ചേരി സ്റ്റഡീ സെന്ററുകളില്‍ പട്ടിക ജാതി/വര്‍ഗ്ഗ വിദ്യാര്‍ത്ഥികള്‍ക്ക് വിദ്യാഭ്യാസ യോഗ്യതകള്‍ക്കു അനുസരിച്ചുള്ള സൗജന്യ കമ്പ്യൂട്ടര്‍ കോഴ്‌സുകള്‍ക്ക് പ്രവേശനം നല്‍കുന്നു.  ഫോണ്‍ 0494 2646303, 2423599.

    തദ്ദേശ സ്വയംഭരണ സ്ഥാപനങ്ങളുടെ വാര്‍ഷിക പദ്ധതിയിലെ നൂതന പ്രോജക്ടുകള്‍ പരിഗണിക്കുന്നതിനായി ജില്ലാതല വിദഗ്ദ്ധ സമിതി യോഗം ജൂണ്‍ 29ന് ഉച്ചക്ക് രണ്ടിന് ജില്ലാ കലക്ടറുടെ ചേമ്പറില്‍ ചേരും.

    വൈദ്യുതി പോസ്റ്റുകളിലെ പരസ്യ ബോര്‍ഡുകളും ബാനറുകളും മറ്റും നീക്കം ചെയ്യുന്നത് സംബന്ധിച്ച് ചര്‍ച്ച ചെയ്യുന്നതിനായി വൈദ്യുതി അപകട നിവാരണ സമിതിയുടെ കീഴില്‍ രാഷ്ട്രീയ കക്ഷികളുടെയും തദ്ദേശ സ്വയംഭരണ വകുപ്പ് അധികൃതരുടെയും ഒരു യോഗം ജൂണ്‍ 28 ന് രാവിലെ 11.30 ന് എ.ഡി.എമ്മിന്റെ ചേമ്പറില്‍ ചേരും.  

    പെരിന്തല്‍മണ്ണ താലൂക്കില്‍ താഴെക്കോട് വില്ലേജിലെ സര്‍വ്വെ 191/4ല്‍പ്പെട്ട 0.15 ഏക്കര്‍ ഭൂമി ഭൂരഹിതരായ കര്‍ഷകതൊഴിലാളികള്‍ക്ക് പതിച്ചു നല്‍കുന്നു.  ഭൂരഹിതരായ കര്‍ഷകതൊഴിലാളികള്‍ക്ക് ജൂലൈ 18 വൈകുന്നേരം അഞ്ച് വരെ പെരിന്തല്‍മണ്ണ താലൂക്ക് ഓഫീസില്‍ അപേക്ഷ നല്‍കാം.  വിശദ വിവരങ്ങള്‍ താലൂക്ക് ഓഫീസില്‍ നിന്നും ലഭിക്കും.

വയോജനങ്ങള്‍ക്കായി സൗജന്യ സിനിമാ പ്രദര്‍ശനമൊരുക്കി മാതൃകയാവുകയാണ് നിലമ്പൂര്‍ നഗരസഭയും വയോമിത്രവും. വയോജനങ്ങള്‍ക്കു സൗജന്യ ആരോഗ്യ ചികിത്സ സൗകര്യങ്ങള്‍ ഒരുക്കുന്ന സാമൂഹ്യ നീതി വകുപ്പിന് കീഴിലുള്ള കേരള  സാമൂഹ്യ സുരക്ഷ മിഷന്റെ വയോമിത്രം പദ്ധതിക്കു കീഴിലാണ് ഈ പ്രദര്‍ശനമൊരുക്കുന്നത്. ഇവരുടെ ആശയത്തിന് നിലമ്പൂര്‍ നഗരസഭ സമ്പൂര്‍ണ പിന്തുണ നല്‍കി. ജൂണ് 27 നു നിലമ്പൂര്‍ ഫെയറി ലാന്റ് തീയേറ്ററിലാണ് വയോമിത്രം ക്ലിനിക്കിലെ ഗുണഭോക്താക്കളായ 200 ലേറെ വയോജനങ്ങള്‍ക്കു സിനിമ പ്രദര്‍ശനമൊരുക്കുന്നത്. നിപ്പയെ അടിസ്ഥാനമാക്കി നിര്‍മിച്ച വൈറസ് എന്ന സിനിമയാണ് രാവിലെ എട്ട് മണിക്ക് ഇവര്‍ക്കായി പ്രദര്‍ശിപ്പിക്കുക.

പെരിന്തല്‍മണ്ണ പി.ടി.എം. ഗവ. കോളേജില്‍ എം.എസ്.സി മാത്തമാറ്റിക്‌സ് മൂന്നാം സെമസ്റ്ററില്‍ എസ്.സി/എസ്.ടി സീറ്റുകളിലേക്ക് മൂന്ന് ഒഴിവുകളുണ്ട്. എസ്.സി/എസ്.ടി വിഭാഗത്തിലുളളവരുടെ അഭാവത്തില്‍ മറ്റു വിഭാഗത്തിലുളളവരെയും പരിഗണിക്കുന്നതാണ്.   വിദ്യാര്‍ത്ഥികള്‍ ജൂണ്‍ 27 ന് വൈകുന്നേരം മൂന്നിനകം കോളേജ് ഓഫീസില്‍ നേരിട്ട് അപേക്ഷ സമര്‍പ്പിക്കണം.

മലപ്പുറം ഗവ. കോളേജില്‍ ഹിസ്റ്ററി,  എക്കണോമിക്‌സ് വിഷയത്തില്‍ ഗസ്റ്റ് അദ്ധ്യാപകരെ ആവശ്യമുണ്ട്. കോഴിക്കോട് കോളേജ് വിദ്യാഭ്യാസ വകുപ്പ് ഡെപ്യൂട്ടി ഡയറക്ടര്‍ തയ്യാറാക്കിയ ലിസ്റ്റില്‍ ഉള്‍പ്പെട്ട ഉദ്യോഗാര്‍ത്ഥികള്‍       ജൂലൈ ഒന്നിന് രാവിലെ 10.30 ന് നടക്കുന്ന അഭിമുഖത്തില്‍ പങ്കെടുക്കുന്നതിന് അസ്സല്‍ സര്‍ട്ടിഫിക്കറ്റു കളും, ബയോഡാറ്റയും സഹിതം കോളേജില്‍ എത്തണം. നെറ്റ് യോഗ്യതയുള്ളവരുടെ അഭാവത്തില്‍ മാത്രമേ നെറ്റ് ഇല്ലാത്തവരെയും പരിഗണിക്കും.