മഞ്ചേരി  ഗവ.പോളിടെക്‌നിക്ക് കോളജില്‍  2020-21 അധ്യയനവര്‍ഷത്തിലേക്ക് ഗസ്റ്റ്  ജീവനക്കാരെ നിയമിക്കുന്നതിന്  അപേക്ഷ ക്ഷണിച്ചു.www.gptcmanjeri.in  എന്ന വെബ്‌സൈറ്റില്‍ ജൂണ്‍ 30 നകം അപേക്ഷ  സമര്‍പ്പിക്കണമെന്ന് പ്രിന്‍സിപ്പല്‍ അറിയിച്ചു. 
(എം.പി.എം 2261/2020)
 

പശു, പോത്തുകുട്ടി, ആട്, മുയല്‍, കാട എന്നിവ വളര്‍ത്തുന്നതിന് തുരുത്തി മൃഗാശുപത്രി വഴി  വാഴപ്പള്ളി ഗ്രാമപഞ്ചായത്ത് നടപ്പാക്കുന്ന പദ്ധതിയിലേക്ക് അപേക്ഷ ക്ഷണിച്ചു. ഗുണഭോക്തൃ പട്ടികയില്‍ ഉള്‍പ്പെട്ടിട്ടുളളവര്‍ ജൂണ്‍ 18ന് ഉച്ചകഴിഞ്ഞ് മൂന്നിനകം അപേക്ഷ സമര്‍പ്പിക്കണമെന്ന് വെറ്ററിനറി സര്‍ജന്‍ അറിയിച്ചു.

കേരള മോട്ടോര്‍ തൊഴിലാളി ക്ഷേമനിധി ബോര്‍ഡ് അംഗങ്ങളായ തൊഴിലാളികള്‍ക്ക്  കോവിഡ്-19ന്റെ ഭാഗമായി നല്‍കുന്ന സൗജന്യ ധനസഹായം സുഗമമായി ലഭിക്കുന്നതിന് ബോര്‍ഡ് ഓണ്‍ലൈന്‍  പോര്‍ട്ടല്‍ ആരംഭിച്ചു. അപേക്ഷ നല്‍കാത്ത തൊഴിലാളികള്‍ www.kmtwwfb.org/ motorworker.kmtwwfb.kerala. gov. in എന്നീ വെബ്‌സൈറ്റുകളിലൂടെ   അപേക്ഷ നല്‍കണം.   അപേക്ഷ സമര്‍പ്പിക്കുന്ന തിനുളള അവസാന തീയതി ജൂണ്‍ 30.  അവസരം പരമാവധി പ്രയോജന പ്പെടുത്തണമെന്ന് ബോര്‍ഡ് ചെയര്‍മാന്‍ അഡ്വ:എം.എസ് സ്‌കറിയ അറിയിച്ചു.
(എം.പി.എം 2260/2020)
 

കാഞ്ഞിരപ്പള്ളി ഐ.റ്റി.ഡി.പി ഓഫീസിനു കീഴിലുള്ള മേലുകാവ്, പുഞ്ചവയല്‍, വൈക്കം ട്രൈബല്‍ എക്സ്റ്റന്‍ഷന്‍ ഓഫീസര്‍മാരുടെ പരിധിയില്‍ പ്രവര്‍ത്തനം ആരംഭിക്കുന്ന സാമൂഹ്യ പഠന മുറികളില്‍ ഫെസിലിറ്റേറ്റര്‍മാരെ നിയമിക്കുന്നു. 

     പുലിക്കുന്ന്, എരുത്വാപ്പുഴ, കോസടി, ഇടക്കുന്നം, വല്ല്യൂഴം, അതിരമ്പുഴ ഇന്ദിരപ്രിയദര്‍ശനി കോളനി, കുറിഞ്ഞിപ്ലാവ്, എള്ളുമ്പുറം കാഞ്ഞിരം കവല എന്നിവിടങ്ങളിലാണ് പഠനമുറികള്‍ ആരംഭിക്കുന്നത്. സമീപ പ്രദേശങ്ങളില്‍ സ്ഥിരതാമസക്കാരായ പട്ടികവര്‍ഗ്ഗ വിഭാഗക്കാര്‍ക്ക് അപേക്ഷിക്കാം. 

തദ്ദേശ സ്വയംഭരണ സ്ഥാപനങ്ങളിലെ തെരഞ്ഞെടുപ്പിനുള്ള കരട് വോട്ടര്‍ പട്ടിക പ്രസിദ്ധീകരിച്ചു. മലപ്പുറം ജില്ലയിലെ 94 ഗ്രാമപഞ്ചായത്തുകളില്‍ 92 ഗ്രാമപഞ്ചായത്തുകളിലെയും 12 നഗരസഭകളിലെയും വോട്ടര്‍ പട്ടികയാണ് ഇലക്ടറല്‍ രജിസ്‌ട്രേഷന്‍ ഓഫീസര്‍ പ്രസിദ്ധീകരിച്ചത്. പഞ്ചായത്തുകളിലും മുന്‍സിപ്പാലിറ്റികളിലും വില്ലേജ് ഓഫീസുകളിലും  വോട്ടര്‍മാര്‍ക്ക് പട്ടിക പരിശോധിക്കാം. കൂടിച്ചേര്‍ക്കലുകള്‍ക്കും തിരുത്തലുകള്‍ക്കും ശേഷം ഓഗസ്റ്റ് മാസത്തില്‍ അന്തിമ വോട്ടര്‍ പട്ടിക പ്രസിദ്ധീകരിക്കും. അതിന് ശേഷവും വോട്ടര്‍മാര്‍ക്ക് കൂടിച്ചേര്‍ക്കലുകള്‍ക്കും തിരുത്തലുകള്‍ക്കും സമയം അനുവദിക്കും.

 വിദ്യാര്‍ഥികള്‍ക്ക് സ്വന്തം വീടുകളില്‍ സൗജന്യമായി പഠന സൗകര്യം ഉറപ്പാക്കുന്നതിന് വ്യവസായ വകുപ്പ് നടപ്പാക്കുന്ന ടി.വി. ചലഞ്ചിന്‍റെ ഭാഗമായി കോട്ടയം ജില്ലാ വ്യവസായ കേന്ദ്രം 100 ടെലിവിഷന്‍ സെറ്റുകള്‍ നല്‍കി. കളക്ടറേറ്റില്‍ ജില്ലാ വ്യവസായ കേന്ദ്രം ജനറല്‍ മാനേജര്‍ രാജീവ് ടെലിവിഷന്‍ സെറ്റുകള്‍  ജില്ലാ കളക്ടര്‍ എം. അഞ്ജനയ്ക്ക് കൈമാറി. 

വിദേശത്തുനിന്നും ഇതരസംസ്ഥാനങ്ങളില്‍ നിന്നും മലപ്പുറം ജില്ലയില്‍ മടങ്ങിയെത്തി  കോവിഡ് 19 സ്ഥിരീകരിച്ച അഞ്ച് പേര്‍ രോഗം ഭേദമായി വീടുകളിലേക്ക് മടങ്ങി. മഞ്ചേരി ഗവ. മെഡിക്കല്‍ കോളജ് ആശുപത്രിയില്‍ നിന്ന് വിദഗ്ധ ചികിത്സയ്ക്ക് ശേഷം പൂര്‍ണ ആരോഗ്യത്തോടെയാണ് ഇവര്‍ ആശുപത്രി വിട്ടത്. 

ജില്ലയില്‍ ആകെ നിരീക്ഷണത്തിലുള്ളത് 13,242 പേര്‍

   മുഖ്യമന്ത്രിയുടെ ദുരിതാശ്വാസ നിധിയിലേക്ക് മാടപ്പള്ളി, മാടപ്പള്ളി അഡീഷണല്‍ സമഗ്ര ശിശു വികസന പദ്ധതി ജീവനക്കാര്‍ 42000 രൂപ സംഭാവന നല്‍കി.  സി.ഡി.പി.ഒ ആര്‍. ഇന്ദിരാകുമാരി, പ്രോജക്ട് ലീഡര്‍മാരായ മിനി മാത്യു, ലൗലി വര്‍ഗീസ്, കെ.എസ് സുഷ എന്നിവര്‍ ജില്ലാ കളക്ടര്‍ എം. അഞ്ജനയ്ക്ക് ചെക്ക് കൈമാറി.