പ്രധാനമന്ത്രി ഗരീബ് കല്യാണ്‍ അന്നയോജന (പിഎംജികെഎവൈ) പദ്ധതി പ്രകാരമുളള ജൂണ്‍ മാസത്തെ അരി വിതരണം ഇന്ന് (ജൂണ്‍ 19) ആരംഭിക്കുമെന്ന് ജില്ലാ സപ്ലൈ ഓഫീസര്‍ അറിയിച്ചു. എ.എ.വൈ (മഞ്ഞ കാര്‍ഡ്), പി.എച്ച്.എച്ച് (പിങ്ക്) വിഭാഗത്തില്‍പ്പെട്ട കാര്‍ഡുകളിലെ ഓരോ അംഗത്തിനും അഞ്ച് കിലോഗ്രാം അരി സൗജന്യമായി ലഭിക്കും.

പരിഗണിക്കുന്നത് കാഞ്ഞിരപ്പള്ളി താലൂക്കിലെ 65 പരാതികള്‍

കോവിഡ് പ്രതിരോധ നിയന്ത്രണങ്ങള്‍ നിലനില്‍ക്കുന്ന സാഹചര്യത്തില്‍ ജില്ലാ കളക്ടര്‍ ഓണ്‍ലൈനില്‍ നടത്തുന്ന താലൂക്ക് തല പരാതി പരിഹാര അദാലത്തിന് ഇന്ന്(ജൂണ്‍ 19) തുടക്കം കുറിക്കും. കാഞ്ഞിരപ്പള്ളി താലൂക്കില്‍നിന്ന് ലഭിച്ചവയില്‍ 65 പരാതികളിലാണ് കളക്ടര്‍ പരാതിക്കാരുമായി വീഡിയോ കോണ്‍ഫറന്‍സില്‍ സംസാരിച്ച് തുടര്‍ നടപടികള്‍ സ്വീകരിക്കുക.  കോവിഡ് പ്രതിരോധ നിര്‍ദേശങ്ങള്‍ പൂര്‍ണമായി പാലിച്ചാണ് അദാലത്ത് നടത്തുന്നത്. 

പത്തനംതിട്ട ജില്ലയില്‍ ഇന്ന് (18) 11 പേര്‍ക്ക് കോവിഡ്-19 സ്ഥിരീകരിച്ചു.

                                                                  സംസ്ഥാന സര്‍ക്കാര്‍ ബജറ്റില്‍ നിര്‍ദേശിച്ചിരുന്ന ജനകീയ ഹോട്ടലിന്റെ പ്രവര്‍ത്തനം കൊടുമണില്‍ ആരംഭിച്ചു. കുടുംബശ്രീയുടെ നേതൃത്വത്തിലാണ് ഹോട്ടല്‍ പ്രവര്‍ത്തിക്കുന്നത്. പഞ്ചായത്ത് പദ്ധതിയില്‍ ഉള്‍പ്പെടുത്തി കെട്ടിടവും അനുബന്ധ സൗകര്യങ്ങളും ഒരുക്കി. ഇരുപതു രൂപയ്ക്ക് ഉച്ചഭക്ഷണം ലഭിക്കും. കുടുംബശ്രീയും സിവില്‍ സപ്ലൈസ് വകുപ്പും ചേര്‍ന്നാണ് ബജറ്റ് ഹോട്ടലിലേക്ക് ആവശ്യമായ അരിയും പലവ്യഞ്ജനവും നല്‍കുന്നത്.

ആറന്മുള മണ്ഡലത്തെ തരിശുരഹിതവും കൃഷിയില്‍ സ്വയംപര്യാപ്തവുമാക്കുന്നതിനാണ് ലക്ഷ്യമിട്ടിരിക്കുന്നതെന്ന് വീണാ ജോര്‍ജ് എംഎല്‍എ പറഞ്ഞു. സുഭിക്ഷ കേരളം പദ്ധതിയുടെ പഞ്ചായത്ത് തല ഉദ്ഘാടനം ഓമല്ലൂരില്‍ നിര്‍വഹിച്ചു സംസാരിക്കുകയായിരുന്നു എംഎല്‍എ.

കോവിഡ് 19 രോഗവ്യാപനം തടയുന്നതിനുള്ള സർക്കാർ നിർദ്ദേശങ്ങൾ പാലിക്കാത്തതിനെ തുടർന്ന് ഇന്ന് (ജൂൺ 18)  വൈകിട്ട് 7.30 വരെ ജില്ലയിൽ പോലീസ് നടത്തിയ പരിശോധനയിൽ 10 കേസുകൾ രജിസ്റ്റർ ചെയ്തതായി സ്പെഷൽ ബ്രാഞ്ച് ഡി.വൈ.എസ്.പി എം. കൃഷ്ണൻ അറിയിച്ചു. ഒൻപത് പേരെ അറസ്റ്റ് ചെയ്തു.    കണ്ടേയ്‌ൻമെന്റ്  സോണുകളിൽ നിശ്ചിത സമയപരിധി, സാമൂഹിക അകലം എന്നിവ പാലിക്കാതെയും മുഖാവരണം ധരിക്കാതെയും കടകൾ പ്രവർത്തിച്ചതിനാണ് കേസ് രജിസ്റ്റർ ചെയ്തത്. 

 മാസ്ക് ധരിക്കാത്ത 109 പേർക്കെതിരെ കേസ് 

കോവിഡ് 19 മായി ബന്ധപ്പെട്ട് ജില്ലയില്‍ നിലവില്‍ 127 പേരാണ് ചികിത്സയിലുള്ളത്. കൂടാതെ, വിവിധ ആശുപത്രികളിലായി  പേര്‍ 28 നിരീക്ഷണത്തിലുമുണ്ട്. ഇന്ന് (ജൂണ്‍ 18) ജില്ലയില്‍ 14 പേര്‍ക്കാണ് കോവിഡ് 19 സ്ഥിരീകരിച്ചത്. ഇന്ന് 15 പേരെ ആശുപത്രിയില്‍ പ്രവേശിപ്പിക്കുകയും ചെയ്തു.  

ഇതുവരെ 14630 സാമ്പിളുകള്‍ പരിശോധനയ്ക്കായി അയച്ചതില്‍ 13837 പരിശോധനാ ഫലങ്ങളാണ് ലഭ്യമായത്. 305 പേർക്കാണ് ഇതുവരെ  പരിശോധനാഫലം പോസിറ്റീവായത്. ഇതുവരെ 164 പേർ രോഗമുക്തി നേടി. ഇന്ന് 273 പരിശോധനാ ഫലങ്ങളാണ് ലഭിച്ചത്. പുതുതായി 528 സാമ്പിളുകളും അയച്ചു. ഇനി 793 സാമ്പിളുകളുടെ പരിശോധനാ ഫലം കൂടി ലഭിക്കാനുണ്ട്. 

പാലക്കാട് ജില്ലയിൽ ഇന്ന്(ജൂൺ 18) 14 പേർക്ക് കോവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതർ അറിയിച്ചു. 

ഇന്ന് രോഗം സ്ഥിരീകരിച്ചവരിൽ ഇതര സംസ്ഥാനങ്ങളിൽ നിന്നും വിദേശത്തുനിന്നും  വന്നവരുടെ കണക്ക് താഴെ കൊടുക്കും പ്രകാരമാണ്. 

തമിഴ്നാട്-2
ജൂൺ ആറിന് വന്ന (ചെന്നൈയിൽ നിന്നും) വണ്ടാഴി സ്വദേശി (23 പുരുഷൻ), ജൂൺ മൂന്നിന് വന്ന കല്ലടിക്കോട് സ്വദേശി(38, പുരുഷൻ)

അബുദാബി-3
ജൂൺ നാലിന് വന്ന കൊപ്പം കീഴ്മുറി സ്വദേശികളായ രണ്ടുപേർ (33,27 പുരുഷന്മാർ), വിളയൂർ സ്വദേശി (30 പുരുഷൻ)

ഇടിഞ്ഞില്ലം പാലത്തിന്റെ കോണ്‍ക്രീറ്റിംഗിന്റെ ഉദ്ഘാടനം മാത്യു ടി. തോമസ് എം എല്‍എ നിര്‍വഹിച്ചു. അസിസ്റ്റന്‍ഡ് എക്‌സിക്യുട്ടീവ് എന്‍ജിനീയര്‍ സി. ബി. സുഭാഷ്‌കുമാര്‍,  അസിസ്റ്റന്‍ഡ് എന്‍ജിനീയര്‍ ബിജുന എലിസബത്ത് മാമ്മന്‍, കോണ്‍ട്രാക്ടര്‍ ഷാജി പാലാത്ര എന്നിവര്‍ സന്നിഹിതരായിരുന്നു.

ജില്ലയിൽ ഇന്ന്(ജൂൺ 18) 11 പേർ രോഗമുക്തരായതായി ആരോഗ്യവകുപ്പ് അധികൃതർ അറിയിച്ചു.പൊൽപ്പുള്ളി സ്വദേശി (63 സ്ത്രീ), വരോട് സ്വദേശി 48 പുരുഷൻ, മണ്ണാർക്കാട് സ്വദേശി (26,പുരുഷൻ), കടമ്പഴിപ്പുറം സ്വദേശി (35 പുരുഷൻ), എലപ്പുള്ളി സ്വദേശി (47 പുരുഷൻ), കേരളശ്ശേരി സ്വദേശി (35 പുരുഷൻ), കാരാകുറുശ്ശി സ്വദേശി (49 പുരുഷൻ), പാലക്കാട് സ്വദേശി (23 പുരുഷൻ), നെല്ലായ സ്വദേശി (34 പുരുഷൻ), ചുനങ്ങാട് സ്വദേശി (50 പുരുഷൻ), അലനല്ലൂർ സ്വദേശി (23 പുരുഷൻ) എന്നിവരാണ് രോഗമുക്തി നേടിയത്. നിലവിൽ ജില്ലയിൽ 127 പേരാണ് ചികിത്സയിലുള്ളത്.