28,889 വീടുകളില്‍ നിന്ന് വിവരങ്ങള്‍ ശേഖരിച്ച് ജില്ലാ ഭരണകൂടം

ആറാട്ടുപുഴ പൂരത്തിന് വെടിക്കെട്ട് നടത്തുന്നതിന് അനുമതിയില്ല. അപേക്ഷകന് പെസൊ ലൈസൻസ് ഇല്ലാത്തതിനാലാണ് അനുമതി നിരസിച്ചത്. സംസ്ഥാനത്ത് കോവിഡ് 19 വൈറസ് വ്യാപനം തടയുന്നതിന്റെ ഭാഗമായി ആൾക്കൂട്ടങ്ങൾ ഒഴിവാക്കുന്നതിന് അഡീഷനൽ ജില്ലാ മജിസ്ട്രേറ്റ് പ്രത്യേക നിർദ്ദേശവും നൽകി.

കേരള സംസ്ഥാന ഭാഗ്യക്കുറി ക്ഷേമനിധി ബോർഡിന്റെ ആഭിമുഖ്യത്തിൽ തൃശൂർ, പാലക്കാട് ജില്ലകളിലെ അംഗപരിമിതരായ ക്ഷേമനിധി അംഗങ്ങൾക്ക് സൗജന്യമായി മോട്ടോർ സ്‌കൂട്ടർ, ഹെൽമെറ്റ് അനുബന്ധ സാമഗ്രികൾ എന്നിവ വിതരണം ചെയ്തു. തൃശൂർ ജില്ലയിലെ 10 അംഗങ്ങൾക്കും പാലക്കാട് ജില്ലയിലെ ഏഴ് അംഗങ്ങൾക്കുമാണ് വിതരണം ചെയ്തത്.

കോടതി കുടിശ്ശിക ഈടാക്കുന്നതിന് ആളൂർ വില്ലേജ് സർവെ 574/1 ൽ ഉൾപ്പെട്ട 11.52 ആർ ഭൂമിയിൽ വശം തിരിയാത്ത പകുതി അവകാശത്തിൽ നിന്നും 0.0060 ഹെക്ടർ വസ്തു ഏപ്രിൽ 23 രാവിലെ 11 ന് ആളൂർ വില്ലേജ് ഓഫീസിൽ ലേലം ചെയ്യും. ഫോൺ: 04885-225200, 225700.

ചേർപ്പ് ഐസിഡിഎസിനു കീഴിൽ പ്രവർത്തിക്കുന്ന 97 അങ്കണവാടികൾക്ക് പ്രീസ്‌കൂൾ കളിയുപകരണങ്ങൾ വിതരണം ചെയ്യുന്നതിന് ടെണ്ടർ ക്ഷണിച്ചു. ഫോൺ: 9847372734.

കോടതി കുടിശ്ശിക ഈടാക്കുന്നതിന് കടപ്പുറം വില്ലേജ് സർവെ 122/1 ൽ 0.0303 ഹെക്ടർ ആർ ഭൂമിയും ആയതിലെ കുഴിക്കൂറ് ചമങ്ങളിലെ ഓഹരി അവകാശം ഏപ്രിൽ 20 രാവിലെ 11 ന് കടപ്പുറം വില്ലേജ് ഓഫീസിൽ ലേലം ചെയ്യും. ഫോൺ: 0487 2507350.
 

കോവിഡ് 19 പ്രതിരോധത്തിന്റെ ഭാഗമായി അതീവജാഗ്രതാ നിർദ്ദേശം നിലനിൽക്കുന്നതിനാൽ കാണം/വെറുമ്പാട്ടം/കൂടിയായ്മ, കുടികിടപ്പ് എന്നീ ഭൂമികൾക്ക് ജന്മം അനുവദിച്ച് ക്രയസർട്ടിഫിക്കറ്റ് നൽകുന്നതുമായി ബന്ധപ്പെട്ട് തൃശൂർ ജില്ലയിലെ എല്ലാ ലാന്റ് ട്രൈബ്യൂണലുകളിലും മാർച്ച് 31 വരെ നടത്താൻ നിശ്ചയിച്ച എസ് എം കേസുകളുടെ വിചാരണ മാറ്റിവച്ചതായി എഡിഎം അറിയിച്ചു. പുതുക്കിയ തീയതി പിന്നീടറിയിക്കും.

കോവിഡ് 19 പ്രതിരോധത്തോടനുബന്ധിച്ച് തൃശൂർ ജില്ലാ ഹോമിയോപ്പതി വകുപ്പ് നടത്താനിരുന്ന അഭിമുഖങ്ങൾ മാറ്റിവെച്ചു. വകുപ്പിനു കീഴിലുള്ള പദ്ധതികളിലേക്കുള്ള വിവിധ തസ്തികകളിലേക്ക് മാർച്ച് 24 മുതൽ 27 വരെ നടത്താനിരുന്ന അഭിമുഖങ്ങളാണ് മാറ്റിവെച്ചത്. പുതുക്കിയ തീയതികൾ പിന്നീട് അറിയിക്കുമെന്ന് ജില്ലാ മെഡിക്കൽ ഓഫീസർ(ഹോമിയോ) അറിയിച്ചു.
 

കോവിഡ് 19 വൈറസ് വ്യാപനം തടയുന്നതിന്റെ ഭാഗമായി പട്ടികജാതി പട്ടികവർഗ്ഗ കോളനികളിൽ ബോധവൽക്കരണം നടത്തണമെന്നും മതിയായ അളവിൽ ഹാൻഡ് വാഷുകൾ, സാനിറ്റൈസറുകൾ എന്നിവയുടെ ലഭ്യത ഉറപ്പുവരുത്തണമെന്നും ജില്ലാ കളക്ടർ എസ് ഷാനവാസ് ഉത്തരവിട്ടു. കൂടാതെ അമ്പതിലധികം ആളുകൾ ഒന്നിച്ചു കൂടിയുള്ള ആചാരങ്ങളും ഉത്സവങ്ങളും തടയുന്നതിന് നടപടികൾ സ്വീകരിക്കുമെന്നും ജില്ലാ കളക്ടർ അറിയിച്ചു.

കോവിഡ് 19 രോഗവ്യാപനം തടയുന്നതിനായി 50ൽപരം ആളുകൾ ഒന്നിച്ചു കൂടുന്ന ആഘോഷങ്ങളും ഉത്സവങ്ങളും ചടങ്ങുകളും മാറ്റിവയ്ക്കാൻ കളക്ടർ എസ് ഷാനവാസ് ഉത്തരവിറക്കി. വിവാഹം ഉൾപ്പെടെയുള്ള ചടങ്ങുകൾ മാറ്റിവെച്ചവർക്ക് ഹാൾ ഉടമസ്ഥർ അഡ്വാൻസ് തുക പൂർണമായി തിരികെ നൽകുകയോ മറ്റൊരു തീയതിയിലേക്ക് ചടങ്ങുകൾ മാറ്റിവെക്കാൻ അനുവദിക്കുകയോ വേണമെന്നും നിർദ്ദേശിച്ചു. ഇത് ലംഘിക്കുന്ന ഓഡിറ്റോറിയം ഉടമസ്ഥർക്കെതിരെ നടപടി സ്വീകരിക്കുമെന്നും ജില്ലാ കളക്ടർ അറിയിച്ചു.