ജില്ലാ മെഡിക്കല്‍ ഓഫീസിന്റെ (ആരോഗ്യം) ആഭിമുഖ്യത്തില്‍ ഹജ്ജ് തീര്‍ഥാടകര്‍ക്കായി നാളെ (3) രാവിലെ 10 മുതല്‍ പത്തനംതിട്ട ജനറല്‍ ആശുപത്രിയില്‍ ഹജ്ജ് വാക്‌സിന്‍ വിതരണം ചെയ്യും. ഹജ്ജ് തീര്‍ഥാടകര്‍ ഈ അവസരം പ്രയോജനപ്പെടുത്തണമെന്ന് ജില്ലാ മെഡിക്കല്‍ ഓഫീസര്‍ ഡോ.എ.എല്‍.ഷീജ അറിയിച്ചു. ഫോണ്‍: 9447091679. 

                 (പിഎന്‍പി 1613/19)

ഹജ്ജ്  : വാക്സിനേഷന്‍ ക്യാമ്പുകള്‍  ജൂലായ് രണ്ടിന്

ചാവക്കാട് ഐ.സി.ഡി.എസിനു കീഴിലുള്ള പുന്നയൂർക്കുളം പഞ്ചായത്തിലെ അങ്കണവാടികളിലെ വർക്കർ/ ഹെൽപ്പർ സ്ഥിരം ഒഴിവിലേക്ക് അപേക്ഷ ക്ഷണിച്ചു. 18 നും 46 നും ഇടയിൽ പ്രായമുള്ള വനിതകളായിരിക്കണം അപേക്ഷകർ. പത്താം തരം പാസ്സായവർക്ക് വർക്കർ തസ്തികയിലേക്കും പത്താം തരം പാസ്സാകാത്തവർക്ക് ഹെൽപ്പർ തസ്തികയിലേക്കും അപേക്ഷിക്കാം. അപേക്ഷ ജൂലൈ 20 വരെ ചാവക്കാട് ഐ.സി.ഡി.എസ്. ഓഫീസിൽ സ്വീകരിക്കും. ഫോൺ : 0487 2507707.
 

മുകുന്ദപുരം താലൂക്ക് വികസന സമിതി യോഗം ജൂലൈ ആറ് രാവിലെ 10.30 ന് താലൂക്ക് കോൺഫറൻസ് ഹാളിൽ ചേരും.
 

ജില്ലാ ആസൂത്രണസമിതി യോഗം ജൂലൈ രണ്ടിന് വൈകീട്ട് മൂന്നിന് ജില്ലാ ആസൂത്രണഭവൻ കോൺഫറൻസ് ഹാളിൽ ചേരും.

ഗുരുവായൂർ നിയോജക മണ്ഡലത്തിലെ കടപ്പുറം വില്ലേജ് വളപ്പിൽ ദുരന്തനിവാരണ വകുപ്പ് ഷെൽട്ടർ നിർമ്മിക്കുമെന്ന് കെ.വി അബ്ദുൾ ഖാദർ എംഎൽ എ. അറിയിച്ചു. സൈക്ലോൺ ദുരന്ത ലഘൂകരണ പദ്ധതിയിൽ ഉൾപ്പെടുത്തിയാണ് ഷെൽട്ടർ നിർമിക്കുന്നത്. മൂന്ന് കോടി അറുപത്തി മൂന്ന് ലക്ഷം രൂപയുടെ പ്രൊജക്റ്റാണ് ഇത്. ഡിസാസ്റ്റർ മാനേജ്‌മെൻറ് വകുപ്പ് വിവിധോദ്ദേശങ്ങളോടെയാണ് പദ്ധതി പ്രാവർത്തികമാക്കുന്നത്. അടിയന്തിര സാഹചര്യങ്ങളിൽ ജനങ്ങളെ മാറ്റിപാർപ്പിക്കുന്നതിനും മറ്റും ഷെൽട്ടർ കെട്ടിടം ഏറെ സഹായകരമാകുമെന്നും എംഎൽഎ വ്യക്തമാക്കി.

കേരള നിയമസഭയുടെ പിന്നോക്ക സമുദായ ക്ഷേമം സംബന്ധിച്ച സമിതി ജൂലൈ ഒൻപത് രാവിലെ 11 ന് തൃശൂർ കളക്ടറേറ്റ് കോൺഫറൻസ് ഹാളിൽ യോഗം ചേരും. സർക്കാർ സർവീസ്, പൊതുമേഖലാ സ്ഥാപനങ്ങൾ, സർവകലാശാലകൾ, തദ്ദേശസ്വയംഭരണസ്ഥാപനങ്ങൾ, സർക്കാർ നിയന്ത്രണത്തിലുളള മറ്റ് സ്ഥാപനങ്ങൾ എന്നിവയിലെ നിയമനങ്ങളിൽ പിന്നോക്ക സമുദായക്കാർ അഭിമുഖീകരിക്കുന്ന സാമുദായികവും സാമൂഹ്യപരവുമായ വിവിധ പ്രശ്‌നങ്ങളെ സംബന്ധിച്ചും വ്യക്തികളിൽ നിന്നും സംഘടനകളിൽ നിന്നും ഹർജികൾ/നിവേദനങ്ങൾ സ്വീകരിക്കും.

വായനയുടെ മഹത്വം ഉയർത്തിപിടിക്കേണ്ട കാലഘട്ടത്തിലാണ് നാം ജീവിക്കുന്നതെന്ന് എഴുത്തുകാരനും കാലടി ശ്രീശങ്കരാചാര്യ സംസ്‌കൃത സർവകലാശാല വൈസ് ചാൻസലറുമായ ഡോ. ധർമ്മരാജ് അടാട്ട.് ജില്ലാ ഇൻഫർമേഷൻ ഓഫീസിന്റെ ആഭിമുഖ്യത്തിലിൽ വായനാപക്ഷാചരണത്തിന്റെ ഭാഗമായി ചാലക്കുടി ബ്ലോക്ക് പഞ്ചായത്ത് ഹാളിൽ നടത്തിയ മാറുന്ന ലോകം മാറുന്ന വായന സെമിനാറും അകക്കണ്ണ് കാമ്പയിൻ ഉദ്ഘാടനവും നിർവഹിച്ച് സംസാരിക്കുകയായിരുന്നു അദ്ദേഹം. 

ജില്ലയിലുണ്ടായ പ്രളയ നഷ്ടത്തെ തുടർന്ന്  ആനുകൂല്യം ലഭിക്കുന്നതിനുള്ള അപ്പീൽ അപേക്ഷകൾ നിശ്ചിത ദിവസത്തിനുളളിൽ 56671 എണ്ണമായി. ഏഴ് താലൂക്കുകളിൽ നിന്നായി ജൂൺ 25 മുതൽ 30 വരെ കളക്ടറേറ്റിൽ സ്വീകരിച്ച അപേക്ഷകൾ 46771 ആണ്. 2019 ജനുവരി 31 നു ശേഷം ലഭിച്ച 9900 രജിസ്ട്രേഡ് അപേക്ഷകളും അടക്കമാണ് ഇതേവരെ 56671 അപ്പീൽ അപേക്ഷകളായത്. അപേക്ഷകളിൽ ഉള്ള ആവർത്തനങ്ങൾ പരിശോധിച്ച് അന്തിമ കണക്ക് രണ്ടു ദിവസത്തിനകം റവന്യൂ വകുപ്പ് പുറത്തുവിടും.

വായനപക്ഷാചരണത്തിന്റെ ഭാഗമായി ജില്ലാ ഇൻഫർമേഷൻ ഓഫീസിന്റെ നേതൃത്വത്തിൽ കാഴ്ചയില്ലാത്തവരെ വായനയുടെ ലോകത്തേക്ക് കൊണ്ടുവരുന്നതിനായി ശബ്ദപുസ്തകങ്ങൾ സമാഹരിക്കുക എന്ന ലക്ഷ്യത്തോടെയുളള അകക്കണ്ണ് കാമ്പയിന് തുടക്കമായി. ചാലക്കുടി ബ്ലോക്ക് പഞ്ചായത്ത് ഹാളിൽ കാലടി ശ്രീശങ്കരാചാര്യ സംസ്‌കൃത സർവകലാശാല വൈസ് ചാൻസലർ ഡോ. ധർമ്മരാജ് അടാട്ട് പദ്ധതിയുടെ ഉദ്ഘാടനം നിർവഹിച്ചു. ചാലക്കുടി ബ്ലോക്ക് പഞ്ചായത്ത് പ്രസിഡണ്ട് കെ കെ ഷീജു അദ്ധ്യക്ഷത വഹിച്ചു.