ആലപ്പുഴ :  സംസ്ഥാന കാര്‍ഷിക വികസന കര്‍ഷക ക്ഷേമ വകുപ്പിന്റെ നേതൃത്വത്തിലുള്ള ഞാറ്റുവേല ചന്തയും കര്‍ഷക സഭയും കഞ്ഞിക്കുഴി ബ്ലോക്ക് പഞ്ചായത്തില്‍ ഞാറ്റുവേല ചന്തയും കര്‍ഷക സഭയും സംഘടിപ്പിച്ചു. ഞാറ്റുവേല ചന്തയുടെ ഉദ്ഘാടനം ഭക്ഷ്യ പൊതുവിതരണ വകുപ്പ് മന്ത്രി പി. തിലോത്തമന്‍ നിര്‍വഹിച്ചു. ബ്ലോക്ക് പഞ്ചായത്ത് പ്രസിഡന്റ് പ്രഭാ മധു അധ്യക്ഷത വഹിച്ചു. ഫല വൃക്ഷ തൈകളും പച്ചക്കറി തൈകളും വളവും കര്‍ഷകര്‍ക്കു വിതരണം ചെയ്തു.

ആലപ്പുഴ: തീരപ്രദേശത്തെ ജനങ്ങളെ പുനരധിവസിപ്പിക്കുക എന്ന ലഷ്യത്തോടെ ഫിഷറീസ് വകുപ്പ് നടപ്പാക്കുന്ന പുനര്‍ഗേഹം പദ്ധതി പ്രകാരമുള്ള സ്ഥലമേറ്റെടുക്കലല്‍, പുനരധിവാസം, മറ്റ് നടപടി ക്രമങ്ങള്‍ എന്നിവ വേഗത്തിലാക്കണമെന്ന് ജില്ല കളക്ടര്‍ എ. അലക്‌സാണ്ടര്‍. പദ്ധതിയുമായി ബദ്ധപ്പെട്ട് നടന്ന യോഗത്തിലാണ് നിര്‍ദ്ദേശം നല്‍കിയത്.

- ആനകള്‍ക്കുള്ള സൗജന്യ ഖരാഹാരത്തിന്റെ വിതരണോദ്ഘാടനം മന്ത്രിപി തിലോത്തമന്‍ നിര്‍വഹിച്ചു

ആലപ്പുഴ: കോവിഡ് 19ന്റെ പശ്ചാത്തലത്തില്‍ നാട്ടാനകള്‍ക്ക് പരിചരണവുമായി സംസ്ഥാന സര്‍ക്കാര്‍. സംസ്ഥാന വനം വകുപ്പിന്റെ സഹകരണത്തോടെ മൃഗ സംരക്ഷണ വകുപ്പാണ് 40 ദിവസത്തെ ഖരാഹാരം ആനകള്‍ക്ക് നല്‍കുന്നത്. പദ്ധതിയുടെ സംസ്ഥാനതല ഉദ്ഘാടനം മാരാരിക്കുളത്ത് ആനയുടമ കൃഷ്ണപ്രസാദിന്റെ വസതിയില്‍ ഭക്ഷ്യ പൊതുവിതരണ വകുപ്പ് മന്ത്രി പി. തിലോത്തമന്‍ നിര്‍വഹിച്ചു.

ആലപ്പുഴ: ഗവണ്‍മെന്റ് റ്റി.ഡി മെഡിക്കല്‍ കോളജിലെ മൈക്രോബയോളജി വിഭാഗത്തിലെ എച്ച്.ഐ.സി.സി. യൂണിറ്റിലേക്ക് എല്‍.സി.ഡി. പ്രൊജക്ടര്‍ (ഒരെണ്ണം) വാങ്ങുന്നതിന് ക്വട്ടേഷന്‍ ക്ഷണിച്ചു. ക്വട്ടേഷന്‍ സ്വീകരിക്കുന്ന അവസാന തീയതി ജൂലൈ മൂന്ന് ഉച്ചയ്ക്ക് പന്ത്രണ്ട് മണി. അന്നേ ദിവസം മൂന്നു മണിക്ക് ക്വട്ടേഷന്‍ തുറക്കും. വിശദവിവരത്തിന് ഫോണ്‍: 0477 2282015.
 

ആലപ്പുഴ: ഭിന്നശേഷിക്കാർക്ക് സാമൂഹ്യനീതി വകുപ്പ് നടത്തുന്ന വിദ്യാകിരണം,വിദ്യാജ്യോതി,സ്വാശ്രയ, പരിരക്ഷ,വിദൂര വിദ്യാഭ്യാസ ധനസഹായ പദ്ധതികളിൽ ധനസഹായം ലഭിക്കുന്നതിന് ജില്ലയിലെ അർഹരായ ഗുണഭോക്താക്കളിൽനിന്ന് അപേക്ഷ ക്ഷണിച്ചു. നിശ്ചിത മാതൃകയിലുള്ള അപേക്ഷ ബന്ധപ്പെട്ട രേഖകൾ സഹിതം ജൂലൈ 31നകം ജില്ല സാമൂഹ്യനീതി ഓഫീസിൽ നൽകണം. അപേക്ഷഫോമുകളും വിശദ വിവരങ്ങളും www.sjd.keral.gov.in എന്ന വെബ്‌സൈറ്റിൽ ലഭ്യമാണ്. ഫോൺ: 0477 2253870.
 

കർഷകത്തൊഴിലാളി ധനസഹായത്തിന് 26നകം അപേക്ഷിക്കണം

ആലപ്പുഴ: വിദേശത്തുനിന്നോ ഇതര സംസ്ഥാനങ്ങളിൽ നിന്നോ ജില്ലയിൽ എത്തുന്നവരുടെ കുടുംബാംഗങ്ങൾ അതത് പഞ്ചായത്ത്-മുനിസിപ്പല്‍ സെക്രട്ടറിമാരെ ഫോൺ വഴി മുൻകൂട്ടി വിവരം അറിയിക്കണമെന്ന് ജില്ല കളക്ടർ എ.അലക്‌സാണ്ടർ അറിയിച്ചു. ഹോം ക്വാറന്റൈൻ , ഇൻസ്റ്റിറ്റ്യൂഷണൽ ക്വാറന്റൈൻ സൗകര്യങ്ങൾ അവലോകനം ചെയ്യുന്നതിന് കളക്ട്രേറ്റിൽ കൂടിയ യോഗത്തിലാണ് തീരുമാനം.

എംപ്ലോയ്‌മെന്റ് എക്‌സ്‌ചേഞ്ച് രജിസ്‌ട്രേഷൻ ഓൺലൈനായി ചെയ്യണം

മാനന്തവാടി നഗരസഭ അയ്യങ്കാളി നഗര തൊഴിലുറപ്പ് പദ്ധതിയുടെ 2019-20 സാമ്പത്തിക വര്‍ഷത്തെ വരവ് ചെലവ് കണക്കുകള്‍ പരിശോധിച്ച് ഓഡിറ്റ് റിപ്പോര്‍ട്ട് തയ്യാറാക്കുന്നതിന് ചാര്‍ട്ടേഡ് അക്കൗണ്ടന്റ്മാരില്‍ നിന്നും തുക രേഖപ്പെടുത്തിക്കൊണ്ടുള്ള താല്‍പര്യപത്രം ക്ഷണിച്ചു.  താല്‍പര്യപത്രം ജൂലൈ 1 ന് വൈകീട്ട് 4 നകം നഗരസഭയില്‍ സമര്‍പ്പിക്കണം.  കൂടുതല്‍ വിവരങ്ങള്‍ ഓഫീസ് പ്രവര്‍ത്തി ദിവസങ്ങളില്‍ അറിയാം.

മാനന്തവാടി ഗവ. ടെക്‌നിക്കല്‍ ഹൈസ്‌കൂളില്‍ പാര്‍ട്ട് ടൈം മലയാളം ടീച്ചര്‍ (എച്ച്.എസ്.എ. മലയാളം) തസ്തികയില്‍ ദിവസ വേതനാടിസ്ഥാനത്തില്‍ നിയമിക്കുന്നു.  ഉദ്യോഗാര്‍ത്ഥികള്‍ ജൂണ്‍ 26 ന് വൈകീട്ട് 3 നകം ബയോഡാറ്റ thsmananthavady@gmail.com എന്ന ഇ.മെയില്‍ വിലാസത്തില്‍ അയക്കണം.  ഫോണ്‍ 04935241322, 9400006498.