കാക്കനാട്: ഗാർഹിക പാചക വാതക സിലിണ്ടറുകളുടെ വിതരണം, ഏജൻസികളുടെ പ്രവർത്തനം സംബന്ധിച്ച നിർദ്ദേശങ്ങൾ, പരാതികൾ തുടങ്ങിയ വിഷയങ്ങൾ ചർച്ച ചെയ്യുന്നതിന് എം.പി.മാർ, എം.എൽ.എ.മാർ, മറ്റു ജനപ്രതിനിധികൾ, ഓയിൽ കമ്പനി ഉദ്യോഗസ്ഥർ, ഗ്യാസ് ഏജൻസി പ്രൊപ്രൈറ്റർമാർ, ഉപഭോക്തൃ സംഘടന  പ്രതിനിധികൾ, റസിഡൻസ് അസോസിയേഷൻ പ്രതിനിധികൾ എന്നിവർ പങ്കെടുക്കുന്ന ഓപ്പൺ ഫോറം ജൂൺ 23 ന് മൂന്ന് മണിക്ക് ജില്ലാ കളക്ടറുടെ അധ്യക്ഷതയിൽ കളക്ടറേറ്റ് കോൺഫറൻസ് ഹാളിൽ ചേരുമെന്ന് ജില്ലാ സപ്ലൈ ഓഫീസർ അറിയിച്ചു.

തിരുവനന്തപുരം എല്‍ ബി എസ് സെന്റര്‍ ഫോര്‍ സയന്‍സ് ആന്‍ഡ് ടെക്‌നോളജി ഭിന്നശേഷിക്കാര്‍ക്കായി സൗജന്യ പുനരധിവാസ പരിശീലന പരിപാടി സംഘടിപ്പിക്കുന്നു. വിമുക്തഭടന്‍മാരുടെ ഭിന്നശേഷിക്കാരായ ആശ്രിതര്‍ / വിധവകള്‍ എന്നിവര്‍ക്ക് അപേക്ഷിക്കാം. താല്‍പര്യമുളളവര്‍ വിശദവിവരങ്ങള്‍ ഉടന്‍ ജില്ലാ സൈനിക ക്ഷേമ ഓഫീസില്‍ നല്‍കണം. കൂടുതല്‍ വിവരങ്ങള്‍ക്ക് ഫോണ്‍  : 0471-2324396.

മൃഗസംരക്ഷണ വകുപ്പിന്റെ ആഭിമുഖ്യത്തില്‍ ഏകദിന സംരംഭക്ത്വ പരിശീലന പരിപാടി ചാലക്കുടി, കുന്ദംകുളം എന്നീ പ്രാദേശിക മൃഗസംരക്ഷണ കേന്ദ്രങ്ങളില്‍ നടത്തുന്നു. മൃഗസംരക്ഷണ പ്രവര്‍ത്തികളില്‍ എര്‍പ്പെട്ടിരിക്കുന്നവര്‍ക്കും പുതുതായി സംരംഭകരാകാന്‍ ഉദ്ദേശിക്കുന്നവര്‍ക്കും പങ്കെടുക്കാം. താല്‍പര്യമുളളവര്‍ ജൂണ്‍ 30 നകം അതത് പ്രദേശത്തെ മൃഗാശുപത്രികളില്‍ പേര് രജിസ്റ്റര്‍ ചെയ്യണമെന്ന് ജില്ലാ മൃഗസംരക്ഷണ ഓഫീസര്‍ അറിയിച്ചു. കൂടുതല്‍ വിവരങ്ങള്‍ക്ക് ഫോണ്‍ :  0487-2361216.
 

ഷോപ്പ്‌സ് ആന്‍ഡ് കമേഴ്‌സ്യല്‍ എസ്റ്റാബ്ലിഷ്‌മെന്റ്‌സ് തൊഴിലാളി ക്ഷേമനിധി ബോര്‍ഡ് പത്ത്, പന്ത്രണ്ട് എന്നീ ക്ലാസ്സുകളില്‍ ഉന്നത വിജയം നേടിയ ക്ഷേമനിധി അംഗങ്ങളുടെ മക്കള്‍ക്ക് ക്യാഷ് അവാര്‍ഡ് നല്‍കുന്നതിന്  അപേക്ഷ ക്ഷണിച്ചു. അപേക്ഷയോടൊപ്പം അംഗത്വകാര്‍ഡ്, ബാങ്ക് പാസ് ബുക്കിന്റെ കോപ്പി, മാര്‍ക്ക് ഷീറ്റുകളുടെയും ഗ്രേസ് ഷീറ്റുകളുടെയും സാക്ഷ്യപ്പെടുത്തിയ പകര്‍പ്പ് എന്നിവ ക്ഷേമനിധിയുടെ ജില്ലാ എക്‌സിക്യൂട്ടീവ് ഓഫീസില്‍ ജൂലൈ 10 നകം നല്‍കണം. കൂടുതല്‍ വിവരങ്ങള്‍ക്ക് ഫോണ്‍ : 0487-2364886. 
 

നാടന്‍ നെല്‍ വിത്തിനങ്ങളായ വയനാടന്‍ തൊണ്ടി, വലിയ ചെന്നെല്ല്, പാല്‍ തൊണ്ടി, ചേറ്റാടി, കുറുവ, ചിറ്റേനി എന്നിവ കൃഷി ഭവനകളിലും വിത്തു വികസന  അതോറിറ്റിയിലും ലഭിക്കും. കൂടുതല്‍ വിവരങ്ങള്‍ക്ക് ഫോണ്‍ :  0487-2360299, 2360301.
 

പീടിക തൊഴിലാളി ക്ഷേമനിധി അംശാദായം കുടിശ്ശിക വരുത്തിയിട്ടുളള കൊടുങ്ങല്ലൂര്‍ താലൂക്കില്‍ തൊഴിലുടമകളും സ്വയം തൊഴില്‍ ചെയ്യുന്നവരും പിഴപ്പലിശ സഹിതം അംശദായ കുടിശ്ശിക അടക്കുന്നതിന് ഇന്ന് (ജൂണ്‍ 19) കൊടുങ്ങല്ലൂര്‍ അസിസ്റ്റന്റ് ലേബര്‍ ഓഫീസില്‍ എത്തണമെന്ന് ജില്ല എക്‌സിക്യൂട്ടീവ് ഓഫീസര്‍ അറിയിച്ചു. കൂടുതല്‍ വിവരങ്ങള്‍ക്ക് ഫോണ്‍ : 0487-2364866.

സഹകരണ സംഘം ഞാറ്റുവേല ചന്ത മുല്ലശ്ശേരി പഞ്ചായത്ത് കമ്മ്യൂണിറ്റി ഹാളില്‍ തുടങ്ങി കൃഷി വകുപ്പു മന്ത്രി അഡ്വ. വി.എസ്.സുനില്‍കുമാര്‍ ഉദ്ഘാടനം ചെയ്തു.  മുരളി പെരുനെല്ലി എം എല്‍ എ അധ്യക്ഷത വഹിച്ചു. കാര്‍ഷിക സംസ്‌കൃതിയുടെ ഭാഗമായി ഒരുക്കിയിട്ടുള്ള ഞാറ്റുവേല ചന്തയില്‍ കാര്‍ഷിക വിളകളുടെയും നടീല്‍ വസ്തുക്കളുടെയും  പ്രദര്‍ശനം, വിപണനം എന്നിവയാണ് ഒരുക്കിയിട്ടുള്ളത്. 21 വരെ നീളുന്ന ഞാറ്റുവേല ചന്തയില്‍ വിവിധ കര്‍ഷകര്‍ക്കും വിദ്യാര്‍ത്ഥികള്‍ക്കുമായി പഠനക്ലാസ് നടത്തും.

ഭാഗ്യക്കുറി സുവര്‍ണ്ണ ജൂബിലിയോടനുബന്ധിച്ച് അംഗപരിമിതരായ ഭാഗ്യക്കുറി തൊഴിലാളികള്‍ക്ക് മുച്ചക്രവാഹനത്തിന്റെ വിതരണ ഉദ്ഘാടനം തൃശൂര്‍ ടൗണ്‍ ഹാളില്‍ ജൂണ്‍ 20 ഉച്ചയ്ക്ക് 2 ന് സി എന്‍ ജയദേവന്‍ എം പി നിര്‍വഹിക്കും. ക്ഷേമനിധി ബോര്‍ഡംഗം പി ആര്‍ ജയപ്രകാശ് അദ്ധ്യക്ഷത വഹിക്കും. ക്ഷേമനിധി ബോര്‍ഡ് മുഖേന വാഹന വിതരണം മേയര്‍ അജിത ജയരാജനും വികലാംഗക്ഷേമ കോര്‍പ്പറേഷന്‍ മുഖേന വാഹന വിതരണം ജില്ലാ പഞ്ചായത്ത് പ്രസിഡണ്ട് മേരി തോമസും നിര്‍വഹിക്കും. വികലാംഗക്ഷേമ കോര്‍പ്പറേഷന്‍ ചെയര്‍മാന്‍ അഡ്വ. പരശുവെക്കല്‍ മോഹനന്‍ മുഖ്യാതിഥിയാകും.