ഹജ്ജ് തീര്‍ഥാടകര്‍ക്ക് പത്തനംതിട്ട ജനറല്‍ ആശുപത്രിയില്‍ വാക്‌സിന്‍ വിതരണം ചെയ്തു. പന്തളം കടയ്ക്കാട് ഹബീബാസില്‍ താജുഖാന് വാക്‌സിന്‍ നല്‍കിക്കൊണ്ട് ജില്ലാ മെഡിക്കല്‍ ഓഫീസര്‍ ഡോ.എ.എല്‍.ഷീജ വാക്‌സിന്‍ വിതരണം ഉദ്ഘാടനം ചെയ്തു. ഡെപ്യൂട്ടി ഡിഎംഒ ഡോ.സി.എസ്.നന്ദിനി, ആശുപത്രി സൂപ്രണ്ട് ഡോ.സാജന്‍ മാത്യൂസ്, ടെക്‌നിക്കല്‍ അസിസ്റ്റന്റുമാരായ സി.ജി.ശശിധരന്‍, എം.ആര്‍.അനില്‍കുമാര്‍, മാസ് മീഡിയ ഓഫീസര്‍ റ്റി.കെ.അശോക് കുമാര്‍ എന്നിവര്‍ ചടങ്ങില്‍ പങ്കെടുത്തു. 

വാഹനം ലഭ്യമാക്കുന്നതിന് ക്വട്ടേഷന്‍ ക്ഷണിച്ചു

വൃക്ഷം നടുന്നതിന് വനംവകുപ്പിന്‍റെ പ്രോത്സാഹന ധനസഹായം
കൊച്ചി: സ്വകാര്യഭൂമിയിലെ ശോഷിച്ചുവരുന്ന തടിയുത്പാദനം വര്‍ദ്ധിപ്പിക്കുന്നതിനും സര്‍വ്വ സാധാരണമായി ഉത്പാദിപ്പിക്കുന്ന തടിയിനങ്ങളില്‍ സ്വയം പര്യാപ്തത കൈവരിക്കുന്നതിനും അതുവഴി ഭൂവുടമകള്‍ക്ക് അധിക വരുമാനം ലഭിക്കുന്നതിനും വനംവകുപ്പ് പ്രോത്സാഹന ധനസഹായ പദ്ധതി നടപ്പാക്കി വരുന്നു.  തേക്ക്, ചന്ദനം, മഹാഗണി, ആഞ്ഞിലി, പ്ലാവ്, റോസ്‌വുഡ്, കമ്പകം, കുമ്പിള്‍, കുന്നിവാക, തേമ്പാവ് എന്നീ വൃക്ഷതൈകള്‍ നട്ടുവളര്‍ത്തുന്നത് പ്രോത്സാഹിപ്പിക്കുന്നതിനാണ് ഈ പദ്ധതി വിഭാവനം ചെയ്യുന്നത്. 

തിരുവനന്തപുരം സ്റ്റേറ്റ് സെൻട്രൽ ലൈബ്രറിയിലെ സ്റ്റോക്ക് വെരിഫിക്കേഷൻ ജോലികൾ നടത്തുന്നതിന് എട്ട് ലൈബ്രറി അസിസ്റ്റന്റുമാരെ താത്കാലികമായി (ആറ് മാസത്തേക്ക്) നിയമിക്കുന്നു. ലൈബ്രറി സയൻസ് സർട്ടിഫിക്കറ്റ് കോഴ്‌സ് പാസ്സായവരും,  Koha ലൈബ്രറി സോഫ്റ്റ്‌വെയർ പരിചയമുള്ളതുമായ ഉദ്യോഗാർത്ഥികൾ ജൂലൈ ഒൻപതിന് രാവിലെ 10ന് അസ്സൽ സർട്ടിഫിക്കറ്റുകളും പകർപ്പുകളും ബയോഡാറ്റയും സഹിതം സ്റ്റേറ്റ് സെൻട്രൽ ലൈബ്രറിയിൽ ഇന്റർവ്യൂവിന് എത്തണം. 17,420 രൂപയാണ് പരമാവധി പ്രതിമാസ വേതനം.
പി.എൻ.എക്സ്.2139/19

കേരള റേഷൻ വ്യാപാരി ക്ഷേമനിധിയിൽ അംഗങ്ങളായവരുടെ മക്കളിൽ 2018-19 അധ്യയന വർഷത്തെ എസ്.എസ്.എൽ.സി, ഹയർസെക്കൻഡറി വിഭാഗങ്ങളിലെ സ്റ്റേറ്റ്, സി.ബി.എസ്.ഇ, ഐ.സി.എസ്.ഇ വിഭാഗം പരീക്ഷകളിൽ ഏറ്റവും കൂടുതൽ മാർക്ക് വാങ്ങിയ വിദ്യാർത്ഥികൾക്കുള്ള സ്‌കോളർഷിപ്പിന് അപേക്ഷിക്കാം. താലൂക്ക് സപ്ലൈ ഓഫീസിലും സിറ്റി റേഷനിംഗ് ഓഫീസുകളിലും അപേക്ഷ സമർപ്പിക്കണമെന്ന് കേരള റേഷൻ വ്യാപാരി ക്ഷേമനിധി സെക്രട്ടറി ആൻഡ് ചീഫ് എക്‌സിക്യൂട്ടീവ് അറിയിച്ചു. അപേക്ഷകൾ സെപ്റ്റംബർ 30 വൈകിട്ട് അഞ്ചിനകം ലഭിക്കണം. 
പി.എൻ.എക്സ്.2138/19

മഹാത്മാ ഗാന്ധിയുടെ എഴുപതാം രക്തസാക്ഷിത്വ വാർഷികത്തിന്റെ ഭാഗമായി സാംസ്‌കാരിക വകുപ്പിന്റെ ആഭിമുഖ്യത്തിൽ നടത്തിയ രക്തസാക്ഷ്യം പരിപാടിയുമായി ബന്ധപ്പെട്ട് തയാറാക്കിയ സോവനീറിന്റെ പ്രകാശനവും ഗാന്ധിജി സത്യാനന്തരയുഗത്തിൽ എന്ന ദേശീയ സെമിനാറിന്റെ ഉദ്ഘാടനവും ജൂലൈ 11ന് മുഖ്യമന്ത്രി പിണറായി വിജയൻ നിർവഹിക്കും. വി.ജെ.ടി ഹാളിൽ വൈകിട്ട് നാലിന് നടക്കുന്ന ചടങ്ങിൽ സാംസ്‌കാരികമന്ത്രി എ.കെ.ബാലൻ അധ്യക്ഷത വഹിക്കും. രഞ്ജിപണിക്കർ സോവനീർ സ്വീകരിക്കും. ശിവ് വിശ്വനാഥൻ, സുനിൽ പി. ഇളയിടം, മീന.ടി.പിളള എന്നിവർ സെമിനാറിൽ പങ്കെടുക്കും.
പി.എൻ.എക്സ്.2137/19