ഷൊര്‍ണൂര്‍ മേഖലാ സ്റ്റേഷനറി ഓഫീസിലെ 2019- 20 വര്‍ഷത്തെ ഗതാഗത കയറ്റിറക്ക് ജോലികള്‍ ഏറ്റെടുത്ത് നിര്‍വഹിക്കുന്നതിന് ദര്‍ഘാസുകള്‍ ക്ഷണിച്ചു. 1000 രൂപ നിരതദ്രവ്യം അടക്കം ജൂലൈ 17 ന് ഉച്ചയ്ക്ക് രണ്ടുവരെ ദര്‍ഘാസുകള്‍ സ്വീകരിക്കും. അന്നേദിവസം വൈകീട്ട് മൂന്നിന് ദര്‍ഘാസ് തുറക്കും. കൂടുതല്‍ വിവരങ്ങള്‍ക്ക് ഷൊര്‍ണൂര്‍ അസിസ്റ്റന്റ് സ്റ്റേഷനറി കണ്‍ട്രോളറുടെ ഓഫീസുമായി ബന്ധപ്പെടാം. ഫോണ്‍: 0466-2220572.

ബാങ്ക് വായ്പ കുടിശ്ശിക തിരിച്ചടയ്ക്കാത്തതിനെ തുടര്‍ന്ന് ജപ്തി ചെയ്ത തൃക്കടീരി കുറ്റിക്കോട് അണ്ടൂര്‍തൊടിയില്‍ വീട്ടിലെ അഹമ്മദ് അന്‍സാരിയുടെ ഉടമസ്ഥതയിലുള്ള ഗ്രീന്‍ എര്‍ത്ത് പേപ്പര്‍ പ്രൊഡക്ഷന്‍ യൂണിറ്റിലെ രണ്ട് പേപ്പര്‍ കപ്പ് നിര്‍മാണ മെഷീനുകളുടെ ലേലം ഓഗസ്റ്റ് രണ്ടിന് രാവിലെ 11 ന് നടത്തുമെന്ന് ഒറ്റപ്പാലം തഹസില്‍ദാര്‍ അറിയിച്ചു. 

അട്ടപ്പാടി ഐ.റ്റി.ഡി.പി ഓഫീസിനു കീഴില്‍ മുക്കാലിയില്‍ പ്രവര്‍ത്തിക്കുന്ന അട്ടപ്പാടി മോഡല്‍ റസിഡന്‍ഷ്യല്‍ സ്‌കൂളില്‍ മാത്സ് അധ്യാപക തസ്തികയില്‍ ഒഴിവുണ്ട്. ദിസവേതനടിസ്ഥാനത്തിലാണ് നിയമനം. സ്‌കൂളില്‍ താമസിച്ച് പഠിപ്പിക്കാന്‍ തയ്യാറായ എം.എസ്.സി, ബി.എഡ്, സെറ്റ്/നെറ്റ് യോഗ്യതയുള്ളവര്‍ക്ക് അപേക്ഷിക്കാം. താല്‍പര്യമുള്ളവര്‍ ജൂലൈ എട്ടിന് രാവിലെ 10ന് സ്‌കൂളില്‍ കൂടിക്കാഴ്ച്ചയ്ക്ക് എത്തണമെന്ന് ഹെഡ്മാസ്റ്റര്‍ അറിയിച്ചു. 

പാലക്കാട് ഗവ. പോളിടെക്‌നിക് കോളെജില്‍ എ.സി മെക്കാനിക്, മൊബൈല്‍ ടെക്‌നീഷ്യന്‍ എന്നീ ഹ്രസ്വകാല കോഴ്‌സുകളിലേക്ക് അപേക്ഷ ക്ഷണിച്ചു. താല്‍പര്യമുള്ളവര്‍ ജൂലൈ എട്ടിന് രാവിലെ 10 .30 ന് കോളെജില്‍ എത്തണം. ഫോണ്‍: 0491-2571369, 9447834732.

മനുഷ്യാവകാശ കമ്മീഷന്‍ ജൂലൈ 10 ന് പാലക്കാട് ഗസ്റ്റ് ഹൗസില്‍ സിറ്റിംഗ് നടത്തും. കമ്മീഷന്‍ അംഗം കെ.മോഹന്‍കുമാര്‍ സിറ്റിങിന് നേതൃത്വം നല്‍കും.

പാലക്കാട് ഭാരതമാതാ സ്‌കൂള്‍ പൂര്‍വ്വ വിദ്യാര്‍ഥി സംഘടനയുടെ നേതൃത്വത്തില്‍ കുമാരനാശാന്റെ 'ചിന്താവിഷ്ടയായ സീത' പുനര്‍വായന ജൂലൈ ആറിന് രാവിലെ 10.30ന് സ്‌കൂളില്‍ നടക്കും. സ്‌കൂള്‍ മാനേജ്‌മെന്റിന്റെയും പി.ടി.എ.യുടെയും സഹകരണത്തോടെ വിസ്ഡം സെന്ററിലാണ് പരിപാടി സംഘടിപ്പിക്കുന്നത്. കവിയും ഗാനരചയിതാവുമായ റഫീഖ് അഹമ്മദ്, കുന്നംകുളം ബഥനി സെന്റ് ജോണ്‍സ് സ്‌കൂള്‍ പ്രിന്‍സിപ്പാള്‍ ഫാദര്‍ പത്രോസ് തുടങ്ങിയവര്‍ പങ്കെടുക്കും. പങ്കെടുക്കാന്‍ താല്‍പര്യമുള്ളവര്‍ 9495171833, 9847256695 ഫോണ്‍ നമ്പറുകളില്‍ ബന്ധപ്പെടുക.

ചിറ്റൂര്‍ താലൂക്ക് വികസന സമിതി യോഗം ജൂലൈ ആറിന് താലൂക്ക് കോണ്‍ഫറന്‍സ് ഹാളില്‍ നടക്കും. ബന്ധപ്പെട്ട ഉദ്യോഗസ്ഥരും ജനപ്രതിനിധികളും വികസനസമിതി യോഗത്തില്‍ പങ്കെടുക്കണമെന്ന് തഹസില്‍ദാര്‍ അറിയിച്ചു.