ജൂണിൽ നടത്തിയ ഹയർസെക്കന്ററി രണ്ടാം വർഷ സേ/ഇംപ്രൂവ്‌മെന്റ് പരീക്ഷ ഫലം പ്രസിദ്ധീകരിച്ചു. പരീക്ഷാഫലം www.dhsekerala.gov.in, www.keralaresults.nic.in  വെബ്‌സൈറ്റുകളിൽ ലഭിക്കും.
പി.എൻ.എക്സ്.2178/19

പ്രവേശന പരീക്ഷയുമായി ബന്ധപ്പെട്ട് പട്ടികവിഭാഗം വിദ്യാർത്ഥികളുടെ കാറ്റഗറി പട്ടിക തയാറാക്കുന്ന നടപടിക്രമങ്ങളിലുണ്ടായ കാലതാമസത്തിന്റെ കാരണങ്ങളെ സംബന്ധിച്ചും വിദ്യാർത്ഥികൾക്ക് ഉണ്ടാകുന്ന അവസരനഷ്ടവും മാനസിക പ്രയാസങ്ങളും ഒഴിവാക്കാനുള്ള നടപടികളും പ്രൊഫഷണൽ കോഴ്‌സുകളുടെ ആദ്യ അലോട്ട്‌മെന്റിന് മുമ്പ് തന്നെ കമ്മീഷനെ അറിയിക്കാൻ ഉന്നത വിദ്യാഭ്യാസ വകുപ്പ് പ്രിൻസിപ്പൽ സെക്രട്ടറിക്ക് പട്ടികജാതി പട്ടികഗോത്രവർഗ കമ്മീഷൻ നിർദ്ദേശം നൽകി. ഇതു സംബന്ധിച്ച് തുടർവാദം കമ്മീഷൻ ആസ്ഥാനത്ത് നടക്കും.
പി.എൻ.എക്സ്.2177/19

ജൂലൈ 11 മുതൽ 14 വരെ ബീഹാറിലെ പാട്‌നയിൽ നടക്കുന്ന 66-ാമത്  സീനിയർ വുമൺ കബഡി നാഷണൽ ചാമ്പ്യൻഷിപ്പിലേക്ക് പങ്കെടുക്കേണ്ട കേരള ടീമിനെ തെരഞ്ഞെടുക്കുന്നതിന് നാളെ (ജൂലൈ ആറ്) ഉച്ചക്ക് രണ്ടിന് തിരുവനന്തപുരം സെൻട്രൽ സ്റ്റേഡിയത്തിൽ കേരള സ്റ്റേറ്റ് സ്‌പോർട്‌സ് കൗൺസിലിൽ ഓപ്പൺ സെലക്ഷൻ ട്രയൽസ് നടത്തും.

സംസ്ഥാന സഹകരണ യൂണിയന്റെ നേതൃത്വത്തിൽ നാളെ അന്തർദേശീയ സഹകരണ ദിനമായി ആചരിക്കും.  ദിനത്തിന്റെ ഭാഗമായി സഹകരണ യൂണിയന്റെ കീഴിലുള്ള പരിശീലന കോളേജുകൾ, കേന്ദ്രങ്ങൾ, കിക്മ, കിക്മ ആർട്‌സ് ആന്റ് സയൻസ് കോളേജ്, സർക്കിൾ സഹകരണ യൂണിയനുകൾ എന്നിവയിൽ വിവിധ സെമിനാറുകളും മറ്റും സംഘടിപ്പിക്കും. "Coops 4 Decent Work’ എന്നതാണ് ഇക്കൊല്ലത്തെ പ്രമേയം.  സംസ്ഥാന സഹകരണ യൂണിയൻ സ്റ്റാമ്പും പുറത്തിറക്കും.  ദിനാചരണം വിജയകരമാക്കാൻ സഹകരണ സംഘം ഭാരവാഹികളുടെയും വകുപ്പ് ഉദ്യോഗസ്ഥരുടേയും സഹകരണം സഹകരണ യൂണിയൻ അഡ്മിനിസ്‌ട്രേറ്റീവ് കമ്മിറ്റി കൺവീനർ കോലിയക്കോട് എൻ. കൃഷ്ണൻ നായർ അഭ്യർത്ഥിച്ചു.
പി.എൻ.എക്സ്.2173/19

നാഷണൽ ഐടി മത്സരത്തിൽ പങ്കെടുക്കുന്നതിന് 13 നും 21 നും ഇടയിൽ പ്രായമുളള അന്ധർ, ബധിരർ, ശാരീരിക അവശതയുളളവർ, ബുദ്ധവൈകല്യമുളളവർ വിഭാഗങ്ങളിൽപെട്ട ഭിന്നശേഷിക്കാരിൽ നിന്നും അപേക്ഷ ക്ഷണിച്ചു. താൽപര്യമുളളവർ ജൂലൈ അഞ്ചിനകം ദി ഡയറക്ടർ, ഡിപ്പാർട്ട്‌മെന്റ് ഓഫ് എംപവർമെന്റ് ഓഫ് പേഴ്‌സൺസ് വിത്ത് ഡിസബലിറ്റീസ്, റൂം നമ്പർ 518, അന്ത്യോദയ ഭവൻ, സിജിഒ കോംപ്ലക്‌സ്, ന്യൂഡെൽഹി എന്ന വിലാസത്തിലോkvs.rao13@nic.in എന്ന ഇ-മെയിലോ അപേക്ഷ നൽകണം. ഫോൺ : 0487-2321702.
 

സ്റ്റേറ്റ് ലൈബ്രറി കൗൺസിലിന്റെ നേതൃത്വത്തിൽ വായനപക്ഷാചരണം സംഘടിപ്പിക്കുന്നതിന്റെ ഭാഗമായി പിഎൻ പണിക്കർ ഫൗണ്ടേഷന്റെ ആഭിമുഖ്യത്തിൽ തൃശൂർ ഗവ. മോഡൽ ഗേൾസ് സ്‌കൂളിൽ ജൂലൈ ആറിന് ഹൈസ്‌കൂൾതല ക്വിസ് മത്സരം നടത്തും. ഒരു സ്‌കൂളിൽ നിന്നും രണ്ടു പേർക്ക് പങ്കെടുക്കാം. താൽപര്യമുളളവർ സ്ഥാപനമേധാവിയുടെ സാക്ഷ്യപത്രം സഹിതം രാവിലെ ഒൻപതിന് എത്തണമെന്ന് വിദ്യാഭ്യാസ ഉപഡയറക്ടർ അറിയിച്ചു.