തിരുവനന്തപുരം ജില്ലാ പഞ്ചായത്ത് ദാരിദ്ര്യ ലഘൂകരണ വിഭാഗത്തിലെ 2018 - 2019 സാമ്പത്തിക വര്‍ഷത്തെ കേന്ദ്രാവിഷ്‌കൃത പദ്ധതികളുടെ ഓഡിറ്റ് നടത്തുന്നതിന് അംഗീകൃത ചാര്‍ട്ടേഡ് അക്കൗണ്ടന്റുമാരില്‍നിന്നും സ്ഥാപനങ്ങളില്‍നിന്നും താത്പര്യപത്രം ക്ഷണിച്ചു. ജൂലായ് 15 വരെ അപേക്ഷിക്കാം. കൂടുതല്‍ വിവരങ്ങള്‍ക്ക് ജില്ലാ ദാരിദ്ര്യ ലഘൂകരണ വിഭാഗത്തിന്റെ 0471 2360137, 2360138 എന്നീ നമ്പറുകളില്‍ ബന്ധപ്പെടണമെന്ന് പ്രൊജക്ട് ഡയറക്ടര്‍ അറിയിച്ചു.  
(പി.ആര്‍.പി. 705/2019)

കാക്കനാട്: അമ്പത് ശതമാനത്തിനു മുകളിൽ ഭിന്നശേഷിയുള്ള മാതാവിന് കുഞ്ഞിനെ പരിപാലിക്കാൻ മാതൃജ്യോതി പദ്ധതിയിലുൾപ്പെടുത്തി  ധനസഹായം ലഭിക്കാൻ ഇപ്പോൾ അപേക്ഷിക്കാം .  കുഞ്ഞ് ജനിച്ച് 24 മാസത്തേക്ക് പ്രതിമാസം 2000 രൂപ വീതമാണ് നൽകുക.  ആശുപത്രിയിൽ നിന്നുള്ള ഡിസ്ചാർജ്ജ് സർട്ടിഫിക്കറ്റ്, വൈകല്യം തെളിയിക്കുന്നതിന് മെഡിക്കൽ ബോർഡ് നൽകുന്ന ഡിസെബിലിറ്റി സർട്ടിഫിക്കറ്റ് എന്നിവ സഹിതം അപേക്ഷിക്കണം.  വിശദ വിവരം കളക്ടറേറ്റിലെ ജില്ലാ സാമൂഹ്യനീതി ഓഫീസിൽ ലഭിക്കും.  ഫോൺ: 0484 2425377

കാക്കനാട്: ക്ഷീര വികസന വകുപ്പ് ജില്ലാ വാർഷിക പദ്ധതി പ്രകാരം തീറ്റപ്പുൽകൃഷി, മിൽക്ക് ഷെഡ് ഡെവലപ്മെന്റ് പദ്ധതികൾക്കു കീഴിലുള്ള  വിവിധ ക്ഷീര വികസന പദ്ധതികളിൽ ധനസഹായം ലഭിക്കാൻ അപേക്ഷിക്കാം.  തീറ്റപ്പുൽകൃഷി, അസോളകൃഷി, ഒരു പശു യൂണിറ്റ്, രണ്ട് പശു യൂണിറ്റ്, അഞ്ച് പശു യൂണിറ്റ്, പത്ത് പശു യൂണിറ്റ്, അഞ്ച് കിടാരി യൂണിറ്റ്, പത്ത് കിടാരി യൂണിറ്റ് എന്നിവക്കാണ് ധനസഹായം.  കറവ യന്ത്രം വാങ്ങുന്നതിനും നിലവിലെ ഡയറി യൂണിറ്റുകൾക്കുള്ള ധനസഹായത്തിനും അപേക്ഷിക്കാം.  നിശ്ചിത മാതൃകയിലുള്ള അപേക്ഷ ജൂൺ 20 നകം പ്രദേശത്തെ ക്ഷീര സഹകരണ സംഘങ്ങളിലോ ബ്ലോക്ക് ക്ഷീരവികസന യൂണിറ്റി ലോ സമർപ്പിക്കണം

കോതമംഗലം:  സംസ്ഥാനത്തെ മികച്ച പ്രാഥമിക സഹകരണ ബാങ്കിനുള്ള  സഹകരണ വകുപ്പ് അവാർഡ് കവളങ്ങാട് സർവീസ് സഹകരണ ബാങ്കിന് . കഴിഞ്ഞ സാമ്പത്തീക വർഷത്തെ പ്രവർത്തന മികവും നേട്ടങ്ങളുമാണ് ബാങ്കിനെ അവാർഡിനർഹമാക്കിയത്.  കവളങ്ങാട്, പല്ലാരിമംഗലം പഞ്ചായത്തുകൾ  പ്രവർത്തനമേഖല ആയിട്ടുള്ള ബാങ്ക് ജില്ലയിലെ  ഏറ്റവും പ്രവർത്തനക്ഷമമായ  പ്രാഥമിക സഹകരണ ബാങ്കാണ്. കാർഷിക രംഗത്ത് നൂതനമായ പദ്ധതികൾ ആവിഷ്കരിച്ചു പ്രവർത്തിച്ചുവരിക വഴി ബാങ്ക് ഇതിനോടകം ശ്രദ്ധേയമായിക്കഴിഞ്ഞു. സ്വന്തമായി കാർഷിക മാർക്കറ്റുള്ളതോടൊപ്പം തന്നെ കാർഷിക വസ്തുക്കളെ മൂല്യവർധിത ഉൽപ്പന്നങ്ങൾ ആക്കി മാറ്റി  വിപണിയിലെത്തിക്കാൻ  ബാങ്കിന് കഴിഞ്ഞിട്ടുണ്ട്.

സ്‌കോൾ-കേരളയിലൂടെ 2019-21 ബാച്ചിലേക്കുള്ള പ്ലസ് വൺ പ്രവേശനത്തിന് രജിസ്റ്റർ ചെയ്യാനുള്ള സമയം നീട്ടി. പിഴകൂടാതെ ജൂലൈ 20 വരെയും 60 രൂപ പിഴയോടെ 30 വരെയും ഫീസടച്ച്  www.scolekerala.org മുഖേന രജിസ്റ്റർ ചെയ്യാം. രജിസ്റ്റർ ചെയ്ത് രണ്ട് ദിവസത്തിനകം നിർദ്ദിഷ്ട രേഖകൾ സഹിതമുള്ള അപേക്ഷകൾ ബന്ധപ്പെട്ട ജില്ലാ കേന്ദ്രങ്ങളിൽ നേരിട്ടോ സ്‌കോളിന്റെ സംസ്ഥാന ഓഫീസിൽ നേരിട്ടോ തപാൽ മാർഗ്ഗമോ എത്തിക്കണമെന്ന് എക്‌സിക്യൂട്ടീവ് ഡയറക്ടർ അറിയിച്ചു. വിശദവിവരങ്ങൾക്ക്: 0471-2342950, 2342271, 2342369.

പി.എൻ.എക്സ്.2189/19

കേരള കർഷക തൊഴിലാളി ക്ഷേമ പദ്ധതിയിലെ അംഗങ്ങളുടെ മക്കൾക്ക്   2019 മാർച്ചിലെ എസ്.എസ്.എൽ.സി/ ടി.എച്ച്.എസ്.എൽ.സി, പ്ലസ്ടു, ഡിഗ്രി, പി.ജി., ടി.ടി.സി., ഐ.ടി.ഐ., ഐ.ടി.സി., പോളിടെക്‌നിക്, ജനറൽ നഴ്‌സിംഗ്, പ്രൊഫഷണൽ ഡിഗ്രി, എം.ബി.ബി.എസ്, പ്രൊഫഷണൽ പി.ജി., മെഡിക്കൽ പി.ജി പരീക്ഷകളിൽ ലഭിച്ച ഉയർന്ന മാർക്കിന്റെ അടിസ്ഥാനത്തിൽ പാരിതോഷികം നൽകുന്നതിന് തിരുവനന്തപുരത്തെ ക്ഷേമനിധി അംഗങ്ങളിൽ നിന്നും നിശ്ചിത മാതൃകയിൽ അപേക്ഷ ക്ഷണിച്ചു. 2019 എസ്.എസ്.എൽ.സി/ ടി.എച്ച്.എസ്.എൽ.സി പരീക്ഷ ആദ്യ അവസരത്തിൽ പാസായവരും, 80 ഉം 80 ൽ കൂടുതലും പോയിന്റ് നേടിയവരുമാണ് അപേക്ഷിക്കേണ്ടത്.

കാക്കനാട്: തൊഴിൽ രഹിതരായ യുവതീ യുവാക്കൾക്ക് വിവിധ തൊഴിൽ രംഗത്ത് പരിശീലനം നൽകി തൊഴിൽ ഉറപ്പാക്കുന്നത് ലക്ഷ്യമിട്ടുള്ള ജില്ലാ നൈപുണ്യ വികസന സമിതിയുടെ ആദ്യ യോഗം ചേർന്നു. സിവിൽ സ്റ്റേഷൻ പ്ലാനിംഗ് ഹാളിൽ നടന്ന യോഗത്തിൽ ഡെപ്യൂട്ടി കളക്ടർ എസ്. ഷാജഹാൻ അദ്ധ്യക്ഷത വഹിച്ചു. 

കാക്കനാട്: ജില്ലയെ മാലിന്യമുക്തമാക്കാന്‍ കളക്ടര്‍ എസ്. സുഹാസ് മുന്‍കയ്യെടുത്ത് ആവിഷ്കരിച്ച ക്ലീൻ എറണാകുളത്തിന്റെ ആദ്യ ഘട്ടത്തിൽ മുട്ടം മെട്രോ സ്റ്റേഷൻ മുതൽ അമ്പാട്ട്കാവ് വരെ വൃത്തിയാക്കുന്നു. ജൂലൈ13ന് റോഡിന്റെ ഇരുവശവും 100 മീറ്റർ പാതയോരമാണ് സന്നദ്ധപ്രവര്‍ത്തനത്തിലൂടെ ശുചീകരിക്കുന്നത്.