സ്‌കോൾ-കേരളയിലൂടെ 2019-21 ബാച്ചിലേക്കുള്ള പ്ലസ് വൺ പ്രവേശനത്തിന് രജിസ്റ്റർ ചെയ്യാനുള്ള സമയം നീട്ടി. പിഴകൂടാതെ ജൂലൈ 20 വരെയും 60 രൂപ പിഴയോടെ 30 വരെയും ഫീസടച്ച്  www.scolekerala.org മുഖേന രജിസ്റ്റർ ചെയ്യാം. രജിസ്റ്റർ ചെയ്ത് രണ്ട് ദിവസത്തിനകം നിർദ്ദിഷ്ട രേഖകൾ സഹിതമുള്ള അപേക്ഷകൾ ബന്ധപ്പെട്ട ജില്ലാ കേന്ദ്രങ്ങളിൽ നേരിട്ടോ സ്‌കോളിന്റെ സംസ്ഥാന ഓഫീസിൽ നേരിട്ടോ തപാൽ മാർഗ്ഗമോ എത്തിക്കണമെന്ന് എക്‌സിക്യൂട്ടീവ് ഡയറക്ടർ അറിയിച്ചു. വിശദവിവരങ്ങൾക്ക്: 0471-2342950, 2342271, 2342369.

പി.എൻ.എക്സ്.2189/19

കേരള കർഷക തൊഴിലാളി ക്ഷേമ പദ്ധതിയിലെ അംഗങ്ങളുടെ മക്കൾക്ക്   2019 മാർച്ചിലെ എസ്.എസ്.എൽ.സി/ ടി.എച്ച്.എസ്.എൽ.സി, പ്ലസ്ടു, ഡിഗ്രി, പി.ജി., ടി.ടി.സി., ഐ.ടി.ഐ., ഐ.ടി.സി., പോളിടെക്‌നിക്, ജനറൽ നഴ്‌സിംഗ്, പ്രൊഫഷണൽ ഡിഗ്രി, എം.ബി.ബി.എസ്, പ്രൊഫഷണൽ പി.ജി., മെഡിക്കൽ പി.ജി പരീക്ഷകളിൽ ലഭിച്ച ഉയർന്ന മാർക്കിന്റെ അടിസ്ഥാനത്തിൽ പാരിതോഷികം നൽകുന്നതിന് തിരുവനന്തപുരത്തെ ക്ഷേമനിധി അംഗങ്ങളിൽ നിന്നും നിശ്ചിത മാതൃകയിൽ അപേക്ഷ ക്ഷണിച്ചു. 2019 എസ്.എസ്.എൽ.സി/ ടി.എച്ച്.എസ്.എൽ.സി പരീക്ഷ ആദ്യ അവസരത്തിൽ പാസായവരും, 80 ഉം 80 ൽ കൂടുതലും പോയിന്റ് നേടിയവരുമാണ് അപേക്ഷിക്കേണ്ടത്.

കാക്കനാട്: തൊഴിൽ രഹിതരായ യുവതീ യുവാക്കൾക്ക് വിവിധ തൊഴിൽ രംഗത്ത് പരിശീലനം നൽകി തൊഴിൽ ഉറപ്പാക്കുന്നത് ലക്ഷ്യമിട്ടുള്ള ജില്ലാ നൈപുണ്യ വികസന സമിതിയുടെ ആദ്യ യോഗം ചേർന്നു. സിവിൽ സ്റ്റേഷൻ പ്ലാനിംഗ് ഹാളിൽ നടന്ന യോഗത്തിൽ ഡെപ്യൂട്ടി കളക്ടർ എസ്. ഷാജഹാൻ അദ്ധ്യക്ഷത വഹിച്ചു. 

കാക്കനാട്: ജില്ലയെ മാലിന്യമുക്തമാക്കാന്‍ കളക്ടര്‍ എസ്. സുഹാസ് മുന്‍കയ്യെടുത്ത് ആവിഷ്കരിച്ച ക്ലീൻ എറണാകുളത്തിന്റെ ആദ്യ ഘട്ടത്തിൽ മുട്ടം മെട്രോ സ്റ്റേഷൻ മുതൽ അമ്പാട്ട്കാവ് വരെ വൃത്തിയാക്കുന്നു. ജൂലൈ13ന് റോഡിന്റെ ഇരുവശവും 100 മീറ്റർ പാതയോരമാണ് സന്നദ്ധപ്രവര്‍ത്തനത്തിലൂടെ ശുചീകരിക്കുന്നത്.

പാറശാല ബ്ലോക്ക് പഞ്ചായത്ത് ജനകീയാസൂത്രണ പദ്ധതി പ്രകാരം ഭിന്നശേഷിക്കാര്‍ക്ക് ട്രൈസ്‌കൂട്ടര്‍ വിതരണം ചെയ്തു. ബ്ലോക്ക് പഞ്ചായത്തിന്റെ ഈ വര്‍ഷത്തെ പദ്ധതിയിപ്പെടുത്തിയാണ് ട്രൈസ്‌കൂട്ടര്‍ വിതരണം നടന്നത്. ബ്ലോക്ക് പഞ്ചായത്ത് പ്രസിഡന്റ് വി.ആര്‍. സലൂജ വിതരണോദ്ഘാടനം നിര്‍വഹിച്ചു. പാറശാല ബ്ലോക്ക് പഞ്ചായത്ത് ഹാളില്‍ നടന്ന ചടങ്ങില്‍ ബ്ലോക്ക് പഞ്ചായത്ത് വൈസ് പ്രസിഡന്റ് എസ്. ആര്യദേവന്‍ അധ്യക്ഷത വഹിച്ചു. 11 പേര്‍ക്ക് പദ്ധതിപ്രകാരം ട്രൈസ്‌കൂട്ടര്‍ ലഭിച്ചു. 7.9 ലക്ഷം രൂപ ചെലവിലാണ് പദ്ധതി നടപ്പാക്കുന്നത്.

പ്രവാസികള്‍ നേരിടുന്ന പ്രശ്‌നങ്ങളുടെ പരിഹാരത്തിനായുള്ള ജില്ലാ പ്രവാസി പരാതി പരിഹാര കമ്മിറ്റി 15ന് രാവിലെ 11ന് കളക്ടറേറ്റ് മിനി കോണ്‍ഫറന്‍സ് ഹാളില്‍ യോഗം ചേരും. പ്രവാസികള്‍ നേരിടുന്ന വിവിധ പ്രശ്‌നങ്ങള്‍ കമ്മിറ്റി മുന്‍പാകെ ബോധിപ്പിക്കുന്നതിന് പ്രവാസികള്‍, പ്രവാസി ക്ഷേമത്തിനായി പ്രവര്‍ത്തിക്കുന്ന സംഘടനകള്‍ തുടങ്ങിയവര്‍ക്ക് അവസരമുണ്ടാകുമെന്ന് ജില്ലാ കളക്ടര്‍ അറിയിച്ചു.
(പി.ആര്‍.പി. 704/2019)

* ആറു ചെറുകിട പദ്ധതികള്‍ ഉടന്‍ പൂര്‍ത്തിയാക്കും
* പൊട്ടക്കിണറുകളില്‍ ഭൂജല പരിപോഷണ പഠനം നടത്തും

കാട്ടാക്കട ജലസമൃദ്ധി പദ്ധതിയുടെ ഭാഗമായി മണ്ഡലത്തില്‍ 17 പുതിയ ചെറുകിട കുടിവെള്ള പദ്ധതികള്‍ക്കു സാധ്യതാ പഠനം നടത്തും. കഴിഞ്ഞ വര്‍ഷം തുടക്കംകുറിച്ച ആറു പദ്ധതികള്‍ ഉടന്‍ പൂര്‍ത്തിയാക്കാനും ഐ.ബി. സതീഷ് എം.എല്‍.എയുടെ നേതൃത്വത്തില്‍ ചേര്‍ന്ന അവലോകന യോഗത്തില്‍ തീരുമാനമായി.

കാക്കനാട്: പ്രളയ ദുരിതാശ്വാസവുമായി ബന്ധപ്പെട്ട് വീണ്ടും സ്വീകരിച്ച അപ്പീലുകളുടെ ഡാറ്റ എൻട്രി നടപടികൾ സമയബന്ധിതമായി പൂർത്തിയാക്കാൻ ജില്ലാ കളക്ടർ എസ്.