കേന്ദ്രപ്രതിനിധി ജനപ്രതിനിധികളുമായി ചര്‍ച്ച നടത്തി

ജില്ലയിലെ ഭൂഗര്‍ഭ ജലനിരപ്പ് ക്രമാതീതമായി  താഴുന്നതിനെ പ്രതിരോധിക്കുന്നതിന് മാസ്റ്റര്‍ പ്ലാന്‍ തയ്യാറാക്കാന്‍ ചേമ്പറില്‍ ചേര്‍ന്ന ജല്‍ശക്തി അഭിയാന്‍ യോഗത്തില്‍  ജില്ലാകലക്ടര്‍ എച്ച്. ദിനേശന്‍ ജില്ലാ പ്ലാനിംഗ് ഓഫീസറോട് ആവശ്യപ്പെട്ടു. ജില്ലയിലെ പൈപ്പ് വെള്ള വിതരണത്തിന്റെ ലഭ്യത വിലയിരുത്തുന്നതിന് കേന്ദ്ര ജലവകുപ്പ് ജല്‍ശക്തി അഭിയാന്‍ നിര്‍ദ്ദേശ പ്രകാരമായിരുന്നു യോഗം ചേര്‍ന്നത്. ജില്ലയിലെ ജലക്ഷാമത്തിന് പരിഹാരം കണ്ടെത്താനും ജലദൗര്‍ലഭ്യം കുറയ്ക്കാനുമായി ജില്ലാകലക്ടര്‍ എച്ച്. ദിനേശന്റെ അധ്യക്ഷതയില്‍ യോഗത്തില്‍ സ്റ്റിയറിംഗ് കമ്മിറ്റി രൂപീകരിച്ചു. 

ലൈബ്രറി ഇന്റേണ്‍: കൂടിക്കാഴ്ച 9 ന്

മങ്കട ഗവ. ആര്‍ട്‌സ് & സയന്‍സ് കോളേജില്‍ കോളേജ് ലൈബ്രറിയിലേക്ക് താല്‍ക്കാലിക ഒഴിവില്‍ പ്രതിമാസം 12,000 രൂപ നിരക്കില്‍ രണ്ട് ലൈബ്രറി ഇന്റേണുമാരെ തെരഞ്ഞെടുക്കുന്നതിനുള്ള കൂടിക്കാഴ്ച ജൂലൈ ഒന്‍പത്  രാവിലെ 10.30 ന് കോളേജില്‍ പ്രിന്‍സിപ്പാളിന്റെ ചേമ്പറില്‍  നടത്തും.  ബി.എല്‍.ഐ.എസ്/ എം.എല്‍.ഐ.എസ് (റഗുലര്‍) ബിരുദധാരികള്‍ അസ്സല്‍ രേഖകളുമായി നേരിട്ട് ഹാജരാകുക. 

സ്റ്റെനോഗ്രാഫര്‍ ഗ്രേഡ് 1  ഒഴിവ് :  എംപ്ലോയ്‌മെന്റില്‍   

 പേര്‍  രജിസ്റ്റര്‍ ചെയ്യണം

കൈമനം സർക്കാർ വനിത പോളിടെക്‌നിക് കോളേജിൽ ലാറ്ററൽ എൻട്രി കൗൺസിലിങ്ങും, അഡ്മിഷനും നാളെ (08.07.2019) നടക്കും. റാങ്ക് ലിസ്റ്റിൽ പേരുള്ളവർ പ്രോസ്പക്ടസിൽ പറഞ്ഞിട്ടുള്ള എല്ലാ അസൽ സർട്ടിഫിക്കറ്റുകളും ഫീസും അടക്കം രക്ഷിതാവിനൊപ്പം രാവിലെ ഒൻപതിന് വനിത പോളിടെക്‌നിക് കോളേജിൽ ഹാജരാകണമെന്ന് പ്രിൻസിപ്പാൾ അറിയിച്ചു.
പി.എൻ.എക്സ്.2206/19

കേരള നിയമ പരിഷ്‌കരണ കമ്മീഷൻ തയ്യാറാക്കിയ കരട് ബില്ലുകൾ സർക്കാരിന് സമർപ്പിച്ചു. മന്ത്രവാദവും ആഭിചാരക്രിയകളുമായി ബന്ധപ്പെട്ട അനാചാരങ്ങൾ തടയുന്നതിനും ഇതിനെതിരെ കർശനശിക്ഷകൾ വ്യവസ്ഥ ചെയ്യുന്ന ബില്ലും, നിപ വൈറസിന്റെ വ്യാപനം തടയാൻ മുൻകരുതൽ നടപടികൾ സ്വീകരിക്കാൻ വിജ്ഞാപനം പുറപ്പെടുവിക്കാൻ സർക്കാരിന് അധികാരം നൽകിക്കൊണ്ടും ഇതിനെതിരായി പ്രവർത്തിക്കുന്നവർക്ക് തടവും പിഴയും നൽകുന്നതിനുള്ള വ്യവസ്ഥകൾ ഉൾക്കൊള്ളുന്നതുമായ ബില്ലുകളാണ് സമർപ്പിച്ചത്.
പി.എൻ.എക്സ്.2205/19

സാമൂഹികക്ഷേമ പെൻഷൻ അനുവദിക്കുന്നതിനു മുമ്പ് ബന്ധപ്പെട്ട ഉദ്യോഗസ്ഥർ ഗുണഭോക്താവിന്റെ/ അപേക്ഷകന്റെ ഭൗതികസാഹചര്യങ്ങൾ സസൂക്ഷ്മം വിലയിരുത്തുകയും അനർഹർക്ക് പെൻഷൻ ലഭിക്കുന്നില്ലെന്ന് ഉറപ്പു വരുത്തുകയും വേണമെന്ന് ധനവകുപ്പ് സ്പഷ്ടീകരണം നൽകി.

ഏറ്റുമാനൂര്‍ അഡീഷണല്‍ ഐ.സി.ഡി.എസ് പ്രോജക്ട് ഓഫീസ് ആവശ്യത്തിന് ജീപ്പ്/കാര്‍ വാടകയ്ക്ക് ലഭ്യമാക്കുന്നതിന് ടെന്‍ഡര്‍ ക്ഷണിച്ചു. ജൂലൈ 23 ഉച്ചക്ക് രണ്ടിനകം സമര്‍പ്പിക്കണം. ഫോണ്‍: 0481 2380175, 8281999149 

 തൂവാല വെറുമൊരു തുണിയല്ല എന്ന പേരില്‍ ആരോഗ്യവകുപ്പും ജില്ലാ ടി.ബി. സെന്‍ററും ചേര്‍ന്ന് നടത്തുന്ന രോഗപ്രതിരോധ കാമ്പയിന് തുടക്കമായി. കാരാപ്പുഴ ഗവണ്‍മെന്‍റ് ഹയര്‍സെക്കണ്ടറി സ്കൂളിലെ വിദ്യാര്‍ഥികള്‍ക്ക് തൂവാലകള്‍ സൗജന്യമായി വിതരണം ചെയ്തുകൊണ്ട് പദ്ധതിയുടെ ഉദ്ഘാടനം തിരുവഞ്ചൂര്‍ രാധാകൃഷ്ണന്‍ എം.എല്‍.എ നിര്‍വഹിച്ചു.