ജില്ലാ കലക്ടറുടെ കൊയിലാണ്ടി താലൂക്ക് തല പരാതി പരിഹാര അദാലത്ത് കൊയിലാണ്ടി മുനിസിപ്പല്‍ ടൗണ്‍ഹാളില്‍ വെച്ച് ഡിസംബര്‍ 23 ന് രാവിലെ 10 മണി മുതല്‍ നടക്കും. കൊയിലാണ്ടി താലൂക്കുമായി ബന്ധപ്പെട്ട പരാതികളാണ് അദാലത്തില്‍ പരിഗണിക്കുക. വിവിധ വകുപ്പുകളുമായി ബന്ധപ്പെട്ട ഉദ്യോഗസ്ഥര്‍ വേദിയില്‍ ഉണ്ടാകും. ഇനിയും അപേക്ഷകള്‍/പരാതികള്‍ നല്കിയിട്ടില്ലാത്ത പൊതുജനങ്ങള്‍ക്ക് അന്നേ ദിവസം ജില്ലാ കലക്ടര്‍ക്ക് നേരിട്ട് അപേക്ഷകള്‍ സമര്‍പ്പിക്കാം. ജില്ലാ കലക്ടര്‍ വകുപ്പു തല ഉദ്യോഗസ്ഥരുമായി ചര്‍ച്ച ചെയ്ത ശേഷം പരമാവധി അപേക്ഷകളി•േല്‍ അന്ന് തന്നെ തീര്‍പ്പുകല്‍പ്പിക്കും.
 

കോഴിക്കോട് ഗവ. എഞ്ചിനീയറിങ്ങ് കോളേജ് ലേഡീസ് ഹോസ്റ്റലിലേയ്ക്ക് താത്കാലിക കുക്ക് തസ്തികയില്‍ ഉദ്യോഗാര്‍ത്ഥികളെ ആവശ്യമുണ്ട്. താല്‍പര്യമുളളവര്‍ 2018 ജനുവരി നാലിന് കൂടിക്കാഴ്ചയ്ക്ക് രാവിലെ 10 മണിക്ക് കോളേജ് ഓഫീസില്‍ ഹാജരാകണം. പ്രവര്‍ത്തി പരിചയം അഭികാമ്യം. ഫോണ്‍ : 0495 2383220.
 

കോഴിക്കോട് കോര്‍പ്പറേഷന്‍ 2017-18 സാമ്പത്തിക വര്‍ഷത്തിലെ അങ്കണവാടികളില്‍ പോഷകാഹാര വിതരണം എന്ന പദ്ധതി നിര്‍വ്വഹണത്തിന്റെ ഭാഗമായി ഐ.സി.ഡി.എസ് അര്‍ബന്‍ 2 കാര്യാലയത്തിന് കീഴിലുളള 140 അങ്കണവാടികളില്‍ ഭക്ഷ്യസാധനങ്ങള്‍ വിതരണം നടത്തുന്നതിന് താല്‍പര്യമുളളവരില്‍ നിന്നും ടെണ്ടര്‍ ക്ഷണിച്ചു. മാവേലിസ്റ്റോറില്‍ നിന്നും അരി സപ്ലൈകോ ഡിപ്പോയില്‍ നിന്നും ഭക്ഷണ സാധനങ്ങളും ന്യൂട്രിമിക്‌സ് കുടുംബശ്രീയില്‍ നിന്നും അങ്കണവാടികളില്‍ വിതരണം ചെയ്യുന്നതിന് ഒരു കിലേഗ്രാമിന് എത്ര രൂപ എന്നാണ് ടെണ്ടറില്‍ കാണിക്കേണ്ടത്. അപേക്ഷാഫോം ഡിസംബര്‍ 30 ന് വൈകുന്നേരം മൂന്ന് വരെ സ്വീകരിക്കും. ഫോണ്‍ : 0495-2373566.
 

                സി.കെ.ശശീന്ദ്രന്‍ എം.എല്‍.എ.യുടെ പ്രതേ്യക വികസന നിധിയില്‍ നിന്നും പൊഴുതന ഗ്രാമപഞ്ചായത്തിലെ കുറിച്യാര്‍മല ജി.എല്‍.പി. സ്‌കൂളിന് കമ്പ്യൂട്ടര്‍ വാങ്ങുന്നതിന് 1,50,000 രൂപ അനുവദിച്ച് ജില്ലാ കളക്ടര്‍ ഭരണാനുമതി നല്‍കി.

സപ്ലൈകോയുടെ  കൊയിലാണ്ടി താലൂക്കിലെ കരുവണ്ണൂര്‍ ഗോഡൗണിലും വടകര താലൂക്കിലെ വില്ല്യാപ്പളളി ഗോഡൗണിലും 2018 ജനുവരി ഒന്നു മുതല്‍ കേരള  ചുമട്ടുതൊഴിലാളി (തൊഴില്‍ ക്രമീകരണവും ക്ഷേമവും) പദ്ധതി 1983 നടപ്പാക്കാന്‍ ജില്ലാ കമ്മിറ്റി തീരുമാനിച്ചു. തൊഴിലാളി-തൊഴിലുടമാ പ്രതിനിധികളുടെ സംയുക്ത യോഗം ഡിസംബര്‍ 23 ന്  കരുവണ്ണൂര്‍ ഗോഡൗണില്‍  രാവിലെ 11 മണിക്കും വില്ല്യാപ്പളളി ഗോഡൗണില്‍ ഉച്ചയക്ക് മൂന്ന് മണിക്കും  ചേരുമെന്ന്  കേരള ചുമട്ടുതൊഴിലാളി ക്ഷേമബോര്‍ഡ്, കോഴിക്കോട് ജില്ലാ കമ്മറ്റി ചെയര്‍മാന്‍ അറിയിച്ചു.