ഉഴവൂര്‍ ഐസിഡിഎസ് പ്രോജക്ട് ആവശ്യത്തിന്  കാര്‍/ജീപ്പ് വാടകക്ക് നല്‍കുന്നതിന് തയ്യാറുള്ള വ്യക്തികള്‍/സ്ഥാപനങ്ങളില്‍ നിന്നും ടെണ്ടര്‍ ക്ഷണിച്ചു. ജൂണ്‍ 25  ഉച്ചയ്ക്ക് രണ്ടു മണി  വരെ ടെണ്ടര്‍ സ്വീകരിക്കും. കൂടുതല്‍  വിവരങ്ങള്‍ക്ക് ഫോണ്‍: 04822 231858,  9496720856 

മലപ്പുറം കേന്ദ്രീയ വിദ്യാലയത്തില്‍ 11-ാം ക്ലാസ്സില്‍ കൊമേഴ്‌സ്, സയന്‍സ് വിഭാഗത്തില്‍ സീറ്റുകള്‍ ഒഴിവുണ്ട്.   ചേരാന്‍ താല്‍പര്യമുള്ളവര്‍ ജൂണ്‍ 15ന് വൈകു ന്നേരം മൂന്നിനകം അപേക്ഷ നല്‍കണം.  ഫോണ്‍ 0483 2734963.

പട്ടികജാതിയില്‍ നിന്നും ക്രിസ്തുമതം സ്വീകരിച്ചവരും അര്‍ഹതയുള്ളവരുമായ ശുപാര്‍ശിത വിഭാഗങ്ങളില്‍പ്പെട്ട (ഒ.ഇ.സി) സമര്‍ത്ഥരായ വിദ്യാര്‍ത്ഥികള്‍ക്ക് കേരള സംസ്ഥാന പരിവര്‍ത്തിത ക്രൈസ്തവ ശുപാര്‍ശിത വിഭാഗ വികസന കോര്‍പ്പറേഷന്‍ സ്കോളര്‍ഷിപ്പ് നല്‍കും. 

കണ്ണൂര്‍ ജില്ലയിലേക്ക് സ്ഥലം മാറ്റം ലഭിച്ച മലപ്പുറം ജില്ലാ പോലീസ് മേധാവി  പ്രതീഷ് കുമാറിന്  ജില്ലാ കളക്ടര്‍ അമിത് മീണയുടെ നേതൃത്വത്തില്‍ ജില്ലാ ഭരണ കൂടം യാത്രയയപ്പു നല്‍കി. ഒരു വര്‍ഷത്തില്‍ കൂടുതല്‍ പോലീസ് സൂപ്രണ്ടായി ജില്ലയില്‍ സേവനമനുഷ്ഠിച്ചിട്ടുണ്ട്. പൊതു തെരഞ്ഞെടുപ്പ്, പ്രളയ കാലഘട്ടങ്ങളില്‍ സ്തുത്യര്‍ഹ മായ സേവനം കാഴ്ച വെച്ച പോലീസ് സേനയുടെ അമരക്കാരനായിരുന്നു. അഡീഷണല്‍ ജില്ലാ മജിസ്‌ട്രേറ്റ് ടി.വിജയന്‍, പെരിന്തല്‍മണ്ണ സബ് കലക്ടര്‍ അനുപം മിശ്ര ഐ.എ.എസ്, ഇലക്ഷന്‍ ഡെപ്യൂട്ടി കളക്ടര്‍ എം.കെ. അനില്‍ കുമാര്‍ എന്നിവര്‍ സംസാരിച്ചു.

ക്ഷീര വികസന വകുപ്പിന്‍റെ പരിശീലന കേന്ദ്രത്തില്‍ ക്ഷീരകര്‍ഷകര്‍ക്കായി ജൂണ്‍ 20, 21 തീയതികളില്‍ തീറ്റപ്പുല്‍കൃഷിയില്‍ പരിശീലനം സംഘടിപ്പിക്കും. രാവിലെ 10 മുതല്‍ വൈകിട്ട് നാലു വരെ നടക്കുന്ന പരിശീലനത്തില്‍ പങ്കെടുക്കാന്‍ താല്പര്യമുളളവര്‍ ജൂണ്‍ 20നകം 0481 2302223 എന്ന നമ്പരില്‍  ബന്ധപ്പെട്ട് പേര് രജിസ്റ്റര്‍ ചെയ്യണം. രജിസ്ട്രേഷന്‍ ഫീസ് 20 രൂപ. പങ്കെടുക്കുന്നവര്‍ക്ക് ദിനബത്തയും യാത്രാബത്തയും ലഭിക്കും. 

പെരുമ്പടപ്പ് പഞ്ചായത്തിലെ പാലപ്പെട്ടിയില്‍ ഇബ്രാഹിം ഇടശ്ശേരിയുടെ ഉടമസ്ഥതയില്‍ ഉണ്ടായിരുന്ന അക്ഷയ കേന്ദ്രത്തിന്റെ കരാര്‍ റദ്ദ് ചെയ്തതായി  ജില്ലാ കലക്ടര്‍ അറിയിച്ചു. കേന്ദ്രത്തിന്റെ കാലാവധി 2016 സപ്തംബര്‍ മാസത്തില്‍ അവസാനിച്ചതാണ്.  കേന്ദ്രത്തിന്റെ കരാര്‍  പുതുക്കണമെന്നു നിര്‍ദ്ദേശം പാലിക്കാത്തതിനെ  തുടര്‍ന്നാണ് നടപടി.

കെട്ടിട നിര്‍മ്മാണ ക്ഷേമനിധി ബോര്‍ഡില്‍ അംഗത്വമുളള തൊഴിലാളികളുടെ മക്കള്‍ക്കുളള എസ്.എസ്.എല്‍.സി  പഠന സഹായത്തിന് അപേക്ഷ ക്ഷണിച്ചു. അപേക്ഷ ജൂലൈ 15നകം നല്‍കണമെന്ന് കേരള കെട്ടിട നിര്‍മ്മാണ തൊഴിലാളി ക്ഷേമനിധി ബോര്‍ഡ് ജില്ലാ എക്സിക്യൂട്ടീവ് ഓഫീസര്‍ അറിയിച്ചു. വിവിധ സ്കോളര്‍ഷിപ്പുകള്‍ക്കുളള ഒന്നാം വര്‍ഷത്തെ അപേക്ഷ കോഴ്സ് തുടങ്ങി 45 ദിവസത്തിനകം നല്‍കണം.