പട്ടികജാതി വികസന വകുപ്പിന് കീഴില്‍ ആണ്‍കുട്ടികള്‍ക്കായുള്ള കുഴല്‍മന്ദം നടുവത്തപ്പാറ ഗവ: മോഡല്‍ റെസിഡന്‍ഷ്യല്‍ ഹയര്‍സെക്കന്‍ഡറി സ്‌കൂളില്‍  സയന്‍സ് (ബയോ മാത്‌സ് ), കൊമേഴ്‌സ് വിത്ത് കമ്പ്യൂട്ടര്‍ ആപ്ലിക്കേഷന്‍ വിഷയങ്ങളില്‍ പ്ലസ്് വണ്‍ ക്ലാസ്സുകളില്‍  സീറ്റ് ഒഴിവ്.  പട്ടികജാതി-വര്‍ഗ്ഗ-ജനറല്‍ വിഭാഗത്തില്‍പ്പെട്ട വിദ്യാര്‍ത്ഥികള്‍ ജൂണ്‍ 20  ന് മുമ്പ്് സ്‌കൂളില്‍ നേരിട്ട് എത്തണമെന്ന് പ്രിന്‍സിപ്പാള്‍ അറിയിച്ചു. പ്രവേശനം  ലഭിക്കുന്ന  വിദ്യാര്‍ത്ഥികള്‍ക്ക് മികച്ച പഠന സൗകര്യങ്ങളോടൊപ്പം  സൗജന്യ താമസം,  ഭക്ഷണം, പഠനോപകരണങ്ങള്‍ എന്നിവ ലഭിക്കും. ഫോണ്‍: 04922217217, 9847866388.

ആലപ്പുഴ:കേരള സംസ്ഥാന പരിവർത്തിത ക്രൈസ്തവ ശുപാർശിത വിഭാഗ വികസന കോർപ്പറേഷൻ പട്ടികജാതിയിൽ നിന്നും ക്രിസ്തുമതം സ്വീകരിച്ചവരും അർഹതയുള്ളവരുമായ ശുപാർശിത വിഭാഗങ്ങളിൽപ്പെട്ട (ഒ.ഇ.സി)മാത്രം മുന്നോക്ക/പിന്നോക്ക വിഭാഗങ്ങളിലെ മറ്റു ജാതിക്കാർ അർഹരല്ല) സമർത്ഥരായ വിദ്യാർത്ഥിനി വിദ്യാർത്ഥികൾക്ക് സ്‌കോളർഷിപ്പ് നൽകുന്നു. മാർച്ചിൽ നാലാം ക്ലാസ്സ് പരീക്ഷ എഴുതുകയും എല്ലാ വിഷയങ്ങൾക്കും 'എ ഗ്രേഡ്' നേടുകയും ചെയ്ത ബി.പി.എൽ. കുടുംബങ്ങളിലെ വിദ്യാർത്ഥികളെയാണ് ഇതിലേയ്ക്കായി പരിഗണിക്കുന്നത്. തിരഞ്ഞടുക്കപ്പെടുന്ന 100 വിദ്യാർത്ഥികൾക്ക് 10-ാം ക്ലാസ്സ് വരെ പഠന മികവ് തുടരുന്നപക്ഷം എല്ലാ വർഷവും സ്‌കോളർഷിപ്പ് ലഭിക്കും.

ആലപ്പുഴ: ആലപ്പുഴ ആത്മ പ്രോജക്ട് ഡയറക്ടറുടെ ഔദ്യോഗിക ആവശ്യങ്ങൾക്കായി ജീപ്പ്/കാർ വാടകയ്ക്ക് നൽകുന്നതിന് വ്യക്തികൾ/സ്ഥാപനങ്ങളിൽ നിന്നു ക്വട്ടേഷൻ ക്ഷണിച്ചു. എ.സി സൗകര്യമുള്ളതും ഡ്രൈവർ ഉൾപ്പെടെ ഏഴുപേർക്കു യാത്ര ചെയ്യാനാവുന്ന വാഹനമാകണം. ജൂലൈ 18 ഉച്ചയ്ക്ക് 12 വരെ ക്വട്ടേഷനുകൾ സ്വീകരിക്കും. അന്നു ഉച്ചകഴിഞ്ഞ് രണ്ടിന് തുറക്കും. വിശദവിവരത്തിന് ഫോൺ: 0477-2264704.
വാഹനം വാടകയ്ക്ക്

ആലപ്പുഴ: പുന്നപ്ര ഡോ. അംബേദ്കർ മെമ്മോറിയൽ ഗവൺമെന്റ് മോഡൽ റസിഡൻഷ്യൽ സ്‌കൂളിലെ വിവിധ ക്ലാസ്സുകളിലെ ഒഴിവുകളിലേക്ക് പരീക്ഷ നടത്തി പ്രവേശനം നൽകുന്നു. ആറാം ക്ലാസിലേക്ക്  പട്ടിക വർഗക്കാർക്ക്   ഒരൊഴിവും ജനറൽ സീറ്റിലേക്ക് ഒരൊഴിവുമാണുള്ളത്. പട്ടിക വർഗക്കാർക്ക്  ഏഴ്, എട്ട്, ഒമ്പത്, 10 ക്ലാസിൽ യഥാക്രമം അഞ്ച്, നാല്, ഒന്ന്, രണ്ട്  ഒഴിവുകളുണ്ട്.  പട്ടികവർഗ വിഭാഗ വിദ്യാർത്ഥികളുടെ അഭാവത്തിൽ പട്ടികജാതി വിദ്യാർത്ഥികളേയും പരിഗണിക്കും. അപേക്ഷകർ പ്രവേശന പരീക്ഷ എഴുതുന്നതിനായി ജൂൺ 19ന് രാവിലെ 10ന് ഡോ. അംബേദ്ക്കർ മെമ്മോറിയൽ ഗവൺമെന്റ് മോഡൽ റസിഡൻഷ്യൽ സ്‌കൂളിൽ എത്തണം. വാർഷിക വരുമാനം ഒരു ലക്ഷത്തിൽ കവിയാൻ പാടില്ല.

ആലപ്പുഴ: ജില്ലയിൽ ദേശീയ ജലപാത മൂന്ന് ഭാഗമായ തൃക്കുന്നപ്പുഴ നാവിഗേഷൻ ലോക്കിന്റെ നിർമ്മാണവുമായി ബന്ധപ്പെട്ട് നിലവിലുള്ള ലോക്ക് താൽക്കാലികമായി അടക്കേണ്ടതിനാൽ  ഇതുവഴിയുള്ള ജലഗതാഗതം ജൂൺ 19 അർദ്ധരാത്രി മുതൽ  22 അർദ്ധരാത്രി വരെ തടസ്സപ്പെടും. ഇതുവഴിയുള്ള ജലഗതാഗതം  ജൂൺ 19 അർദ്ധരാത്രി മുതൽ  22 അർദ്ധരാത്രി വരെ  നിരോധിച്ചതായി ഇറിഗേഷൻ വിഭാഗം എക്‌സിക്യൂട്ടീവ് എൻജിനീയർ അറിയിച്ചു.