കോഴിക്കോട് ജില്ലയില്‍ ഇന്ന് (10.06.20) പുതുതായി വന്ന 1566 പേര്‍ ഉള്‍പ്പെടെ ജില്ലയില്‍ 9844 പേര്‍ നിരീക്ഷണത്തില്‍ ഉണ്ടെന്ന് ജില്ലാ  മെഡിക്കല്‍ ഓഫീസര്‍ ഡോ. ജയശ്രി.വി അറിയിച്ചു. ഇതുവരെ 35341 പേര്‍ നിരീക്ഷണം പൂര്‍ത്തിയാക്കി.  ഇന്ന് പുതുതായി വന്ന 36 പേര്‍ ഉള്‍പ്പെടെ 155 പേര്‍ ആണ് ആശുപത്രികളില്‍ നിരീക്ഷണത്തിലുള്ളത്. ഇതില്‍ 90 പേര്‍ മെഡിക്കല്‍ കോളേജിലും 65 പേര്‍ കോവിഡ് ഫസ്റ്റ് ലൈന്‍ ട്രീറ്റ്‌മെന്റ് സെന്ററായ കോഴിക്കോട്ടെ ലക്ഷദ്വീപ് ഗസ്റ്റ്ഹൗസിലുമാണ്. 36 പേര്‍ ഡിസ്ചാര്‍ജ്ജ് ആയി.

നാല് ഇതര ജില്ലക്കാര്‍ ഉള്‍പ്പെടെ
ഏഴ് പേര്‍ക്ക് രോഗമുക്തി

നോര്‍ത്ത് കാരശ്ശേരി - തേക്കുംകുറ്റി - മരഞ്ചാട്ടി - കൂമ്പാറ - കക്കാടംപൊയില്‍ റോഡിന്റെ പുനരുദ്ധാരണ പ്രവൃത്തിയുടെ ഭാഗമായി മുരിങ്ങംപുറയില്‍ ഇന്റര്‍ലോക്ക് പതിക്കുന്ന പ്രവൃത്തി നടക്കുന്നതിനാല്‍ ഇന്ന് (ജൂണ്‍ 11) മുതല്‍ പ്രവൃത്തി പൂര്‍ത്തീകരിക്കുന്നതുവരെ ഇതുവഴിയുള്ള വാഹന ഗതാഗതം നിരോധിച്ചു. തോട്ടുമുക്കം - പാറത്തോട് വഴി വരുന്ന വാഹനങ്ങള്‍ ഗോതമ്പ് റോഡു വഴി മുക്കം ഭാഗത്തേക്ക്് പ്രവേശിക്കണം. തോട്ടുമുക്കം - മരഞ്ചാട്ടി വഴി വരുന്ന വാഹനങ്ങള്‍ തേക്കുംകുറ്റി - കാരമൂല വഴി മുക്കം ഭാഗത്തേക്കും തിരിച്ചും പോകണമെന്ന് ദേശീയപാത വിഭാഗം എക്സിക്യൂട്ടീവ് എഞ്ചിനീയര്‍ അറിയിച്ചു.  
               

കെഎസ്ഇബി ലിമിറ്റഡിന്റെ കീഴിലുളള അഗസ്തിയന്‍മുഴി സബ്സ്റ്റേഷന്‍ മുതല്‍ തമ്പലമണ്ണ സബ് സേറ്റ്ഷന്‍ വരെയുള്ള 110 കെ വി ഭൂഗര്‍ഭ കേബിളും 110 കെ വി തമ്പലമണ്ണ സബ് സ്റ്റേഷനും ഉടന്‍ കമ്മീഷന്‍ ചെയ്യുമെന്ന് താമരശ്ശേരി സബ് ഡിവിഷന്‍ അസി. എക്സിക്യൂട്ടീവ് എഞ്ചിനീയര്‍ അറിയിച്ചു. മുത്തലം, മുത്തേരി, കാഞ്ചിരമുഴി, കല്ലുരുട്ടി, തോട്ടത്തില്‍ കടവ്, താഴെ തിരുവമ്പാടി, തിരുവമ്പാടി, കറ്റിടയാട്, സിലോണ്‍ കടവ്, ഇലഞ്ഞിക്കല്‍ ഭാഗങ്ങളില്‍ ഭൂഗര്‍ഭ കേബിളുകള്‍ ഇടുന്ന പ്രവൃത്തി പൂര്‍ത്തീകരിച്ചിട്ടുളളതും ചാര്‍ജ് ചെയ്യുന്നതിന് തയ്യാറായിട്ടുളളതുമാണ്.

   പൊതു ഇടങ്ങളിലും സ്വകാര്യഭൂമിയിലും അപകടകരമായി നില്‍ക്കുന്ന മരങ്ങള്‍, മരങ്ങളുടെ ശിഖരങ്ങള്‍ എന്നിവ മുറിച്ച് മാറ്റാന്‍ ജില്ലാ ഭരണകൂടം നിര്‍ദ്ദേശിച്ചു. കാലവര്‍ഷക്കെടുതി നേരിടുന്നതിന്റെ ഭാഗമായാണ് ബന്ധപ്പെട്ടവര്‍ക്ക് ദുരന്തനിവാരണ നിയമപ്രകാരം നിര്‍ദ്ദേശം നല്‍കിയത്. സ്‌കൂള്‍ കോംപൗണ്ടില്‍ അപകടകരമായി നില്‍ക്കുന്ന മരങ്ങളും അടിയന്തരമായി മുറിച്ച് മാറ്റണം.

ഒ.ആര്‍ കേളു എം.എല്‍.എയുടെ പ്രത്യേക വികസന നിധിയില്‍ ഉള്‍പ്പെടുത്തി തൊണ്ടര്‍നാട് ഗ്രാമപഞ്ചായത്തിലെ തേറ്റമല ഗവ.ഹൈസ്‌കൂളിന് പാചകപ്പുര നിര്‍മ്മിക്കുന്നതിന് 20 ലക്ഷം രൂപ അനുവദിച്ചു.

    കര്‍ഷക പെന്‍ഷന്‍ ലഭിച്ചു കൊണ്ടിരിക്കുന്ന കര്‍ഷകരില്‍ അക്ഷയ സെന്ററുകള്‍ വഴി മസ്റ്ററിങ്ങ് നടത്താന്‍ സാധിക്കാത്തവര്‍ക്ക്  ജൂണ്‍ 16 വരെയുള്ള തിയതികളില്‍ അതാത് അക്ഷയ സെന്ററുകള്‍ വഴി മസ്റ്ററിങ്ങ് നടത്താം.  മസ്റ്ററിംഗ് നടത്തിയ  കര്‍ഷകര്‍ക്ക് മാത്രമേ സേവനാ പോര്‍ട്ടല്‍ വഴി പെന്‍ഷന്‍ ലഭിക്കുകയുള്ളൂവെന്ന് കല്‍പറ്റ കൃഷി അസിസ്റ്റന്റ് ഡയറക്ടര്‍ അറിയിച്ചു