എറണാകുളം :  ഉപയോഗ ശൂന്യമായ മുഖാവരണങ്ങൾ അണുവിമുക്തമാക്കാനുള്ള ഓട്ടോമാറ്റിക് സംവിധാനത്തിന്റെ ഉത്‌ഘാടനം കളക്ടർ എസ്. സുഹാസ് നിർവഹിച്ചു. സംസ്ഥാനത്തു തന്നെ ഏറ്റവുമധികം ആളുകൾ ആശ്രയിക്കുന്ന ഓഫീസിലെ ഈ സംവിധാനം കോവിഡ് പ്രതിരോധത്തിന് മുതൽകൂട്ടാവുമെന്ന് കളക്ടർ പറഞ്ഞു. കൊച്ചി ആസ്ഥാനമായി പ്രവർത്തിക്കുന്ന വി.എസ്സ്.ടി മൊബൈല്‍ സൊലൂഷന്‍സ് ആണ്  ബിൻ -19 എന്ന സംവിധാനം തയ്യാറാക്കിയത്.  തിരുവനന്തപുരം ശ്രീ ചിത്ര തിരുനാള്‍ ഇന്‍സ്റ്റിറ്റിട്യൂട്ട് ഓഫ്  മെഡിക്കല്‍ സയന്‍സ് ആന്റ് ടെക്‌നോളജി-യുടെ സാങ്കേതിക സഹായത്തോടെയാണ് ഈ സംവിധാനം ഒരുക്കിയത്.

•    ജില്ലയിൽ ഇന്ന് ആർക്കും രോഗം സ്ഥിരീകരിച്ചിട്ടില്ല. തൃശൂർ ജില്ലക്കാരനായ ഒരാൾ കളമശേരി മെഡിക്കൽ കോളേജിൽ ചികിത്സയിലുണ്ട്.   

•    ജൂൺ 1 ലെ അബുദാബി - കൊച്ചി വിമാനത്തിലെത്തിയ 60 വയസുള്ള തൃശൂർ സ്വദേശിയാണ് ചികിത്സയിലുള്ളത്.  മൂവാറ്റുപുഴ ജനറൽ ആശുപത്രിയിൽ നിരീക്ഷണത്തിലായിരുന്ന ഇദ്ദേഹത്തെ രോഗം സ്ഥിരീകരിച്ചതിനെ തുടർന്ന് കളമശ്ശേരി മെഡിക്കൽ കോളേജിലേക്ക് മാറ്റി.  

•    ജൂൺ 1 ന് രോഗം സ്ഥിരീകരിച്ച എയർ ഇന്ത്യ എക്സ്പ്രസ്സ് ഉദ്യോഗസ്ഥയായ 49 വയസുള്ള എറണാകുളം സ്വദേശിനി രോഗമുക്തയായതിനെ തുടർന്ന് കളമശ്ശേരി മെഡിക്കൽ കോളേജിൽ നിന്ന് ഡിസ്ചാർജ് ആയി. 

പ്രസ് റിലീസ് 07-06-2020
ആരോഗ്യ സാമൂഹ്യനീതി വകുപ്പ് മന്ത്രിയുടെ ഓഫീസ്

സർക്കാർ മെഡിക്കൽ കോളേജ്, എറണാകുളം പുറപ്പെടുവിക്കുന്ന പത്രക്കുറിപ്പ്:- 

എറണാകുളം സർക്കാർ മെഡിക്കൽ കോളേജിൽ ചികിത്സയിൽ കഴിയുന്ന കോവിഡ്ബാധിതയായ 80 വയസ്സുകാരി ഗുരുതരാവസ്ഥയിൽ ശ്വസന സഹായിയിൽ തുടരുന്നു.
ശ്വാസകോശ അണുബാധയുള്ള രോഗി ദീർഘ കാലമായുള്ള വൃക്ക രോഗത്തിനും
ചികിത്സയിലാണ്

•    ജില്ലയിൽ ഇന്ന്  3   പേർക്ക് രോഗം സ്ഥിരീകരിച്ചു .

•    മെയ് 31 ന് നൈജീരിയയിൽ നിന്നും കൊച്ചിയിലെത്തിയ വിമാനത്തിൽ ഉണ്ടായിരുന്ന 47 വയസുള്ള മഹാരാഷ്ട സ്വദേശി, മെയ് 26 ലെ ദുബായ് - കൊച്ചി വിമാനത്തിലെത്തിയ 41 വയസുള്ള കൂനമ്മാവ് സ്വദേശി, ജൂൺ 2 ന് വിമാനമാർഗം ഡൽഹിയിൽ നിന്നും കൊച്ചിയിലെത്തിയ 28 വയസുള്ള ഉദയംപേരൂർ സ്വദേശി എന്നിവർക്കാണ് ഇന്ന് ജില്ലയിൽ രോഗം സ്ഥിരീകരിച്ചത്. 

•    കൂടാതെ ജൂൺ 3 ന് വിമാനമാർഗം ഡൽഹിയിൽ നിന്നും കൊച്ചിയിലെത്തിയ 34 വയസുള്ള കോട്ടയം സ്വദേശിയും രോഗം സ്ഥിരീകരിച്ച് കളമശ്ശേരി മെഡിക്കൽ കോളജിൽ ചികിത്സയിലുണ്ട്.    

   എറണാകുളം: കൊച്ചി നഗരത്തിലെ വെള്ളക്കെട്ട് ഒഴിവാക്കുന്നതിനായി ജില്ലാ ഭരണകൂടം നടപ്പിലാക്കുന്ന ഓപ്പറേഷന്‍ ബ്രേക്ക് ത്രൂവിന്റെ പ്രവർത്തന റിപ്പോർട്ട് സർക്കാരിന് സമർപ്പിക്കാൻ ജില്ലാ കളക്ടർ എസ്. സുഹാസ് നിർദ്ദേശം നൽകി. പദ്ധതിയുടെ പുരോഗതിയിൽ സംസഥാന സർക്കാർ സംതൃപ്തി അറിയിച്ചതായി ജില്ലാ കളക്ടർ അറിയിച്ചു. രണ്ട് ഘട്ടങ്ങളിലായി നടത്തുന്ന വിവിധ പ്രവർത്തനങ്ങൾ പൂർത്തിയാകുന്ന സാഹചര്യത്തിലാണ് പുരോഗതി റിപ്പോർട്ട് തയ്യാറാക്കുന്നത്.

അങ്കമാലി: അഡ്ലക്സ് എക്സിബിഷൻ സെൻ്ററിൽ പ്രവർത്തനമാരംഭിക്കുന്ന കോവിഡ് ഫസ്റ്റ് ലെവൽ ട്രീറ്റ്മെൻ്റ് സെൻ്റർ മന്ത്രി വി.എസ്.സുനിൽകുമാർ സന്ദർശിച്ച് ഒരുക്കങ്ങൾ വിലയിരുത്തി. 

കോവിഡ് കാലത്തെ കുട്ടികളിലെ മാനസിക ബുദ്ധിമുട്ടുകളെ കുറിച്ച്  ജില്ലാ മാനസിക ആരോഗ്യ പദ്ധതിയുടെ ഭാഗമായ  സ്ക്കൂൾ മാനസിക ആരോഗ്യ പരിപാടിയുടെയും അങ്കമാലി ഡി പോൾ സ്കൂൾ ഓഫ് സോഷ്യൽ വർക്കും സംയുക്തമായാണ് ഇന്ന് (6/6/20) വെബിനാർ സംഘടിപ്പിച്ചത്. ' കോവിഡ് കാലത്ത് വിദ്യാർത്ഥികളുടെ മാനസിക ആരോഗ്യം - കൗൺസലിങ്ങും പ്രായോഗിക സമീപനവും"
എന്ന വിഷയം ജില്ലാ മാനസിക ആരോഗ്യ പദ്ധതി ജില്ലാ നോഡൽ ഓഫീസർ ഡോ. സൗമ്യ രാജ് അവതരിപ്പിച്ചു. ഗൂഗിൾ മീറ്റ്, യൂട്യൂബ് ലൈവ് എന്നിവ മുഖേന നടത്തിയ പരിപാടിയിൽ സ്ക്കൂൾ, കോളേജ് വിദ്ധ്യാർത്ഥികളും അദ്ധ്യാപകരും ഉൾപ്പടെ 450 പേർ പങ്കെടുത്തു.

എറണാകുളം : സ്വദേശത്തേക്ക് മടങ്ങാൻ ആഗ്രഹിക്കുന്ന അതിഥി തൊഴിലാളികളുടെ വിവരങ്ങൾ ജില്ല തലത്തിൽ ശേഖരിക്കും. പഞ്ചായത്ത്‌ തലത്തിൽ പ്രത്യേക ക്യാമ്പുകൾ വഴിയാകും വിവരങ്ങൾ ശേഖരിക്കുന്നത്. മന്ത്രി വി. എസ് സുനിൽകുമാറിന്റെ അധ്യക്ഷതയിൽ ചേർന്ന കോവിഡ് അവലോകന യോഗത്തിലാണ് വിവര ശേഖരണം നടത്താൻ തീരുമാനിച്ചത്.  പോലീസ്, റെവന്യൂ, തൊഴിൽ വകുപ്പ് എന്നിവരുടെ സഹായത്തോടു കൂടിയാകും വിവരശേഖരണം നടത്തുന്നത്. സ്വദേശത്തേക്ക് മടങ്ങാൻ ആഗ്രഹിക്കുന്ന തൊഴിലാളികളുടെ വിവരശേഖരണം ആണ് നടത്തുന്നത്.