ഷോളയൂര്‍ പൊലീസ് സ്റ്റേഷന്‍ പരിധിയിലുള്ള കോട്ടത്തറ കാരയൂര്‍ സ്വദേശി നഞ്ചനെ (75) 2019 ഡിസംബര്‍ 24 മുതല്‍ കാണാതായതായി സബ് ഇന്‍സ്‌പെക്ടര്‍ അറിയിച്ചു. അന്നേദിസവം വീട്ടില്‍ നിന്നും ആരോടും പറയാതെ ഇറങ്ങിപോയി നാളിതുവരെ തിരിച്ചെത്തിയിട്ടില്ല. കാണാതായ സമയത്ത് വെള്ള നിറത്തിലുളള ഫുള്‍സ്ലീവ് ഷര്‍ട്ടും വെള്ള മുണ്ടുമാണ് ധരിച്ചിരുന്നത്. 165 സെന്റിമീറ്റര്‍ ഉയരം. ഇരുനിറമാണ്. ഇദ്ദേഹത്തെ കാണുന്നവര്‍ 9497980629 (സബ് ഇന്‍സ്‌പെക്ടര്‍), 04924-209007, 9497934190 (ഷോളയൂര്‍ പൊലീസ് സ്റ്റേഷന്‍) എന്നീ നമ്പറുകളില്‍ അറിയിക്കണമെന്ന് സബ് ഇന്‍സ്‌പെക്ടര്‍ അറിയിച്ചു.

ഗവ. വിക്ടോറിയ കോളെജില്‍ ജൂണ്‍ 11, 15 തീയതികളില്‍ നടത്താനിരുന്ന കമ്പ്യൂട്ടര്‍ സയന്‍സ്, സ്റ്റാറ്റിസ്റ്റിക്‌സ് ഗസ്റ്റ് അധ്യാപകര്‍ക്കായുള്ള കൂടിക്കാഴ്ച്ച മാറ്റിവെച്ചതായി പ്രിന്‍സിപ്പാള്‍ അറിയിച്ചു.

ക്ഷീരവികസന വകുപ്പ് 2020-2021 സാമ്പത്തിക വര്‍ഷത്തെ വാര്‍ഷിക പദ്ധതിയില്‍ ഉള്‍പ്പെടുത്തിയ വിവിധ മില്‍ക്ക് ഷെഡ് ഡെവലപ്പ്‌മെന്റ് പദ്ധതിയിലേക്ക് താല്‍പര്യമുള്ള കര്‍ഷകര്‍ക്ക് അപേക്ഷിക്കാം. ഒരു പശു, രണ്ട് പശു, അഞ്ച് പശു യൂണിറ്റുകള്‍, ആവശ്യാധിഷ്ഠിത പദ്ധതികള്‍, കറവ യന്ത്രം, തൊഴുത്ത് നിര്‍മാണം മുതലായവയാണ് പദ്ധതിയില്‍ ഉള്‍പ്പെടുന്നത്. അപേക്ഷകള്‍ ജൂണ്‍ 20 വൈകീട്ട് അഞ്ച് വരെ സ്വീകരിക്കും. പദ്ധതി വിവരങ്ങള്‍ക്കും അപേക്ഷാ ഫോറത്തിനും ബ്ലോക്ക് തലത്തില്‍ പ്രവര്‍ത്തിക്കുന്ന ക്ഷീരവികസന യൂണിറ്റുമായി ബന്ധപ്പെടണമെന്ന് ജില്ലാ ക്ഷീരവികസന വകുപ്പ് ഡെപ്യൂട്ടി ഡയറക്ടര്‍ അറിയിച്ചു. ഫോണ്‍: 0491-2505137.

ദോഹ, കസാക്കിസ്ഥാന്‍, ഹോച്ചിമിന്‍, റിയാദ്, മസ്‌ക്കറ്റ് എന്നിവിടങ്ങളില്‍ നിന്നും നെടുമ്പാശ്ശേരി അന്താരാഷ്ട്ര വിമാനത്താവളത്തില്‍  ഇന്നലെ (ജൂണ്‍ 7) ജില്ലയിലെത്തിയത് 26 പാലക്കാട് സ്വദേശികള്‍. ഇവരില്‍ 4 പേര്‍ ഇന്‍സ്റ്റിറ്റിയൂഷനല്‍ ക്വാറന്റൈനില്‍ പ്രവേശിച്ചു.  

ദോഹയില്‍ നിന്നും നെടുമ്പാശ്ശേരി അന്താരാഷ്ട്ര വിമാനത്താവളത്തില്‍ എത്തിയ 10 പാലക്കാട് സ്വദേശികളില്‍ രണ്ടുപേര്‍ ഇന്‍സ്റ്റിറ്റിയൂഷനല്‍ ക്വാറന്റൈനില്‍  പ്രവേശിച്ചു. എട്ടുപേര്‍ വീടുകളില്‍ നിരീക്ഷണത്തിലാണ്.

ജില്ലയില്‍ നാല് പേര്‍ക്കു ഇന്നലെ (ജൂണ്‍ 8) കോവിഡ് ബാധ സ്ഥിരീകരിച്ചതായി ജില്ലാ കലക്ടര്‍ അറിയിച്ചു. വിദേശത്ത് നിന്ന് എത്തിയ മൂന്ന് പേര്‍ക്കും മുംബൈയില്‍ നിന്നെത്തിയ ഒരാള്‍ക്കുമാണ് രോഗം സ്ഥിരീകരിച്ചത്.
കരിപ്പൂര്‍ വിമാനത്താവളം വഴി മെയ് 28ന് ബഹറിനില്‍ നിന്ന് ഐഎക്‌സ് 1376 വിമാനത്തിലെത്തിയ നടുവില്‍ സ്വദേശി 27കാരന്‍, ജൂണ്‍ മൂന്നിന് ഷാര്‍ജയില്‍ നിന്ന് എസ് ജി

ആലത്തൂർ ബ്ലോക്കിലെ മഹിളാ പ്രധാൻ ഏജന്റ്സ് യൂണിയൻ പ്രതിനിധികൾ മുഖ്യമന്ത്രിയുടെ ദുരിതാശ്വാസനിധിയിലേക്ക് നൽകാനായി 65000 രൂപയുടെ ഡി.ഡി മന്ത്രി എ കെ ബാലന് കൈമാറി. കൂടാതെ കഴിഞ്ഞ ദിവസങ്ങളിൽ കണ്ണമ്പ്ര പഞ്ചായത്ത്‌ ഓഫീസിൽ 13 ആം വാർഡിലുള്ള പന്നിയങ്കര സ്വദേശി സരോജിനി തൊഴിലുറപ്പ് വേതനത്തിൽ നിന്നും 1001രൂപയും പന്നിയങ്കര സ്വദേശിയായ ജോഷി 5000 രൂപയുടെ ഡി.ഡിയും മുഖ്യമന്ത്രിയുടെ ദുരിതാശ്വാസ നിധിയിലേക്ക് നൽകാനായി മന്ത്രി എ കെ ബാലന് കൈമാറി. 

കോവിഡ് 19 മായി ബന്ധപ്പെട്ട് ജില്ലയില്‍ നിലവില്‍ 158 പേരാണ് ചികിത്സയിലുള്ളത്. കൂടാതെ, വിവിധ ആശുപത്രികളിലായി 48 പേർ നിരീക്ഷണത്തിലുമുണ്ട്. ഇന്ന് (ജൂൺ 8) ജില്ലയിൽ  ഒരാൾക്കാണ് (പുരുഷൻ) കോവിഡ് 19 സ്ഥിരീകരിച്ചത്. 

പരിശോധനയ്ക്കായി ഇതുവരെ 11124 സാമ്പിളുകൾ  അയച്ചതിൽ 225 പേർക്കാണ് പോസിറ്റീവായത്. ഇതിൽ  65 പേർ രോഗമുക്തരായി ആശുപത്രി വിട്ടു. ഇന്ന് (ജൂൺ 8) രണ്ടുപേരുടെ പരിശോധനാഫലം നെഗറ്റീവ് ആയിട്ടുണ്ട്.

സെന്റിനെന്റൽ സർവൈലൻസ് പ്രകാരം ഇതുവരെ 1574 സാമ്പിളുകളും ഓഗ്മെന്റഡ് സർവൈലൻസ് പ്രകാരം ഇതുവരെ 195 സാമ്പിളുകളാണ്  പരിശോധിച്ചത്.

പാലക്കാട് ജില്ലയിൽ ഇന്ന്(ജൂൺ എട്ട്) ഒരാൾക്ക്  കോവിഡ് 19  സ്ഥിരീകരിച്ചു. മെയ് 29ന് ചെന്നൈയിൽ നിന്നും വന്ന കോങ്ങാട് പാറശ്ശേരി സ്വദേശിക്കാണ്(57 പുരുഷൻ) രോഗം സ്ഥിരീകരിച്ചത്. ഇദ്ദേഹം ചെന്നൈയിൽ ചായക്കട നടത്തുന്ന ആളാണ്.

കൂടാതെ ജില്ലയിൽ ഇന്ന് രണ്ടുപേർ രോഗ മുക്തരായിട്ടുണ്ട്. ചികിത്സയിൽ ഉണ്ടായിരുന്ന വെള്ളിനേഴി സ്വദേശി (11, പെൺകുട്ടി,) പുതുനഗരം സ്വദേശി (47, പുരുഷൻ)  എന്നിവരുടെ പരിശോധനാ ഫലമാണ് തുടർച്ചയായി രണ്ട് തവണ നെഗറ്റീവ് ആയത്. 

ലൈഫ് മിഷന്‍ മൂന്നാം ഘട്ടം; ജൂണ്‍ 15 വരെ സമയം

ലൈഫ് മിഷന്‍ മൂന്നാംഘട്ട ഗുണഭോക്താക്കളുടെ അര്‍ഹതാപരിശോധന നടത്തി രേഖകള്‍ സോഫ്റ്റ്‌വെയറില്‍ അപ്‌ഡേറ്റ് ചെയ്യാനുള്ള സമയം ജൂണ്‍ 15 വരെ നീട്ടി. നിലവില്‍ ഗുണഭോക്തൃ പട്ടികയില്‍ ഉള്‍പ്പെടാതെ പോയവരുടെ വിവരങ്ങള്‍ ജൂണ്‍ 15നകം അപ്‌ഡേറ്റ് ചെയ്യുന്നതിന് തദ്ദേശ സ്ഥാപനങ്ങള്‍ നടപടി സ്വീകരിക്കണമെന്ന് മിഷന്‍ സിഇഒ അറിയിച്ചു.

പരിയാരം പഞ്ചായത്തില്‍