ജലരക്ഷ - ജീവരക്ഷ പദ്ധതിയുടെ ഭാഗമായി 'ഇനി ഞാൻ ഒഴുകട്ടെ' നീർത്തട പുനരുജ്ജീവന പദ്ധതിയ്ക്ക് തളിക്കുളം ഗ്രാമപഞ്ചായത്തിൽ തുടക്കമായി. ഗ്രാമപഞ്ചായത്തിലെ പ്രധാന തോടുകളിലെ തടസ്സങ്ങൾ ഒഴിവാക്കി നവീകരിക്കുക എന്ന ഉദ്ദേശ്യത്തോടെയാണ് പദ്ധതി നടപ്പിലാക്കുന്നത്. പുഴയുമായി ബന്ധമുള്ള തോടുകളിൽ പ്രളയത്തിന്റെ ഭാഗമായി അടിഞ്ഞുകൂടിയ ചെളിയും മറ്റുമാണ് നീക്കം ചെയ്യുന്നത്. തളിക്കുളം ഗ്രാമപഞ്ചായത്തും ജില്ലാ പഞ്ചായത്തും സംയുക്തമായാണ് പദ്ധതി നടപ്പിലാക്കുന്നത്.

ജലരക്ഷ - ജീവരക്ഷ പദ്ധതിയുടെ ഭാഗമായി 'ഇനി ഞാൻ ഒഴുകട്ടെ' നീർത്തട പുനരുജ്ജീവന പദ്ധതിയ്ക്ക് തളിക്കുളം ഗ്രാമപഞ്ചായത്തിൽ തുടക്കമായി. ഗ്രാമപഞ്ചായത്തിലെ പ്രധാന തോടുകളിലെ തടസ്സങ്ങൾ ഒഴിവാക്കി നവീകരിക്കുക എന്ന ഉദ്ദേശ്യത്തോടെയാണ് പദ്ധതി നടപ്പിലാക്കുന്നത്. പുഴയുമായി ബന്ധമുള്ള തോടുകളിൽ പ്രളയത്തിന്റെ ഭാഗമായി അടിഞ്ഞുകൂടിയ ചെളിയും മറ്റുമാണ് നീക്കം ചെയ്യുന്നത്. തളിക്കുളം ഗ്രാമപഞ്ചായത്തും ജില്ലാ പഞ്ചായത്തും സംയുക്തമായാണ് പദ്ധതി നടപ്പിലാക്കുന്നത്.

പുത്തൂർ മലയോര മേഖലയിൽ 5 കോടി 15 ലക്ഷം രൂപ ചെലവഴിച്ച് നടപ്പാക്കുന്ന വികസന പ്രവർത്തനങ്ങളുടെ ഉദ്ഘാടനം ഗവ. ചീഫ് വിപ്പ് അഡ്വ. കെ രാജൻ നിർവഹിച്ചു. പുത്തൻകാടിലെ കലുങ്കിന്റെയും പാർശ്വ സംരക്ഷണ ഭിത്തിയുടെയും പുനർ നിർമ്മാണം, ഒരുകോടി അമ്പത് ലക്ഷം രൂപ ചിലവിൽ എട്ടാംകല്ല് പ്രദേശത്ത് നിർമിച്ച റോഡിന്റെ സംരക്ഷണ ഭിത്തി എന്നിവ പൂർത്തിയാക്കി. ഈ രണ്ട് പ്രവർത്തനങ്ങളുടെയും ഉദ്ഘാടനം ഗവ ചീഫ് വിപ്പ് കെ രാജൻ നിർവ്വഹിച്ചു. പുത്തൂർ ഗ്രാമ പഞ്ചായത്ത്പ്രസിഡന്റ് മിനി ഉണ്ണികൃഷ്ണൻ അധ്യക്ഷത വഹിച്ചു. സ്റ്റാൻഡിങ് കമ്മിറ്റി ചെയർമാൻ പി ജി ഷാജി സ്വാഗതം പറഞ്ഞു.

പുത്തൂർ സുവോളജിക്കൽ പാർക്കിൽ അതിജീവനപാർക്കും സജ്ജമാക്കുമെന്ന് ഗവ. ചീഫ് വിപ് അഡ്വ. കെ രാജൻ പറഞ്ഞു. ലോക പരിസ്ഥിതി ദിനത്തോടനുബന്ധിച്ച് സുവോളജിക്കൽ പാർക്കിൽ വൃക്ഷത്തൈ നട്ടു പിടിപ്പിക്കുന്നതിന്റെ ഉദ്ഘാടനം നിർവഹിച്ച് സംസാരിക്കുകയായിരുന്നു അദ്ദേഹം. വരും തലമുറക്ക് കൊറോണ പ്രതിരോധത്തിന്റെ അനുഭവങ്ങൾ ബോധ്യപ്പെടുത്തുകയാണ് ലക്ഷ്യം. രോഗ പ്രതിരോധത്തിനുതകുന്ന വിവിധ ഔഷധസസ്യങ്ങളും വൃക്ഷങ്ങളുമാണ് അതിജീവന പാർക്കിൽ നടുകയെന്നും അദ്ദേഹം വ്യക്തമാക്കി.

വ്യാഴാഴ്ച ഗോരഖ്പൂരിൽ നിന്നും മുംബൈ ലോക മാന്യ തിലകിൽ നിന്നുമായി ജില്ലയിലെത്തിയ ട്രെയിനുകളിൽ എത്തിയത് 133 പേർ. ഗോരഖ്പൂർ - ട്രിവൻഡ്രം സ്പെഷ്യൽ ട്രെയിനിൽ 41 പേർ എത്തി. തൃശൂർ - 20 പേർ, എറണാകുളം -1, പാലക്കാട് -2, വയനാട് -4, കോഴിക്കോട് -1, കണ്ണൂർ -12, കാസർഗോഡ് -1 എന്നിങ്ങനെയാണ് ജില്ലാടിസ്ഥാനത്തിലുള്ള കണക്ക്. ഇതിൽ 34 പേരെ ഹോം ക്വാറന്റൈനിലും 7 പേരെ കോവിഡ് കെയർ സെന്ററിലും ആക്കി. ജില്ലയിലെ 20 പേരിൽ മുകുന്ദപുരം താലൂക്കിൽ -1, തലപ്പിള്ളി -14, തൃശൂർ -2, ചാലക്കുടി താലൂക്കിൽ നിന്ന് 2 പേരുമാണ്.

കോവിഡ് 19 പ്രതിരോധവും കാലവർഷ മുന്നൊരുക്കവുമായി ബന്ധപ്പെട്ട് കളക്ടറേറ്റ് കോൺഫറൻസ് ഹാളിൽ സർവകക്ഷിയോഗം തദ്ദേശ സ്വയംഭരണ വകുപ്പ് മന്ത്രി എ.സി. മൊയ്തീന്റെ അധ്യക്ഷതയിൽ ചേർന്നു. കോവിഡ് ക്വാറൻൈറനിൽ ഇരിക്കുന്നവർ പുറത്തിറങ്ങുന്നത് ഗൗരവതരമായ പ്രശ്നമാണെന്ന് മന്ത്രി പറഞ്ഞു. ക്വാറൻൈറൻ ലംഘിച്ചാൽ കർശന നടപടിയുണ്ടാവും. ഇതര സംസ്ഥാനത്തുനിന്നും വിദേശത്തുനിന്നും വരുന്നവർ വിവരം കൃത്യമായി ജില്ലാ ഭരണകൂടത്തെ അറിയിക്കണം. അല്ലെങ്കിൽ നിരീക്ഷണ സംവിധാനം പാളും. ലോക്ഡൗൺ ഇളവുകൾ ജീവിതം സ്തംഭിക്കാതെ മുന്നോട്ടുപോകാനാണ്. അത് അനിയന്ത്രിതമായാൽ അപകടകരമായ സാഹചര്യത്തിലേക്ക് പോവും. 65 വയസ്സിനു മുകളിൽ പ്രായമുള്ളവർ പുറത്തിറങ്ങരുത്.

വീടുകളിൽ ടെലിവിഷൻ ഇല്ലാത്തവരെ കണ്ടെത്തി ടെലിവിഷൻ കൊടുക്കുമെന്ന് പൊതുവിദ്യാഭ്യാസ മന്ത്രി പ്രൊഫ. സി. രവീന്ദ്രനാഥ് പറഞ്ഞു. 30,000 ടി.വി നൽകാമെന്ന് കെ.എസ്.എഫ്.ഇ അറിയിച്ചിട്ടുണ്ട്. സഹകരണ ബാങ്കുകൾ മുഖേന തദ്ദേശ സ്വയംഭരണ സ്ഥാപനങ്ങളുമായി ബന്ധപ്പെട്ട് ടെലിവിഷൻ ഇല്ലാത്തവർക്ക് നൽകാനായി സഹകരണ വകുപ്പ് പ്രത്യേക ഉത്തരവ് തന്നെ ഇറക്കി. ടി.വി. നൽകാനായി വിവിധ രാഷ്ട്രീയ പാർട്ടികളും സംഘടനകളും സ്ഥാപനങ്ങളും രംഗത്തുവന്നിട്ടുണ്ട്. ജനപ്രതിനിധികളുടെ നേതൃത്വത്തിലുള്ള ശ്രമങ്ങളും നടക്കുന്നു. വിദ്യാഭ്യാസ വകുപ്പും തദ്ദേശ സ്വയംഭരണ വകുപ്പും ഇക്കാര്യത്തിൽ ഒരുമിച്ച് പ്രവർത്തിക്കുകയാണ്.

സുഭിക്ഷ കേരളം പദ്ധതിയ്ക്ക് ജില്ലയിൽ തുടക്കമായി. സംസ്ഥാനത്ത് ഭൂവസ്ത്രം വിരിച്ച് സംരക്ഷിക്കുന്ന ഏറ്റവും വലിയ തോടായ വലിയതോട്-പെരുംതോടിന്റെ ഇരുകരകളിലും ഫലവൃക്ഷത്തൈകൾ നട്ട് തദ്ദേശസ്വയംഭരണ വകുപ്പ് മന്ത്രി എ സി മൊയ്തീൻ പദ്ധതിയുടെ ഉദ്ഘാടനം നിർവഹിച്ചു. സംസ്ഥാനത്ത് ജൂൺ 5 മുതൽ നടുന്ന ഒരു കോടി തൈകൾക്കൊപ്പം, പെരുമഴയെ സാക്ഷിയാക്കിയാണ് പെരുംതോടിന്റെ കരകളിലും വൃക്ഷ തൈകൾ മണ്ണിലാഴ്ന്നത്.

ആൻറിബോഡി ടെസ്റ്റുകൾ വ്യാപകമായി ആരംഭിക്കുമെന്ന് മുഖ്യമന്ത്രി പിണറായി വിജയൻ പറഞ്ഞു. ഐസിഎംആർ വഴി 14,000 കിറ്റ് ലഭിച്ചിട്ടുണ്ട്. അതിൽ 10,000 എണ്ണം വിവിധ ജില്ലകൾക്ക് നൽകി. 40,000 കിറ്റ് കൂടി മൂന്നുദിവസം കൊണ്ട് കിട്ടും എന്നാണ് അറിയിച്ചിട്ടുള്ളത്. ഒരാഴ്ച 15,000 വരെ ആൻറിബോഡി നടത്താൻ ഉദ്ദേശിക്കുന്നത്. സമൂഹ വ്യാപനം ഉണ്ടോ എന്ന് നിരീക്ഷിക്കാനാണിത്. ആൻറിബോഡി ടെസ്റ്റ്  പോസിറ്റീവായാൽ പിസിആർ ടെസ്റ്റ് നടത്തും.

திருவனந்தபுரம், கேரள முதல்வர் பினராய் விஜயன் திருவனந்தபுரத்தில் வெள்ளிக்கிழமை நிருபர்களிடம் கூறியது: கேரளாவில் இன்று மிக அதிகமாக 111 பேருக்கு கொரோனா தொற்று உறுதி செய்யப்பட்டுள்ளது. ஒரு நாளில் நோயாளிகளின் எண்ணிக்கை 100ஐ கடப்பது இதுவே முதல் முறையாகும். இன்று நோய் பாதிக்கப்பட்டவர்களில் 50 பேர் வெளிநாடுகளில் இருந்தும், 48 பேர் வெளிமாநிலங்களில் இருந்தும் வந்தவர்கள் ஆவர். 10 பேருக்கு கொரோனா நோயாளிகளுடன் தொடர்பில் இருந்ததன் மூலம் நோய் பரவி உள்ளது.  சுகாதாரத்துறை ஊழியர்கள் 3 பேருக்கும் இன்று நோய் பரவியுள்ளது.