* ಚಿಕಿತ್ಸೆಯಲ್ಲಿರುವವರು 973 ಮಂದಿ

കശുവണ്ടി വ്യവസായത്തെ സംരക്ഷിക്കാന്‍ കൂട്ടായ പ്രവര്‍ത്തനം അനിവാര്യമാണെന്ന് മന്ത്രി ജെ മേഴ്സിക്കുട്ടിയമ്മ പറഞ്ഞു. ലോക പരിസ്ഥിതി ദിനത്തോടനുബന്ധിച്ച് കശുവണ്ടി വികസന കോര്‍പറേഷന്റെ കൊട്ടിയം ഫാക്ടറി-1 ല്‍ സംഘടിപ്പിച്ച തൊഴിലാളികള്‍ക്ക് വേണ്ടിയുള്ള ആരോഗ്യ സുരക്ഷാ പദ്ധതി, സുഭിക്ഷ കേരളം പദ്ധതി എന്നിവ ഉദ്ഘാടനം ചെയ്യുകയായിരുന്നു മന്ത്രി. ലോക്ക് ഡൗണ്‍ കാലയളവില്‍ ക്ഷേമനിധിയില്‍ അംഗങ്ങളായ 71 ലക്ഷം പേര്‍ക്കും അംഗങ്ങളല്ലാത്ത 14 ലക്ഷം പേര്‍ക്കും 1000 രൂപ വീതം ധനസഹായം നല്‍കിയിട്ടുണ്ടെന്നും മന്ത്രി പറഞ്ഞു.

ജില്ലയില്‍ ഇന്നലെ(ജൂണ്‍ 5) രണ്ടുപേര്‍ക്കു കൂടി കോവിഡ് 19 സ്ഥിരീകരിച്ചു. ഉമ്മന്നൂര്‍ സ്വദേശിയായ 31 വയസുള്ള യുവതി(P89). മുംബൈയില്‍ സ്റ്റാഫ് നഴ്സായ ഇവര്‍ മെയ് 28 ന് മുംബൈയില്‍ നിന്നും വിമാന മാര്‍ഗം (എയര്‍ ഏഷ്യ 15325, സീറ്റ് നമ്പര്‍ 8ബി) കൊച്ചിയില്‍ എത്തി. സ്വകാര്യ കാറില്‍ വീട്ടിലെത്തി. ജൂണ്‍ രണ്ടിന് കൊട്ടാരക്കര താലൂക്ക് ആശുപത്രിയില്‍ സാമ്പിള്‍ ശേഖരിച്ചു. രോഗ ലക്ഷണങ്ങള്‍ കണ്ടതിനെ തുടര്‍ന്ന് ജൂണ്‍ നാലിന് പാരിപ്പളളി മെഡിക്കല്‍ കോളജില്‍ പ്രവേശിപ്പിച്ചു. ഇന്നലെ(ജൂണ്‍ 5) പോസിറ്റീവ് ആയി സ്ഥിരീകരിച്ചു.  

ആശ്രാമം മൈതാനിയില്‍ പേരാല്‍ മരം നട്ട് മന്ത്രി ജെ മേഴ്സിക്കുട്ടിയമ്മ ലോക പരിസ്ഥിതിദിനം ജില്ലാതല ഉദ്ഘാടനം ചെയ്തു. ജൈവവൈവിധ്യ സംരക്ഷണത്തിന് കോവിഡ് കാലത്ത് ഏറെ പ്രാധാന്യമുണ്ടെന്നും ലോകത്തിന്റെ സന്തുലിതാവസ്ഥ നിലനിര്‍ത്താന്‍ മാനവരാശി ഒന്നായി പ്രവര്‍ത്തിക്കണമെന്നും മന്ത്രി പറഞ്ഞു.

•    ജില്ലയിൽ ഇന്ന് (5.05.20) 8 കേസുകൾ കൂടി സ്ഥിരീകരിച്ചു. കൂടാതെ മറ്റു ജില്ലകളിൽ സ്ഥിരീകരിച്ച 2 കേസുകൾ കൂടി ജില്ലയിൽ ചികിത്സയിലുണ്ട്.

•    മെയ് 26 ലെ കുവൈറ്റ് കൊച്ചി വിമാനത്തിലെത്തിയ 46 വയസുള്ള നെടുമ്പാശ്ശേരി സ്വദേശിനി, 31 വയസുള്ള തിരുവനന്തപുരം സ്വദേശിനി, 47 വയസുള്ള പത്തനംതിട്ട സ്വദേശിനി, 42 വയസുള്ള ഏലൂർ സ്വദേശിനി, 42 വയസുള്ള ആലുവ സ്വദേശിനി എന്നിവർ.

എറണാകുളം:  തമിഴ് ദമ്പതികളുടെ മകള്‍ക്ക് ഓണ്‍ലൈന്‍ പഠന സൗകര്യമൊരുക്കി അധ്യാപിക. കളമശ്ശേരി ജിവിഎച്ച്എസിലെ സൈക്കോ സോഷ്യല്‍ കൗണ്‍സലര്‍ മഹിത വിപിനചന്ദ്രനാണ് ഓണ്‍ലൈന്‍ ക്ലാസിന് സൗകര്യമൊരുക്കി മാതൃകയായത്.

എറണാകുളം: ലോക്ക് ഡൗണില്‍ അങ്കണവാടികളില്‍ കുട്ടിക്കുരുന്നുകള്‍ക്ക്  എത്താന്‍ സാധിക്കില്ലെങ്കിലും ഓണ്‍ലൈന്‍ ലോകത്ത് കഥകളും പാട്ടുകളും വര്‍ത്തമാനങ്ങളുമായി സജീവമാണ് അങ്കണവാടികളും. പ്രോജക്ടറുകളുടെ സഹായത്തോടു കൂടി കഥകളും പാട്ടുകളും വീ‍ഡിയോ രൂപത്തില്‍ ചിത്രീകരിച്ച് ഓരോ വിദ്യാര്‍ത്ഥിക്കും അയച്ചു നല്‍കുകയാണ് അങ്കണവാടികളിലെ അധ്യാപികമാര്‍. കുട്ടിക്കുരങ്ങനെയും വീട്ടിലെ ആടിനെയും വരെ കുട്ടികള്‍ക്ക് പഠിപ്പിച്ചു നല്‍കാന്‍ തങ്ങളുടെ കൈവശമുള്ള കുട്ടിക്കഥകളും ഈണത്തിലുള്ള പാട്ടുകളുമൊക്കെയായി ഓൺലൈന്‍ കാലം അവിസ്മരണീയമാക്കുകയാണ് അവര്‍.

എറണാകുളം - ലോക പരിസ്ഥിതി ദിനത്തിൽ കളക്ടറേറ്റ് വളപ്പിൽ വൃക്ഷത്തൈകള്‍ നട്ടു. ജില്ലാ കളക്ടറുടെ നേതൃത്വത്തില്‍  റം പൂട്ടാൻ, പേര ഫല വൃക്ഷങ്ങളുടെ തൈകളാാണ് നട്ടത്. ഡപ്യൂട്ടി കളക്ടര്‍ സുരേഷ് കുമാര്‍, ഹുസൂര്‍ ശിരസ്തദാര്‍ ജോര്‍ജ് ജോസഫ് തുടങ്ങിയവര്‍ പങ്കെടുത്തു.

    എറണാകുളം: ഭക്ഷ്യ സ്വയംപര്യാപ്തത കൈവരിക്കുന്നത്തിനായി വിവിധവകുപ്പുകളെ കോര്‍ത്തിണക്കി ജില്ലയിൽ കൃഷിവ്യാപനം സാധ്യമാക്കുകയാണ് സുഭിക്ഷകേരളം പദ്ധതിയിലൂടെ കൃഷിവകുപ്പ്. തദ്ദേശ സ്വയംഭരണം, സഹകരണം, ക്ഷീരവികസനം, ഫിഷറീസ്, മൃഗസംരക്ഷണം എന്നീ വകുപ്പുകളുടെ സംയുക്താഭിമുഖ്യത്തിലാണ് സുഭിക്ഷകേരളം പദ്ധതി നടപ്പിലാക്കുന്നത്. തരിശ് രഹിത കൃഷിഭൂമി എന്നതാണ് പദ്ധതിയുടെ  ലക്ഷ്യം. നെല്ല്, പച്ചക്കറി, ചെറുധാന്യങ്ങള്‍, വാഴ, മരച്ചീനി മറ്റ് കിഴങ്ങ് വര്‍ഗ്ഗങ്ങള്‍ എന്നിങ്ങനെ എല്ലാത്തരം കൃഷികളെയും പ്രോത്സാഹിപ്പിക്കുന്ന വിധത്തിലാണ് പദ്ധതി വിഭാവനം ചെയ്തിരിക്കുന്നത്.

 എറണാകുളം: കൊച്ചി നഗരത്തിലെ വെള്ളക്കെട്ട് ഒഴിവാക്കുന്നതിനായി ജില്ലാ ഭരണകൂടം നടപ്പിലാക്കുന്ന ഓപ്പറേഷന്‍ ബ്രേക്ക് ത്രൂ രണ്ടാംഘട്ട പ്രവര്‍ത്തനങ്ങള്‍ അന്തിമഘട്ടത്തിലേക്ക്. നഗരത്തിലെ പ്രധാന തോടുകളിലെയും കായല്‍മുഖങ്ങളിലെയും തടസങ്ങള്‍ നീക്കുന്നതിനാണ് രണ്ടാംഘട്ട പ്രവര്‍ത്തനങ്ങളില്‍ പ്രാധാന്യം കൊടുക്കുന്നത്.