പത്തനംതിട്ട കളക്ടറേറ്റ് പരിസരത്തുള്ള മരങ്ങള്‍, ചെടികള്‍ തുടങ്ങിയവയെ പരിചയപ്പെടുത്താന്‍ ഡിജിറ്റല്‍ ഗാര്‍ഡന്‍ ആരംഭിച്ചു. മരങ്ങളില്‍ അവയുടെ പേരു വിവരങ്ങള്‍ സൂചിപ്പിക്കുന്ന ബോര്‍ഡുകള്‍ സ്ഥാപിച്ച് ഓരോ മരത്തിനും  ക്യു ആര്‍ കോഡ് നല്‍കിയിട്ടുണ്ട്. മരത്തെ പറ്റിയുള്ള അടിസ്ഥാന വിവരങ്ങളാണ് ഈ ബോര്‍ഡുകളില്‍  നല്‍കിയിട്ടുള്ളത്. ഇവയെപ്പറ്റി കൂടുതല്‍ വിവരങ്ങള്‍  അറിയാന്‍ അതത് ക്യു ആര്‍ കോഡുകള്‍ സ്‌കാന്‍ ചെയ്താല്‍ മതിയാകും. 

പരിസ്ഥിതി ദിനത്തോടനുബന്ധിച്ച്  സഹകരണവകുപ്പിന്റെ  'ഹരിതം സഹകരണം' പദ്ധതിയുടെ ഭാഗമായി നടത്തുന്ന ഫലവൃക്ഷത്തൈ നടൽ ജില്ലാതല ഉദ്‌ഘാടനം തൊഴിൽ എക്സൈസ് വകുപ്പ് മന്ത്രി ടി.പി രാമകൃഷ്ണൻ നിർവഹിച്ചു. അരിക്കുളം സർവ്വീസ് സഹകരണ ബാങ്കിന്റെ മുത്താമ്പി ശാഖാപരിസരത്ത് നടന്ന ചടങ്ങിൽ അരിക്കുളം സർവ്വീസ് സഹകരണ ബാങ്ക് പ്രസിഡന്റ് സി.അശ്വനി ദേവ് അധ്യക്ഷത വഹിച്ചു.

വീടുകളില്‍ ടി വി, കമ്പ്യൂട്ടര്‍, സ്മാര്‍ട്ട്‌ഫോണ്‍ മുതലായ സൗകര്യങ്ങളില്ലാത്ത ജില്ലയിലെ മുഴുവന്‍ കുട്ടികള്‍ക്കും പഠനസൗകര്യമൊരുക്കാന്‍ 360 പൊതുപഠനകേന്ദ്രങ്ങള്‍ തിങ്കളാഴ്ചയോടെ സജ്ജമാവുമെന്ന് സമഗ്രശിക്ഷാ ജില്ലാ പ്രോജക്ട് കോ-ഓര്‍ഡിനേറ്റര്‍ ഡോ. എ കെ അബ്ദുള്‍ഹക്കീം അറിയിച്ചു. ഇതുവരെ പ്രവര്‍ത്തനമാരംഭിച്ച 160 സെന്ററുകള്‍ക്ക് പുറമെ 200 കേന്ദ്രങ്ങളില്‍ കൂടി കേബിള്‍ കണക്ഷനോടു കൂടി ടെലിവിഷനൊരുക്കാനും ഓണ്‍ലൈന്‍ പഠനകേന്ദ്രങ്ങളാക്കി മാറ്റാനും ജില്ലാ കലക്ടറുടെയും ജില്ലാ പഞ്ചായത്ത് പ്രസിഡണ്ടിന്റെയും നേതൃത്വത്തില്‍ ചേര്‍ന്ന യോഗത്തില്‍ തീരുമാനമാനിച്ചു.

രണ്ട് പേര്‍ക്ക് രോഗമുക്തി; ഒരാള്‍ കാസര്‍ഗോഡ് സ്വദേശി

പുതുതായി 975 പേര്‍ നിരീക്ഷണത്തില്‍
 
കോഴിക്കോട് ജില്ലയില്‍ ഇന്ന് (05.06.20) നാല് പേര്‍ക്ക് കൂടി കോവിഡ് സ്ഥിരീകരിക്കുകയും കണ്ണൂരില്‍ ചികിത്സയിലുള്ള ഒരു കോഴിക്കോട് സ്വദേശിയും കോഴിക്കോട് ചികിത്സയിലുള്ള ഒരു കാസര്‍ഗോഡ് സ്വദേശിയും രോഗമുക്തി നേടുകയും ചെയ്തതായി ജില്ലാ മെഡിക്കല്‍ ഓഫീസര്‍ ഡോ. ജയശ്രീ വി അറിയിച്ചു. പോസിറ്റീവായവരില്‍ രണ്ട് പേര്‍ വിദേശത്ത് നിന്നും ഒരാള്‍ മുംബൈയില്‍ നിന്നും വന്നവരാണ്.

ഇന്ന് കോവിഡ് പോസിറ്റീവായവര്‍:

 ഫിഷറീസ് വകുപ്പ് നടപ്പിലാക്കുന്ന ജനകീയ മത്സ്യകൃഷി പദ്ധതിയില്‍ അപേക്ഷ ക്ഷണിച്ചു.  ശാസ്ത്രീയ സമ്മിശ്ര കാര്‍പ്പ് കൃഷി,  ആസാംവാള കൃഷി, ഓരുജല സമ്മിശ്ര മത്സ്യകൃഷി തുടങ്ങി പത്തോളം പദ്ധതികളിലാണ് അപേക്ഷ ക്ഷണിച്ചത്.  അപേക്ഷാഫോം വെസ്റ്റ്ഹില്ലിലുള്ള ഫിഷറീസ് ഡെപ്യൂട്ടി ഡയറക്ടര്‍ ഓഫീസില്‍ നിന്നോ ബന്ധപ്പെട്ട അക്വാകള്‍ച്ചര്‍ പ്രൊമോട്ടര്‍മാരില്‍ നിന്നോ ജൂണ്‍ 12 മുതല്‍ ലഭിക്കും. അപേക്ഷ സമര്‍പ്പിക്കേണ്ട അവസാന തിയ്യതി ജൂണ്‍ 20. കൂടുതല്‍ വിവരങ്ങള്‍ക്ക് 0495 2381430.

ഉള്ളിയേരി പഞ്ചായത്തിൽ  പരിസ്ഥിതി ദിനാചരണത്തിന്റെ ഭാഗമായി എളങ്ങോട്ടുമല പച്ചത്തുരുത്ത് നിർമ്മാണത്തിന് തുടക്കമായി.പഞ്ചായത്ത് പ്രസിഡണ്ട് ഷാജു ചെറുക്കാവിൽ ഉദ്ഘാടനം നിർവഹിച്ചു.  മുഖ്യാതിഥിയായ ഹരിതകേരളം ജില്ലാ കോർഡിനേറ്റർ പി. പ്രകാശ്  പരിസ്ഥിതി സംരക്ഷണ സന്ദേശം നൽകി. തൊഴിലുറപ്പ് പദ്ധതിയിൽ ഉൾപ്പെടുത്തിയാണ് 30 സെൻ്റ് സ്ഥലത്ത് ഹരിതകേരളം മിഷൻ്റെ പ്രധാന പരിസ്ഥിതി സംരക്ഷണ ഇടപെടലായ പച്ചത്തുരുത്ത് ഒരുക്കുന്നത്. വൈവിധ്യമാർന്ന 350 ഓളം തൈകളാണ് ഈ പച്ചത്തുരുത്തിൽ നട്ടുപിടിപ്പിച്ച് സംരക്ഷിക്കാൻ പദ്ധതി ഇട്ടിരിക്കുന്നത്.

ആദിവാസി കോളനികളിലെ വിദ്യാര്‍ഥികള്‍ക്ക് ഓണ്‍ലൈന്‍ പഠന സൗകര്യത്തിനായി എസ്.ടി പ്രമോട്ടര്‍മാര്‍ ടെലിവിഷനുകള്‍ സംഭാവന നല്‍കി. കലക്ട്രേറ്റില്‍ നടന്ന ചടങ്ങില്‍ ജില്ലാ കലക്ടര്‍ സാംബശിവറാവു കോടഞ്ചേരി പാത്തിപ്പാറ കോളനിയിലെ വിദ്യാര്‍ഥി ദാമുചക്കിക്ക് ടെലിവിഷന്‍ കൈമാറി ഉദ്ഘാടനം ചെയ്തു.

പരിസ്ഥിതി ദിനത്തോടനുബന്ധിച്ച് ജില്ലാ ശുചിത്വ മിഷന്റെയും ജില്ലാ ഭരണകൂടത്തിന്റെയും നേതൃത്വത്തില്‍ ജീവനക്കാരുടെ സഹകരണത്തോടെ സിവില്‍ സ്‌റ്റേഷനും പരിസരവും ശുചീകരിച്ചു. കോവിഡ് 19 പശ്ചാത്തലത്തില്‍ സാമൂഹിക അകലം പാലിച്ചാണ് ശുചീകരണം നടത്തിയത്. എഡിഎം റോഷ്ണി നാരായണന്‍ ഉദ്ഘാടനം ചെയ്തു. ശുചിത്വ മിഷന്‍  ജില്ലാ കോ-ഓര്‍ഡിനേറ്റര്‍ സി കബനി, ഹുസൂര്‍ ശിരസ്താര്‍ സുരേഷ്‌കുമാര്‍, ശുചിത്വ മിഷന്‍ അസി. കോ-ഓര്‍ഡിനേറ്റര്‍ ടി നാസര്‍ബാബു, കെ പി ദീപേഷ്, വെല്‍ഫയര്‍ കമ്മിറ്റി ജീവനക്കാര്‍, സ്വാഭിമാന്‍ വളണ്ടിയർമാർ തുടങ്ങിയവര്‍ പങ്കെടുത്തു.

ദുരന്തമുഖത്തെ നേരിടാന്‍ നടുവണ്ണൂര്‍ ഗ്രാമപഞ്ചായത്തില്‍  പ്രളയ സാധ്യതാ ഭൂപടം തയ്യാറാക്കി. തൊഴില്‍ വകുപ്പ് മന്ത്രി ടി.പി രാമകൃഷ്ണന്‍ ഭൂപടം പ്രകാശനം ചെയ്തു.  ഓരോ ദുരന്തമുഖത്തും ജനകീയ പങ്കാളിത്തത്തിന്റെ പുതിയ മാതൃകയാണ് കേരളം മുന്നോട്ട് വെക്കുന്നതെന്ന് അദ്ദേഹം അഭിപ്രായപ്പെട്ടു.