മുഖ്യമന്ത്രിയുടെ ദുരിതാശ്വാസ നിധിയിലേക്ക് ആറന്മുള കോളേജ് ഓഫ് എഞ്ചിനീയറിംഗ് എന്‍എസ്എസ് യൂണിറ്റും ഫ്രീക്ക് കേഡേഴ്‌സ് കമ്യുണിറ്റിയും സമാഹരിച്ച 5000 രൂപയുടെ ചെക്ക് ഫ്രീക്ക് കേഡേഴ്‌സ് കമ്യുണിറ്റി അംഗം അമല്‍.എസ്.നായര്‍ ജില്ലാ കളക്ടര്‍ പി.ബി നൂഹിനു കൈമാറി.

ഓണ്‍ലൈന്‍ ക്വിസ് മത്സരം നടത്തിയതില്‍ രജിസ്‌ട്രേഷനായി ലഭിച്ച തുകയാണ് ഇവര്‍ കൈമാറിയത്. ഫ്രീക്ക് കേഡേഴ്‌സ് കമ്യുണിറ്റി അംഗങ്ങളായ ആര്‍.പി അഭിജിത്ത്, സ്റ്റെഫിന്‍ സജി കുര്യന്‍, മെല്‍വിന്‍ പി.സ്റ്റാന്‍ലി എന്നിവര്‍ പങ്കെടുത്തു.

കൊച്ചി, തിരുവനന്തപുരം, കാലിക്കറ്റ് വിമാനത്താവളങ്ങളില്‍ ആറു വിമാനങ്ങളിലായി വ്യാഴാഴ്ച്ച (ജൂണ്‍ 4) പത്തനംതിട്ട ജില്ലയില്‍ എത്തിയത് 73 പ്രവാസികള്‍. രണ്ടു ദുബായ് - കൊച്ചി വിമാനങ്ങളിലായി 19 പുരുഷന്മാരാണ് ജില്ലയിലെത്തിയത്. ഇതില്‍ 17 പേര്‍ കോവിഡ് കെയര്‍ സെന്ററുകളിലും രണ്ടു പേര്‍ വീടുകളിലും നിരീക്ഷണത്തില്‍ പ്രവേശിച്ചു.

ലോകപരിസ്ഥിതി ദിനവുമായി ബന്ധപ്പെട്ട് ഹരിത കേരളം മിഷന്റെ നേതൃത്വത്തില്‍ ലോക്ഡൗണ്‍ കാലത്ത് സ്‌കൂള്‍ വിദ്യാര്‍ത്ഥികള്‍ക്കായി  സംഘടിപ്പിച്ച  മനോഹരിതം ക്യാമ്പയിന്റെ  മണ്ഡലതല സമാപന സമ്മേളനവും പരിസ്ഥിതിദിനാചരണവും ഓമല്ലൂര്‍ ആര്യഭാരതി ഹൈസ്‌കൂളില്‍   വീണാ ജോര്‍ജ് എംഎല്‍എ ഉദ്ഘാടനം നിര്‍വഹിച്ചു. ഓരോ വിദ്യാര്‍ത്ഥികളും പ്രകൃതിയുടെ ബ്രാന്‍ഡ് അമ്പാസിഡര്‍മാരായി  മാറണമെന്നും ക്യാമ്പയിനില്‍ പങ്കെടുത്ത ജില്ലയിലെ 140 സ്‌കൂളുകളിലേയും കുട്ടികള്‍ നല്ല രീതിയില്‍ പ്രകടനം കാഴ്ചവച്ചുവെന്നും എംഎല്‍എ പറഞ്ഞു. 

പരിസ്ഥിതി ദിനത്തോടനുബന്ധിച്ച് മലപ്പുഴശേരി ഗ്രാമപഞ്ചായത്തിലെ പഞ്ചായത്ത്തല പച്ചത്തുരുത്ത് ഉദ്ഘാടനം എട്ടു വാര്‍ഡ് ഇടപാറ മഹാദേവര്‍ മലനട കാവില്‍ വീണ ജോര്‍ജ് എം.എല്‍.എ ഫലവൃക്ഷതൈ നട്ട് നിര്‍വഹിച്ചു.  രണ്ടേക്കര്‍ വരുന്ന മലനട അമ്പലത്തില്‍ ഇരുന്നൂറിലധികം വര്‍ഷം പഴക്കമുള്ള മുത്തശ്ശി മാവ്, ആഞ്ഞിലി മരം, മുന്നൂറിലധികം പഴക്കമുള്ള ചാര് മരത്തിന്റെ അവശിഷ്ടം എന്നിവ ഉള്‍പ്പെടെ  1.5 ഏക്കറോളം സംരക്ഷിക്കപ്പെടുന്ന കാവും വൃക്ഷലതാതികളും നിലവിലുണ്ട്. അതിനോടൊപ്പം ഫലവൃക്ഷ തൈകളും ഔഷധ ചെടികളുംകൂടി നട്ടു സ്വാഭാവിക വനമേഖല രീതിയിലുള്ള പച്ചത്തുരുത്ത് വളര്‍ത്തി എടുക്കുക എന്നതാണു പദ്ധതിയുടെ ലക്ഷ്യം. 

കോവിഡ് 19 പ്രതിരോധ പ്രവര്‍ത്തനങ്ങളുടെ ഭാഗമായി ഭക്ഷ്യക്ഷാമം ഒഴിവാക്കാനായി സംസ്ഥാന സര്‍ക്കാര്‍ പ്രഖ്യാപിച്ച സുഭിക്ഷ കേരളം പദ്ധതിയുടെ അടൂര്‍ മണ്ഡലതല ഉദ്ഘാടനം പരിസ്ഥിതി ദിനത്തില്‍ കൊടുമണ്‍ ചേന്നങ്കര ഏലായില്‍ ചേറാടി ഞാറുനട്ട് ചിറ്റയം ഗോപകുമാര്‍ എം.എല്‍.എ നിര്‍വഹിച്ചു. 

സുഭിക്ഷ കേരളം പദ്ധതി പ്രകാരവും ലോക പരിസ്ഥിതി ദിനാചരണത്തിന്റെ ഭാഗമായും ഒരു കോടി  ഫലവൃക്ഷ തൈ വിതരണ പദ്ധതിയുടെ  ജില്ലാതല ഉദ്ഘാടനം  റാന്നി-ഐത്തല പള്ളിക്കടവില്‍ രാജു എബ്രഹാം എംഎല്‍എ നിര്‍വഹിച്ചു. 

ന്യൂഡല്‍ഹി, മുംബൈ എന്നിവിടങ്ങളില്‍ നിന്നും മൂന്നു ട്രെയിനുകളിലായി ജൂണ്‍ 5 ന് പത്തനംതിട്ട ജില്ലയിലെത്തിയത് 107 പേര്‍. 

ന്യൂഡല്‍ഹിയില്‍ നിന്നും പുലര്‍ച്ചെ 12.25ന് തിരുവനന്തപുരം സെന്‍ട്രല്‍ റെയില്‍വേ സ്റ്റേഷനില്‍ എത്തിയ ട്രെയിനില്‍ രണ്ടു സ്ത്രീകളും ആറു പുരുഷന്മാരും ഒരു കുട്ടിയും ഉള്‍പ്പടെ ഒന്‍പതു പേരാണ് ഉണ്ടായിരുന്നത്. എല്ലാവരും വീടുകളില്‍ നിരീക്ഷണത്തിലാണുള്ളത്.