അന്യം നിന്നുപോകുന്ന പരമ്പരാഗത കാര്‍ഷിക വിളകളുടെ പ്രദര്‍ശനത്തോട്ടം പത്തനംതിട്ട ജില്ലാ കൃഷി വിജ്ഞാന കേന്ദ്രത്തില്‍ ഒരുക്കി ലോക പരിസ്ഥിതിദിനം ആചരിച്ചു.  ആനക്കൊമ്പന്‍ ഇനത്തില്‍പ്പെട്ട വഴുതന, വെണ്ട, മത്തിപ്പുളി, വിവിധ ഇനം കാന്താരി മുളക്, നിത്യവഴുതന, വേലിച്ചീര, വാളരിപ്പയര്‍, നിത്യവഴുതന, സാമ്പാര്‍ചീര, മധുരക്കിഴങ്ങ് തുടങ്ങിയവയുടെ തോട്ടമാണ് കൃഷി വിജ്ഞാന കേന്ദ്രത്തില്‍ ദിനാചരണത്തിന്റെ ഭാഗമായി ഒരുക്കിയത്.  

പരിസ്ഥിതി ദിനാചരണത്തിന്റെ ഭാഗമായി നാഷണല്‍ സര്‍വീസ് സ്‌കീം മുന്‍കാല പ്രവര്‍ത്തകരുടെ കൂട്ടായ്മയായ എന്‍.പി.എഫ് (എന്‍.എസ്.എസ് പാഷന്‍ ഫോളോവേഴ്‌സ്) പത്തനംതിട്ട യൂണിറ്റിന്റെ നേതൃത്വത്തില്‍ കളക്ടറേറ്റ് പരിസരം ശുചീകരിച്ചു. തുടര്‍ന്ന് വീണാ ജോര്‍ജ് എം.എല്‍എയും ജില്ലാ കളക്ടര്‍ പി.ബി നൂഹും ചേര്‍ന്ന് ഇവിടെ വൃക്ഷത്തൈകള്‍ നട്ടു. ഇതോടൊപ്പം എന്‍.പി.എഫ് വോളന്റീര്‍മാരുടെ നേതൃത്വത്തില്‍ 150 വൃക്ഷത്തൈകള്‍ വിതരണം ചെയ്തു. 

പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി ഹൈസ്‌ക്കൂളുകളിൽ കേരള ഇൻഫ്രാസ്ട്രക്ചർ ആന്റ് ടെക്നോളജി ഫോർ എഡ്യൂക്കേഷന്റെ (കൈറ്റ്) നേതൃത്വത്തിൽ നടപ്പാക്കുന്ന 'ലിറ്റിൽ കൈറ്റ്സ്' ഐ.ടി. ക്ലബ്ബുകളിലെ 'എ' ഗ്രേഡ് നേടിയ കുട്ടികൾക്ക് എസ്.എസ്.എൽ.സി. പരീക്ഷയ്ക്ക് ഗ്രേസ് മാർക്ക് അനുവദിച്ച രീതിയിൽ ടി.എച്ച്.എസ്.എൽ.സി. എഴുതുന്ന ലിറ്റിൽ കൈറ്റ്സ് അംഗങ്ങൾക്കും ഗ്രേസ് മാർക്ക് അനുവദിച്ച് സർക്കാർ ഉത്തരവ് പുറപ്പെടുവിച്ചു.  ഉത്തരവ്  kite.kerala.gov.in ൽ ലഭ്യമാണ്.
പി.എൻ.എക്സ്. 2061/2020

തിരുവനന്തപുരം സർക്കാർ ലോ കോളേജിൽ 2020-21 അദ്ധ്യയന വർഷത്തിൽ പഞ്ചവത്സര എൽ.എൽ.ബി (ബി.എ ലിറ്ററേച്ചർ) കോഴ്‌സിലേക്ക് ഇംഗ്ലീഷ് വിഷയത്തിൽ ഗസ്റ്റ് അദ്ധ്യാപകരുടെ രണ്ട് ഒഴിവുകളുണ്ട്. നിയമനത്തിനായി 19ന് രാവിലെ പത്തിന് ഇന്റർവ്യൂ നടക്കും. കൊല്ലം ഡെപ്യൂട്ടി ഡയറക്ടറേറ്റ് ഓഫീസിൽ പേര് രജിസ്റ്റർ ചെയ്തിട്ടുള്ള ഉദ്യോഗാർത്ഥികൾ യു.ജി.സി നിഷ്‌കർഷിച്ച യോഗ്യതകൾ തെളിയിക്കുന്ന അസ്സൽ സർട്ടിഫിക്കറ്റുകളുമായി ഓഫീസിൽ ഹാജരാകണം.
പി.എൻ.എക്സ്. 2059/2020

आज तीन मौतों के साथ राज्य में अब तक कुल 14 मौतें; नौ नए हॉटस्पॉट, कुल 124 हॉटस्पॉट

'ഒരു കോടി ഫലവൃക്ഷതൈകൾ നട്ടുവളർത്തൽ' പദ്ധതിയുടെ സംസ്ഥാനതല ഉദ്ഘാടനം സെക്രട്ടറിയേറ്റ് വളപ്പിൽ മുഖ്യമന്ത്രി പിണറായി വിജയൻ ഫലവൃക്ഷത്തൈ നട്ട് ഉദ്ഘാടനം ചെയ്തു. കൃഷിമന്ത്രി വി.എസ്. സുനിൽകുമാറും വനംമന്ത്രി കെ. രാജുവും ചടങ്ങിൽ സംബന്ധിച്ച് വൃക്ഷത്തൈകൾ നട്ടു.

നിര്‍ധന വിദ്യാര്‍ത്ഥികള്‍ക്ക് ഓണ്‍ലൈന്‍ പഠന സഹായമായി അഞ്ച് ടെലിവിഷനുകളുമായി കെഎസ്ഇബി ഓഫീസേഴ്‌സ് അസോസിയേഷന്‍ പത്തനംതിട്ട ജില്ലാ കമ്മിറ്റി. 35 ഇഞ്ചിന്റെ 5 എല്‍.ഇ.ഡി ടിവികളാണ്  കെഎസ്ഇബി ഓഫീസേഴ്‌സ് അസോസിയേഷന്‍ ജില്ലാ സെക്രട്ടറി വി.അനില്‍കുമാര്‍ ജില്ലാ കളക്ടര്‍ പി.ബി നൂഹിന് കൈമാറി.