വെട്ടിക്കവല ബ്ലോക്ക് പഞ്ചായത്തിലെ 14 ബ്ലോക്ക് ഡിവിഷനുകളുടെ കീഴില്‍ പ്രവര്‍ത്തിക്കുന്ന വയോജന ക്ലബ്ബുകള്‍ക്ക് പ്ലാസ്റ്റിക് കസേരകള്‍ ലഭ്യമാക്കുന്നതിന് ടെണ്ടര്‍ ക്ഷണിച്ചു. ജൂണ്‍ 16 ന് ഉച്ചകഴിഞ്ഞ് രണ്ടുവരെ സമര്‍പ്പിക്കാം. വിശദ വിവരങ്ങള്‍ ഓഫീസിലും 0474-2404299 നമ്പരിലും ലഭിക്കും.
(പി.ആര്‍.കെ നമ്പര്‍ 1568/2020)  

ഗവണ്‍മെന്റ് വിക്‌ടോറിയ ആശുപത്രി കോമ്പൗണ്ടില്‍ ആശുപത്രി കാന്റീന്‍ നടത്തുന്നതിനുള്ള ലേലം/ടെണ്ടര്‍ ജൂണ്‍ 16 ന് ഉച്ചയ്ക്ക് 12 ന് ആശുപത്രി ഓഫീസില്‍ നടക്കും. വിശദ വിവരങ്ങള്‍ ഓഫീസിലും 0474-2752700 നമ്പരിലും ലഭിക്കും.
(പി.ആര്‍.കെ നമ്പര്‍ 1567/2020)
 

കൊല്ലം ജില്ലയില്‍ വനം വകുപ്പില്‍ ബീറ്റ് ഫോറസ്റ്റ് ഓഫീസര്‍(പാര്‍ട്ട്-1, നേരിട്ടുള്ള നിയമനം) തസ്തികയുടെ റാങ്ക് ലിസ്റ്റ് പി എസ് സി പ്രസിദ്ധീകരിച്ചു.
(പി.ആര്‍.കെ നമ്പര്‍ 1566/2020)
 

ഇന്‍ഡ്യന്‍ ഓയില്‍ കോര്‍പ്പറേഷന്റെ കുളത്തൂപ്പുഴയിലെ കണ്ണന്‍ ഗ്യാസ് ഏജന്‍സിയുടെ പ്രവര്‍ത്തനങ്ങളെക്കുറിച്ച് പരാതി ലഭിച്ചതിന്റെ അടിസ്ഥാനത്തില്‍ ജില്ലാ സപ്ലൈ ഓഫീസറുടെ നേതൃത്വത്തില്‍ പരിശോധന നടത്തി. ക്രമക്കേടുകള്‍ കണ്ടതിനെ തുടര്‍ന്ന് കുളത്തൂപ്പുഴ അമ്പലം ജംഗ്ഷനില്‍ പ്രവര്‍ത്തിക്കുന്ന ഗീതയുടെ പേരിലുള്ള കണ്ണന്‍ ഗ്യാസ് ഏജന്‍സിയുടെ ലൈസന്‍സ് താത്കാലികമായി റദ്ദ് ചെയ്തു. പൊതുജനങ്ങള്‍ക്ക് ബുദ്ധിമുട്ട് ഉണ്ടാകാതിരിക്കാന്‍ ഐ ഒ സി യുടെ ഏഴംകുളത്ത് പ്രവര്‍ത്തിക്കുന്ന പൊയ്കയില്‍ ഗ്യാസ് ഏജന്‍സി ഗ്യാസ് വിതരണം നടത്തുമെന്ന് ജില്ലാ കലക്ടര്‍ ബി അബ്ദുല്‍ നാസര്‍ അറിയിച്ചു.  
(പി.ആര്‍.കെ നമ്പര്‍ 1565/2020)

കൊട്ടാരക്കര മുനിസിപ്പാലിറ്റി, പവിത്രേശ്വരം, എഴുകോണ്‍, കരീപ്ര, മൈലം, മേലില, പൂയപ്പള്ളി, നെടുവത്തൂര്‍, വെട്ടിക്കവല, വെളിനല്ലൂര്‍, ഉമ്മന്നൂര്‍, വെളിയം, കുളക്കട എന്നീ ഗ്രാമപഞ്ചായത്തുകളിലെ ഭാഗ്യക്കുറി ക്ഷേമനിധി അംഗങ്ങള്‍ക്കുള്ള സാനിറ്റെസര്‍, മാസ്‌ക്, ഭാഗ്യക്കൂപ്പണ്‍ എന്നിവയുടെ വിതരണം ഇന്ന്(ജൂണ്‍ 6) രാവിലെ 10.30 മുതല്‍ കൊട്ടാരക്കര മുനിസിപ്പല്‍ ഹാളില്‍ നടക്കും. കടയ്ക്കല്‍, ചടയമംഗലം, ചിതറ, ഇളമാട്, ഇട്ടിവ, നിലമേല്‍ എന്നീ ഗ്രാമപഞ്ചായത്തുകളിലെ  ഭാഗ്യക്കുറി ക്ഷേമനിധി അംഗങ്ങള്‍ക്കുള്ള വിതരണം രാവിലെ 10.30 മുതല്‍ ചടയമംഗലം മഹാദേവി ക്ഷേത്രത്തിന് എതിര്‍വശമുള്ള ഹാളിലും  നടക്കും.  

കോവിഡ് രോഗപ്രതിരോധത്തിന്റെ ഭാഗമായി വിവിധ ആവശ്യങ്ങള്‍ക്കായി തൊഴിലന്വേഷകര്‍ എംപ്ലോയ്‌മെന്റ് എക്‌സ്‌ചേഞ്ചുകളിലെത്തുന്നത് പരിമിതപ്പെടുത്തുന്നതിനായി പ്രത്യേക ക്രമീകരണങ്ങള്‍ ഏര്‍പ്പെടുത്തിയതായി ജില്ലാ എംപ്ലോയ്‌മെന്റ് ഓഫീസര്‍ അറിയിച്ചു. എംപ്ലോയ്‌മെന്റ് എക്‌സ്‌ചേഞ്ചുകളില്‍ നിന്നും നല്‍കുന്ന രജിസ്‌ട്രേഷന്‍, പുതുക്കല്‍, സര്‍ട്ടിഫിക്കറ്റ് കൂട്ടിച്ചേര്‍ക്കല്‍, തൊഴില്‍ പരിചയ സര്‍ട്ടിഫിക്കറ്റ് ചേര്‍ക്കല്‍ തുടങ്ങിയ എല്ലാ സേവനങ്ങളും www.eemployment.kerala.gov.in  എന്ന വെബ്‌സൈറ്റ്  വഴി ഓണ്‍ലൈനായി നടത്താം.

കൊല്ലം കോര്‍പ്പറേഷനിലെ ഒന്ന്, രണ്ട്, മൂന്ന്, നാല്, അഞ്ച്, 54 എന്നീ ഡിവിഷനുകളില്‍ കണ്ടയിന്‍മെന്റ് സോണുകളായി നിശ്ചയിച്ച് ദുരന്ത നിവാരണ നിയമ പ്രകാരവും 144 വകുപ്പ് പ്രകാരവും കോവിഡ് 19 അധിക പ്രതിരോധ പ്രതികരണ നിയന്ത്രണങ്ങള്‍ ഏര്‍പ്പെടുത്തി ജില്ലാ ദുരന്ത നിവാരണ അതോറിറ്റി ചെയര്‍മാന്‍ കൂടിയായ ജില്ലാ കലക്ടര്‍ ബി അബ്ദുല്‍ നാസര്‍ ഉത്തരവായി. ഈ പ്രദേശങ്ങളില്‍ അവശ്യ സര്‍വീസുകള്‍ മാത്രമേ അനുവദിക്കൂ. അടിയന്തര ആവശ്യങ്ങള്‍ക്കല്ലാതെ ജനങ്ങള്‍ പുറത്തിറങ്ങി നടക്കാന്‍ പാടില്ല.

  ലോക പരിസ്ഥിതി ദിനത്തോടനുബന്ധിച്ച് ചിറ്റുമല ബ്ലോക്ക് പഞ്ചായത്തില്‍ നടന്ന പരിപാടി കോവൂര്‍ കുഞ്ഞുമോന്‍ എം എല്‍ എ ഉദ്ഘാടനം ചെയ്തു. ഭക്ഷ്യ വസ്തുക്കള്‍ക്കായി അന്യസംസ്ഥാനങ്ങളെ ആശ്രയിക്കാതെ സ്വയംപര്യാപ്തത കൈവരിക്കാന്‍ നമുക്ക് കഴിയണമെന്ന് എം എല്‍ എ പറഞ്ഞു. സംസ്ഥാനത്ത് നടപ്പാക്കിവരുന്ന 'സുഭിക്ഷ കേരളം' പദ്ധതി ബ്ലോക്കിലെ എല്ലാ പഞ്ചായത്തുകളിലും നടപ്പിലാക്കുന്നതിന്റെ  ഭാഗമായി ഏഴു ഗ്രാമപഞ്ചായത്തുകള്‍ക്ക് ഗ്രാമശ്രീ സ്വയംസഹായ സംഘം ഉത്പാദിപ്പിച്ച 25,000 പച്ചക്കറി തൈകള്‍ വിതരണം ചെയ്തു.  

ലോക പരിസ്ഥിതി ദിനത്തോടനുബന്ധിച്ച് സിവില്‍ സ്റ്റേഷനില്‍ നടന്ന പരിപാടി ജില്ലാ കലക്ടര്‍ ബി അബ്ദുല്‍ നാസര്‍ ഫലവൃക്ഷ തൈ നട്ടു ഉദ്ഘാടനം ചെയ്തു. ഇന്ന്(ജൂണ്‍ 6) നടക്കുന്ന ശുചീകരണ പ്രവര്‍ത്തങ്ങളോടനുബന്ധിച്ച് കൂടുതല്‍ വൃക്ഷതൈകള്‍ നട്ടുപിടിപ്പിക്കുമെന്നും അവ സംരക്ഷിക്കുന്നതിനുള്ള നടപടികള്‍ സ്വീകരിക്കുമെന്നും കലക്ടര്‍ പറഞ്ഞു.
എ ഡി എം പി.ആര്‍.ഗോപാലകൃഷ്ണന്‍, പ്രിന്‍സിപ്പല്‍ കൃഷി ഓഫീസര്‍, ശുചിത്വ മിഷന്‍ ജില്ലാ കോ-ഓര്‍ഡിനേറ്റര്‍, റവന്യൂ വകുപ്പ് ഉദ്യോഗസ്ഥര്‍, മറ്റ് വകുപ്പുകളിലെ ഉദ്യോഗസ്ഥര്‍ തുടങ്ങിയവര്‍ പങ്കെടുത്തു.
(പി.ആര്‍.കെ നമ്പര്‍ 1560/2020)
 

കശുവണ്ടി വ്യവസായത്തെ സംരക്ഷിക്കാന്‍ കൂട്ടായ പ്രവര്‍ത്തനം അനിവാര്യമാണെന്ന് മന്ത്രി ജെ മേഴ്സിക്കുട്ടിയമ്മ പറഞ്ഞു. ലോക പരിസ്ഥിതി ദിനത്തോടനുബന്ധിച്ച് കശുവണ്ടി വികസന കോര്‍പറേഷന്റെ കൊട്ടിയം ഫാക്ടറി-1 ല്‍ സംഘടിപ്പിച്ച തൊഴിലാളികള്‍ക്ക് വേണ്ടിയുള്ള ആരോഗ്യ സുരക്ഷാ പദ്ധതി, സുഭിക്ഷ കേരളം പദ്ധതി എന്നിവ ഉദ്ഘാടനം ചെയ്യുകയായിരുന്നു മന്ത്രി. ലോക്ക് ഡൗണ്‍ കാലയളവില്‍ ക്ഷേമനിധിയില്‍ അംഗങ്ങളായ 71 ലക്ഷം പേര്‍ക്കും അംഗങ്ങളല്ലാത്ത 14 ലക്ഷം പേര്‍ക്കും 1000 രൂപ വീതം ധനസഹായം നല്‍കിയിട്ടുണ്ടെന്നും മന്ത്രി പറഞ്ഞു.