എറണാകുളം - കണ്ണിന് കാൻസർ ബാധിച്ച രണ്ടര വയസുകാരിക്ക് ചികിത്സാ സൗകര്യമൊരുക്കി സംസ്ഥാന സാമൂഹ്യ സുരക്ഷാ മിഷൻ. മണീട് പാമ്പ്രയിൽ വാടകയ്ക്ക് താമസിച്ചു വരുന്ന തിരുവനന്തപുരം കാട്ടാക്കട സ്വദേശിയായ ബിജു, മഞ്ജു ദമ്പതികളുടെ ഇളയ മകളായ രണ്ടര വയസുകാരി ജിൻസിയുടെ ചികിത്സയ്ക്കാണ് സാമൂഹു സുരക്ഷാ മിഷന്റെ സത്വര ഇടപെടൽ ആശ്വാസമായത്. കണ്ണിന് കാൻസർ ബാധിച്ചതിനെ തുടർന്ന് കഴിഞ്ഞ 7 മാസമായി മധുര അരവിന്ദ് കണ്ണാശുപത്രിയിലെ ചികിത്സയിലാണ് ജിൻസി. അസുഖം മൂലം വലതുകണ്ണ് നീക്കം ചെയ്യപ്പെട്ട അവസ്ഥയിലാണ്. ഇടതു കണ്ണിനെ സംരക്ഷിക്കാനുള്ള തീവ്ര ശ്രമത്തിനിടയിലാണ് ലോക്ക് ഡൗൺ പ്രഖ്യാപിക്കപ്പെട്ടത്. 

എറണാകുളം : ലോക ഭക്ഷ്യ സുരക്ഷാ ദിനത്തോട് അനുബന്ധിച്ച് എറണാകുളം ജില്ല ഭക്ഷ്യ സുരക്ഷ വിഭാഗം തയ്യാറാക്കിയ ബോധ വത്കരണ വീഡിയോ അസിസ്റ്റന്റ് കളക്ടർ എം എസ് മാധവിക്കുട്ടി പ്രകാശനം ചെയ്തു. കോവിഡ് കാലത്ത് ഹോട്ടലുകളിലും മറ്റും ഉപഭോക്താക്കൾ നേരിട്ടെത്തി ഭക്ഷണം കഴിക്കുന്നത് ഇല്ലാതായതോടെ ഭക്ഷണ പാദാർത്ഥങ്ങളുടെ സുരക്ഷയും ശുചിത്വവും പൂർണമായും ഭക്ഷ്യ സുരക്ഷ വകുപ്പിന്റെ ചുമതല ആയി മാറിയതായി എം. എസ് മാധവിക്കുട്ടി പറഞ്ഞു. മാറിയ സാഹചര്യങ്ങളിൽ ഭക്ഷ്യ സുരക്ഷ വകുപ്പിന്റെ പ്രവർത്തന ശൈലിയും കാലാധിഷ്ഠിതമായി മാറുന്നു എന്നും അവർ അഭിപ്രായപ്പെട്ടു.

എറണാകുളം: സർ, ഞാൻ സ്നേഹ ബിജു; ഓൺലൈൻ ക്ലാസ് തുടങ്ങി. എനിക്കും എൻ്റെ അനിയനും അനിയത്തിക്കും പഠിക്കാനായി ഒരു ലാപ്ടോപ് വേണം. 
കളക്ടറേറ്റിലെ മോണിറ്ററിൽ തെളിഞ്ഞ കുഞ്ഞു പരാതിക്കാരിയുടെ ആവശ്യം പരിഗണിക്കാതിരിക്കാൻ ജില്ലാ കളക്ടർ എസ്.സുഹാസിനായില്ല. 
"യെസ്, ഓകെ സ്നേഹ , ലാപ്ടോപ് എത്രയും പെട്ടെന്ന് എത്തിക്കാൻ ഏർപ്പാടാക്കാം കേട്ടോ" പെട്ടെന്നു തന്നെ പ്രശ്നത്തിനു പരിഹാരമായി കളക്ടറുടെ വാക്കുകൾ.
വീഡിയോ കോൺഫറൻസ് വഴി ജില്ലയിൽ നടത്തിയ ആദ്യ പരാതി പരിഹാര അദാലത്തിലാണ് വ്യത്യസ്ത ആവശ്യവുമായി സ്നേഹ എത്തിയത്. 
മറ്റു പരാതികളുടെ നടുവിൽ സ്നേഹയുടെ പരാതിക്ക് മുഖ്യ പരിഗണന നൽകുകയും ചെയ്തു കളക്ടർ.

എറണാകുളം: ലോക് ഡൗൺ പ്രതിസന്ധിയിലാക്കിയ പരാതിക്കാർക്കു മുമ്പിൽ പരിഹാരവുമായി ജില്ലാ കളക്ടർ എസ്.സുഹാസ്. പരാതിക്കാർക്ക് നേരിട്ടെത്താൻ സാധിക്കാത്തതിനാല്‍  വീഡിയോ കോൺഫറൻസിലൂടെ പരിഹാരത്തിൻ്റെ ആശ്വാസം പകരുകയായിരുന്നു കളക്ടർ. കഴിഞ്ഞ ഡിസംബറില്‍ തുടക്കം കുറിച്ച സഫലം താലൂക്ക് തല പരാതി പരിഹാര അദാലത്താണ് വീഡിയോ കോണ്‍ഫറന്‍സിലൂടെ പുനരാരംഭിച്ചത്. കോതമംഗലം താലൂക്കിലെ പരാതികളാണ് ഇന്നലെ കളക്ടറേറ്റിൽ  വീഡിയോ കോൺഫറൻസിലൂടെ നടന്ന പരാതി പരിഹാര അദാലത്തിൽ പരിഗണിച്ചത്. ഇൻറർനെറ്റ് ലഭിക്കുന്നതിൻ്റെ തകരാർ സംഭവിച്ചിടത്ത് കളക്ടർ ഫോണിൽ വിളിച്ച് പരാതി കേട്ടു.

പരിസ്ഥിതി ദിനത്തില്‍ ചന്ദനപള്ളിയില്‍ വാകമര മുത്തശിക്ക് നാടിന്റെ ആദരം. മരത്തിന് ചുറ്റും തൈകള്‍ നട്ടും പുഷ്പാര്‍ച്ചന, കവിത ആലാപനം എന്നിവ നടത്തിയായിരുന്നു ആദരിക്കല്‍. കേരള പരിസ്ഥിതി സംരക്ഷണ ഹരിതവേദി, സാന്‍ ജോര്‍ജിയന്‍ ചാരിറ്റബിള്‍ സൊസൈറ്റി, വ്യാപാരി വ്യവസായി ഏകോപന സമിതി എന്നിവയുടെ നേതൃത്വത്തില്‍ നടന്ന പരിപാടിയുടെ ഉദ്ഘാടനം ചിറ്റയം ഗോപകുമാര്‍ എംഎല്‍എ നിര്‍വഹിച്ചു.

പ്രകൃതിയും ഭൂമിയും പരിസ്ഥിതിയും സംരക്ഷിക്കുക എന്നത് പോലീസിന്റെ കൂടി കടമയാണെന്നും, അതിനായി ദൃഢനിശ്ചയമെടുക്കേണ്ട അവസരമാണിതെന്നും ജില്ലാപോലീസ് മേധാവി കെ.ജി സൈമണ്‍ പറഞ്ഞു. ലോക പരിസ്ഥിതിദിനത്തില്‍ ജില്ലാപോലീസ് ഓഫീസ് പരിസരത്ത്  തണല്‍മരത്തിന്റെ തൈ നട്ടശേഷം സംസാരിക്കുകയായിരുന്നു ജില്ലാപോലീസ് മേധാവി. 

ഏനാദിമംഗലം പഞ്ചായത്തിലെ തോട്ടുകടവ് പാലം പണി പൂര്‍ത്തീകരിക്കാന്‍ 25 ലക്ഷം രൂപ അനുവദിച്ചതായി കെ.യു. ജനീഷ് കുമാര്‍ എംഎല്‍എ അറിയിച്ചു. മുടങ്ങി കിടക്കുന്ന പാലം പണി എംഎല്‍എ സന്ദര്‍ശിച്ചതിനെ തുടര്‍ന്നാണ് തുക അനുവദിച്ചത്.

       ഏനാദിമംഗലം പഞ്ചായത്തിലെ നാലാം വാര്‍ഡിലാണ് പാലം നിര്‍മിക്കുന്നത്. കെഐപി വലിയ കനാലിനു കുറുകെയുള്ള പാലം നിര്‍മാണം 2014ല്‍ കെഐപിയാണ് ആരംഭിച്ചത്. മണ്ണിടിച്ചിലിനെ തുടര്‍ന്ന് കോണ്‍ട്രാക്ടര്‍ നിര്‍മാണം ഉപേക്ഷിക്കുകയായിരുന്നു. തൂണ് മാത്രം നിര്‍മിച്ച ശേഷമാണ് ജോലി ഉപേക്ഷിച്ചത്.

സംസ്ഥാന പാതയായ കെപി റോഡിലെ ഇളമണ്ണൂര്‍ മുതല്‍ കല്ലുംകടവ് വരെയുള്ള  റോഡ് നിര്‍മാണം ഒരാഴ്ചയ്ക്കകം പൂര്‍ത്തീകരിക്കണമെന്ന് കെ.യു ജനീഷ് കുമാര്‍ എംഎല്‍എ നിര്‍ദേശം നല്‍കി. റോഡ് നിര്‍മാണം സന്ദര്‍ശിച്ച ശേഷമാണ് എംഎല്‍എ ഉദ്യോഗസ്ഥര്‍ക്ക് നിര്‍ദേശം നല്‍കിയത്.