റവന്യു വകുപ്പ് മന്ത്രി ഇ.ചന്ദ്രശേഖരന്റെ അധ്യക്ഷതയില്‍ നംവബര്‍ ആറിന് രാവിലെ 10ന് കലക്ടറേറ്റ് സമ്മേളനഹാളില്‍ യോഗം ചേരും. റവന്യൂ വകുപ്പുമായി ബന്ധപ്പെട്ട് ജില്ലയില്‍ നടക്കുന്ന വിവിധ പ്രവര്‍ത്തനങ്ങള്‍ യോഗത്തില്‍ അവലോകനം ചെയ്യും.

പൊതുജനങ്ങള്‍ക്ക് വേഗത്തില്‍ സേവനങ്ങള്‍ ലഭ്യമാക്കുന്നതിന് സേവനദാതാക്കളെന്ന നിലയ്ക്ക് സര്‍ക്കാര്‍ ജീവനക്കാര്‍ സ്വതന്ത്ര മലയാളം കംപ്യൂട്ടിങിന്റെ സാധ്യതകള്‍ പ്രയോജനപ്പെടുത്തണമെന്ന് ജില്ലാ കലക്ടര്‍ ഡോ: പി.സുരേഷ് ബാബു അറിയിച്ചു. ഭരണ ഭാഷാ വാരത്തോടനുബന്ധിച്ച്  കലക്ടറേറ്റ് സമ്മേളനഹാളില്‍ സര്‍ക്കാര്‍ ജീവനക്കാര്‍ക്കായി 'മലയാള ഭാഷ-കംപ്യൂട്ടറിലും കടലാസിലും' വിഷയത്തില്‍ നടത്തിയ പരിശീലനം ഉദ്ഘാടനം ചെയ്ത് സംസാരിക്കുകയായിരുന്നു ജില്ലാ കലക്ടര്‍. പൊതുജനങ്ങളുമായുള്ള ആശയവിനിമയം സുഗമമാക്കാനാണ് മാതൃഭാഷയായ മലയാളം ഔദ്യോഗിക ഭാഷയാക്കിയത്.

സര്‍വ ശിക്ഷാ അഭിയാന് കീഴിലുള്ള ജില്ലയിലെ വിവിധ ബി.ആര്‍.സി കളിലെ ഓട്ടിസം സെന്ററുകളില്‍ സ്‌പെഷ്യല്‍ എഡ്യൂക്കേഷനില്‍ (ഓട്ടിസം സ്‌പെക്ട്രം ഡിസോര്‍ഡര്‍) ഡിപ്ലോ/ഡിഗ്രി നേടിയ അധ്യാപകരെ നിയമിക്കും.

യോഗ്യരായ ഉദേ്യാഗാര്‍ത്ഥി ബയോഡാറ്റയും സര്‍ട്ടിഫിക്കറ്റുകളുടെ ശരിപകര്‍പ്പും സഹിതം അപേക്ഷ നവംബര്‍ 10 നകം ജില്ലാ പ്രോജക്ട് ഓഫീസര്‍, എസ്.എസ്.എ, ആനന്ദ്, വീട് നമ്പര്‍.72, തേവള്ളി.പി.ഒ, കൊല്ലം-691009 എന്ന വിലാസത്തില്‍ നല്‍കണം. ഫോണ്‍: 0474-2794098.

 (പി.ആര്‍.കെ.നമ്പര്‍  2530/17)

സംസ്ഥാന ബാലാവകാശ കമ്മീഷന്റെ ആഭിമുഖ്യത്തില്‍ നവംബര്‍ 14 മുതല്‍ 21 വരെ ബാലാവകാശ വാരം ആചരിക്കും. കമ്മീഷനംഗം സി.ജെ. ആന്റണിയുടെ അധ്യക്ഷതയില്‍ ചേര്‍ന്ന ആലോചനാ യോഗത്തില്‍ ജില്ലാ ശിശുസംരക്ഷണ ഓഫീസര്‍ സിജു ബെന്‍ പദ്ധതി അവതരിപ്പിച്ചു.

ചൈല്‍ഡ് വെല്‍ഫെയര്‍ കമ്മിറ്റി ചെയര്‍പേഴ്‌സണ്‍ കോമളകുമാരി, സന്നദ്ധ സംഘടനാ പ്രവര്‍ത്തകര്‍, കൊട്ടിയം എന്‍.എസ്.എസ് ലോ കോളേജ് വിദ്യാര്‍ഥി പ്രതിനിധികള്‍, വിവിധ വകുപ്പുകളിലെ ഉദേ്യാഗസ്ഥര്‍ തുടങ്ങിയവര്‍ യോഗത്തില്‍ പങ്കെടുത്തു.

(പി.ആര്‍.കെ.നമ്പര്‍  2529/17)

കൊല്ലം സര്‍ക്കാര്‍ മെഡിക്കല്‍ കോളേജിലെ ഇന്‍സ്റ്റിറ്റ്യൂഷണല്‍ റിസര്‍ച്ച് കമ്മിറ്റി ഫ്രണ്ട് ഓഫീസില്‍ ഓഫീസ് അസിസ്റ്റന്റ് തസ്തികയില്‍ കരാര്‍ നിയമനത്തിനുള്ള ഇന്റര്‍വ്യൂ നവംബര്‍ 10ന് രാവിലെ 10.30ന് നടക്കും. ബിരുദവും കമ്പ്യൂട്ടര്‍ പരിജ്ഞാനവും മെഡിക്കല്‍ കോളേജില്‍ ഒരു വര്‍ഷത്തെ പ്രവൃത്തി പരിചയമുള്ളവര്‍ക്ക് പങ്കെടുക്കാം. പ്രതിമാസ വേതനം 16500.

പ്രായ പരിധി 40 വയസ്. താത്പര്യമുള്ളവര്‍ വിദ്യാഭ്യാസ യോഗ്യത തെളിയിക്കുന്ന അസല്‍ സര്‍ട്ടിഫിക്കറ്റുകളും പകര്‍പ്പുകളും സര്‍ക്കാര്‍ അംഗീകൃത തിരിച്ചറിയല്‍ കാര്‍ഡും പാസ്‌പോര്‍ട്ട് സൈസ് ഫോട്ടോയുമായി കോളേജ് ഓഫീസില്‍ എത്തണം. ഫോണ്‍: 0474-2572574.

നോര്‍ക്ക റൂട്ട്‌സ് അടൂര്‍ ഗവണ്‍മെന്റ് പോളിടെക്‌നിക് കോളേജില്‍ നടത്തുന്ന തൊഴിലധിഷ്ഠിത കോഴ്‌സുകളിലേക്ക് അപേക്ഷ ക്ഷണിച്ചു. അലൂമിനയം ഫാബ്രിക്കേഷന്‍ ആന്റ് കോമ്പോസിറ്റ് പാനലിംഗ്, ഫയര്‍ ആന്റ് ഇന്‍ഡസ്ട്രിയല്‍ സേഫ്റ്റി, കമ്പ്യൂട്ടര്‍ ഹാര്‍ഡ്‌വെയര്‍ ആന്റ് നെറ്റ്‌വര്‍ക്കിംഗ്, കമ്പ്യൂട്ടര്‍ എയ്ഡഡ് ഡിസൈന്‍, ടിഗ് ആന്റ് മിഗ് വെല്‍ഡിംഗ് എന്നിവയാണ് കോഴ്‌സുകള്‍.

വിശദ വിവരങ്ങള്‍ കണ്ടിന്യൂയിംഗ് എഡ്യൂക്കേഷന്‍ സെല്ലിലും 8304844704, 9446962201 എന്നീ നമ്പരുകളിലും ലഭിക്കും.

(പി.ആര്‍.കെ.നമ്പര്‍  2527/17)
 

ജില്ലയില്‍ കൃഷിവകുപ്പ് മുഖേന സബ്മിഷന്‍ ഓണ്‍ അഗ്രികള്‍ച്ചര്‍ മെക്കനൈസേഷന്‍ പദ്ധതി പ്രകാരം യന്ത്ര സാമഗ്രികള്‍ വാങ്ങുന്നതിനും പൊതു ആവശ്യത്തിന് വാടകയ്ക്ക് കൊടുക്കുന്നതിനും കര്‍ഷക സംഘടനകള്‍/ചാരിറ്റബിള്‍ സംഘടനകള്‍/തദ്ദേശ സ്ഥാപനങ്ങള്‍/എസ്.സി, എസ്.ടി സൊസൈറ്റികള്‍/കര്‍ഷകര്‍/ കര്‍ഷക തൊഴിലാളികള്‍ എന്നിവര്‍ക്ക് വിവിധ ഘടകങ്ങളിലായി കേന്ദ്ര  സംസ്ഥാന സബ്‌സിഡി അനുവദിച്ചു.

താത്പര്യമുള്ളവര്‍ അതത് കൃഷിഭവനുമായി ബന്ധപ്പെടണം.

(പി.ആര്‍.കെ.നമ്പര്‍  2526/17)

കൊല്ലം റവന്യൂ ജില്ലാ സയന്‍സ് ക്ലബ്ബിന്റെ ആഭിമുഖ്യത്തിലുള്ള സയന്‍സ് ക്വിസ് മത്സരം കൊല്ലം കോയിക്കല്‍ ഗവണ്‍മെന്റ് ഹൈസ്‌കൂളില്‍ നവംബര്‍ എട്ടിന് നടക്കും. യു.പി, ഹൈസ്‌കൂള്‍തല ക്വിസ് മത്സരം രാവിലെ 10 നും ഹയര്‍ സെക്കന്ററി/വൊക്കഷണല്‍ ഹയര്‍ സെക്കന്ററി വിഭാഗം മത്സരങ്ങളും ഹൈസ്‌കൂള്‍തല ടാലന്റ് സര്‍ച്ച് പരീക്ഷയും ഉച്ചകഴിഞ്ഞ് രണ്ടിനും നടക്കും. 

സാമ്പത്തിക സ്ഥിതിവിവര കണക്ക് വകുപ്പ് സ്വകാര്യ മെഡിക്കല്‍ സ്ഥാപനങ്ങളെക്കുറിച്ച് സര്‍വ്വേ നടത്തുന്നതിന്റെ ഭാഗമായി സ്റ്റാറ്റിസ്റ്റിക്കല്‍ ഇന്‍വെസ്റ്റിഗേറ്റര്‍മാര്‍ക്കായി സംഘടിപ്പിക്കുന്ന  ജില്ലാതല പരിശീലനം നവംബര്‍ ആറിന് രാവിലെ 9.30 മുതല്‍ ജില്ലാ ബാങ്ക് എംപ്ലോയീസ് കോ-ഓപ്പറേറ്റീവ് സൊസൈറ്റി ഹാളില്‍ നടക്കും.

ജില്ലാ പഞ്ചായത്ത് പ്രസിഡന്റ് കെ ജഗദമ്മ ഉദ്ഘാടനം ചെയ്യും.

(പി.ആര്‍.കെ.നമ്പര്‍  2524/17)