ലീഗല്‍ മെട്രോളജി വകുപ്പിലെ എന്‍ഫോഴ്‌സ്‌മെന്റ് ഉദേ്യാഗസ്ഥര്‍ സംസ്ഥാന വ്യാപകമായി 230 ജ്വല്ലറികളില്‍ നടത്തിയ പരിശോധനയില്‍ നിയമലംഘനം നടത്തിയതിന് 95 കേസ് രജിസ്റ്റര്‍ ചെയ്തു. യഥാസമയം മുദ്രചെയ്യാത്ത അളവുതൂക്ക ഉപകരണങ്ങള്‍ ഉപയോഗിച്ചതിനും ഉപഭോക്താവിനു നല്‍കുന്ന ബില്ലില്‍ സ്വര്‍ണത്തിന്റെ ശുദ്ധി രേഖപ്പെടുത്താത്തതിനും തൂക്കത്തില്‍ കുറവു വില്പന നടത്തിയതിനും മറ്റു നിയമലംഘനങ്ങള്‍ക്കുമാണ് കേസ്. .പരിശോധന തുടരുമെന്ന് ലീഗല്‍ മെട്രോളജി കണ്‍ട്രോളര്‍ ആര്‍. റീനാ ഗോപാല്‍ അറിയിച്ചു.

പി.എന്‍.എക്‌സ്.3463/17

ലീഗല്‍ മെട്രോളജി വകുപ്പിലെ അസിസ്റ്റന്റ് കണ്‍ട്രോളര്‍മാരും ഇന്‍സ്‌പെക്ടര്‍മാരും സംസ്ഥാനവ്യാപകമായി എല്ലാ താലൂക്കുകളിലും ഗാര്‍ഹിക-ഗാര്‍ഹികേതര എല്‍.പി.ജി വില്പന നടത്തുന്ന വിതരണക്കാരുടെ കേന്ദ്രങ്ങളില്‍ പരിശോധന നടത്തി. വാഹനങ്ങളില്‍ കൊണ്ടുചെന്നുവില്പന നടത്തുന്ന വിതരണക്കാരുടെ കേന്ദ്രങ്ങളില്‍ ത്രാസ് ഉപയോഗിച്ച് സിലിണ്ടറുകളുടെ തൂക്കം ഉപഭോക്താക്കള്‍ക്ക് നിര്‍ണയിച്ചു നല്‍കുന്നുണ്ടോ തുടങ്ങിയ കാര്യങ്ങളില്‍ നടത്തിയ മിന്നല്‍ പരിശോധനയില്‍ ക്രമക്കേടുകള്‍ കണ്ടെത്തി 67 വിതരണ ഏജന്‍സികള്‍ക്കെതിരെ കേസ് എടുത്തു.

നിലവില്‍ ഈടാക്കി വന്നിരുന്ന നികുതികളില്‍ കുറവ് വരുത്തിയശേഷം ചരക്കുസേവന നികുതി (ജി.എസ്.ടി) ഈടാക്കാത്തതിനാലാണ് പല ഉത്പന്നങ്ങള്‍ക്കും വില കുറയാത്തതെന്ന് ധനകാര്യ മന്ത്രി ഡോ. ടി.എം. തോമസ് ഐസക് പറഞ്ഞു. കേരള നിയമസഭയുടെ വജ്രജൂബിലി ആഘോഷങ്ങളുടെ ഭാഗമായി പാര്‍ലമെന്ററി പഠനകേന്ദ്രത്തിന്റെ ആഭിമുഖ്യത്തില്‍ നിയമസഭാംഗങ്ങള്‍ക്കായി 'ചരക്കുസേവന നികുതി- കേരളത്തില്‍' എന്ന വിഷയത്തില്‍ സംഘടിപ്പിച്ച സെമിനാറില്‍ വിഷയാവതരണം നടത്തി സംസാരിക്കുകയായിരുന്നു അദ്ദേഹം. കിട്ടിയ നികുതിയിളവുകള്‍ വിലയില്‍ കുറയ്ക്കണം.

സ്വാതന്ത്ര്യദിനാഘോഷങ്ങളുടെ ഭാഗമായി ആഗസ്റ്റ് 15 ന് രാവിലെ 9.30 ന് നിയമസഭാ സമുച്ചയത്തിലെ ദേശീയ നേതാക്കളുടെ പ്രതിമകളില്‍ സ്പീക്കര്‍ പി. ശ്രീരാമകൃഷ്ണന്‍ ഹാരാര്‍പ്പണവും പുഷ്പാര്‍ച്ചനയും നടത്തും.

പി.എന്‍.എക്‌സ്.3460/17

മുന്‍സിഫ്-മജിസ്‌ട്രേറ്റ് തസ്തികകളിലേക്കുള്ള 2016 ലെ കേരള ജുഡീഷ്യല്‍ സര്‍വീസ് പരീക്ഷയുടെ മെറിറ്റ് ലിസ്റ്റ് പ്രസിദ്ധീകരിച്ചു. ഹൈക്കോടതി റിക്രൂട്ട്‌മെന്റ് പോര്‍ട്ടലായ www.hckrecruitment.nic.in ല്‍ വിശദവിവരം ലഭ്യമാണ്.

പി.എന്‍.എക്‌സ്.3459/17

കണ്ണൂര്‍ ഗവ. ആയുര്‍വേദ കോളേജിലെ ശാലാക്യതന്ത്ര, പ്രസുതിതന്ത്ര, പഞ്ചകര്‍മ്മ വകുപ്പുകളുടെ കീഴില്‍ റിസര്‍ച്ച് പ്രൊജക്റ്റുകള്‍ നടപ്പിലാക്കുന്നതിന്റെ ഭാഗമായി താല്‍കാലികാടിസ്ഥാനത്തില്‍ റിസര്‍ച്ച് അസിസ്റ്റന്റുമാരെ നിയമിക്കുന്നു. കോളേജ് പ്രിന്‍സിപ്പാളിന്റെ കാര്യാലയത്തില്‍ 17 ന് രാവിലെ 11 ന് വാക്ക്-ഇന്‍-ഇന്റര്‍വ്യൂ നടക്കും. ബന്ധപ്പെട്ട വിഷയങ്ങളില്‍ ബിരുദാനന്തര ബിരുദമാണ് യോഗ്യത. ഇവരുടെ അഭാവത്തില്‍ സെന്‍ട്രല്‍ കൗണ്‍സില്‍ ഓഫ് ഇന്ത്യന്‍ മെഡിസിന്‍ അംഗീകരിച്ച അനുബന്ധ വിഷയങ്ങളില്‍ ബിരുദാനന്തര ബിരുദമുള്ളവരേയും പരിഗണിക്കും.

ഓണത്തിനൊരുമുറം പച്ചക്കറി പദ്ധതിയുടെ ഭാഗമായി സെക്രട്ടേറിയറ്റ് വളപ്പില്‍ കൃഷി വകുപ്പും വിവിധ സര്‍വീസ് സംഘടനകളും സംയുക്തമായി നടത്തിയ പച്ചക്കറി കൃഷിയുടെ വിളവെടുപ്പ് ഉദ്ഘാടനം മുഖ്യമന്ത്രി പിണറായി വിജയന്‍ നിര്‍വഹിച്ചു. സെക്രട്ടേറിയറ്റില്‍ അഞ്ഞൂറ് ഗ്രോ ബാഗുകളും സെക്രട്ടേറിയറ്റ് അനക്‌സ് രണ്ടില്‍ 1100 ഗ്രോബാഗുകളുമടക്കം 1600 ഗ്രോബാഗുകളിലാണ് കൃഷി ആരംഭിച്ചത്. ജീവനക്കാര്‍ തന്നെ പരിപാലനവും ഏറ്റെടുത്തതിനാല്‍ കൃഷി വന്‍ വിജയമായി. ആദ്യമായാണ് സെക്രട്ടേറിയറ്റില്‍ ജീവനക്കാരുടെ കൂട്ടായ്മയോടെ പച്ചക്കറി കൃഷി നടപ്പിലാക്കുന്നത്.

തിരുവനന്തപുരം, കോട്ടയം ഗവണ്‍മെന്റ് നേഴ്‌സിംഗ് കോളേജുകളില്‍ നടത്തിവരുന്ന പോസ്റ്റ് ബേസിക് ഡിപ്ലോമ നേഴ്‌സിംഗ് കോഴ്‌സുകള്‍ക്ക് 2017 -18 വര്‍ഷത്തെ പ്രവേശനത്തിന് 2017 ആഗസ്റ്റ് 14 വരെ അപേക്ഷിക്കാം. പ്രോസ്‌പെക്ടസ് www.lbscentre.in എന്ന വെബ്‌സൈറ്റില്‍ പ്രസിദ്ധീകരിച്ചിട്ടുണ്ട്. ആഗസ്റ്റ് വരെ കേരളത്തിലെ എല്ലാ ഫെഡറല്‍ ബാങ്കിന്റെ ശാഖകളിലും വെബ്‌സൈറ്റിലൂടെ ലഭിക്കുന്ന ചെല്ലാന്‍ ഫോറം ഉപയോഗിച്ച് ഫീസ് ഒടുക്കാം. ബാങ്കില്‍ നിന്നും ലഭിക്കുന്ന അപേക്ഷാ നമ്പരും, സെക്യൂരിറ്റി കീയും ഉപയോഗിച്ച് അപേക്ഷകര്‍ ആഗസ്റ്റ് 16 വരെ വ്യക്തിഗത വിവരങ്ങള്‍ ഓണ്‍ലൈന്‍ ആയി www.lbscentre.in എന്ന വെബ്‌സൈറ്റുകളില്‍ രജിസ്റ്റര്‍ ചെയ്യണം.

2017-ലെ സ്വാതന്ത്ര്യദിനാഘോഷ ചടങ്ങില്‍ തിരുവനന്തപുരത്ത് മുഖ്യമന്ത്രി പിണറായി വിജയന്‍ അഭിവാദ്യം സ്വീകരിക്കും. മറ്റുജില്ലകളില്‍ അഭിവാദ്യം സ്വീകരിക്കുന്ന മന്ത്രിമാരുടെ പേരുകള്‍ അംഗീകരിച്ച് ഉത്തരവായി. കൊല്ലത്ത് ജെ.മേഴ്‌സിക്കുട്ടി അമ്മ, പത്തനംതിട്ടയില്‍ അഡ്വ. മാത്യു ടി തോമസ്, ആലപ്പുഴയില്‍ ജി. സുധാകരന്‍, കോട്ടയത്ത് അഡ്വ. കെ. രാജു, ഇടുക്കിയില്‍ എം.എം. മണി, എറണാകുളത്ത് പ്രൊഫ. സി. രവീന്ദ്രനാഥ്, തൃശൂരില്‍ എ.സി. മൊയ്തീന്‍, പാലക്കാട് കെ.ടി. ജലീല്‍, മലപ്പുറത്ത് എ.കെ. ബാലന്‍, കോഴിക്കോട് ടി.പി. രാമകൃഷ്ണന്‍, വയനാട് രാമചന്ദ്രന്‍ കടന്നപ്പള്ളി, കണ്ണൂരില്‍ കെ.കെ. ശൈലജ ടീച്ചര്‍, കാസര്‍കോട് ഇ.

രക്തസംബന്ധമായ പ്രശ്‌നങ്ങള്‍ മൂലം ഉണ്ടാകാവുന്ന ഹീമോഫീലിയ, താലസ്സീമിയ, അരിവാള്‍ രോഗം എന്നിവ ഭിന്നശേഷിക്കാരെ ബാധിക്കുന്നതുമായി ബന്ധപ്പെട്ട് സംസ്ഥാനതല ശില്‍പശാല ഇന്ന് (ആഗസ്റ്റ് എട്ട്) തൈക്കാട് കേരള സ്‌റ്റേറ്റ് ഇന്‍സ്റ്റിറ്റ്യൂട്ട് ഓഫ് ഹെല്‍ത്ത് ആന്റ് ഫാമിലി വെല്‍ഫെയറില്‍ നടക്കും. ഈ രംഗത്ത് നടപ്പാക്കേണ്ട പ്രതിരോധ പ്രവര്‍ത്തനങ്ങള്‍, പരിപാലനം, പുനരധിവാസം തുടങ്ങിയവ സംബന്ധിച്ച ദേശീയവും, അന്തര്‍ദേശീയവുമായ ഇടപെടല്‍ രീതികള്‍ ചര്‍ച്ച ചെയ്യും. സംസ്ഥാനത്തിന് അനുയോജ്യമായ മാതൃകകള്‍ക്ക് രൂപം നല്‍കും. ഭിന്നശേഷിക്കാര്‍ക്കായി സാമൂഹ്യനീതി വകുപ്പ് നടത്തുന്ന അനുയാത്ര പദ്ധതിയുടെ ഭാഗമായാണ് ശില്‍പശാല.