ദേശീയപാത 183എ, ഭരണിക്കാവ്- അടൂര്‍ റോഡില്‍ നെല്ലിമുകള്‍ ജംഗ്ഷന് സമീപം കലുങ്ക് നിര്‍മിക്കുന്നതിനാല്‍ മെയ് 11 മുതല്‍ ജൂണ്‍ 28 വരെ നെല്ലിമുകള്‍ മുതല്‍ മണക്കാല വരെ ഗതാഗതം പൂര്‍ണമായും നിരോധിച്ചതായി പൊതുമരാമത്ത് പുനലൂര്‍ എന്‍എച്ച് സബ്ഡിവിഷന്‍ അസിസ്റ്റന്റ് എഞ്ചിനീയര്‍ അറിയിച്ചു. അടൂരില്‍ നിന്ന് ഭരണിക്കാവിലേക്ക് പോകുന്ന വാഹനങ്ങള്‍ മണക്കാല ജംഗ്ഷനില്‍ നിന്ന് വലത്തോട് തിരിഞ്ഞ് തൃച്ചേന്ദമംഗലം അമ്പലം വഴി പെരിങ്ങനാട്- വഞ്ചിമുക്ക് ജംഗ്ഷനിലെത്തി ഇടത്തോട്ട് തിരിഞ്ഞ് നെല്ലിമുകള്‍ ജംഗ്ഷനിലെത്തി ദേശീയ 183എയില്‍ പ്രവേശിച്ച് ഭരണിക്കാവിലേക്ക് പോകണം.

കാലവര്‍ഷം ആരംഭിക്കുന്ന സാഹചര്യത്തില്‍ വളളിക്കോട് ഗ്രാമപഞ്ചായത്തിലെ സ്വകാര്യവ്യക്തികളുടെ ഉടമസ്ഥതയിലുള്ള പൊതുജനങ്ങളുടെ ജീവനും സ്വത്തിനും ഭീഷണിയായ മരങ്ങളും ശിഖരങ്ങളും സ്വന്തം ഉത്തരവാദിത്വത്തില്‍ അടിയന്തരമായി മുറിച്ച് നീക്കുന്നതിന് നടപടി സ്വീകരിക്കണമെന്നും നാശനഷ്ടങ്ങള്‍ക്ക് ഉടമസ്ഥനായിരിക്കും ഉത്തരവാദിയെന്നും സെക്രട്ടറി അറിയിച്ചു.
 

വളളിക്കോട് ഗ്രാമപഞ്ചായത്തിലെ സ്വകാര്യ വ്യക്തികളുടെ പുരയിടത്തില്‍ വളര്‍ന്നുനില്‍ക്കുന്ന കാട് ഇഴജന്തുക്കളുടെയും ഉപദ്രവകാരികളായ മൃഗങ്ങളുടെയും പ്രാണികളുടെയും വാസസ്ഥലമായതിനാല്‍ അവരവരുടെ ഉത്തരവാദിത്വത്തില്‍ അടിയന്തരമായി നീക്കം ചെയ്യണമെന്ന് സെക്രട്ടറി അറിയിച്ചു.
 

കെല്‍ട്രോണിന്റെ  ചെങ്ങന്നൂര്‍, കരുനാഗപ്പള്ളി  നോളജ് സെന്ററുകളില്‍ ലോജിസ്റ്റിക്സ്, വെയര്‍ഹൗസ്  മാനേജ്മെന്റ്  കോഴ്സുകള്‍ക്ക് അപേക്ഷ ക്ഷണിച്ചു.
പ്രൊഫഷണല്‍ ഡിപ്ലോമ ഇന്‍ ലോജിസ്റ്റിക്‌സ് ആന്‍ഡ് സപ്ലൈ ചെയിന്‍ മാനേജ്‌മെന്റ് :  യോഗ്യത പ്ലസ് ടു.
സര്‍ട്ടിഫിക്കറ്റ് ഇന്‍ വെയര്‍ഹൗസ് ആന്‍ഡ് ഇന്‍വെന്ററി മാനേജ്‌മെന്റ്: യോഗ്യത എസ്.എസ്.എല്‍.സി
ഫോണ്‍ :8136802304.

പന്തളം ബ്ലോക്ക് പട്ടികജാതി വികസന ഓഫീസ് പരിധിയിലുളള പെണ്‍കുട്ടികളുടെ പ്രീ -മെട്രിക് ഹോസ്റ്റലിലേക്ക് 2026-27 അധ്യയന വര്‍ഷം  യു പി  വിദ്യാര്‍ഥികള്‍ക്ക് എല്ലാ വിഷയവും പഠിപ്പിക്കുന്നതിനും ഹെസ്‌കൂളില്‍ ഇംഗ്ലീഷ്, ഹിന്ദി, കണക്ക്, നാച്ചുറല്‍ സയന്‍സ്(ബയോളജി), ഫിസിക്കല്‍ സയന്‍സ് (ഫിസിക്സ് + കെമിസ്ട്രി) , സോഷ്യല്‍  സ്റ്റഡീസ് എന്നീ വിഷയങ്ങള്‍ക്ക് ട്യൂഷന്‍ എടുക്കുന്നതിനും അപേക്ഷ ക്ഷണിച്ചു. അതാത് വിഷയങ്ങളില്‍ ബി എഡ് / പി ജി യോഗ്യതയുള്ളവര്‍ക്ക് ഹൈസ്‌കൂള്‍ ക്ലാസുകളിലേക്കും  പ്ലസ് ടു, റ്റി റ്റി സി/ ബിരുദം യോഗ്യതയുള്ളവര്‍ക്ക് യു പി ക്ലാസുകളിലേക്കും അപേക്ഷിക്കാം.  പട്ടികജാതികാര്‍ക്ക് മുന്‍ഗണന.

ഭിന്നശേഷിക്കാരായവരുടെ സംരക്ഷണത്തിന് നിയമപരമായ രക്ഷാകര്‍തൃത്വം നല്‍കുന്ന ദേശീയ ട്രസ്റ്റ് ജില്ലാതല കമ്മിറ്റിയുടെ ഹിയറിംഗില്‍ 19 ഉം വസ്തുസംബന്ധമായ ഒരു അപേക്ഷയും തീര്‍പ്പാക്കി. ജില്ലാ കലക്ടര്‍ എസ് പ്രേം കൃഷ്ണന്റെ അധ്യക്ഷതയില്‍ കലക്ടറേറ്റ് കോണ്‍ഫറന്‍സ് ഹാളില്‍ ചേര്‍ന്ന ഹിയറിംഗില്‍ 21 അപേക്ഷ പരിഗണിച്ചു. നിയമപരമായ രക്ഷകര്‍തൃത്വം നല്‍കുന്നതിനുള്ള ഒരു അപേക്ഷ അടുത്ത ഹിയറിംഗിലേക്ക് മാറ്റി.

എല്ലാ സ്‌കൂളുകളും മെയ് 31 ന് മുമ്പ് ഫിറ്റ്‌നസ് സര്‍ട്ടിഫിക്കറ്റ് നേടണമെന്ന് ജില്ല കലക്ടര്‍ എസ് പ്രേം കൃഷ്ണന്‍. ജില്ലയില്‍ 715 സ്‌കൂളുകളാണുള്ളത്. ഫിറ്റ്‌നസ് സര്‍ട്ടിഫിക്കറ്റ് ലഭിക്കുന്നതിന് സ്‌കൂളുകള്‍ തദ്ദേശ സ്വയംഭരണ സ്ഥാപനങ്ങള്‍ക്ക് അപേക്ഷ നല്‍കുമ്പോള്‍ വിവിധ വകുപ്പുകളില്‍ നിന്ന് എന്‍ഒസി വാങ്ങണം.

പട്ടിക വര്‍ഗ വിദ്യാര്‍ഥികള്‍ക്ക്  പോസ്റ്റ് മെട്രിക് സ്‌കോളര്‍ഷിപ്പ് അപേക്ഷ മെയ് 31 വരെ ഓണ്‍ലൈനായി സമര്‍പ്പിക്കാം. ഫോണ്‍ : 04735227703.

സാമൂഹിക നീതി വകുപ്പിന്റെ പത്തനംതിട്ട ജില്ല പ്രൊബേഷന്‍ ഓഫീസിലേക്ക് ഒരു വര്‍ഷത്തെ കരാര്‍ അടിസ്ഥാനത്തില്‍ ജീപ്പ് / കാര്‍ നല്‍കുന്നതിന്   ടെന്‍ഡര്‍ ക്ഷണിച്ചു. അവസാന തീയതി മെയ് 20 ഉച്ചയ്ക്ക് രണ്ട്. ഫോണ്‍ ; 0468 2325242.
 

പെണ്‍കുട്ടികളുടെ പ്രീ -മെട്രിക് ഹോസ്റ്റലിലേക്ക് 2026-27 അധ്യയന വര്‍ഷം  യു പി  , ഹൈസ്‌കൂള്‍  വിദ്യാര്‍ഥികള്‍ക്ക് ട്യൂഷന്‍ എടുക്കുന്നതിന് താല്‍കാലിക വ്യവസ്ഥയില്‍ തിരുവല്ല നഗരസഭയില്‍ താമസിക്കുന്ന പ്രവര്‍ത്തി പരിചയമുള്ള ട്യൂഷന്‍ ടീച്ചര്‍മാരില്‍ നിന്ന് അപേക്ഷ ക്ഷണിച്ചു. യു പി വിദ്യാര്‍ഥികളെ പഠിപ്പിക്കുന്നതിന് റ്റി റ്റി സി/ ബിരുദം യോഗ്യതയുള്ളവര്‍ക്ക്  അപേഷിക്കാം. നാച്ചുറല്‍ സയന്‍സ്, സോഷ്യല്‍ സയന്‍സ് , ഫിസിക്കല്‍ സയന്‍സ് ,കണക്ക് ,ഇംഗ്ലീഷ് ,ഹിന്ദി  വിഷയങ്ങള്‍ ഹൈസ്‌കൂള്‍ വിദ്യാര്‍ഥികളെ പഠിപ്പിക്കുന്നതിന് ബിരുദവും, ബി എഡ് / പി ജി യോഗ്യതയുള്ള അധ്യാപകരില്‍ നിന്ന് അപേക്ഷ ക്ഷണിച്ചു .