സംസ്ഥാന ശിശുക്ഷേമ സമിതി കുട്ടികള്‍ക്കായി 'കിളിക്കൂട്ടം 2018' അവധിക്കാല ക്യാമ്പ് സംഘടിപ്പിക്കും. ഉദ്ഘാടനം ഏപ്രില്‍ അഞ്ച് രാവിലെ 10 ന് തൈക്കാട് സമിതി ആസ്ഥാനത്ത് നടക്കും. മെയ് 20 വരെയുള്ള ക്യാമ്പ് രാവിലെ 9.30 മുതല്‍ അഞ്ചുവരെയാണ്. ഒന്നു മുതല്‍ പന്ത്രണ്ടാം ക്ലാസുവരെയുള്ള കുട്ടികള്‍ക്കാണ് ക്യാമ്പ്.
    വാദ്യസംഗീതം, നൃത്തം, സംഗീതം, ചിത്രരചന, ഒറിഗാമി, നിര്‍മാണ പ്രവര്‍ത്തനങ്ങള്‍, കമ്മ്യൂണിക്കേറ്റീവ് ഇംഗ്ലീഷ്, പൊതുവിജ്ഞാനം, അഭിനയകല, മാജിക്ക്, ശാസ്ത്ര ക്ലാസുകള്‍, ഗണിതം, ചലച്ചിത്രപഠനം, സംവാദം, ദിനപത്ര നിര്‍മ്മിതി, ക്ലേമോഡലിംഗ്, അഭിനയകളരി തുടങ്ങിയവയിലാണ് പരിശീലനം.

*ആരോഗ്യ മേഖലയിലെ മനുഷ്യാവകാശ പ്രശ്‌നങ്ങള്‍-സെമിനാര്‍ മുഖ്യമന്ത്രി ഉദ്ഘാടനം ചെയ്തു 

ശരണ്യ സ്വയം തൊഴില്‍ സഹായ പദ്ധതിയില്‍ ജില്ലയില്‍ എംപ്ലോയ്‌മെന്റ് എക്‌സ്‌ചേഞ്ച് വഴി അപേക്ഷ നല്‍കിയിട്ടുള്ളവരുടെ പ്രാഥമിക ലിസ്‌ററ് അംഗികരിക്കുന്നതിനായി  ജില്ലാതല കമ്മിറ്റിയോഗം ഏപ്രില്‍ 4 ന് ജില്ലാ കളക്ടറുടെ ചേമ്പറില്‍ ചേരും .

മലപ്പുറം ജില്ലാ ആസൂത്രണ സമിതി യോഗം  മാര്‍ച്ച് 31 ന് ഉച്ചക്ക് ശേഷം  2.30 ന് ജില്ലാ പഞ്ചായത്ത് കോണ്‍ഫറന്‍സ് ഹാളില്‍  ചേരും

     
          സൈനിക ക്ഷേമ ഓഫീസിന്റെ ആഭിമുഖ്യത്തില്‍  വിമുക്തഭട•ാര്‍ക്കും അവരുടെ ആശ്രിതര്‍ക്കുമായി നടത്തുന്ന കമ്പ്യൂട്ടര്‍/ഫേഷന്‍ ഡിസൈനിംഗ് കോഴ്‌സുകളിലേക്ക് അപേക്ഷ ക്ഷണിച്ചു. കോഴ്‌സുകള്‍ സൗജന്യമാണ്. ഏപ്രില്‍ മൂന്നിനകം   അപേക്ഷ സമര്‍പ്പിക്കണം. മുന്‍പ് അപേക്ഷിച്ചവര്‍ വീണ്ടും അപേക്ഷിക്കേണ്ടതില്ല. നിര്‍ദ്ദിഷ്ട അപേക്ഷ ഫോറത്തിനും വിശദവിവരങ്ങള്‍ക്കും  ജില്ലാ സൈനിക ക്ഷേമ ഓഫീസുമായി ബന്ധപ്പെടുക. ഫോണ്‍ : 04832734932

    സംസ്ഥാന അര്‍ദ്ധ സര്‍ക്കാര്‍ സ്ഥാപനത്തില്‍ ഒരു ഡെവലപ്‌മെന്റ് തെറാപ്പിസ്റ്റിന്റെ (ഓപ്പണ്‍ വിഭാഗം) താല്‍ക്കാലിക ഒഴിവിലേക്ക് അപേക്ഷ ക്ഷണിച്ചു.  2018 ജനുവരി ഒന്നിന് 18 നും 41 നും മദ്ധ്യേയാണ് പ്രായപരിധി.  പ്രതിദിനം 895 രൂപ (ഹാജരാകുന്ന ദിവസം) വേതനം ലഭിക്കും.  ഏതെങ്കിലും വിഷയത്തില്‍ ഡിഗ്രി, പി.ജി.ഡി.സി.സി/ഡി.സി.സി.ഡി, എന്നിവയാണ് യോഗ്യത. ന്യൂബോണ്‍ ഫോളോ അപ്പ് ക്ലിനിക്കല്‍ അഞ്ച് വര്‍ഷത്തില്‍ കുറയാതെയുള്ള പ്രവൃത്തി പരിചയം അഭികാമ്യം.

    അഖിലേന്ത്യാ അപ്രന്റീസ്ഷിപ്പ് ട്രേഡ് ടെസ്റ്റിന് അപേക്ഷ ക്ഷണിച്ചു.  105 രൂപ ട്രഷറിയില്‍ അടച്ച ചെല്ലാന്‍, അപേക്ഷ, സര്‍ട്ടിഫിക്കറ്റുകളുടെ പകര്‍പ്പ് എന്നിവ സഹിതം ആര്‍.ഐ.സെന്ററില്‍ അപേക്ഷ നല്‍കണം.  പരീക്ഷ ഫീസ് അടയ്‌ക്കേണ്ട അവസാന തീയതി ഈ മാസം ആറ.് പിഴയോടുകൂടി 10 വരെ സ്വീകരിക്കും. വിശദവിവരങ്ങള്‍ക്ക് ചാക്ക ആര്‍.ഐ.സെന്ററുമായി ബന്ധപ്പെടണം. ഫോണ്‍ : 0471 2501867. 
പി.എന്‍.എക്‌സ്.1226/18

    എറണാകുളം ജില്ലയിലെ ചേന്ദമംഗലം പാലിയം കോവിലകത്തിന് കീഴില്‍ വരുന്ന പാലിയം ഈശ്വര സേവ ട്രസ്റ്റിന് നല്‍കി വരുന്ന പൊളിറ്റിക്കല്‍ പെന്‍ഷന്‍ 3,000 രൂപയായി വര്‍ദ്ധിപ്പിച്ച് ഉത്തരവായി.
പി.എന്‍.എക്‌സ്.1225/18

    ഭൂജല വകുപ്പിന്റെ പ്രവര്‍ത്തനങ്ങള്‍ സുതാര്യവും അഴിമതിരഹിതവും പരാതിരഹിതവുമാക്കി കാര്യക്ഷമമാക്കുന്നതിന് നിര്‍ദേശങ്ങള്‍ നല്‍കി ഉത്തരവായി. 
    ഭൂജല ഡയറക്ടറുടെ ഓരോ ദിവസത്തെയും ജോലി സംബന്ധിച്ച് തീയതിയും സമയവും സഹിതം വ്യക്തമായ പ്രതിമാസ പ്രവര്‍ത്തന റിപ്പോര്‍ട്ട് തൊട്ടടുത്ത മാസം അഞ്ചിനകം സര്‍ക്കാരില്‍ സമര്‍പ്പിക്കണം.
    ഡയറക്ടറുടെ ഓരോ ദിവസത്തെയും പ്രവര്‍ത്തനങ്ങള്‍ അതത് ദിവസം രാവിലെ ഓഫീസിന് പുറത്ത് പൊതുജനം കാണത്തക്കവിധം നോട്ടീസ് ബോര്‍ഡില്‍ എഴുതി പ്രദര്‍ശിപ്പിക്കണം. ഡയറക്ടറുടേയും ജീവനക്കാരുടേയും ദിനംപ്രതിയുള്ള ഡ്യൂട്ടി വിവരം ഭൂജല വകുപ്പിന്റെ വെബ്‌സൈറ്റില്‍ കൊടുക്കണം.

    കേരള നിയമസഭാ വജ്രജൂബിലി വാര്‍ഷികങ്ങളുടെ ഭാഗമായി പാര്‍ലമെന്ററി പഠന പരിശീലന കേന്ദ്രത്തിന്റെ ആഭിമുഖ്യത്തില്‍ സംഘടിപ്പിക്കുന്ന ചടങ്ങില്‍ ഏഴ് ഗ്രന്ഥങ്ങളുടെ പ്രകാശനം മുഖ്യമന്ത്രി പിണറായി വിജയന്‍ ഇന്ന് (ഏപ്രില്‍ നാല്) നിര്‍വഹിക്കും. വൈകിട്ട് മൂന്നിന് നിയമസഭാ സമുച്ചയത്തില്‍ ആര്‍. ശങ്കരനാരായണന്‍ തമ്പി മെമ്പേഴ്‌സ് ലോഞ്ചില്‍ സംഘടിപ്പിക്കുന്ന ചടങ്ങില്‍ സ്പീക്കര്‍ പി. ശ്രീരാമകൃഷ്ണന്‍ അധ്യക്ഷത വഹിക്കും.  ഡെപ്യൂട്ടി സ്പീക്കര്‍ വി. ശശി സ്വാഗതം ആശംസിക്കുകയും പ്രതിപക്ഷ നേതാവ് രമേശ് ചെന്നിത്തല മുഖ്യപ്രഭാഷണം നിര്‍വഹിക്കുകയും ചെയ്യും.