സംസ്ഥാനത്തെ റേഷന്‍ കടകളിലൂടെ  ഏപ്രില്‍ മാസത്തില്‍ ചുവടെ പറയുന്ന അളവിലും നിരക്കിലും റേഷന്‍ സാധനങ്ങള്‍ വിതരണം ചെയ്യും.
    എ.എ.വൈ വിഭാഗത്തില്‍പ്പെട്ടവര്‍ക്ക് (മഞ്ഞ നിറത്തിലുള്ള റേഷന്‍ കാര്‍ഡ്) കാര്‍ഡിന്  30 കിലോ അരിയും അഞ്ചു കിലോ ഗോതമ്പും സൗജന്യമായി ലഭിക്കും.
    മുന്‍ഗണനാ വിഭാഗത്തില്‍പെട്ട കാര്‍ഡുകളിലെ (പിങ്ക് നിറത്തിലുള്ള റേഷന്‍കാര്‍ഡ്) ഓരോ അംഗത്തിനും നാലുകിലോ അരിയും ഒരു കിലോ ഗോതമ്പും സൗജന്യമായി ലഭിക്കും.

സംസ്ഥാന മന്ത്രിസഭയുടെ രണ്ടാം വാര്‍ഷികാഘോഷങ്ങളുടെ സംസ്ഥാനതല ഉദ്ഘാടനത്തിന്റെ ഭാഗമായി കണ്ണൂരില്‍ മെയ് 16 മുതല്‍ ഒരാഴ്ചക്കാലത്തെ വിപുലമായ എക്‌സിബിഷന്‍, കലാ സാംസ്‌കാരിക പരിപാടികള്‍ തുടങ്ങിയവ സംഘടിപ്പിക്കാന്‍ സംഘാടക സമിതി യോഗം തീരുമാനിച്ചു. ആരോഗ്യ വകുപ്പ് മന്ത്രി കെ.കെ. ശൈലജ ടീച്ചറുടെ അധ്യക്ഷതയില്‍ ജില്ലാ ആസൂത്രണ സമിതി ഹാളില്‍ ചേര്‍ന്ന യോഗം തുറമുഖ വകുപ്പ് മന്ത്രി രാമചന്ദ്രന്‍ കടന്നപ്പള്ളി ഉദ്ഘാടനം ചെയ്തു. മെയ് 18നാണ് മന്ത്രിസഭാ വാര്‍ഷികത്തിന്റെ സംസ്ഥാനതല ഉദ്ഘാടനം.

കേന്ദ്ര ഗ്രാമവികസന മന്ത്രാലയം കുടുംബശ്രീ മുഖേന നടപ്പിലാക്കുന്ന സൗജന്യ തൊഴില്‍ പരിശീലന പദ്ധതിയായ ദീന്‍ ദയാല്‍ ഉപാദ്ധ്യായ- ഗ്രാമീണ്‍ കൗശല്യയുടെ കീഴില്‍ ശ്രീകണ്ഠാപുരം കേന്ദ്രമാക്കി പ്രവര്‍ത്തിക്കുന്ന സെന്റം വര്‍ക്ക് സ്‌കില്‍സിലേക്ക് ഗുണഭോക്താക്കളെ തെരഞ്ഞെടുക്കുന്നതിനായി രജിസ്‌ട്രേഷന്‍ ക്യാമ്പ് സംഘടിപ്പിക്കുന്നു. ഹോട്ടല്‍ മാനേജ്‌മെന്റ്, കസ്റ്റമര്‍ കെയര്‍ എക്‌സിക്യൂട്ടീവ് എന്നീ മൂന്ന് മാസ കോഴ്‌സിലേക്കാണ് അപേക്ഷ ക്ഷണിച്ചത്.

കല്ല്യാശ്ശേരി അഡീഷണല്‍  ഐ.സി.ഡി.എസ്  പ്രോജക്ടിന്റെ പരിധിയില്‍ വരുന്ന 109  അംഗന്‍വാടികളില്‍ പ്രീ-സ്‌കൂള്‍ എഡ്യുക്കേഷന്‍ കിറ്റുകള്‍ വിതരണം ചെയ്യുന്നതിനും ആക്റ്റിവിറ്റി ബുക്ക്, അസസ്സ്‌മെന്റ് കാര്‍ഡ്, സാക്ഷ്യപത്രം എന്നിവ പ്രിന്റ് ചെയ്യുന്നതിനും  ദര്‍ഘാസ് ക്ഷണിച്ചു.  ഏപ്രില്‍ 9 ന് വൈകിട്ട് 2 മണി വരെ ക്വട്ടേഷന്‍ സ്വീകരിക്കും.
പി എന്‍ സി/500/2018
 

പി കെ ശ്രീമതി ടീച്ചര്‍ എം പി, പി കരുണാകരന്‍ എം പി എന്നിവരുടെ പ്രാദേശിക വികസന ഫണ്ട് വിനിയോഗവുമായി ബന്ധപ്പെട്ട് 9 ന് കലക്ടറേറ്റില്‍ നടത്താന്‍ നിശ്ചയിച്ചിരുന്ന അവലോകനം മാറ്റിയതായി ജില്ലാ പ്ലാനിംഗ് ഓഫീസര്‍ അറിയിച്ചു.

ജില്ലാ ഹോമിയോ ആശുപത്രിയില്‍ പ്രവര്‍ത്തിക്കുന്ന ആയുഷ്മാന്‍ഭവ തുടര്‍ പ്രോഗ്രാമിലേക്ക് കരാര്‍ വ്യവസ്ഥയില്‍ യോഗാ ട്രെയിനറെ നിയമിക്കുന്നു.  ബി എന്‍ വൈ എസ് യോഗ്യതയുള്ള  ഉദേ്യാഗാര്‍ത്ഥികള്‍ 12 ന് ഉച്ചക്ക് 12 മണിക്ക് ജില്ലാ ഹോമിയോ മെഡിക്കല്‍ ഓഫീസില്‍ നടക്കുന്ന അഭിമുഖത്തില്‍ പങ്കെടുക്കണം.
                 

ജില്ലാ ഹോമിയോ മെഡിക്കല്‍ ഓഫീസിനു കീഴിലുള്ള വിവിധ ഡിസ്‌പെന്‍സറി/ആശുപത്രികളിലെ ഫാര്‍മസിസ്റ്റുമാരുടെ താല്‍ക്കാലിക ഒഴിവുകളിലേക്ക് ദിവസവേതനാടിസ്ഥാനത്തില്‍ നിയമനം നടത്തുന്നു.  സി സി പി, എന്‍ സി പി യോഗ്യതയുള്ളതും ഹോമിയോ ഫാര്‍മസിസ്റ്റായി പെന്‍ഷന്‍ പൂര്‍ത്തീകരിച്ച 60 വയസ് തികയാത്ത ജീവനക്കാര്‍ എന്നിവരുടെ അഭിമുഖം 12 ന് രാവിലെ 10.30 ന്  ജില്ലാ ഹോമിയോ മെഡിക്കല്‍ ഓഫീസില്‍ നടത്തും.
 

മത്സ്യഫെഡിന്റെ  മത്സ്യത്തൊഴിലാളി  അപകട  ഇന്‍ഷൂറന്‍സ്  2018-19  പദ്ധതിയില്‍  അംഗമാകാനുള്ള അവസാന  തീയ്യതി  ഏപ്രില്‍ 25 വരെ  നീട്ടി.  376 രൂപ  പ്രീമിയം  അടച്ച്  10 ലക്ഷം  രൂപ  വരെ  ഇന്‍ഷൂറന്‍സ്  ആനുകൂല്യം  ലഭിക്കാനുള്ള പദ്ധതിയില്‍  മത്സ്യത്തൊഴിലാളി  വികസന  ക്ഷേമ  സംഘങ്ങള്‍  വഴി  25ന്  ഉച്ചയ്ക്ക് 12 മണി വരെ  അംഗങ്ങളാകാവുന്നതാണ്.  2018 ഏപ്രില്‍ 1 മുതല്‍  25 വരെ  അംഗങ്ങളാകുന്നവര്‍ക്ക്  26 മുതല്‍  2019 മാര്‍ച്ച് 31  വരെ  ഇന്‍ഷൂറന്‍സ്  പരിരക്ഷ  ലഭ്യമാകും.  കൂടുതല്‍ വിവരങ്ങള്‍ മത്സ്യഫെഡ് ജില്ലാ ഓഫീസ്, ക്ലസ്റ്റര്‍ ഓഫീസ് പ്രാഥമിക സഹകരണ സംഘങ്ങള്‍ എന്നിവിടങ്ങളില്‍  ലഭിക്കും. ഫോണ്‍: 0497 2731257. 

കേരള സ്റ്റേറ്റ് സ്‌പോര്‍ട്‌സ് കൗണ്‍സില്‍ നടപ്പിലാക്കുന്ന എലൈറ്റ് ട്രെയിനിംഗ് പദ്ധതിയിലേക്ക് കായിക താരങ്ങളെ തിരഞ്ഞെടുക്കുന്നു. 2016-17, 2017-18 വര്‍ഷങ്ങളില്‍ ദേശീയ അന്തര്‍ദേശീയ മത്സരങ്ങളില്‍ കഴിവ് തെളിയിച്ചിട്ടുള്ള 14നും 23 നും ഇടയില്‍ പ്രായമുള്ള കായികതാരങ്ങള്‍ക്കാണ് അവസരം. വിദേശ പരിശീലകന്റെ സേവനം ഉള്‍പ്പെടെയുള്ള അന്തര്‍ ദേശീയ പരിശീലന സൗകര്യങ്ങള്‍ തെരഞ്ഞെടുക്കപ്പെടുന്നവര്‍ക്ക് ലഭ്യമാകും. അത്‌ലറ്റിക്‌സ്(പുരുഷ/വനിത), വോളിബോള്‍ (പുരുഷ/വനിത), ബാസ്‌ക്കറ്റ്‌ബോള്‍ (വനിത), ഫെന്‍സിംഗ് (വനിത), ഫുട്‌ബോള്‍ (പുരുഷ), എന്നീ ഇനങ്ങള്‍ക്കാണ് സെലക്ഷന്‍ ട്രയല്‍സ് നടക്കുന്നത്.

കേരള സ്റ്റേറ്റ് സ്‌പോര്‍ട്‌സ് കൗണ്‍സില്‍ നടപ്പിലാക്കുന്ന എലൈറ്റ് ട്രെയിനിംഗ് പദ്ധതിയിലേക്ക് കായിക താരങ്ങളെ തിരഞ്ഞെടുക്കുന്നു. 2016-17, 2017-18 വര്‍ഷങ്ങളില്‍ ദേശീയ അന്തര്‍ദേശീയ മത്സരങ്ങളില്‍ കഴിവ് തെളിയിച്ചിട്ടുള്ള 14നും 23 നും ഇടയില്‍ പ്രായമുള്ള കായികതാരങ്ങള്‍ക്കാണ് അവസരം. വിദേശ പരിശീലകന്റെ സേവനം ഉള്‍പ്പെടെയുള്ള അന്തര്‍ ദേശീയ പരിശീലന സൗകര്യങ്ങള്‍ തെരഞ്ഞെടുക്കപ്പെടുന്നവര്‍ക്ക് ലഭ്യമാകും. അത്‌ലറ്റിക്‌സ്(പുരുഷ/വനിത), വോളിബോള്‍ (പുരുഷ/വനിത), ബാസ്‌ക്കറ്റ്‌ബോള്‍ (വനിത), ഫെന്‍സിംഗ് (വനിത), ഫുട്‌ബോള്‍ (പുരുഷ), എന്നീ ഇനങ്ങള്‍ക്കാണ് സെലക്ഷന്‍ ട്രയല്‍സ് നടക്കുന്നത്.