പൊതു വിദ്യാഭ്യാസ സംരക്ഷണ യജ്ഞത്തിന്റെ ഭാഗമായ ഹൈടെക്ക് സ്‌കൂള്‍ പദ്ധതിയുടെ രണ്ടാം ഘട്ടത്തില്‍ ക്ലാസ് മുറികള്‍ തയ്യാറാക്കിയ സ്‌കൂളുകള്‍ക്കുള്ള ഉപകരണ വിതരണം ഇന്ന് (മാര്‍ച്ച് 29)  നടക്കുന്നു. രണ്ടാം ഘട്ടത്തിലേക്ക് തെരെഞ്ഞെടുക്കപ്പെട്ട സ്‌കൂളുകള്‍ കൈറ്റിന്റെ മലപ്പുറം ജില്ലാ ഓഫീസില്‍ നിന്നും ഉപകരണങ്ങള്‍ കൈപറ്റേണ്ടതാണെന്ന് ജില്ലാ കോര്‍ഡിനേറ്റര്‍ ടി.കെ അബ്ദുല്‍ റഷീദ് അറിയിച്ചു.

മലപ്പുറം അഡീഷണല്‍ ജില്ലാ മജിസ്‌ട്രേറ്റായി വി.രാമചന്ദ്രന്‍ ചുമതലയേറ്റു.നിലവില്‍ ഇലക്ഷന്‍ വിഭാഗം ഡപ്യുട്ടി കലക്ടറായിരിക്കെയാണ് നിയമനം. മലപ്പുറം കലക്‌ട്രേറ്റല്‍ ഹൂസൂര്‍ ശിരസ്തദാറായി ജോലി ചെയ്തിട്ടുണ്ട്. ഇതിനു പുറമെ ഏറനാട് തഹസില്‍ദാറായും ജോലിചെയ്തു. പാലക്കാട്,വയനാട് എന്നിവടങ്ങളില്‍ ഇലക്ഷന്‍ ഡപ്യുട്ടി കലക്ടറായിരുന്നു. മലപ്പുറം കുന്നുമ്മല്‍ സാജു റോഡിലാണ് താമസം.

ആരോഗ്യ വകുപ്പ് ജില്ലാ മെഡിക്കല്‍ ഓഫീസില്‍ സ്റ്റാറ്റിക് വര്‍ക്ക് ഷോപ്പില്‍ ഉപയോഗ ശൂന്യമായി കിടക്കുന്ന വാഹനങ്ങളുടെ സ്‌പെയര്‍ പാര്‍ട്ട്‌സ് ലേലം ചെയ്യുന്നതിന് ക്വട്ടേഷന്‍ ക്ഷണിച്ചു. ക്വട്ടേഷന്‍ ലഭിക്കേണ്ട അവസാന തിയതി ഏപ്രില്‍ 20. കൂടുതല്‍ വിവരങ്ങള്‍ക്ക്  0483-2737857 എന്ന നമ്പറില്‍ ബന്ധപ്പെടുക.

    ജനസംഖ്യാധിഷ്ഠിത ജീവിതശൈലീ രോഗനിര്‍ണയ പദ്ധതി സംസ്ഥാനതല ഉദ്ഘാടനം ഇന്ന് (ഏപ്രില്‍ നാല്)  വൈകുന്നേരം 3.30 ന് വേളി പ്രാഥമികാരോഗ്യ കേന്ദ്രത്തില്‍  ആരോഗ്യ വകുപ്പ് മന്ത്രി കെ.കെ. ശൈലജ ടീച്ചര്‍ നിര്‍വഹിക്കുന്നു. സഹകരണ, ദേവസ്വം, ടൂറിസം വകുപ്പ് മന്ത്രി കടകംപള്ളി സുരേന്ദ്രന്‍ ചടങ്ങില്‍ അധ്യക്ഷത വഹിക്കും.

    മലയാളം തെറ്റ്കൂടാതെ എഴുതാനും സംസാരിക്കാനും ചിട്ടയായ ഭാഷാപഠനം സാധ്യമാക്കുന്നതിനും വേണ്ടി കേരള ഭാഷാ ഇന്‍സ്റ്റിറ്റ്യൂട്ട് സംഘടിപ്പിക്കുന്ന കേരള ഭാഷാപാഠശാലയുടെ   ഉദ്ഘാടനവും പുസ്തകപ്രകാശനവും ഏപ്രില്‍ 5ന് രാവിലെ 10 ന് വൈലോപ്പിള്ളി സംസ്‌കൃതി ഭവനില്‍ സാംസ്‌കാരികവകുപ്പ് മന്ത്രി എ.കെ.ബാലന്‍ നിര്‍വഹിക്കും. കേരള ഭാഷാ ഇന്‍സ്റ്റിറ്റ്യൂട്ട് ഡയറക്ടര്‍ പ്രൊഫ.വി.കാര്‍ത്തികേയന്‍ നായര്‍ അധ്യക്ഷത വഹിക്കും. വട്ടപ്പറമ്പില്‍ പീതാംബരന്‍ സംസാരിക്കും. അപേക്ഷ സമര്‍പ്പിച്ചവര്‍ ഇന്‍സ്റ്റിറ്റ്യൂട്ടിന്റെ തിരുവനന്തപുരത്തുള്ള ഓഫീസില്‍ ഏപ്രില്‍ 5ന് രാവിലെ 10ന് മുമ്പ് എത്തണം.
പി.എന്‍.എക്‌സ്.1241/18

    സാമാജികന്‍ എട്ടാം ലക്കത്തിന്റെ പ്രകാശനം സ്പീക്കര്‍ പി. ശ്രീരാമകൃഷ്ണന്‍ പ്രസിദ്ധീകരണത്തിന്റെ പകര്‍പ്പ് ജോണ്‍ ഫെര്‍ണാണ്ടസ് എം.എല്‍.എക്കു നല്‍കി നിര്‍വഹിച്ചു.  ഈ ലക്കത്തില്‍ സ്പീക്കര്‍, മുഖ്യമന്ത്രി, പ്രതിപക്ഷ നേതാവ്, മന്ത്രിമാര്‍ എന്നിവരുടേതുള്‍പ്പെടെ 44 വൈവിധ്യമാര്‍ന്ന രചനകള്‍ ഉള്‍ക്കൊള്ളിച്ചുകൊണ്ട് നിയമസഭാ പ്രവര്‍ത്തനവുമായി ബന്ധപ്പെട്ടതും വ്യത്യസ്ത വിഷയങ്ങളിലുമുളള വൈജ്ഞാനിക ലേഖനങ്ങള്‍, യാത്രാവിവരണങ്ങള്‍, കവിതകള്‍, കാര്‍ട്ടൂണ്‍, കാരിക്കേച്ചര്‍ എന്നിവ ഉള്‍പ്പെടുത്തിയുളള സാമാജികന്‍ നിയമസഭാ ലൈബ്രറി ഉപദേശകസമിതിയുടെ ആഭിമുഖ്യത്തിലുളള പത്രാധിസമിതിയാണ് പ്രസിദ്ധീകരിക്കുന്നത്.

    ആരോഗ്യരംഗത്ത് മനുഷ്യാവകാശലംഘനങ്ങള്‍ ഉണ്ടാകാതിരിക്കാന്‍ രോഗികളും ആരോഗ്യമേഖലയില്‍ പ്രവര്‍ത്തിക്കുന്നവരും ശ്രദ്ധിക്കേണ്ടതാണെന്ന് ആരോഗ്യ മന്ത്രി കെ. കെ. ശൈലജ ടീച്ചര്‍ പറഞ്ഞു. ഈ വിഷയത്തില്‍ ആര് കുറ്റം ചെയ്താലും നടപടിയുണ്ടാകും. കേരളത്തിലെ ആരോഗ്യമേഖലയിലെ പ്രശ്‌നങ്ങള്‍ പരിഹരിക്കാന്‍ സമഗ്രമായ നീക്കങ്ങളാണ് സര്‍ക്കാരിന്റെ ഭാഗത്തുനിന്ന് ഉണ്ടായിക്കൊണ്ടിരിക്കുന്നത്. ആശുപത്രികളെ രോഗീ സൗഹൃദകേന്ദ്രങ്ങളാക്കി മാറ്റേണ്ടതുണ്ട്. എന്നാല്‍ മാത്രമേ പൂര്‍ണമായ മനുഷ്യാവകാശം സാധ്യമാവുകയുള്ളു. പാവപ്പെട്ട എല്ലാവര്‍ക്കും സൗജന്യ ചികിത്സ നല്‍കുക എന്ന ദൗത്യം പൂര്‍ത്തിയാകുന്നതോടെ ഈ പ്രശ്‌നങ്ങള്‍ക്ക് പരിഹാരമാകും.

    കേരളം 72 ാമത് സന്തോഷ്‌ട്രോഫി ദേശീയ ഫുട്‌ബോള്‍ ചാമ്പ്യന്‍ഷിപ്പ് നേടിയതിന്റെ ഔദ്യോഗിക ആഘോഷ പരിപാടികള്‍ ഏപ്രില്‍ ആറിന് കായിക യുവജനകാര്യ വകുപ്പ് തിരുവനന്തപുരത്തു സംഘടിപ്പിക്കുന്നു. ടീമിന് ഏപ്രില്‍ ആറിന് വൈകിട്ട് ആറ് മണിക്ക് തിരുവനന്തപുരം സെന്‍ട്രല്‍ സ്റ്റേഡിയത്തില്‍ മുഖ്യമന്ത്രി പിണറായി വിജയന്റെ നേതൃത്വത്തില്‍ നടക്കുന്ന ചടങ്ങില്‍ സ്വീകരണം നല്‍കും.

    മുഖ്യമന്ത്രിയുടെ ദുരിതാശ്വാസനിധിയില്‍ നിന്നുളള ധനസഹായം ഓണ്‍ലൈന്‍ ഡയറക്ട് ബെനിഫിറ്റ് ട്രാന്‍സ്ഫര്‍ (ഡി.ബി.റ്റി) സംവിധാനത്തിലൂടെ ഗുണഭോക്താവിന്റെ ബാങ്ക് അക്കൗണ്ട് വഴി ലഭ്യമാക്കുന്നതിനുളള മാനദണ്ഡങ്ങള്‍ നിശ്ചയിച്ച് സര്‍ക്കാര്‍ ഉത്തരവായി.  ഇതുപ്രകാരം ദുരിതാശ്വാസനിധിയുമായി ബന്ധപ്പെട്ട അപേക്ഷ സ്വീകരിക്കല്‍, സൂക്ഷ്മ പരിശോധന, റിപ്പോര്‍ട്ട് ഉത്തരവ് പുറപ്പെടുവിക്കല്‍ ധനസഹായ വിതരണം എന്നിവ പൂര്‍ണമായും www.cmo.kerala.gov.in എന്ന സോഫ്റ്റ്‌വെയര്‍ സംവിധാനത്തിലൂടെ മാത്രമായിരിക്കും. (ഉത്തരവ് നമ്പര്‍: (ജി.ഒ (ആര്‍.ടി)നം 3044/2018/ധന തിയതി: 2018 മാര്‍ച്ച് 31.)