തിരുവനന്തപുരം വട്ടിയൂര്‍ക്കാവ് സെന്‍ട്രല്‍ പോളിടെക്‌നിക് കോളേജിലെ കണ്ടിന്യൂയിംഗ് എഡ്യൂക്കേഷന്‍ സെല്ലില്‍ ആരംഭിക്കുന്ന അവധിക്കാല കോഴ്‌സുകളായ ഡി.റ്റി.പി, എം.എസ്. ഓഫീസ്, ഡാറ്റാ എന്‍ട്രി, ബേസിക് കംപ്യൂട്ടര്‍ ഹാര്‍ഡ്‌വെയര്‍, ടാലി, വെല്‍ഡിംഗ്, കമ്മ്യൂണിക്കേറ്റീവ് ഇംഗ്ലീഷ്, സി,സി.പ്ലസ്, ജാവ, 2 & 4 വീലര്‍ മെയിന്റനന്‍സ്, ആട്ടോകാഡ്, ബ്യൂട്ടീഷന്‍ കോഴ്‌സ് (ബേസിക്) എന്നീ കോഴ്‌സുകളിലേയ്ക്ക് അപേക്ഷ ക്ഷണിക്കുന്നു.  അപേക്ഷാ ഫാറവും വിശദ വിവരങ്ങള്‍ക്കും ഫോണ്‍ : 0471-2360611.
പി.എന്‍.എക്‌സ്.1139/18

കൊല്ലം പാരിപ്പള്ളി സര്‍ക്കാര്‍ മെഡിക്കല്‍ കോളേജില്‍ പുതുതായി ട്രോമകെയര്‍ വാര്‍ഡും ട്രോമകെയര്‍ ഐ.സി.യു.വും നിര്‍മ്മിക്കുന്നതിനായി അഞ്ച് കോടി രൂപ അനുവദിച്ചതായി ആരോഗ്യ വകുപ്പ് മന്ത്രി കെ.കെ. ശൈലജ ടീച്ചര്‍ അറിയിച്ചു. അപകടങ്ങളില്‍പ്പെട്ടവര്‍ക്ക് ഉടന്‍ വിദഗ്ധ ചികിത്സ ലഭ്യമാക്കുന്നതിനാണ് മികച്ച ട്രോമകെയര്‍ സംവിധാനമൊരുക്കുന്നത്. കൊല്ലം മെഡിക്കല്‍ കോളേജില്‍ ന്യൂറോ സര്‍ജന്‍മാരെ നിയമിക്കുമെന്നും മന്ത്രി പറഞ്ഞു. ദേശീയ പാതയ്ക്ക് സമീപം സ്ഥിതിചെയ്യുന്നതുകൊണ്ട് അപകടത്തില്‍പ്പെടുന്ന നിരവധി പേരാണ് ചികിത്സ തേടിയെത്തുന്നത്.

പൊതുവിദ്യാഭ്യാസ സംരക്ഷണയജ്ഞത്തില്‍ ഉള്‍പ്പെടുത്തി 45000 ക്ലാസ്മുറികള്‍ ഹൈടെക്കാക്കുന്നതിന്റെ  ഭാഗമായി 33,775 ക്ലാസ്മുറികള്‍ ഹൈടെക് ആക്കുന്ന നടപടിക്രമങ്ങള്‍ കേരള ഇന്‍ഫ്രാസ്ട്രക്ചര്‍ & ടെക്നോളജി ഫോര്‍ എഡ്യൂക്കേഷന്‍  (കൈറ്റ്) പൂര്‍ത്തിയാക്കി.  ഇതോടെ 75 ശതമാനം ക്ലാസ് മുറികളും  ഹൈടെക്കായി.

    തിരുവനന്തപുരം, ചാക്ക, ഗവ. ഐ.ടി.ഐ.യില്‍ വിവിധ ട്രേഡുകളില്‍ നിലവിലുള്ള ജൂനിയര്‍ ഇന്‍സ്ട്രക്ടര്‍മാരുടെ ഒഴിവുകളിലേക്ക് താല്‍ക്കാലികമായി ഗസ്റ്റ് ഇന്‍സ്ട്രക്ടര്‍മാരായി നിയമിക്കപ്പെടാന്‍ താത്പര്യമുള്ള ഉദേ്യാഗാര്‍ത്ഥികള്‍ മാര്‍ച്ച് 26 ന് രാവിലെ 10ന് അസല്‍ സര്‍ട്ടിഫിക്കറ്റുമായി പ്രിന്‍സിപ്പാള്‍ മുന്‍പാകെ ഇന്റര്‍വ്യൂവിന് ഹാജരാകണം. 
    മെക്കാനിക്കല്‍ ഡീസലിലും വെല്‍ഡറിലും പ്ലംബറിലും രണ്ടു ഒഴിവുകളും ട്രാഫ്റ്റ്‌സ്മാന്‍ സിവിലിലും അരിത്തമെറ്റിക് കം ഡ്രായിംഗില്‍ ഓരോ ഒഴിവും വീതമാണുള്ളത്. 

    പട്ടികവര്‍ഗ വികസന വകുപ്പിന് കീഴില്‍ പെണ്‍കുട്ടികള്‍ പഠിക്കുന്ന 13 മോഡല്‍ റസിഡന്‍ഷ്യല്‍ സ്‌കൂളുകളിലെ സ്‌കൂള്‍ ഹോസ്റ്റലുകളില്‍ 2018-19 അധ്യയന വര്‍ഷത്തേക്ക് പട്ടികവര്‍ഗ വിഭാഗത്തില്‍പ്പെട്ട യുവതികളില്‍ നിന്നും ജൂനിയര്‍ പബ്ലിക് ഹെല്‍ത്ത് നഴ്‌സിനെ കരാര്‍ അടിസ്ഥാനത്തില്‍ നിയമിക്കും. ഭിന്നശേഷിയുള്ളവര്‍ അപേക്ഷിക്കേണ്ടതില്ല.

    സംസ്ഥാന ഭവന ഭവനനിര്‍മ്മാണ ബോര്‍ഡില്‍ ഡെപ്യൂട്ടേഷന്‍/കരാര്‍ അടിസ്ഥാനത്തില്‍ ചീഫ് എന്‍ജിനീയറെ നിയമിക്കുന്നതിന് അപേക്ഷ ക്ഷണിച്ചു.  വിശദവിവരങ്ങള്‍ക്ക് www.kshblkerala.gov.in.
പി.എന്‍.എക്‌സ്.1132/18

ഇന്ന് (മാർച്ച് 24) ശനിയാഴ്ച രാത്രി 8.30 മുതൽ 9.30 വരെ ഭൗമമണിക്കൂർ ആചരണത്തിൽ സംസ്ഥാനത്തെ എല്ലാ ജനങ്ങളോടും സ്ഥാപനങ്ങളോടും ഊർജ വകുപ്പ് അഭ്യർഥിച്ചു. 

രാത്രി 8.30 മുതൽ 9.30 വരെ അത്യാവശ്യമില്ലാത്ത വൈദ്യുതിവിളക്കുകളും ഉപകരണങ്ങളും ഓഫാക്കിയാണ് ആചരണത്തിൽ പങ്കാളികളാകേണ്ടത്.