കോഴഞ്ചേരി താലൂക്കില്‍ ടാങ്കര്‍ ലോറിയില്‍ കുടിവെള്ളം വിതരണം  ചെയ്യുന്നതിന് പഞ്ചായത്ത് അടിസ്ഥാനത്തില്‍ ക്വട്ടേഷന്‍ ക്ഷണിച്ചു. ഈ മാസം 28ന് വൈകിട്ട് അഞ്ചിന് മുമ്പായി തഹസീല്‍ദാര്‍, താലൂക്ക് ഓഫീസ്, കോഴഞ്ചേരി, പത്തനംതിട്ട എന്ന വിലാസത്തില്‍ ക്വട്ടേഷന്‍ നല്‍കണം. ഫോണ്‍: 0468 2222221.                           

    ഓര്‍ഫനേജ് കണ്‍ട്രോള്‍ ബോര്‍ഡിന്റെ അംഗീകാരത്തോടെ സംസ്ഥാനത്ത് പ്രവര്‍ത്തിക്കുന്ന കുട്ടികളെ സംരക്ഷിക്കുന്ന ക്ഷേമസ്ഥാപനങ്ങള്‍ 2015 ബാലനീതി നിയമപ്രകാരം  മാര്‍ച്ച് 31 നകം നിര്‍ബന്ധമായും രജിസ്റ്റര്‍ ചെയ്യണമെന്ന് ബോര്‍ഡ് ചെയര്‍മാന്‍ അറിയിച്ചു.
പി.എന്‍.എക്‌സ്.1112/18

    തിരുവനന്തപുരം റീജിയണല്‍ കാന്‍സര്‍ സെന്ററില്‍ വിവിധ അപ്രന്റീസ് ട്രെയിനിംഗ് പ്രോഗ്രാമുകളിലേക്ക് അപേക്ഷകള്‍ ക്ഷണിച്ചു. ഏപ്രില്‍ ആറിന് വൈകിട്ട് നാലു മണിവരെ അപേക്ഷകള്‍ സ്വീകരിക്കും. വിശദവിവരങ്ങള്‍ക്കും ഫോറത്തിനും www.rcctvm.org സന്ദര്‍ശിക്കണം.
പി.എന്‍.എക്‌സ്.1111/18

    സ്റ്റേറ്റ് സെന്‍ട്രല്‍ ലൈബ്രറിയുടെ ആഭിമുഖ്യത്തില്‍ മാര്‍ച്ച് 24 ന് ഏകദിന ചെറുകഥാ ക്യാമ്പ് സംഘടിപ്പിക്കും. വി.ജെ. ജെയിംസ് ക്യാമ്പ് ഉദ്ഘാടനം ചെയ്യും. പ്രദീപ് പനങ്ങാട്, എം. രാജീവ്കുമാര്‍, ബി. മുരളി, ജി.ആര്‍. ഇന്ദു ഗോപന്‍, കെ. രേഖ, എസ്.ആര്‍. ലാല്‍, സി. റഹീം, എസ്.എ. ഷുജാദ്, വി. ഷിനിലാല്‍ എന്നിവര്‍ പങ്കെടുക്കും. അമ്പതോളം കഥാകൃത്തുക്കള്‍ ക്യാമ്പില്‍ പങ്കെടുക്കും.
പി.എന്‍.എക്‌സ്.1109/18

    കേരള സംസ്ഥാന ജൈവവൈവിധ്യ ബോര്‍ഡ്, ജൈവവൈവിധ്യ ബോധവത്കരണ പരിപാടികള്‍, ജൈവവൈവിധ്യ സംരക്ഷണ പ്രോജക്ടുകള്‍ എന്നിവയ്ക്ക് അംഗീകൃത സ്ഥാപനങ്ങളില്‍ നിന്നും അപേക്ഷകള്‍ ക്ഷണിച്ചു. കൂടുതല്‍ വിവരങ്ങള്‍ക്ക് ബോര്‍ഡിന്റെ www.keralabiodiversity.org വെബ്‌സൈറ്റായ സന്ദര്‍ശിക്കണം. ഫോണ്‍: 0471-2554740.
പി.എന്‍.എക്‌സ്.1108/18
 

    കൊറിയന്‍ സര്‍ക്കാര്‍, കൊറിയന്‍ സൊസൈറ്റി ഫോര്‍ റീഹാബിലിറ്റേഷന്‍ ഓഫ് ഡിസബിലിറ്റീസും യുനസ്‌കാപ്മായും സഹകരിച്ച് ഡല്‍ഹിയില്‍ സംഘടിപ്പിക്കുന്ന ഗ്ലോബല്‍ ഐ.ടി. ചലഞ്ചില്‍ പങ്കെടുക്കാന്‍ അവസരം. കാഴ്ച, കേള്‍വി എന്നിവയ്ക്കും ശാരീരികവും ബുദ്ധിപരവുമായ വികാസത്തിനും തകരാറുകളുള്ള  13 മുതല്‍ 19 വയസുവരെയുള്ള ഭിന്നശേഷിക്കാര്‍ക്ക് ഇതില്‍ പങ്കെടുക്കാം.
    ഗ്ലോബല്‍ ഐ.ടി. ചലഞ്ചില്‍ പങ്കെടുക്കാന്‍ യോഗ്യതയുള്ളവരെ കണ്ടെത്തുന്നതിന്  ജൂണില്‍ കുരുക്ഷേത്രയിലെ നാഷണല്‍ ഇന്‍സ്റ്റിറ്റ്യൂട്ട് ഓഫ് ടെക്‌നോളജിയില്‍ ദേശീയ ഐ.ടി. മത്സരവും സംഘടിപ്പിക്കും.