ജില്ലയിലെ മുഴുവന്‍ ഡിഡിഒമാരും  അവരുടെ എസ്ടിഎസ്ബി, ടിപിഎ അക്കൗണ്ടുകളുടെ  കെവൈസി ഫോറം പുതുക്കിയ മാതൃകയില്‍ ബന്ധപ്പെട്ട ട്രഷറികളില്‍ ഈ മാസം 31 നകം  വീഴ്ച കൂടാതെ സമര്‍പ്പിക്കണമെന്് ജില്ലാ ട്രഷറി ഓഫീസര്‍ അറിയിച്ചു.
 

     കാസര്‍കോട് ജില്ലാ പഞ്ചായത്ത് ഐഎസ്ഒ നിലവാരത്തിലേക്ക്  ഉയര്‍ത്തപ്പെടുന്നു. ഐഎസ്ഒ  പ്രഖ്യാപനവും സര്‍ട്ടിഫിക്കറ്റ് വിതരണവും ഈ മാസം 24 ന് റവന്യുമന്ത്രി ഇ.ചന്ദ്രശേരന്‍ നിര്‍വഹിക്കും.രാവിലെ 9.30ന് ജില്ലാ പഞ്ചായത്ത് കോണ്‍ഫറന്‍സ് ഹാളില്‍ നടക്കുന്ന ചടങ്ങില്‍ എന്‍.എ നെല്ലിക്കുന്ന് എംഎല്‍എ അധ്യക്ഷത വഹിക്കും. ജില്ലാ കളക്ടര്‍ ജീവന്‍ ബാബു.കെ മുഖ്യാതിഥിയാകും.
 

    സാമ്പത്തിക വര്‍ഷാവസാനം ട്രഷറി ഇടപാടുകളിലെ തിരക്ക് കുറയ്ക്കാനായി ധനവകുപ്പ് മാര്‍ഗനിര്‍ദേശങ്ങള്‍ പുറപ്പെടുവിച്ചു. ഇതു സംബന്ധിച്ച സര്‍ക്കുലര്‍ (നമ്പര്‍ 20/2018/ ധനവകുപ്പ് 21.03.2018) ധനവകുപ്പിന്റെ വെബ്‌സൈറ്റായ www.finance.kerala.gov.in ല്‍ ലഭ്യമാണ്.
പി.എന്‍.എക്‌സ്.1104/18

    കശുവണ്ടി വികസന കോര്‍പ്പറേഷനില്‍ മാനേജിംഗ് ഡയറക്ടറുടെ തസ്തികയില്‍ ഡെപ്യൂട്ടേഷന്‍ വ്യവസ്ഥയില്‍ ഒഴിവുണ്ട്.  കേന്ദ്ര, സംസ്ഥാന പൊതുമേഖലാ സ്ഥാപനങ്ങളില്‍ മാനേജീരിയല്‍ തസ്തികകളില്‍ ജോലി ചെയ്യുന്നവര്‍ക്ക് അപേക്ഷിക്കാം.  അംഗീകൃത സര്‍വകലാശാലയില്‍ നിന്നും എം.ബി.എ. യാണ് യോഗ്യത.  ഏഴുവര്‍ഷത്തില്‍ കുറയാതെയുള്ള പ്രവര്‍ത്തിപരിചയം അഭികാമ്യം. 
    2018 ജനുവരി ഒന്നിന് 50 വയസ് കഴിയരുത്.  നിര്‍ദ്ദിഷ്ട മാതൃകയിലുള്ള അപേക്ഷ ഡെപ്യൂട്ടി സെക്രട്ടറി, വ്യവസായ (കെ) വകുപ്പ് ഗവ. സെക്രട്ടേറിയറ്റ്, തിരുവനന്തപുരം എന്ന വിലാസത്തില്‍ മാര്‍ച്ച് 27 നകം അപേക്ഷിക്കണം. 
പി.എന്‍.എക്‌സ്.1103/18

    ലോക ജലദിനാചരണത്തിന്റെ തുടര്‍ച്ചയായി ഏപ്രില്‍ 15 വരെ തദ്ദേശസ്ഥാപന തലത്തിലും വാര്‍ഡ്തലങ്ങളിലും ജലജാഗ്രതാ പാര്‍ലമെന്റുകള്‍ സംഘടിപ്പിക്കാന്‍ തദ്ദേശസ്വയംഭരണ മന്ത്രി ഡോ. കെ.ടി. ജലീല്‍ നിര്‍ദേശം നല്‍കി.
    സര്‍ക്കാരിന്റെ നേതൃത്വത്തില്‍ നടക്കുന്ന ആരോഗ്യ ജാഗ്രതാ കാമ്പയിന്‍ ശക്തിപ്പെടുത്തുന്നതിന്റെ ഭാഗമായി, തദ്ദേശഭരണസ്ഥാപനങ്ങളിലെ ഓരോ വാര്‍ഡിലും കുടിവെള്ള സ്രോതസ്സുകളുടെ ശുചിത്വ നിരീക്ഷണവും, ഗുണനിലവാരവും ലഭ്യതയും ഉറപ്പ്‌വരുത്തുന്നതിനായി സംഘടിപ്പിക്കുന്ന പ്രവര്‍ത്തനമാണ് ജലജാഗ്രതാ പാര്‍ലമെന്റ്.

* പട്ടികജാതി പട്ടികവര്‍ഗ വിഭാഗങ്ങള്‍ക്ക് പുതിയ ആറ് വായ്പാ പദ്ധതികള്‍

    സര്‍ക്കാരിന്റെ വിവിധ മിഷന്‍ പ്രവര്‍ത്തനങ്ങള്‍ ഏകോപിപ്പിച്ച് നടപ്പാക്കുന്നതിനായി 'നവകേരള നിധി' രൂപവത്കരിച്ച് ഉത്തരവായി. മിഷനുകളുടെ സുഗമമായ പ്രവര്‍ത്തനങ്ങള്‍ക്ക് നിലവിലെ ഫണ്ട് അപര്യാപ്തമായതിനാലും കൂടുതല്‍ ഫണ്ട് സമാഹരിക്കുന്നതിനും ഈ പ്രവര്‍ത്തനങ്ങള്‍ ഏകോപിപ്പിക്കുന്നതിനുമാണ് പൊതുഫണ്ട് രൂപീകരിക്കുന്നത്.

    സ്‌റ്റേറ്റ് ഇന്‍സ്റ്റിറ്റ്യൂട്ട് ഓഫ് കറക്ഷനല്‍ അഡ്മിനിസ്‌ട്രേഷന്റെ തിരുവനന്തപുരം, വിയ്യൂര്‍, കണ്ണൂര്‍ സെന്ററുകളില്‍ പരിശീലനം പൂര്‍ത്തിയാക്കിയ അസിസ്റ്റന്റ് പ്രിസണ്‍ ഓഫീസര്‍മാരുടെ പാസിംഗ് ഔട്ട് പരേഡ് നാളെ (മാര്‍ച്ച് 24) പൂജപ്പുര ശ്രീ ചിത്തിരതിരുനാള്‍ മൈതാനത്ത് നടക്കും. രാവിലെ ഏഴിന് നടക്കുന്ന പരേഡില്‍ മുഖ്യമന്ത്രി പിണറായി വിജയന്‍ മുഖ്യാതിഥിയായെത്തി സേനാംഗങ്ങളുടെ സല്യൂട്ട് സ്വീകരിക്കും. ഒരു വനിത ഉള്‍പ്പെടെ 121 അസിസ്റ്റന്റ് പ്രിസണ്‍ ഓഫീസര്‍ ട്രെയിനികളാണ് പാസിംഗ് ഔട്ട് പരേഡില്‍ പങ്കെടുക്കുന്നത്.
പി.എന്‍.എക്‌സ്.1098/18

    ആയുര്‍വേദത്തിന് അന്തര്‍ദേശീയ പേറ്റന്റ് സംരക്ഷണം ലഭിക്കുന്നതിനായി ട്രഡീഷണല്‍ നോളഡ്ജ് ഇന്നൊവേഷന്‍-കേരളയും(TKIK) സി.എസ്.ഐ.ആര്‍-ട്രഡീഷണല്‍ നോള്ജ് ഡിജിറ്റല്‍ ലൈബ്രറിയും (CSIR-TKDL) തമ്മില്‍ ഇന്ന് (മാര്‍ച്ച് 23) രാവിലെ മുഖ്യമന്ത്രി പിണറായി വിജയന്റെ സാന്നിധ്യത്തില്‍ ധാരണാ പത്രത്തില്‍ ഒപ്പുവയ്ക്കുന്നു. ആരോഗ്യ-സാമൂഹ്യനീതി വകുപ്പ് മന്ത്രി കെ.കെ. ശൈലജ ടീച്ചര്‍ ചടങ്ങില്‍ പങ്കെടുക്കും.