തിരുവനന്തപുരം ഗവ. ചെയിന്‍ സര്‍വ്വെ സ്‌കൂളില്‍ നടത്തുന്ന മൂന്ന് മാസം ദൈര്‍ഘ്യമുള്ള ചെയിന്‍ സര്‍വ്വെ (ലോവര്‍) ക്ലാസിലേയ്ക്ക് നിലവിലുള്ള ഒഴിവുകളില്‍ അഡ്മിഷന് അപേക്ഷ ക്ഷണിച്ചു.  യോഗ്യരായ അപേക്ഷകര്‍ ബന്ധപ്പെട്ട രേഖകളുടെ പകര്‍പ്പു സഹിതം ഏപ്രില്‍ 10 ന് മുന്‍പ് തിരുവനന്തപുരത്ത് വഴുതക്കാട്ടുള്ള സര്‍വ്വെ ഡയറക്ടറാഫീസില്‍ അപേക്ഷിക്കണം.  കൂടുതല്‍ വിവരങ്ങള്‍ സര്‍വ്വെ ഡയറക്‌ട്രേറ്റിലോ, 0471-2325266 നമ്പറിലോ ലഭിക്കും. 
പി.എന്‍.എക്‌സ്.1096/18
 

    പൊതുമേഖലാ സ്ഥാപനമായ കേരള സംസ്ഥാന കൈത്തറി വികസന കോര്‍പ്പറേഷന്റെ (ഹാന്‍വീവ്) പ്രവര്‍ത്തനങ്ങള്‍ അന്‍പത് വര്‍ഷം പൂര്‍ത്തിയാക്കുന്നതിനോടനുബന്ധിച്ചുള്ള സുവര്‍ണ്ണ ജൂബിലി ആഘോഷങ്ങള്‍ക്കായി ലോഗോ ക്ഷണിച്ചു.

              നേടിയിട്ടുണ്ടെങ്കില്‍ അറിയിക്കണംആളസളസ19
     വ്യാജ അംഗപരിമിത സര്‍ട്ടിഫിക്കറ്റിന്റെ അടിസ്ഥാനത്തില്‍ ആരെങ്കിലും അനര്‍ഹമായി ജോലി നേടിയിട്ടുണ്ടെങ്കില്‍ അക്കാര്യം സാമൂഹ്യനീതി ഡയറക്ടറുടെ നമ്പറിലോ (0471 2306040) കേരള സാമൂഹ്യ സുരക്ഷാമിഷന്‍ എക്‌സിക്യൂട്ടീവ് ഡയറക്ടറുടെ ടോള്‍ ഫ്രീ നമ്പരിലോ (1800 120 1001) വിളിച്ചറിയിക്കണമെന്ന് വകുപ്പ് അറിയിച്ചു. സംസ്ഥാനത്ത് നിലവില്‍ അംഗപരിമിത ജീവനക്കാരുടെ പട്ടിക തയാറായിക്കൊണ്ടിരിക്കുന്നതിന്റെ ഭാഗമായാണിത്.
പി.എന്‍.എക്‌സ്.1094/18
 

    കുടുംബശ്രീ കുട്ടികളുടെ കൂട്ടായ്മയായ ബാലസഭയുടെ ജില്ലാതല പ്രവര്‍ത്തനങ്ങള്‍ ആസൂത്രണം  ചെയ്ത് നടപ്പാക്കുന്നതിന് ജില്ലാതലത്തില്‍ ആര്‍.പി പാനല്‍ തയാറാക്കുന്നു. കുട്ടികള്‍ക്കായുള്ള പ്രവര്‍ത്തനങ്ങള്‍ ആസൂത്രണം ചെയ്ത് നടപ്പാക്കാന്‍ താത്പര്യവും കഴിവുമുള്ള സേവന തത്പരരായവര്‍ക്ക് അപേക്ഷിക്കാം. വിരമിച്ച സര്‍ക്കാര്‍ ഉദേ്യാഗസ്ഥര്‍ക്കും അപേക്ഷിക്കാം. വെള്ളക്കടലാസില്‍ തയാറാക്കിയ അപേക്ഷ ജില്ലാ മിഷന്‍ കോ-ഓര്‍ഡിനേറ്റ ര്‍, കുടുംബശ്രീ ജില്ലാ മിഷന്‍, കളക്ടറേറ്റ്, പത്തനംതിട്ട 689645 എന്ന വിലാസത്തില്‍ ഈ മാസം 31നകം എത്തിക്കണം. ഫോണ്‍: 0468 2221807.
                                            

    കാസര്‍കോട് ജില്ലാ പഞ്ചായത്തിന് 2018-19 വര്‍ഷേത്തക്ക് 107,63,32,319 രൂപ വരവും 100,72,98,211 രൂപ ചെലവും പ്രതീക്ഷിക്കുന്ന ബജറ്റ്. ജില്ലാ പഞ്ചായത്ത് വൈസ് പ്രസിഡന്റ് ശാന്തമ്മ ഫിലിപ്പ് അവതരിപ്പിച്ച ബജറ്റില്‍ 6,90,34,108 രൂപ നീക്കിയിരിപ്പുണ്ട്.     ജില്ലയ്ക്ക് സ്വന്തമായൊരു വിമാനത്താവളവും ജില്ലയിലെ ആദ്യത്തെ ജലവൈദ്യുത പദ്ധതിയും ജില്ലാ പഞ്ചായത്തിനു കീഴിലുള്ള റോഡുകള്‍ മെക്കാഡം ടാര്‍ ചെയ്യുന്നതിനും ഗ്രാമീണ റോഡുകള്‍ പുനരുദ്ധീകരിക്കുന്നതുമാണ് ഇവയില്‍ പ്രധാനമായ ചിലത്. 

      ഇന്‍ഫര്‍മേഷന്‍ ആന്റ്  പബ്ലിക് റിലേഷന്‍സ് വകുപ്പിന്റെ ആഭിമുഖ്യത്തില്‍ ലോക പ്രശസ്ത ഫോട്ടോഗ്രാഫറും പുലിറ്റ്‌സര്‍ സമ്മാനജേതാവുമായ നിക് ഉട്ടിന്റെ ജീവന്‍തുടിക്കുന്ന ചിത്രങ്ങളുടെ  ഡിജിറ്റല്‍ ഫോട്ടോപ്രദര്‍ശനം ഇന്ന് (23) മുതല്‍ മൂന്നു ദിവസം കാഞ്ഞങ്ങാട്  ലയണ്‍സ് ക്ലബ്ബ് ഹാളില്‍ പ്രദര്‍ശിപ്പിക്കും. ഇന്ന് (23) വൈകുന്നേരം മൂന്നു മണിക്ക് ആരംഭിക്കുന്ന പ്രദര്‍ശനം  25 ന് വൈകുന്നേരം സമാപിക്കും.
 

സംസ്ഥാന വഖഫ് ബോര്‍ഡില്‍ രജിസ്റ്റര്‍ ചെയ്തിട്ടുള്ള തിരുവനന്തപുരം, കൊല്ലം, പത്തനംതിട്ട ജില്ലകളിലെ വഖഫ് സ്ഥാപനങ്ങളുടെ കീഴില്‍ നടത്തപ്പെടുന്ന എല്‍.പി., യു.പി., ഹൈസ്‌കൂള്‍, ഹയര്‍സെക്കണ്ടറി തുടങ്ങിയ വിദ്യാഭ്യാസ സ്ഥാപനങ്ങളുടെ വിവരങ്ങള്‍ വഖഫ് ബോര്‍ഡില്‍ അറിയിക്കണം. പേരും വിലാസവും ഫോണ്‍ നമ്പറും ഇ-മെയില്‍ ഐ.ഡി യും സഹിതം എയ്ഡഡ് ആണോ അണ്‍ എയ്ഡഡ് ആണോ എന്നിവയുള്‍പ്പെടെ ഡിവിഷണല്‍ ഓഫീസര്‍,  കേരള സ്റ്റേറ്റ് വഖഫ് ബോര്‍ഡ്, ആര്‍ട്ട്ലീ കംഫര്‍ട്ട്, നളന്ദ റോഡ്, പി.എം.ജി, തിരുവനന്തപുരം 695033 എന്ന വിലാസത്തില്‍ ഈ മാസം 31 നകം ലഭ്യമാക്കണമെന്ന് തിരുവനന്തപുരം ഡിവിഷണല്‍ ഓഫീസര്‍ അറിയിച്ചു.