പട്ടുനൂല്‍ കൃഷിക്കാവശ്യമായ ചൗക്കി (ഇളം) പുഴുക്കളെ ഉത്പ്പാദിപ്പിക്കുന്ന റിയറിങ് സെന്‍റര്‍ കുത്തന്നൂരില്‍ മാര്‍ച്ച് 24 വൈകിട്ട് നാലിന്  ജില്ലാ പഞ്ചായത്ത് പ്രസിഡന്‍റ് കെ. ശാന്തകുമാരി ഉദ്ഘാടനം ചെയ്യും. നിലവില്‍ സെറികള്‍ച്ചര്‍ കര്‍ഷകര്‍ ചൗക്കി പുഴുക്കളെ ലഭിക്കുന്നതിന് ഇതര സംസ്ഥാനങ്ങളെയാണ് ആശ്രയിക്കുന്നത്.  കേന്ദ്ര സില്‍ക്ക് ബോര്‍ഡിന്‍റെ സാങ്കേതിക സഹകരണത്തോടെയാണ് പദ്ധതി നടപ്പിലാക്കുന്നത്. 10 ലക്ഷം  ചെലവ് വരുന്ന പദ്ധതിയില്‍ എട്ട് ലക്ഷം കേന്ദ്ര സബ്സിഡി ലഭിക്കും.  

    സംസ്ഥാനത്തെ ഏഴ് ഹാര്‍ബറുകളുടെ നിര്‍മ്മാണ പ്രവര്‍ത്തനങ്ങള്‍ പൂര്‍ത്തിയാക്കാന്‍ ഒന്നാം ഘട്ടമായി 75 കോടി രൂപ നബാര്‍ഡ് അനുവദിക്കുമെന്ന് ഫിഷറീസ് ഹാര്‍ബര്‍ എന്‍ജിനീയറിംഗ് കശുവണ്ടി വ്യവസായ വകുപ്പ് മന്ത്രി ജെ. മെഴ്‌സിക്കുട്ടി അമ്മ അറിയിച്ചു.  ധനകാര്യ മന്ത്രി ഡോ. റ്റി.എം. തോമസ് ഐസക്കിന്റെ അധ്യക്ഷതയില്‍ വിളിച്ചു ചേര്‍ത്ത ഉദ്യോഗസ്ഥരുടെ യോഗത്തില്‍ സംസാരിക്കുകയായിരുന്നു മന്ത്രി.

    സംസ്ഥാന ആര്‍ക്കൈവ്‌സ് വകുപ്പ് നടപ്പാക്കുന്ന ചരിത്രരേഖകളുടെ കണ്‍സര്‍വേഷന്‍ പദ്ധതിയ്ക്കായി പ്രോജക്ട് ട്രെയിനികളെ തെരഞ്ഞെടുക്കുന്നതിനായി എം.എസ്‌സി കെമിസ്ട്രി യോഗ്യതയും ചരിത്രരേഖകളുടെ കണ്‍സര്‍വേഷനില്‍ മുന്‍പരിചയവും ഉളള ഉദ്യൊഗാര്‍ത്ഥികളില്‍ നിന്നും അപേക്ഷ ക്ഷണിച്ചു.  അവസാന തീയതി മാര്‍ച്ച് 31.  അപേക്ഷ ലഭ്യമാക്കേണ്ട മേല്‍വിലാസം സംസ്ഥാന ആര്‍ക്കൈവ്‌സ് വകുപ്പ് നളന്ദ, തിരുവനന്തപുരം -3 ഫോണ്‍ 0471 2311547, 9495871627, 9526187666
പി.എന്‍.എക്‌സ്.1079/18
 

ജലമില്ലെങ്കില്‍ ജീവനില്ല, ഭൂമിയില്ല, നമ്മളുമില്ല
ഈ പ്രാധാന്യം ഞാന്‍ മനസ്സിലാക്കുന്നു
നാല്പത്തിനാലു നദികളുടെ നാടായ കേരളം പോലും
കൊടിയ വരള്‍ച്ചയിലേക്കു നീങ്ങുന്നു.
ജലത്തിനായി ഒരുക്കപ്പെട്ടിരിക്കുന്ന പ്രകൃതിക്കു
നാശം വരുത്തിവയ്ക്കുന്ന മനുഷ്യ ഇടപെടലുകളാണ്
ഈ സ്ഥിതിവിശേഷത്തിനു കാരണം എന്നത് ഞാന്‍ ഉള്‍ക്കൊള്ളുന്നു
പ്രകൃതി  ജലത്തിനായി ഒരുങ്ങുന്നതു പോലെ
ജലസംരക്ഷണത്തിനായി ഞങ്ങളും ഒരുങ്ങുന്നതാണ്.
ജലത്തിന്റെ ഉപയോഗത്തില്‍ ഞാന്‍ 
മിതത്വം പുലര്‍ത്തുന്നതും
ജലസ്രോതസ്സുകളുടെ പരിപാലനത്തിലും പരിപോഷണത്തിലും

    ജലവിഭവ വകുപ്പിന്റെ ആഭിമുഖ്യത്തില്‍ ലോക ജല ദിനാചരണം ഇന്ന് (മാര്‍ച്ച് 22) ഇന്‍സ്റ്റിറ്റ്യൂട്ട് ഓഫ് മാനേജ്‌മെന്റ് ഇന്‍ ഗവണ്‍മെന്റ് പദ്മം ഹാളില്‍ രാവിലെ 10 മണിക്ക് ഗവര്‍ണര്‍ പി. സദാശിവം ഉദ്ഘാടനം നിര്‍വ്വഹിക്കും.  പരിപാടിയില്‍ ജലവിഭവ മന്ത്രി മാത്യൂ ടി. തോമസ് അധ്യക്ഷത വഹിക്കും.  തുടര്‍ന്ന് നടത്തുന്ന സംസ്ഥാനതല സെമിനാറില്‍ 'സംരക്ഷിക്കാം പ്രകൃതിയെ ............... ജലത്തിനായി' എന്ന ഈ വര്‍ഷത്തെ ജലദിന സന്ദേശം ആസ്പദമാക്കിയുള്ള ക്ലാസ്സുകള്‍ പ്രഗല്‍ഭര്‍ കൈകാര്യം ചെയ്യും.

    മാള കെ. കരുണാകരന്‍ മെമ്മോറിയല്‍ സ്പിന്നിംഗ് മില്ലില്‍ ആധുനിക മെഷീനുകള്‍ സ്ഥാപിച്ച് വാണിജ്യാടിസ്ഥാനത്തില്‍ ഉത്പാദനം ആരംഭിച്ചതിന്റെ ആദ്യവില്‍പന വ്യവസായവകുപ്പ് മന്ത്രി എ.സി. മൊയ്തീന്‍ നിര്‍വഹിച്ചു. കിറ്റക്‌സ് കമ്പനി അസി. ജനറല്‍ മാനേജര്‍ റോയി കെ. തോമസ് ആദ്യവില്‍പന ഏറ്റുവാങ്ങി.24 കോടി രൂപ മുടക്കി 5472 സ്പിന്റിലുകളോടെ ആധുനിക മെഷീനുകള്‍ സ്ഥാപിച്ച് 2017 ഡിസംബര്‍ മുതലാണ് ട്രയല്‍ റണ്‍ ആരംഭിച്ചത്.

    പൊതുജനസേവനരംഗത്തെ നൂതന ആശയാവിഷ്‌കാരത്തിനുള്ള മുഖ്യമന്ത്രിയുടെ 2016ലെ അവാര്‍ഡുകള്‍ വിതരണം ചെയ്തു. ചടങ്ങ് ആരോഗ്യ-സാമൂഹ്യനീതി വകുപ്പ് മന്ത്രി കെ.കെ. ശൈലജ ടീച്ചര്‍ ഉദ്ഘാടനം ചെയ്തു. തൊഴിലും നൈപുണ്യവും വകുപ്പ് മന്ത്രി ടി.പി. രാമകൃഷ്ണന്‍ അധ്യക്ഷത വഹിച്ചു.

    2017 നവംബര്‍ മാസം നടന്ന ഡി.എഡ് ഒന്ന്, മൂന്ന് സെമസ്റ്റര്‍ പരീക്ഷകളുടെ ഫലം പ്രസിദ്ധീകരിച്ചു.  ഒന്നാം സെമസ്റ്ററില്‍ 62.74 ശതമാനവും മൂന്നാം സെമസ്റ്ററില്‍ 90.25 ശതമാനവുമാണ് വിജയം.  വെബ്‌സൈറ്റ്:www.keralapareekshabhavan.in
പി.എന്‍.എക്‌സ്.1073/18