ന്യൂനപക്ഷ കമ്മീഷന് ജില്ലയില്‍ നിന്നും ലഭിക്കുന്ന പരാതികള്‍ കുറവാണെന്ന് ന്യൂനപക്ഷ കമ്മീഷനംഗം അഡ്വ.ബിന്ദു എം.തോമസ് പറഞ്ഞു. ജില്ലാ പഞ്ചായത്ത് കോണ്‍ഫറന്‍സ് ഹാളില്‍ ന്യൂനപക്ഷ കമ്മീഷന്‍ നടത്തിയ പരാതിപരിഹാര അദാലത്തില്‍ സംസാരിക്കുകയായിരുന്നു കമ്മീഷനംഗം. നേരത്തേ ലഭിച്ചിരുന്ന ആറ് പരാതികളും അദാലത്തില്‍ ലഭിച്ച രണ്ട് പരാതികളും ഉള്‍പ്പെടെ ആകെ എട്ട് പരാതികളാണ് പരിഗണിച്ചത്. പുതുതായി ചാര്‍ജെടുത്ത കമ്മീഷന്റെ ആദ്യ സിറ്റിംഗാണ് ഇന്നലെ നടന്നത്. ജില്ലയില്‍ പരാതികള്‍ കുറവായതിനാ ല്‍ ആലപ്പുഴ ജില്ലയിലെ സിറ്റിംഗിലാണ് പത്തനംതിട്ടയിലെ പരാതികള്‍ നേരത്തേ പരിഗണിച്ചിരുന്നത്. 

    സംസ്ഥാന ആര്‍ക്കൈവ്‌സ് വകുപ്പ് നടപ്പാക്കുന്ന ചരിത്രരേഖകളുടെ ഇന്‍ഡക്‌സിംഗ്, ലേബലിംഗ് പദ്ധതിയ്ക്കായി റിക്കാര്‍ഡ് റൂം ട്രെയിനികളെ തെരഞ്ഞെടുക്കും.  ഇതിന് എം.എ ഹിസ്റ്ററി/എം.എ സാംസ്‌ക്കാരിക പൈതൃക പഠനം/മാനുസ്‌ക്രിപ്‌റ്റോളജി/പി.ജി. ഡിപ്ലോമ ഇന്‍ ആര്‍ക്കൈവല്‍ സ്റ്റഡീസ് യോഗ്യതയും മുന്‍പരിചയവും ഉള്ള ഉദ്യോഗാര്‍ത്ഥികളില്‍ നിന്നും അപേക്ഷ ക്ഷണിച്ചു. അവസാന തീയതി മാര്‍ച്ച് 31. മേല്‍വിലാസം : സംസ്ഥാന ആര്‍ക്കൈവ്‌സ് വകുപ്പ്, നളന്ദ, തിരുവനന്തപുരം - 3, ഫോണ്‍ : 0471 - 2311547.  കൂടുതല്‍ വിവരങ്ങള്‍ക്ക് 9847007233.
പി.എന്‍.എക്‌സ്.1063/18

പത്തനംതിട്ട വിദ്യാഭ്യാസ ജില്ലയില്‍ എസ്എസ്എല്‍സി  ഐടി പരീക്ഷയ്ക്ക് 2012 മാര്‍ച്ച് മുതല്‍ 2018 മാര്‍ച്ച് വരെ പങ്കെടുക്കാന്‍ കഴിയാതിരുന്നവര്‍ക്കും, പരാജയപ്പെട്ട വര്‍ക്കും ഈ മാസം 27ന് ഓമല്ലൂര്‍ ഗവണ്‍മെന്റ് ഹൈസ്‌കൂളില്‍ പരീക്ഷ നടത്തും. 2017 ലെ പിസിഎന്‍ വിദ്യാര്‍ഥികള്‍ക്കും 2018 അധ്യയന  വര്‍ഷത്തെ സ്‌കൂള്‍ ഗോയിംഗ് വിദ്യാര്‍ഥികള്‍ക്കും പരീക്ഷയെഴുതാം. ജില്ലാ വിദ്യാഭ്യാസ ഓഫീസര്‍ മുഖേന ഓമല്ലൂര്‍ ഗവണ്‍മെന്റ് ഹൈസ്‌കൂളില്‍ 24ന് മുമ്പ് പേര് രജിസ്റ്റര്‍  ചെയ്യണം.                       (പിഎന്‍പി 704/18)

    ജില്ലാ സ്റ്റേഷനറി ഓഫീസില്‍ വാര്‍ഷിക സ്റ്റോക്കെടുപ്പുമായി ബന്ധപ്പെട്ട് ഏപ്രില്‍ രണ്ട്, മൂന്ന് തീയതികളില്‍ സ്റ്റേഷനറി വിതരണം ഉണ്ടായിരിക്കില്ല എന്ന് ജില്ലാ സ്റ്റേഷനറി ഓഫീസര്‍ അറിയിച്ചു.                                                          

    പന്തളം തെക്കേക്കര ഗ്രാമപഞ്ചായത്തിലെ വിമുക്തഭടന്മാര്‍ക്ക് കെട്ടിട നികുതി ഒഴിവാക്കുന്ന ആനുകൂല്യം ലഭിക്കുന്നതിന് ബന്ധപ്പെട്ട രേഖകള്‍ സഹിതം അപേക്ഷ ഏപ്രില്‍ 10നകം ഓഫീസില്‍ നല്‍കണമെന്ന് സെക്രട്ടറി അറിയിച്ചു.                    

    അടൂര്‍ എല്‍.ബി.എസ് സബ് സെന്ററില്‍ പ്ലസ്ടു/ഡിപ്ലോമ പാസായവര്‍ക്കായി ആറ് മാസം ദൈര്‍ഘ്യമുള്ള ഡി.സി.എ (എസ്) കോഴ്‌സില്‍ ഒഴിവുള്ള സീറ്റിലേക്ക് അപേക്ഷിക്കാം. എസ്.സി/എസ്.റ്റി/ഒ.ഇ.സി വിഭാഗത്തിന് ഫീസ് അടയ്‌ക്കേണ്ടതില്ല. ഫോണ്‍: 04734 227538, 9947123177.                                   

ലോകവദനാരോഗ്യ ദിനാചരണത്തോടനുബന്ധിച്ച് മഞ്ചേരി ബി.ആര്‍.സി. യില്‍ ജില്ലാതല സെമിനാര്‍ നടത്തി.  നഗരസഭാ ചെയര്‍പേഴ്‌സണ്‍ വി.എം. സുബൈദ സെമിനാര്‍ ഉദ്ഘാടനം ചെയ്തു. നഗരസഭ ആരോഗ്യ സ്റ്റാന്റിംഗ് കമ്മറ്റി ചെയര്‍പേഴ്‌സണ്‍ സമീറ മുസ്തഫ അദ്ധ്യക്ഷത വഹിച്ചു.  ആരോഗ്യ കേരളം ജില്ലാ പ്രോഗ്രാം മാനേജര്‍ ഡോ. എ. ഷിബുലാല്‍, മെഡിക്കല്‍ കോളേജ് ആര്‍.എം.ഒ. ഡോ. സഹീര്‍ നെല്ലിപ്പറമ്പന്‍, മഞ്ചേരി ജനറല്‍ ആശുപത്രി ദന്താരോഗ്യ കണ്‍സള്‍ട്ടന്റ് ഡോ. അമര്‍നാഥ്, ഡി.പി.എച്ച്.എന്‍.  റെജിലേഖ എന്നിവര്‍ സംസാരിച്ചു.

    പ്രൊഫഷണല്‍ നാടകങ്ങള്‍ക്കുള്ള 2017 ലെ സംസ്ഥാന സര്‍ക്കാര്‍ അവാര്‍ഡുകള്‍ക്ക് കേരള സംഗീത നാടക അക്കാദമി അപേക്ഷ ക്ഷണിച്ചു. അക്കാദമിയുടെ അംഗീകാരമുള്ള സംഘങ്ങള്‍ക്കു മാത്രമേ അപേക്ഷിക്കാനാകൂ. 2017 ജനുവരി ഒന്നിനും 2017 ഡിസംബര്‍ 31 നും മദ്ധ്യേ ആദ്യമായി അവതരിപ്പിച്ച നാടകങ്ങള്‍ മാത്രമേ 2017 ലെ അവാര്‍ഡിന് പരിഗണിക്കുകയുള്ളുവെന്ന് സെക്രട്ടറി എന്‍.രാധാകൃഷ്ണന്‍ നായര്‍ അറിയിച്ചു.
    നാടകരചനയേയോ നാടകാവതരണത്തെയോ സംബന്ധിച്ച് മലയാളത്തില്‍ പ്രസിദ്ധീകരിച്ച കൃതിക്കുള്ള അവാര്‍ഡിനും അപേക്ഷ ക്ഷണിച്ചിട്ടുണ്ട്. 2015, 2016, 2017 വര്‍ഷങ്ങളില്‍ പ്രസിദ്ധീകരിച്ച കൃതികളാണ് സമര്‍പ്പിക്കേണ്ടത്.