സംസ്ഥാന മൃഗസംരക്ഷണ വകുപ്പിന്റെ ആഭിമുഖ്യത്തില്‍ മലമ്പുഴ മൃഗസംരക്ഷണ   പരിശീലന കേന്ദ്രത്തില്‍ മാര്‍ച്ച് 26, 27 തിയ്യതികളില്‍    അടുക്കളമുറ്റത്തെ കോഴി വളര്‍ത്തലില്‍ സൗജന്യ പരിശീലനം സംഘടിപ്പിക്കുന്നു. താല്‍പര്യമുളളവര്‍ നേരിട്ടോ ഫോണ്‍ മുഖേനയോ ഓഫീസ് സമയങ്ങളില്‍ മുന്‍കൂട്ടി പേര് രജിസ്റ്റര്‍ ചെയ്യണം. (ഫോണ്‍ നമ്പര്‍ 0491 -2815454 ) പേര് രജിസ്റ്റര്‍  ചെയ്തവര്‍ ആധാര്‍നമ്പറുമായി  26 ന്  രാവിലെ 10 നകം പരിശീലന കേന്ദ്രത്തില്‍ എത്തണം.

ജില്ലാ ഭക്ഷ്യ സുരക്ഷാ അസിസ്റ്റന്റ് കമ്മീഷണറുടെ ഓഫീസിലേക്ക് കോണ്‍ട്രാക്ട് വ്യവസ്ഥയില്‍ വാഹനം ലഭിക്കുന്നതിന് പുനര്‍ ദര്‍ഘാസ് ക്ഷണിച്ചു.  വിവരങ്ങള്‍ക്ക് ഓഫീസുമായി ബന്ധപ്പെടണം.  ഫോണ്‍ 0483 2732121.

    ദേശീയ ഗ്രാമ വികസന മന്ത്രാലയത്തിന്‍റെ സഹകരണത്തോടെ സംസ്ഥാന കുടുംബശ്രീ മിഷന്‍ നടത്തുന്ന സരസ് മേളയ്ക്ക് അനുയോജ്യമായ തീം സോങ്ങ് ക്ഷണിച്ചു. പാട്ട് പാടുന്ന വീഡിയോ മൊബൈലില്‍ ഷൂട്ട് ചെയ്ത്  sarapsalakkad@gmail.com   ലേക്കോ  9946237228   വാട്ട്സ് ആപ്പ് നമ്പറിലേക്കോ അയക്കണം. തെരഞ്ഞെടുക്കപ്പെടുന്ന ഗാനത്തിന്   സമ്മാനം ലഭിക്കും. മാര്‍ച്ച് 29 മുതല്‍ ഏപ്രില്‍ ഏഴ് വരെ പട്ടാമ്പിയിലാണ് ദേശീയ പ്രദര്‍ശന-വിപണന-കലാ-സാംസ്ക്കാരിക മേള നടക്കുക.

സന്‍സദ് ആദര്‍ശ് ഗ്രാമ യോജന പദ്ധതിയുടെ രണ്ടാം ഘട്ടത്തിലേക്ക് തെരഞ്ഞെടുക്കപ്പെട്ടിട്ടുള്ള ചാലിയാര്‍ ഗ്രാമ പഞ്ചായത്തിന്റെ വില്ലേജ് ഡവലപ്പ്‌മെന്റ് പ്ലാന്‍ തയ്യാറാക്കുന്നതിന് മാര്‍ച്ച് 23ന് വൈകീട്ട് മൂന്നിന് ജില്ലാ പഞ്ചായത്ത് ഹാളില്‍ യോഗം ചേരും.

പരിയാപുരം -പച്ചാട്ടിരി  റോഡ്  പ്രവൃത്തി നടത്തുന്നതിനാല്‍ ഇതിലൂടെയുള്ള വാഹന ഗതാഗതം  ഇന്ന് (മാര്‍ച്ച് 22) നിരോധിച്ചു.  വാഹനങ്ങള്‍ തിരൂര്‍- എട്ടിരിക്കടവ് -പറവണ്ണ  ബി.പി അങ്ങാടി -മങ്ങാട്ടിരി -അരിക്കാഞ്ചിറ എന്നീ റോഡുകള്‍ വഴി പോകണം.

    ജില്ലാ ആസൂത്രണ സമിതി യോഗം മാര്‍ച്ച് 23ന് രാവിലെ 10ന് ജില്ലാ പഞ്ചായത്ത് സമ്മേളന ഹാളില്‍ ചേരുമെന്ന് ജില്ലാ കലക്ടര്‍ അറിയിച്ചു.

    അങ്ങാടിപ്പുറം പൂരം പുറപ്പാട് ദിവസമായ മാര്‍ച്ച് 24ന് പെരിന്തല്‍മണ്ണ നഗരസഭ, അങ്ങാടിപ്പുറം ഗ്രാമ പഞ്ചായത്ത് എന്നിവയുടെ പരിധിയിലുള്ള സര്‍ക്കാര്‍ കാര്യാലയങ്ങള്‍ക്കും വിദ്യാഭ്യാസ സ്ഥാപനങ്ങള്‍ക്കും ഉച്ചവരെ ജില്ലാ കലക്ടര്‍ പ്രാദേശിക അവധി പ്രഖ്യാപിച്ചു.  പൊതു പരീക്ഷകള്‍ക്ക് അവധി ബാധകമല്ല.

    സംസ്ഥാന ന്യൂനപക്ഷ കമ്മീഷന്‍ സിറ്റിങ് ഇന്ന് (മാര്‍ച്ച് 22) രാവിലെ 11ന് ജില്ലാ പഞ്ചായത്ത് ഹാളില്‍ നടക്കും.  സിറ്റിങില്‍ ജില്ലയില്‍ നിന്നുള്ള പരാതികള്‍ പരിഗണിക്കും.