വ്യാപാരി ക്ഷേമനിധി ബോര്‍ഡിന്റെ ആഭിമുഖ്യത്തില്‍ മരിച്ച അംഗങ്ങളുടെ ആശ്രിതക്കുള്ള ആനുകൂല്യ വിതരണം വ്യാപാരി ക്ഷേമ ബോര്‍ഡിന്റെ വൈസ് ചെയര്‍മാന്‍ ഇ.എസ്. ബിജു നിര്‍വഹിച്ചു. കേരള വ്യാപാരി വ്യവസായി ഏകോപന സമിതി തിരുവനന്തപുരം ജില്ലാ പ്രസിഡന്റ് വൈ. വിജയന്‍ അധ്യക്ഷത വഹിച്ചു. വ്യാപാരി വ്യവസായി സമിതി ജില്ലാ സെക്രട്ടറി വി. പാപ്പച്ചന്‍ സ്വാഗതവും ജില്ലാ പ്രസിഡന്റ് എന്‍. സുധീന്ദ്രന്‍ ആശംസകളും ബോര്‍ഡ് ചീഫ് എക്‌സിക്യൂട്ടീവ് ഓഫീസര്‍ വി.എസ്. മിനി കൃതജ്ഞതയും രേഖപ്പെടുത്തി. തിരുവനന്തപുരം, പത്തനംതിട്ട, ഇടുക്കി ജില്ലകളിലെ മരണാനന്തര ആനുകൂല്യമാണ് വിതരണം ചെയ്തത്.
പി.എന്‍.എക്‌സ്.1084/18

    അയിരൂര്‍ ജില്ലാ ആയൂര്‍വേദ ആശുപത്രിയില്‍ ആയൂര്‍ വേദ (മര്‍മ്മ) മെഡിക്കല്‍ ഓഫീസറുടെ ഒഴിവിലേക്ക് താത്ക്കാലിക നിയമനം നടത്തുന്നു. പ്രതിദിനം 1365 രൂപ നിരക്കിലും പ്രതിമാസം 40950 രൂപയില്‍ കവിയാതെയും വേതനം ലഭിക്കും. ബി.എ.എം.എസും മര്‍മ്മ എം.ഡിയോ തത്തുല്യ യോഗ്യതയോ ഉള്ളവര്‍ക്ക് അപേക്ഷിക്കാം. പ്രായം  50 വയസില്‍ താഴെ. അപേക്ഷകര്‍. താത്പര്യമുള്ളവര്‍ അസല്‍ സര്‍ട്ടി ഫിക്കറ്റുകളും പകര്‍പ്പും സഹിതം പത്തനംതിട്ട മേലേവെട്ടിപ്രത്ത് പ്രവര്‍ത്തിക്കുന്ന ഭാരതീയ ചികിത്സാ വകുപ്പിന്റെ ജില്ലാ മെഡിക്കല്‍ ഓഫീസില്‍ ഈ മാസം 27ന് രാവിലെ 11ന് കൂടിക്കാഴ്ചയ്ക്ക് ഹാജരാകണം. ഫോണ്‍: 0468 2324337. 

 
     സ്വകാര്യ സ്ഥാപനങ്ങളിലെ ഒഴിവുകളിലേയ്ക്ക് ജില്ലാ എംപ്ലോയബിലിറ്റി സെന്‍റര്‍  മാര്‍ച്ച് 27ന് ഒറ്റപ്പാലം റോട്ടറി ക്ലബില്‍ മിനി ജോബ് ഫെസ്റ്റ നടത്തും. ബി.പി.ഒ, ഫിനാന്‍സ്, ഇന്‍ഷ്വുറന്‍സ്, ഓട്ടോമൊബൈല്‍, സെയില്‍സ്, മാര്‍ക്കറ്റിങ്   മേഖലകളിലെ മുന്നൂറ് ഒഴിവുകളിലേക്കാണ് അഭിമുഖം നടത്തുക. 40 വയസ്സിന് താഴെ പ്രായമുളളവര്‍ ആധാര്‍ കാര്‍ഡിന്‍റെ പകര്‍പ്പും 250 രൂപ് രജിസ്ട്രേഷന്‍ ഫീസും  സഹിതം  ജില്ലാ എംപ്ലോയ്മെന്‍റ് എക്സ്ചേഞ്ചില്‍ മാര്‍ച്ച് 23, 24 തീയതികളില്‍ രാവിലെ 10.30 ന് എത്തണം. ഫോണ്‍-04912505435, 7293083712. 

    മൂന്ന് ദിവസം നീളുന്ന മലബാര്‍ സാംസ്‌കാരിക പൈതൃകോല്‍സവത്തിന് ഇന്ന്
(മാര്‍ച്ച് 23) തുടക്കമാകും. മലബാര്‍ സാംസ്‌കാരിക പൈതൃകോത്സവം 2018 ന്റെ ലോഗോ, ബ്രോഷര്‍ പ്രകാശനച്ചടങ്ങ് മുഖ്യമന്ത്രി പിണറായി വിജയന്‍ നിര്‍വഹിച്ചു. തുറമുഖം, പുരാവസ്തു, പുരാരേഖാ, മ്യൂസിയം വകുപ്പ് മന്ത്രി രാമചന്ദ്രന്‍ കടന്നപ്പള്ളിയുടെ സാന്നിധ്യത്തിലാണ് മുഖ്യമന്ത്രി 50 സെക്കന്റ് ദൈര്‍ഘ്യമുള്ള ലോഗോ ആനിമേഷന്‍ പ്രകാശനം ചെയ്തത്.

    വ്യാജമദ്യ നിയന്ത്രണ സമിതി ജില്ലാതല യോഗം നാളെ (24) രാവിലെ 10ന് കളക്ടറേറ്റ് കോണ്‍ഫറന്‍സ് ഹാളില്‍ ചേരും.                              

* ലോക ജലദിനാചരണം സംസ്ഥാനതല ഉദ്ഘാടനം നിര്‍വഹിച്ചു
    വരള്‍ച്ച ഒരു യാഥാര്‍ഥ്യമാണെന്ന് നാം തിരിച്ചറിയണമെന്നും ജലസംരക്ഷണത്തിനുള്ള ശ്രമങ്ങള്‍ വീടുകള്‍ മുതല്‍ ആരംഭിക്കണമെന്നും ഗവര്‍ണര്‍ പി. സദാശിവം അഭിപ്രായപ്പെട്ടു. ഒലവജഭവ വകുപ്പിന്റെ ആഭിമുഖ്യത്തില്‍ സംഘടിപ്പിച്ച ലോക ജലദിനാചരണത്തിന്റെ സംസ്ഥാനതല ഉദ്ഘാടനം നിര്‍വഹിച്ചു സംസാരിക്കുകയായിരുന്നു അദ്ദേഹം.
    ശുദ്ധജലം ലഭിക്കുകയെന്ന അവകാശം ദിനംതോറും നഷ്ടമാകുകയാണ്. ഇന്നത്തെക്കാലത്തെ പ്രധാന പ്രതിസന്ധികളായ കാലാവസ്ഥ വ്യതിയാനം, ആരോഗ്യപ്രശ്‌നങ്ങള്‍, ദാരിദ്ര്യം, ഭക്ഷ്യസുരക്ഷ തുടങ്ങിയവയ്‌ക്കെല്ലാം ജലലഭ്യതയുമായി ബന്ധമുണ്ട്.

    വിദ്യാഭ്യാസ വകുപ്പില്‍ ഹൈസ്കൂള്‍ അസിസ്റ്റന്‍റ് (സോഷല്‍ സ്റ്റഡീസ്) മലയാളം മീഡിയം (കാറ്റഗറി നമ്പര്‍ 660/ 12) തസ്തികയിലേയ്ക്ക് സര്‍ട്ടിഫിക്കറ്റ് പരിശോധന പൂര്‍ത്തിയായവരുടെ അഭിമുഖം  മാര്‍ച്ച് 23 മുതല്‍ ഏപ്രില്‍ 27വരെ ജില്ലാ പി.എസ്.സി. ഓഫീസില്‍ നടക്കും. വിവരം പ്രൊഫൈല്‍/ എസ്.എം.എസ്. വഴി നല്‍കിയിട്ടുണ്ട്. ഉദ്യോഗാര്‍ഥികള്‍ വണ്‍ടൈം വെരിഫിക്കേഷന്‍ സര്‍ട്ടിഫിക്കറ്റും ഇന്‍റര്‍വ്യു മെമ്മോയും ഡൗണ്‍ലോഡ് ചെയ്ത് സര്‍ട്ടിഫിക്കറ്റുകളുമായി എത്തണമെന്ന് ജില്ലാ പി.എസ്.സി. ഓഫീസര്‍ അറിയിച്ചു. ഫോണ്‍: 0491 2505398 

മലപ്പുറം താലൂക്ക് ആശുപത്രിയില്‍ സ്റ്റാഫ് നേഴ്‌സ്, എക്‌സ്‌റേ ടെക്‌നീഷ്യന്‍, ഓപ്പറേഷന്‍ തിയേറ്റര്‍ ടെക്‌നീഷ്യന്‍ എന്നീ തസ്തികകളിലേക്ക് താല്‍ക്കാലിക നിയമനത്തിന് അപേക്ഷ ക്ഷണിച്ചു.  യോഗ്യതയുള്ളവര്‍ രേഖകള്‍ സഹിതം മാര്‍ച്ച് 28ന് രാവിലെ 9.30ന് രജിസ്‌ട്രേഷനും കൂടിക്കാഴ്ചക്കുമായി ആശുപത്രി ഓഫീസില്‍ എത്തണം.

മക്കരപ്പറമ്പ് ഇലക്ട്രിക്കല്‍ സെക്ഷന്‍ പരിധിയിലുള്ള കൂട്ടിലങ്ങാടി ടൗണ്‍, പാറടി, കടുങ്ങൂത്ത്, കീരംകുണ്ട്, മൊട്ടമ്മല്‍, കടൂപുറം, വാഴക്കാട്ടിരി എന്നീ ഭാഗങ്ങളില്‍  ഇന്ന്  (മാര്‍ച്ച് 22) രാവിലെ 09.30 മുതല്‍ ഉച്ചക്ക് ഒന്ന് വരെ വൈദ്യുതി വിതരണം തടസ്സപ്പെടും.