ജില്ലയിലെ  ഗ്രാമ പഞ്ചായത്തുകള്‍ നൂറ് ശതമാനം നികുതി പിരിവ് ലക്ഷ്യം കൈവരിക്കുന്നതിന്റെ ഭാഗമായി ജപ്തി, പ്രോസിക്യൂഷന്‍ നിയമനടപടികള്‍ സ്വീകരിക്കാന്‍ നീക്കം തുടങ്ങി. ഏപ്രില്‍ ഒന്നിന് തന്നെ മുഴുവന്‍ കേസുകളിലും ജപ്തി, പ്രോസിക്യൂഷന്‍    നടപടികള്‍ ആരംഭിക്കാന്‍ പഞ്ചായത്ത് ഡെപ്യൂട്ടി ഡയറക്ടര്‍ ജില്ലയിലെ എല്ലാ പഞ്ചായത്ത് സെക്രട്ടറിമാര്‍ക്കും നിര്‍ദ്ദേശം നല്‍കി. മൊബൈല്‍ ടവറുകള്‍      ക്കെതിരെ ഇതിനകം തന്നെ പ്രോസിക്യൂഷന്‍ നടപടികള്‍ ആരംഭിച്ചിട്ടുണ്ട്.

    ലോക ജലദിനത്തോടനുബന്ധിച്ച് മലമ്പുഴ ജലസേചന ഡിവിഷന്‍ വിദ്യാര്‍ഥികള്‍ക്കായി ചിത്ര രചനാ  മത്സരം നടത്തി. മലമ്പുഴ പിക്നിക് ഹാളില്‍ നടന്ന പരിപാടി ലളിതലാ അക്കാദമി നിര്‍വാഹക സമിതി അംഗം ബൈജു ദേവ് ചിത്രം വരച്ച് ഉദ്ഘാടനം ചെയ്തു. എക്സി. എഞ്ചിനീയര്‍ പത്മകുമാര്‍ അധ്യക്ഷനായ പരിപാടിയില്‍ 'നാച്വര്‍ ഫോര്‍ വാട്ടര്‍' വിഷയത്തില്‍ ചിത്രകാരന്‍ എന്‍.ജി ജോണ്‍സണ്‍ ക്ലാസെടുത്തു. മലമ്പുഴ ഡിവിഷനല്‍ എഞ്ചിനീയര്‍ ഇ.പി ബാലകൃഷ്ണന്‍, കെ മുഹമ്മദ് ബഷീര്‍, എം.പി മോഹന്‍ദാസ്  എന്നിവര്‍ പങ്കെടുത്തു.

    അന്താരാഷ്ട്ര ജലദിനത്തിന്‍റെ ഭാഗമായി ജില്ലാ കലക്റ്ററേറ്റില്‍ ജല സംരക്ഷണ പ്രതിജ്ഞയെടുത്തു. ജില്ലാ കലക്റ്ററുടെ ചേംബറില്‍ നടന്ന പരിപാടിയില്‍ എ.ഡി.എം. ടി. വിജയന്‍ കലക്റ്ററേറ്റ് ജീവനക്കാര്‍ക്ക് പ്രതിജ്ഞ ചൊല്ലിക്കൊടുത്തു. 

    കേരള ജലവിഭവ വകുപ്പിന്റെ കാസര്‍കോട്   ചെറുകിട ജലസേചന വിഭാഗം ലോകജലദിനം വിവിധ പരിപാടികളോടെ  ആചരിച്ചു.  കാസര്‍കോട് മുനിസിപ്പല്‍  കോണ്‍ഫറന്‍സ് ഹാളില്‍   ഹരിതകേരളം മിഷന്റെ ഭാഗമായി  സംഘടിപ്പിച്ച ലോകജലദിന പരിപാടി  നഗരസഭാധ്യക്ഷ ബീഫാത്തിമ ഇബ്രാഹിം ഉദ്ഘാടനം ചെയ്തു.  എക്‌സിക്യുട്ടീവ് എഞ്ചിനീയര്‍ കെ എന്‍ സുഗുണന്‍ അധ്യക്ഷത വഹിച്ചു. 

    കുടുംബശ്രീ ജില്ലാമിഷന്റെ  ജില്ലാതല അവലോകനയോഗവും അയല്‍ക്കൂട്ട'തലം വരെയുള്ള ഗ്രീന്‍ പ്രോട്ടോകോള്‍ പ്രഖ്യാപനവും  ഇന്ന്(23) കാസര്‍കോട് മുന്‍സിപ്പല്‍ ടൗണ്‍ഹാളില്‍ ജില്ലാ കളക്ടര്‍ ജീവന്‍ ബാബു.കെ നിര്‍വഹിക്കും.കുടുംബശ്രീ സംസ്ഥാനമിഷന്റെ നേതൃത്വത്തില്‍ ജില്ലാ പ്രോഗ്രാം മാനേജര്‍മാര്‍ക്കായി സംഘടിപ്പിച്ച സാരാംശില്‍ ഒന്നാം സ്ഥാനം നേടിയ ജില്ലാമിഷന്‍ ടീം അംഗങ്ങളെയും,സംസ്ഥാനതല നീതം ടോക്ക്‌ഷോയില്‍ മികച്ച പ്രകടനം കാഴ്ചവച്ച സ്വാതി പ്രസ് മാനേജര്‍ പത്മാവതി,ജീവാടീം പ്രസിഡന്റും കര്‍ഷകയുമായ  സലോമി റോയിയെയും ചടങ്ങില്‍ അനുമോദിക്കും.