കൈറ്റ് വിക്ടേഴ്‌സില്‍ 24 ന് 9.15 ന് സയിദ് മിര്‍സ സംവിധാനം ചെയ്ത ഹിന്ദി സിനിമ നസീം സംപ്രേഷണം ചെയ്യും. സാമുദായിക സൗഹാര്‍ദ്ദത്തിന്റെ നല്ല നാളുകള്‍ ഓര്‍മ്മയില്‍ സൂക്ഷിക്കുന്ന മുത്തച്ഛന്റെയും കലാപം പടരുന്ന തെരുവുകളിലൂടെ സ്‌കൂളിലേക്ക് പോകേണ്ടിവരുന്ന കൗമാരക്കാരിയുടേയും അനുഭവങ്ങളാണ് സിനിമയുടെ ഇതിവൃത്തം. ഈ ചിത്രത്തില്‍ പ്രമുഖ ഉര്‍ദു കവിയും എഴുത്തുകാരനുമായ കയ്ഫി ആസ്മി മുഖ്യവേഷത്തില്‍ അഭിനയിക്കുന്നു.

    സ്‌റ്റേറ്റ് ഇന്‍സ്റ്റിറ്റ്യൂട്ട് ഓഫ് കറക്ഷനല്‍ അഡ്മിനിസ്‌ട്രേഷന്റെ തിരുവനന്തപുരം, വിയ്യൂര്‍, കണ്ണൂര്‍ സെന്ററുകളില്‍ പരിശീലനം പൂര്‍ത്തിയാക്കിയ അസിസ്റ്റന്റ് പ്രിസണ്‍ ഓഫീസര്‍മാരുടെ പാസിംഗ് ഔട്ട് പരേഡ് ഇന്ന് (മാര്‍ച്ച് 24) പൂജപ്പുര ശ്രീ ചിത്തിരതിരുനാള്‍ മൈതാനത്ത് നടക്കും. രാവിലെ ഏഴിന് നടക്കുന്ന പരേഡില്‍ മുഖ്യമന്ത്രി പിണറായി വിജയന്‍ മുഖ്യാതിഥിയായെത്തി സേനാംഗങ്ങളുടെ സല്യൂട്ട് സ്വീകരിക്കും. ഒരു വനിത ഉള്‍പ്പെടെ 121 അസിസ്റ്റന്റ് പ്രിസണ്‍ ഓഫീസര്‍ ട്രെയിനികളാണ് പാസിംഗ് ഔട്ട് പരേഡില്‍ പങ്കെടുക്കുന്നത്.
പി.എന്‍.എക്‌സ്.1105/18
 

    ജില്ലാ ആസൂത്രണ സമിതിയോഗം ഇന്ന് (24) ഉച്ചയ്ക്ക് ശേഷം മൂന്നിന് കളക്ടറേറ്റ് കോണ്‍ഫറന്‍സ് ഹാളില്‍ ചേരും. ബന്ധപ്പെട്ട എല്ലാവരും യോഗത്തില്‍ പങ്കെടുക്കണമെന്ന് ജില്ലാ കളക്ടര്‍ അറിയിച്ചു.                                 

    ഇതര സംസ്ഥാന തൊഴിലാളികളുടെ വിവര ശേഖരണവും ആരോഗ്യ പരിരക്ഷയും ലക്ഷ്യമിട്ട് ജില്ലയില്‍ മാര്‍ച്ച് 24 മുതല്‍ 31 വരെ എന്റോള്‍മെന്റ് ക്യാമ്പുകള്‍ നടത്തുന്നു. മാര്‍ച്ച് 24ന് കൊണ്ടോട്ടി, പൊന്നാനി, മഞ്ചേരി. 25ന് മേല്‍മുറി, 26ന് പെരിന്തല്‍മണ്ണ, മഞ്ചേരി കാരക്കുന്ന്, ചേലേമ്പ്ര, 27ന് തിരൂര്‍, തൃപ്പനച്ചി, 28ന് പെരിന്തല്‍മണ്ണ, വേങ്ങര- വലിയോറ, പൂക്കോട്ടൂര്‍.  മാര്‍ച്ച് 29ന് മഞ്ചേരി, മേല്‍മുറി, 30ന് പുല്ലാര, 31ന് പെരിന്തല്‍മണ്ണ, കൊണ്ടോട്ടി, തിരൂര്‍ എന്നിവിടങ്ങലില്‍ ക്യാമ്പ് നടക്കും.

    എല്ലാവര്‍ക്കും ഭവനം എന്ന ലക്ഷ്യത്തോടെ സര്‍ക്കാര്‍ നടപ്പാക്കുന്ന ലൈഫ് പദ്ധതിയില്‍ ജനകീയ കൂട്ടായ്മകളിലൂടെ നിരവധി വീടുകള്‍ പൂര്‍ത്തിയാക്കി ജില്ല സംസ്ഥാനത്തിന് മാതൃകയാകുന്നു.  

    ലോക ഒപ്‌റ്റോമോളജി ദിനത്തോടനുബന്ധിച്ച് മലപ്പുറം മലബാര്‍ കണ്ണാശുപത്രി സിവില്‍ സ്റ്റേഷനില്‍ ഇന്ന് പ്രാഥമിക കാഴ്ച പരിശോധന ക്യാമ്പ് നടത്തും.  ക്യാമ്പ് ജില്ലാ കലക്ടര്‍ അമിത് മീണ ഉദ്ഘാടനം ചെയ്യും. 

വടശേരിക്കര ഗ്രാമപഞ്ചായത്തിലെ ചെറുകുളഞ്ഞി ഒന്നാം വാര്‍ഡിലെ ആരോഗ്യ ഇന്‍ഷുറന്‍സ് കാര്‍ഡ് പുതുക്കല്‍ 27ന് ചെറുകുളഞ്ഞി മൃഗാശുപത്രി കെട്ടിടത്തില്‍ നടക്കുമെന്ന് സെക്രട്ടറി അറിയിച്ചു.                                

    ചാലിശ്ശേരി ഇലക്ട്രിക്കല്‍ സെക്ഷന്‍ പരിധിയില്‍പ്പെട്ട കോക്കൂര്‍ സെന്റര്‍, കോക്കൂര്‍, ഹൈസ്‌കൂള്‍, കോക്കൂര്‍ ഹെല്‍ത്ത് സെന്റര്‍, മനക്കാര്‍കുന്ന്, ശാന്തിനഗര്‍, കോഴിക്കര, വളയംകുളം ഭാഗങ്ങളില്‍ ഇന്ന് (മാര്‍ച്ച് 23) രാവിലെ ഒമ്പത് മുതല്‍ വൈകീട്ട് അഞ്ച് വരെ വൈദ്യുതി മുടങ്ങു.

സിവില്‍ സര്‍വ്വീസ് അക്കാദമിയുടെ പൊന്നാനി പഠന കേന്ദ്രത്തില്‍   കമ്മ്യൂണിക്കേറ്റീവ് ഇംഗ്ലീഷ്, സോഫ്റ്റ് സ്‌കില്‍സ്, ജോഗ്രഫി,  റീസണിങ്  ആന്റ്   ന്യൂമറിക്കല്‍   എബിലിറ്റി,      കറന്റ് അഫയേഴ്‌സ് തുടങ്ങിയ വിഷയങ്ങള്‍ പഠിപ്പിക്കുന്നതിന് വിദഗ്ധ അധ്യാപകരുടെ പാനല്‍ തയ്യാറാക്കുന്നതിന് അപേക്ഷ ക്ഷണിച്ചു.