പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി എസ്.എസ്.എ നടപ്പാക്കുന്ന ഹലോ ഇംഗ്ലീഷ് പദ്ധതി 10ന് രാവിലെ 11 മണിക്ക് ചുങ്കം സെന്റ് ജോസഫ് യു.പി സ്‌കൂളില്‍ ഉദ്ഘാടനം ചെയ്യും. 

 പൊതുവിദ്യാലയങ്ങളില്‍ പഠിക്കുന്ന കുട്ടികളെ ആത്മവിശ്വാസത്തോടെ ഇംഗ്ലീഷ് ഭാഷ കൈകാര്യം ചെയ്യാന്‍ കഴിവുള്ളവരാക്കി മാറ്റുന്നതാണ് ഈ  പദ്ധതി. കളികള്‍, ചിത്രരചന, നാടകീകരണം, കഥാപുസ്തകങ്ങളെ ചങ്ങാതികളാക്കി മാറ്റുന്ന വായന തുടങ്ങിയ വൈവിധ്യമാര്‍ന്ന തന്ത്രങ്ങള്‍ കുട്ടികളെ ഇംഗ്ലീഷ് ഭാഷാശേഷി ആര്‍ജ്ജിക്കുവാനും മികച്ച നിലവാരത്തോടെ ഭാഷ കൈകാര്യം ചെയ്യുവാനും ഈ പദ്ധതി പ്രാപ്തമാക്കുന്നു. 

പൊന്‍മുടി ജലസംഭരണിയുടെ ജലനിരപ്പ് ക്രമീകരിക്കുന്നതിനായി ആനയിറങ്കല്‍ ഡാമിന്റെ ഷട്ടര്‍ 12ാം തിയിക്ക് ശേഷം ഏതുസമയത്തും തുറന്ന് പന്നിയാറിലൂടെ വെള്ളം ഒഴുക്കിവിടുമെന്ന് കല്ലാര്‍കുട്ടി ഡാം സേഫ്റ്റി സബ്ഡിവിഷന്‍ അസി.എക്‌സിക്യൂട്ടീവ് എന്‍ജിനീയര്‍ അറിയിച്ചതായും ഇതുമായി ബന്ധപ്പെട്ട് ആവശ്യമായ തുടര്‍നടപടികള്‍ സ്വീകരിക്കണമെന്നും ബന്ധപ്പെട്ടവര്‍ക്ക് ജില്ലാ ദുരന്ത നിവാരണ അതോറിറ്റി ചെയര്‍മാന്‍ കൂടിയായ ജില്ലാ കളക്ടര്‍ നിര്‍ദേശം നല്‍കി

ദേശീയപാത സ്ഥലമെടുപ്പ് നടപടികളുടെ ഭാഗമായി ഏറ്റെടുക്കുന്ന ഭൂമിയുടെ നിലവിലുള്ള കൈവശക്കാരുടെ വിവരങ്ങള്‍ ശേഖരിക്കുന്നതിന് റിട്ട. റവന്യൂ ജീവനക്കാരുടെ താല്‍ക്കാലിക സേവനം ആവശ്യമുണ്ട്. സര്‍ക്കാര്‍ നിരക്കിലുള്ള വേതനം നല്‍കും. താല്പര്യമുള്ളവര്‍ മാര്‍ച്ച് 14ന് മുമ്പ് കോട്ടക്കല്‍ എല്‍.എ (എന്‍.എച്ച്) ഡപ്യൂട്ടി കലക്ടര്‍ക്ക് അപേക്ഷ നല്‍കണം. ഫോണ്‍:  04832747676

അരീക്കോട് മുതല്‍ നല്ലളം വരെയുള്ള 110 കെ വി ലൈനുകളുടെ പ്രസരണശേഷി വര്‍ധി പ്പിക്കുന്ന പ്രവൃത്തി നടക്കുന്നതിനാല്‍ കെ.എസ.്ഇ.ബി ജീവനക്കാരും കരാര്‍ തൊഴിലാളികളും ഈ പ്രദേശത്തെ ഭൂമിയിലൂടെ ഏതുസമയത്തും കൃത്യനിര്‍വഹണത്തിനായി പ്രവേശിക്കുമെന്നും അവരുടെ ജോലിക്ക് തടസ്സം സൃഷ്ടിക്കരുതെന്നും അസി.എക്‌സി. എഞ്ചിനീയര്‍ അറിയിച്ചു.
കോഴിക്കോട്, മലപ്പുറം ജില്ലകളിലെ അരീക്കോട്, ചീക്കോട്, ചെറുകാവ്, കുഴിമണ്ണ, കിഴിശ്ശേരി, കിഴുപറമ്പ്, മുതുവല്ലൂര്‍, കൊണ്ടോട്ടി, പുളിക്കല്‍, വാഴയൂര്‍, പെരുമണ്ണ തുടങ്ങിയ വില്ലേജുകളിലാണ് പ്രവൃത്തി നടക്കുന്നത്.

    ജില്ലാ പഞ്ചായത്ത് യോഗം മാര്‍ച്ച് 15ന് രാവിലെ 11ന് പഞ്ചായത്ത് ഓഫീസില്‍ ചേരുമെന്ന് പ്രസിഡന്റ് അറിയിച്ചു.

     ജില്ലാ നിര്‍മ്മിതിയുടെ പ്രവര്‍ത്തനങ്ങള്‍ക്ക് ആവശ്യമായ മെറ്റീരിയല്‍സ്  റേറ്റ് റണ്ണിങ് കോണ്‍ട്രാക്ട് അടിസ്ഥാനത്തില്‍ ആറ് മാസം / ഒരു വര്‍ഷത്തേക്ക് വിതരണം ചെയ്യുന്നതിന് അംഗീകൃത ഏജന്‍സികളില്‍ നിന്നും ക്വട്ടേഷന്‍ ക്ഷണിച്ചു.  കൂടുതല്‍ വിവരങ്ങള്‍ ജില്ലാ നിര്‍മ്മിതി കേന്ദ്രം ഓഫീസില്‍ നിന്നും ലഭിക്കും.   ഫോണ്‍ 0483 2735591, 8594014730.

    കടുങ്ങാത്ത്കുണ്ട് - എടരിക്കോട് റോഡില്‍ പൂന്തോട്ടപ്പടി മുതല്‍ മമ്മാലിപ്പടി വരെ പ്രവൃത്തി നടക്കുന്നതിനാല്‍ ഇതിലൂടെയുള്ള ഗതാഗതം മാര്‍ച്ച് 12 മുതല്‍ നിരോധിച്ചു. വാഹനങ്ങള്‍ തിരൂര്‍ - എടരിക്കോട് വഴിയോ എടിക്കോട് - പുത്തനത്താണി ദേശീയപാത വഴിയോ പോകണമെന്ന് എക്‌സിക്യൂട്ടീവ് എഞ്ചിനീയര്‍ അറിയിച്ചു.

     മൃഗസംരക്ഷണ വകുപ്പിന്റെ ആഭിമുഖ്യത്തില്‍ മലമ്പുഴ മൃഗസംരക്ഷണ   പരിശീലന കേന്ദ്രത്തില്‍  മാര്‍ച്ച് 14,15,16 തിയ്യതികളില്‍ പശു വളര്‍ത്തലില്‍ സൗജന്യ പരിശീലനം സംഘടിപ്പിക്കുന്നു. പങ്കെടുക്കുവാന്‍ താല്‍പര്യമുളളവര്‍ നേരിട്ടോ ഫോണ്‍ മുഖേനയോ പേര് രജിസ്റ്റര്‍ ചെയ്യണം. (ഫോണ്‍ നമ്പര്‍ 0491 - 2815454 ) രജിസ്റ്റര്‍  ചെയ്തവര്‍ ആധാര്‍ നമ്പറുമായി  14ന്   രാവിലെ  10 നകം പരിശീലന കേന്ദ്രത്തില്‍ എത്തണം.