സര്‍ക്കാര്‍ ഹോമിയോപ്പതിക് മെഡിക്കല്‍ കോളേജ് വകുപ്പിന്റെ കീഴിലുള്ള തിരുവനന്തപുരം, കോഴിക്കോട്, സര്‍ക്കാര്‍ ഹോമിയോപ്പതിക് മെഡിക്കല്‍ കോളേജ്/ആശുപത്രി എന്നിവിടങ്ങളില്‍ ജോലിനോക്കുന്ന അദ്ധ്യാപക, അനദ്ധ്യാപക ജീവനക്കാരുടെ 2018 വര്‍ഷത്തെ പൊതു സ്ഥലംമാറ്റം സംബന്ധിച്ച അപേക്ഷകള്‍ ക്ഷണിച്ചു.  അപേക്ഷകള്‍ അതാതു സ്ഥാപനങ്ങളിലെ മേധാവികള്‍ മുഖേന മാര്‍ച്ച് 12 ന് മുന്‍പ് തിരുവനന്തപുരം സര്‍ക്കാര്‍ ഹോമിയോപ്പതിക് മെഡിക്കല്‍ കോളേജ് പ്രിന്‍സിപ്പാള്‍ ആന്റ് കണ്‍ട്രോളിംഗ് ഓഫീസര്‍ക്ക് ലഭിക്കണം.

പി.എന്‍.എക്‌സ്.869/18

മത്സ്യഫെഡ് 2018-19 നടപ്പിലാക്കുന്ന മത്സ്യത്തൊഴിലാളി ഗ്രൂപ്പ് അപകട ഇന്‍ഷൂറന്‍സ് പദ്ധതി പരിരക്ഷ 10 ലക്ഷം രൂപയാക്കി വര്‍ദ്ധിപ്പിച്ചു.  അപകട മരണമോ, അപകടത്തെ തുടര്‍ന്ന് സ്ഥിര അംഗവൈകല്യമോ സംഭവിക്കുന്നവര്‍ക്ക് നിബന്ധനകള്‍ക്കു വിധേയമായി പത്ത് ലക്ഷം രൂപ വരെ ഇന്‍ഷൂറന്‍സ് ആനുകൂല്യം ലഭിക്കും.  ഈ പദ്ധതിയില്‍ ആളൊന്നിന് 376 രൂപ പ്രീമിയം നല്‍കി മാര്‍ച്ച് 31 വരെ അംഗങ്ങളാകാം.  മത്സ്യത്തൊഴിലാളി വികസന ക്ഷേമ സഹകരണ സംഘങ്ങള്‍ വഴിയാണ് അംഗങ്ങളാകേണ്ടത്.  കൂടുതല്‍ വിവരങ്ങള്‍ മത്സ്യഫെഡ് ജില്ലാ ഓഫീസുകളില്‍ നിന്നും ക്ലസ്റ്റര്‍ ഓഫീസുകളില്‍ നിന്നും, പ്രാഥമിക സഹകരണ സംഘങ്ങളില്‍ നിന്നും ലഭിക്കും.

    വടശേരിക്കര ഗ്രാമപഞ്ചായത്തിലെ വിമുക്തഭടډാര്‍/വിമുക്തഭടډാരുടെ വിധവകള്‍ എന്നിവരുടെ വസ്തു നികുതി ഇളവ് ലഭിക്കുന്നതിന് ഈ മാസം 31ന് മുമ്പ് നിശ്ചിത മാതൃകയിലുള്ള സത്യവാങ്മൂലം പഞ്ചായത്ത് ഓഫീസില്‍ നല്‍കണമെന്ന് സെക്രട്ടറി അറിയിച്ചു. 
                                              (പിഎന്‍പി 577/18)

കണ്ണൂര്‍ ഗവ.എഞ്ചിനീയറിംഗ് കോളേജിലെ ലേഡീസ് ഹോസ്റ്റലിന്റെ വാച്ച്മാന്‍ ക്യാബിന്‍ അറ്റകുറ്റപ്പണികള്‍, ചുറ്റുമതില്‍ പെയിന്റ് ചെയ്യുക തുടങ്ങിയ ജോലികള്‍ക്ക് ക്വട്ടേഷന്‍ ക്ഷണിച്ചു.  15 ന് ഉച്ചക്ക് 12.30 വരെ ക്വട്ടേഷന്‍ സ്വീകരിക്കും.  ഫോണ്‍: 0497 2780226.
പി എന്‍ സി/500/2018

കണ്ണൂര്‍ ജില്ലാ ആശുപത്രിയിലെ ഡയാലിസിസ് യൂണിറ്റിലേക്ക് രണ്ട് ഡോണര്‍ കൗച്ചുകള്‍ വാങ്ങുന്നതിന് ടെണ്ടര്‍ ക്ഷണിച്ചു.  14 ന് ഉച്ചക്ക് 12.30 വരെ ടെണ്ടര്‍ സ്വീകരിക്കും.

സംസ്ഥാനത്തെ പൊതുവിദ്യാലയങ്ങളില്‍ ഒമ്പതാം തരത്തിലെ മുഴുവന്‍ കുട്ടികളെയും പങ്കെടുപ്പിച്ച് നടത്തിയ സയന്‍സ് ബഡീസ് ടാലന്റ് ഹണ്ട് പരീക്ഷയില്‍ കണ്ണൂര്‍ ജില്ലയിലെ കുട്ടികള്‍ അഭിമാനാര്‍ഹമായ വിജയം നേടി. സംസ്ഥാന വ്യാപകമായി നടത്തിയ പരീക്ഷയില്‍ മുഴുവന്‍ മാര്‍ക്കും നേടിയത് ആകെ മൂന്ന് കുട്ടികളാണ്. അതില്‍ രണ്ട് പേര്‍ കണ്ണൂര്‍ ജില്ലയെ പ്രതിനിധീകരിച്ച് മല്‍സരത്തില്‍ പങ്കെടുത്ത മടമ്പം മേരിലാന്റ് ഹൈസ്‌കൂളിലെ ഷാരോണ്‍ കൃഷ്ണ കെ, വെള്ളോറ ടാഗോര്‍ ഹൈസ്‌കൂളിലെ ഉദയ പി.വി എന്നീ കുട്ടികളാണ്.