കൊച്ചി: കോര്‍പ്പറേഷന്‍ പരിധിയില്‍ കാര്‍ഷികോല്‍പ്പന്നങ്ങളുടെ മൂല്യവര്‍ധിത സംരംഭങ്ങള്‍ ആരംഭിക്കുന്നതിന് കൃഷി വകുപ്പ് അപേക്ഷ ക്ഷണിച്ചു. 25 ലക്ഷം രൂപ വരെ  മുതല്‍മുടക്കുള്ള സംരംഭങ്ങള്‍ക്ക് പത്തു ലക്ഷം വരെ കൃഷിവകുപ്പില്‍ നിന്നും ധനസഹായം ലഭിക്കും. താല്‍പര്യമുള്ള വൃക്തികളോ ഉല്‍പ്പാദക സംഘങ്ങളുടെ പ്രതിനിധികളോ മാര്‍ച്ച് 12 തിങ്കളാഴ്ച്ച രാവിലെ 11 മണിക്ക് വൈറ്റില കൃഷിഭവനില്‍ ഹാജരാകണം. കൂടുതല്‍ വിവരങ്ങള്‍ക്ക്  9447512831.

കൊച്ചി: സംസ്ഥാന പട്ടികജാതി/പട്ടികവര്‍ഗ വികസന കോര്‍പറേഷന്‍, ദേശീയ പട്ടികജാതി ധനകാര്യ വികസന കോര്‍പറേഷന്റെ സാമ്പത്തിക സഹായത്തോടെ നടപ്പിലാക്കുന്ന, പരമാവധി 3.70 ലക്ഷം രൂപ പദ്ധതി തുകയുളള ''ഓട്ടോ ടാക്‌സി' പദ്ധതിക്കു കീഴില്‍ വായ്പ അനുവദിക്കുന്നതിനായി കേരളത്തിലെ എല്ലാ ജില്ലകളിലെയും പട്ടികജാതി വിഭാഗത്തില്‍പ്പെട്ട തൊഴില്‍രഹിതരായ യുവതീ യുവാക്കളില്‍ നിന്നും അപേക്ഷ ക്ഷണിച്ചു.

കൊച്ചി: പാമ്പാക്കുട ഐ.സി.ഡി.എസിന്റെ പരിധിയിലുളള അങ്കണവാടികള്‍ക്ക് 2017-18 വര്‍ഷം പ്രീസ്‌കൂള്‍ കിറ്റുകള്‍ വാങ്ങി വിതരണം ചെയ്യുന്നതിന് താത്പര്യമുളള സ്ഥാപനങ്ങളില്‍ നിന്നോ വ്യക്തികളില്‍ നിന്നോ മത്സരാടിസ്ഥാനത്തിലുളള മുദ്രവച്ച ടെന്‍ഡറുകള്‍ ക്ഷണിച്ചു. ടെന്‍ഡറുകള്‍ സ്വീകരിക്കുന്ന അവസാന തീയതി മാര്‍ച്ച് 13. കൂടുതല്‍ വിവരങ്ങള്‍ക്ക് ഫോണ്‍ 0485-2274404.

2017-18 വാര്‍ഷിക പദ്ധതി നിര്‍വഹണത്തില്‍ സംസ്ഥാനത്ത് കണ്ണൂര്‍ ജില്ല മുന്നില്‍. ഏറ്റവും പുതിയ കണക്കുകള്‍ പ്രകാരം 63.39 ശതമാനവുമായാണ് കണ്ണൂര്‍ ഒന്നാം സ്ഥാനത്തുള്ളത്.  62.33 ശതമാനവുമായി കോട്ടയവും 62.19 ശതമാനവുമായി കൊല്ലവുമാണ് തൊട്ടുപിന്നില്‍. 
    71.3 ശതമാനവുമായി ജില്ലയിലെ ഗ്രാമ പഞ്ചായത്തുകളാണ് പദ്ധതി നിര്‍വഹണത്തില്‍ മുന്‍പന്തിയില്‍ നില്‍ക്കുന്നത്. 65 ശതമാനവുമായി ബ്ലോക്ക് പഞ്ചായത്തുകളും 57.62 ശതമാനവുമായി ജില്ലാ പഞ്ചായത്തും 56.43 ശതമാനവുമായി കണ്ണൂര്‍ കോര്‍പറേഷനും പിന്നാലെയുണ്ട്. മുനിസിപ്പിലാറ്റികളുടെ പദ്ധതി നിര്‍വഹണം 49.7 ശതമാനമാണ്.