കുട്ടികളുടെ സംരക്ഷണത്തിനും അവകാശത്തിനും സുരക്ഷയ്ക്കുവേണ്ടി മാത്രം 20 നിയമങ്ങളുള്ള രാജ്യമാണു നമ്മുടേതെന്ന് ജില്ലാ ചൈല്‍ഡ് പ്രൊട്ടക്ഷന്‍ ഓഫീസര്‍ പി.ബിജു പറഞ്ഞു. കുട്ടികളുടെ ഉത്തമതാല്‍പര്യം പരിഗണിച്ച് അവരെ മികച്ച പൗരന്മാരാക്കി വളര്‍ത്തുന്നതിന് സാഹചര്യമുണ്ടാക്കേണ്ടത് മാധ്യമങ്ങള്‍ ഉള്‍പ്പെടെയുള്ള  പൊതുസമൂഹത്തിന്റെ ഉത്തരവാദിത്വമാണെന്നും അദ്ദേഹം പറഞ്ഞു. 

    പതിനെട്ട് വയസില്‍ താഴെയുള്ള കുട്ടികള്‍ ലൈംഗീക അതിക്രമത്തിന് ഇരയായതായി വിവരം ലഭിച്ചാല്‍ അത് ബന്ധപ്പെട്ട അധികാരികളെ അറിയിക്കാതെ മറച്ചുവച്ചാല്‍ ജയില്‍ശിക്ഷ അനുഭവിക്കേണ്ടി വരുമെന്ന് കാസര്‍കോട് സബ് ജഡ്ജിയും ഡിഎല്‍എസ്എ സെക്രട്ടറിയുമായ ഫിലിപ്പ് തോമസ് പറഞ്ഞു. 
    പ്രസ് ക്ലബില്‍ ഇന്‍ഫര്‍മേഷന്‍ ആന്റ് പബ്ലിക് റിലേഷന്‍സ് വകുപ്പ് കാസര്‍കോട് പ്രസ് ക്ലബിന്റെ സഹകരണത്തോടെ നടത്തിയ പോക്‌സോ മാധ്യമ ശില്പശാലയില്‍ 'പോക്‌സോ നിയമം എന്ത്, എന്തിന്' എന്ന വിഷയത്തില്‍ ക്ലാസ് എടുക്കുകയായിരുന്നു അദ്ദേഹം. 

    കോഴിക്കോട് ഫാം ഇന്‍ഫര്‍മേഷന്‍ റീജനല്‍ ഓഫീസും തച്ചമ്പാറ കൃഷിഭവനും ചേര്‍ന്ന് 'കേരള കര്‍ഷകന്‍' വായനക്കാര്‍ക്കായി തച്ചമ്പാറ പഞ്ചായത്ത് കമ്മ്യുനിറ്റി ഹാളില്‍ കര്‍ഷക സെമിനാറും ചര്‍ച്ചാ വേദിയും നടത്തും. മാര്‍ച്ച് ഏഴ് രാവിലെ 10ന് നടക്കുന്ന സെമിനാര്‍ ഗ്രാമപഞ്ചായത്ത് പ്രസിഡന്‍റ് കെ.ടി.സുജാത ഉദ്ഘാടനം ചെയ്യും. 'ചെറു പുരയിടങ്ങളിലെ കൃഷി രീതികള്‍' വിഷയത്തില്‍ കൃഷി, മൃഗസംരക്ഷണം, ഫിഷറീസ് വകുപ്പുകളിലെ വിദഗ്ധര്‍ ക്ളാസ്സെടുക്കും.

    ജില്ലാ പഞ്ചായത്ത് പദ്ധതികളുടെ നടത്തിപ്പിന് സ്‌പോര്‍ട്‌സ് ഉപകരണങ്ങള്‍ സപ്ലൈ   ചെയ്യാന്‍ താത്പര്യമുള്ള അംഗീകൃത വിതരണക്കാരില്‍ നിന്നും വിദ്യാഭ്യാസ ഉപഡയറക്ടര്‍ ദര്‍ഘാസ് ക്ഷണിച്ചു. വിശദവിവരങ്ങള്‍ക്ക് ETENDERS.kerala.gov.in Window No. Tender ID2018_PDT_194126_1 സന്ദര്‍ശിക്കുക.
                                            

കൊച്ചി: ഹൈസ്‌കൂള്‍ മുതല്‍ ഹയര്‍ സെക്കന്ററി തലം വരെയുള്ള വിദ്യാര്‍ത്ഥികള്‍ക്കായി 'കൃഷിയെന്ന പൈതൃകം' എന്ന വിഷയത്തില്‍ ലേഖന മത്സരം നടത്തുന്നു. കയ്യെഴുത്തു പ്രതി എട്ടു പേജിലും ടൈപ്പുചെയ്തത് അഞ്ചു പേജിലും കൂടരുത്. രചയിതാവിന്റെ പേരും വിലാസവും ഫോണ്‍ നമ്പറും ലേഖനത്തില്‍ ചേര്‍ക്കാതെ പ്രത്യേകപേജില്‍ മാത്രമെഴുതിയൂം സ്‌കൂള്‍ മേലധികാരിയുടെ സാക്ഷിപത്രത്തോടൊപ്പം, പത്രാധിപര്‍, കേരള കര്‍ഷകന്‍, ഫാം ഇന്‍ഫര്‍മേഷന്‍ ബ്യൂറോ, കവടിയാര്‍, തിരുവനന്തപുരം -3 അല്ലെങ്കില്‍ editorkkfib@gmail.com എന്ന ഇ-മെയില്‍ വിലാസത്തിലോ മാര്‍ച്ച് 10നകം അയക്കേണ്ടതാണ്.

    വാട്ടര്‍ അതോറിറ്റി പത്തനംതിട്ട ഡിവിഷന്റെ പരിധിയിലുള്ള ഗാര്‍ഹിക ഗാര്‍ഹികേതര ഉപഭോക്താക്കളുടെ വെള്ളക്കരം കുടിശിക തീര്‍പ്പാക്കുന്നതിന് ഈ മാസം 20ന് രാവിലെ ഒമ്പത് മുതല്‍ വൈകിട്ട് അഞ്ച് വരെ പത്തനംതിട്ട ഡിവിഷന്‍ ഓഫീസ് പരിസരത്ത് അദാലത്ത് നടത്തും. ഈ മാസം 13ന് മുമ്പ് പത്തനംതിട്ട, കോന്നി, റാന്നി, വടശേരിക്കര സെക്ഷന്‍ ഓഫീസുകളിലും പത്തനംതിട്ട/റാന്നി സബ്ഡിവിഷനുകളിലും അപേക്ഷ സ്വീകരിക്കും. 
                                                   

യുവജന ക്ഷേമ ബോര്‍ഡിന്റെ നേതൃത്വത്തില്‍ ജില്ലയിലെ യൂത്ത് ക്ലബ്ബ് പ്രതിനിധികളുടെ യോഗം ഇന്ന് (ഏഴിന്) ഉച്ചക്ക് 2.30ന് കളക്‌ട്രേറ്റിന് സമീപമുള്ള എന്‍ജിഒ അസോസിയേഷന്‍ ഹാളില്‍ ജില്ലാ കളക്ടര്‍  ആര്‍.ഗിരിജ ഉദ്ഘാടനം ചെയ്യും. യുവജന ക്ഷേമ ബോര്‍ഡ് ജില്ലാ യൂത്ത് പ്രോഗ്രാം ഓഫീസര്‍ ആര്‍.ശ്രീലേഖ, ഹരിത കേരളം മിഷന്‍ ജില്ലാ കോര്‍ഡിനേറ്റര്‍ ആര്‍.രാജേഷ്, ജനകീയാസൂത്രണം ജില്ലാ കോര്‍ഡിനേറ്റര്‍ എം.കെ.വാസു, യുവജനക്ഷേമബോര്‍ഡ് ജില്ലാ കോര്‍ഡിനേറ്റര്‍ അഡ്വ. ആര്‍.ജയന്‍ എന്നിവര്‍ സംസാരിക്കും. ഫോണ്‍:0468-2231938.                                  

    കര്‍ഷക രജിസ്‌ട്രേഷന്‍ ചെയ്തിട്ടില്ലാത്ത കര്‍ഷകര്‍ ഫോട്ടോ, ആധാര്‍ കാര്‍ഡ്, റേഷന്‍ കാര്‍ഡ്, കരം രസീത് (പുതിയത്), ഏതെങ്കിലും ദേശസാല്‍കൃത ബാങ്കിന്റെ പാസ് ബുക്ക് എന്നിവ സഹിതം അടുത്തുള്ള കൃഷിഭവനില്‍ ഈ മാസം 15നകം രജിസ്റ്റര്‍ ചെയ്യണം. കൃഷിവകുപ്പിന്റെ ആനുകൂല്യങ്ങള്‍ ഓണ്‍ലൈനായി ലഭിക്കുന്നതിന് കര്‍ഷക രജിസ്‌ട്രേഷന്‍ നിര്‍ബ ന്ധമാണെന്ന് പ്രിന്‍സിപ്പല്‍ കൃഷി ഓഫീസര്‍ അറിയിച്ചു.