കൊല്ലം ഇന്‍ഡസ്ട്രിയല്‍ ട്രിബ്യൂണല്‍ സുനിത വിമല്‍ മാര്‍ച്ച് 24ന് പീരുമേട് സിറ്റിംഗ് നടത്തും. തൊഴില്‍ തര്‍ക്ക കേസുകളും എംപ്ലോയീസ് ഇന്‍ഷുറന്‍സ് കേസുകളും കോമ്പന്‍സേഷന്‍ കേസുകളും പരിഗണിക്കും.

മനുഷ്യാവകാശ കമ്മീഷന്‍ സിറ്റിംഗ് മാര്‍ച്ച് 22ന് കോട്ടയത്ത് റസ്റ്റ് ഹൗസില്‍ നടക്കും. കമ്മീഷനംഗം കെ മോഹന്‍കുമാര്‍ പരാതികള്‍ പരിഗണിക്കും.

കണ്‍സ്യൂമര്‍ ഫെഡ് നൂറ്ശതമാനം നഷ്ടത്തില്‍ എന്ന തലക്കെട്ടില്‍ മാര്‍ച്ച് ആറിന് ഒരു ദിനപത്രം പ്രസിദ്ധീകരിച്ച വാര്‍ത്ത വസ്തുതാ വിരുദ്ധമാണെന്ന് ചെയര്‍മാന്‍ എം.മെഹബൂബ് അറിയിച്ചു. ഇത് പൊതുജനങ്ങളില്‍ കണ്‍സ്യൂമര്‍ഫെഡിന്റെ കഴിഞ്ഞകാല പ്രവര്‍ത്തനത്തിലൂണ്ടായ വളര്‍ച്ചയെക്കുറിച്ച് തെറ്റിദ്ധാരണ ഉണ്ടാകുന്നതാണെന്ന് അദ്ദേഹം പറഞ്ഞു.

കേന്ദ്ര ടൂറിസം മന്ത്രാലയവും കിറ്റ്‌സും സംയുക്തമായി സംസ്ഥാനത്തുടനീളം നടപ്പിലാക്കുന്ന സ്റ്റോക്ക്‌ഹോള്‍ഡേഴ്‌സിനുള്ള ടൂറിസം ബോധവത്കരണ പരിപാടിയുടെ ഉദ്ഘാടനം ടൂറിസം-സഹകരണ മന്ത്രി കടകംപള്ളി സുരേന്ദ്രന്‍ ഇന്ന് (മാര്‍ച്ച് ഏഴ്) വൈകിട്ട് നാല് മണിക്ക് നിര്‍വഹിക്കും.  മെഡിക്കല്‍ കോളേജ് ജംഗ്ഷനിലെ ഇളങ്കാവ് അമ്പലം ഹാളില്‍ നടക്കുന്ന ചടങ്ങില്‍ മേയര്‍ വി.കെ. പ്രശാന്ത് അധ്യക്ഷത വഹിക്കും.  ഡോ: ശശിതരൂര്‍ എം.പി മുഖ്യാതിഥിയാകും.  

പി.എന്‍.എക്‌സ്.841/18

തലസ്ഥാന ജില്ലയിലെ പട്ടിക വര്‍ഗ വിഭാഗങ്ങള്‍ക്കിടയിലെ പദ്ധതികള്‍ സംബന്ധിച്ച് ജില്ലാ ആസൂത്രണ സമിതി റിപ്പോര്‍ട്ടിലെ വസ്തുതകളില്‍ വിശദമായ അന്വേഷണം നടത്തി പത്തു ദിവസത്തിനുള്ളില്‍ റിപ്പോര്‍ട്ട് ലഭ്യമാക്കാന്‍ പട്ടികവര്‍ഗ വികസന വകുപ്പ് ഡയറക്ടറോട് സംസ്ഥാന പട്ടികജാതി-പട്ടികവര്‍ഗ കമ്മീഷന്‍ നിര്‍ദേശിച്ചു.  റിപ്പോര്‍ട്ടിന്റെ അടിസ്ഥാനത്തില്‍ കമ്മീഷന്‍ നടപടി സ്വീകരിക്കും.

പി.എന്‍.എക്‌സ്.840/18