കൊച്ചി: വാട്ടര്‍ സപ്‌ളൈ ഡിവിഷന്‍, കൊച്ചി -18- ന്റെ ആഭിമുഖ്യത്തില്‍ മാര്‍ച്ച് 16-ന് തൃപ്പൂണിത്തുറ സബ്ഡിവിഷന്‍ ഓഫീസില്‍ റവന്യു അദാലത്ത് സംഘടിപ്പിക്കും. വെള്ളക്കര ഇനത്തില്‍ ആക്ഷേപമുള്ള തൃപ്പൂണിത്തുറ സബ്ഡിവിഷന്റെ കീഴിലുള്ള എല്ലാ ഉപഭോക്താക്കളും അദാലത്തിലേക്കുള്ള അപേക്ഷ മാര്‍ച്ച് 12-നകം തൃപ്പൂണിത്തുറ എസ് എന്‍ ജംഗ്ഷനിലുള്ള വാട്ടര്‍ സപ്‌ളൈ സബ്ഡിവിഷന്‍ ഓഫീസില്‍ നല്കണമെന്ന് അസി എക്‌സിക്യൂട്ടീവ് എഞ്ചിനീയര്‍ അറിയിച്ചു. 

  കൊച്ചി:     നോര്‍ത്ത് പറവൂര്‍ ഐസിഡിഎസ് പ്രൊജക്ടിലെ 179 അങ്കണവാടികളിലേക്ക് 2017-18-ല്‍ ആവശ്യമായ പ്രീ സ്‌കൂള്‍ കിറ്റുകള്‍ വിതരണം ചെയ്യുന്നതിന് തയ്യാറുള്ള വ്യക്തികള്‍/സ്ഥാപനങ്ങള്‍ എന്നിവയില്‍ നിന്ന് മത്സരസ്വഭാവമുള്ള മുദ്രവച്ച ടെണ്ടറുകള്‍ ക്ഷണിച്ചു. ടെണ്ടര്‍ഫോറം നല്കുന്ന അവസാന തീയതി മാര്‍ച്ച് 15 ഉച്ചയ്ക്ക് 12 മണി. ടെണ്ടര്‍ സ്വീകരിക്കുന്ന അവസാന തീയതി മാര്‍ച്ച് 15 ഉച്ചയ്ക്ക് 2 മണി.

  കൊച്ചി:     നാഷണല്‍ ഇന്‍ഫര്‍മാറ്റിക്‌സ് ജില്ലാ കേന്ദ്രത്തില്‍ സോഫ്റ്റ്‌വെയര്‍ വികസിപ്പിക്കുന്ന ജോലികള്‍ക്കായി ഇന്‍ഫര്‍മേഷന്‍ ടെക്‌നോളജി, കമ്പ്യൂട്ടര്‍ സയന്‍സ് എന്നീ മേഖലകളില്‍ ബി ടെക്, ബിഇ, എംസിഎ, എംഎസ്‌സി തുടങ്ങിയ യോഗ്യതയുള്ളവരില്‍ നിന്നും അപേക്ഷ ക്ഷണിച്ചു. രണ്ട് ഒഴിവുകളാണ് ഉള്ളത്.

കൊച്ചി:    എറണാകുളം ജനറല്‍ ആശുപത്രിയിലേക്ക് ബിസിവിടി/ ഡിസിവിടി യോഗ്യതയും എക്കോ, ടിഎംടി, ഹോള്‍ഡര്‍, കാത്ത്‌ലാബ് എന്നിവയില്‍ പ്രാവീണ്യവും രണ്ടു വര്‍ഷത്തെ പ്രവൃത്തിപരിചയവുമുള്ള കാത്ത്‌ലാബ് ടെക്‌നീഷ്യനെ കരാര്‍ അടിസ്ഥാനത്തില്‍ താത്കാലികമായി നിയമിക്കുന്നു. താത്പര്യമുള്ളവര്‍ ഒറിജിനല്‍ സര്‍ട്ടിഫിക്കറ്റുകള്‍ സഹിതം മാര്‍ച്ച് 9 രാവിലെ 11-ന് സൂപ്രണ്ടിന്റെ ഓഫീസില്‍ നടത്തുന്ന വാക്ക്-ഇന്‍-ഇന്റര്‍വ്യുവില്‍ പങ്കെടുക്കണം.

പട്ടികജാതി വികസന വകുപ്പിന്റെ നിയന്ത്രണത്തില്‍ തിരുവനന്തപുരം മണ്ണന്തലയില്‍ പ്രവര്‍ത്തിക്കുന്ന ഗവണ്‍മെന്റ് പ്രീ-എക്‌സാമിനേഷന്‍ ട്രെയിനിംഗ് സെന്ററില്‍ ഏപ്രില്‍, മേയ് മാസങ്ങളില്‍ മെഡിക്കല്‍/എഞ്ചിനീയറിംഗ് എന്‍ട്രന്‍സ് പരീക്ഷയ്ക്ക് സൗജന്യ പരിശീലനം നല്‍കും. തിരുവനന്തപുരം, കൊല്ലം, പത്തനംതിട്ട ജില്ലകളില്‍ പട്ടികജാതി/പട്ടികവര്‍ഗക്കാര്‍ക്കും ഒരു ലക്ഷം രൂപ വരെ കുടുംബ വാര്‍ഷിക വരുമാനമുള്ള പിന്നാക്ക ന്യൂനപക്ഷ വിഭാഗക്കാര്‍ക്കും അപേക്ഷിക്കാം.

കേരള സംസ്ഥാന ജൈവവൈവിധ്യ ബോര്‍ഡ് നല്‍കി വരുന്ന ജൈവവൈവിധ്യ പുരസ്‌കാരങ്ങള്‍ക്ക് (2017-18 വര്‍ഷത്തെ) അപേക്ഷ സമര്‍പ്പിക്കുന്നതിനുള്ള അവസാന തീയതി മാര്‍ച്ച് 20 വരെ നീട്ടി.  അപേക്ഷകളും അനുബന്ധ രേഖകളും മാര്‍ച്ച് 20 നു മുമ്പായി ലഭിക്കണം.  വിലാസം : മെമ്പര്‍ സെക്രട്ടറി, കേരള സംസ്ഥാന ജൈവവൈവിധ്യ ബോര്‍ഡ്, എല്‍-14, ജയ്‌നഗര്‍, മെഡിക്കല്‍ കോളേജ് പി.ഒ, തിരുവനന്തപുരം - 695011 ഫോണ്‍ : 0471 - 2554740. വിശവിവരങ്ങളും അപേക്ഷയുടെ മാതൃകയും www.keralabiodiversity.org എന്ന വെബ്‌സൈറ്റില്‍.

പി.എന്‍.എക്‌സ്.832/18

    മലമ്പുഴ ഗവ.ഐ.റ്റി.ഐ.യില്‍ ഇലക്ട്രീഷന്‍, ഇലക്ട്രോണിക് മെക്കാനിക്, ഇന്‍സ്ട്രുമെന്‍റ് മെക്കാനിക്, മെക്കാനിക് ട്രാക്റ്റര്‍, അരിത്തമാറ്റിക് കം ഡ്രോയിങ് വിഷയങ്ങളില്‍ ഗസ്റ്റ് ഇന്‍സ്ട്രക്റ്റര്‍ ഒഴിവുണ്ട്. ബന്ധപ്പെട്ട ട്രേഡില്‍ എന്‍.റ്റി.സി.യും മൂന്ന് വര്‍ഷത്തെ പ്രവൃത്തി പരിചയവും അല്ലെങ്കില്‍ എന്‍.എ.സി.യും ഒരു വര്‍ഷത്തെ പ്രവൃത്തി പരിചയവും അല്ലെങ്കില്‍ ഡിപ്ലൊമ/ബിരുദം യോഗ്യതയുള്ളര്‍ക്ക് അപേക്ഷിക്കാം. താത്പര്യമുള്ളവര്‍ സര്‍ട്ടിഫിക്കറ്റുകളുമായി മാര്‍ച്ച് ഏഴ് രാവിലെ 11ന് നടക്കുന്ന കൂടിക്കാഴ്ച്ചയ്ക്കെത്തണമെന്ന് പ്രിന്‍സിപ്പല്‍ അറിയിച്ചു.

എല്‍.ബി.എസ്. തിരുവനന്തപുരം ഹെഡ് ക്വാര്‍ട്ടേഴ്‌സിലേക്ക് ടാലി, ഡി.എഫ്.സി.എ കോഴ്‌സുകള്‍ പഠിപ്പിക്കുവാന്‍ ഗസ്റ്റ് ലക്ചറര്‍മാരെ ആവശ്യമുണ്ട്.  എം.കോം ഫസ്റ്റ് ക്ലാസ്സ് ബിരുദവും ടാലി കോഴ്‌സും അല്ലെങ്കില്‍ ബി.കോം ഫസ്റ്റ് ക്ലാസ്സും ഡി.എഫ്.സി.എ കോഴ്‌സും വിജയവും ഈ കോഴ്‌സില്‍ അധ്യാപന പരിചയവും ഉള്ളവരെയാണ് തെരെഞ്ഞെടുക്കുന്നത്.

അപേക്ഷകര്‍ യോഗ്യതയും മുന്‍പരിചയവും തെളിയിക്കുന്ന സര്‍ട്ടിഫിക്കറ്റുകളുടെ പകര്‍പ്പുകള്‍, ബയോഡേറ്റാ എന്നിവ സഹിതം ഇന്ന് (മാര്‍ച്ച് ഏഴ്) രാവിലെ 11 ന് എല്‍.ബി.എസ്. സെന്ററിന്റെ തിരുവനന്തപുരം കേന്ദ്രത്തില്‍ ഹാജരാകണം.

പി.എന്‍.എക്‌സ്.831/18